အသက်အရွယ် ကြီးလာတဲ့အခါမှာ အမျိုးသားအများစုဟာ ထိပ်ပြောင်တဲ့ လက္ခဏာကို စတင်တွေ့ကြုံရပါတယ်။ ဟော်မုန်းအပြောင်းအလဲ၊ ထိပ်ပြောင်တဲ့ မျိုးရိုးဗီဇလိုက်တဲ့ ဆယ်ကျော်သက် ကောင်လေးတွေ၊ လူငယ်လူရွယ်တွေမှာလည်း စောစီးစွာ ထိပ်ပြောင်တတ်တဲ့ လက္ခဏာတွေ ဖြစ်တဲ့ နဖူးထိပ်နားကနေ ဆံပင်တွေ ပါးလာတာ၊ နဖူးဆံစပ်ကနေ ဆံပင်တွေ နောက်ပြန်ကျတာ၊ ပြန်မပေါက်တော့တာ အစရှိတဲ့ လက္ခဏာတွေကို တွေ့ရပါတယ်။
ဆံပင်သန်စွမ်းမှု ခေတ္တရပ်တန့်သွားခြင်း
စိတ်ဖိစီးမှု ပြင်းပြင်းထန်ထန် ခံစားရတဲ့အချိန်၊ ခွဲစိတ်ကုသမှုခံယူနေချိန်၊ အဖြစ်အပျက် တစ်စုံတစ်ရာကြောင့် စိတ်တုန်လှုပ်ခြောက်ခြားသွားတဲ့အခါ ဆံပင်သန်စွမ်းမှု၊ ဆံပင်ရှည်တာ ခဏတာ ရပ်တန့်သွားပါတယ်။ ဒီပြဿနာအရင်းခံကြောင့် နောက်ပိုင်း ဆံပင်တွေ အများအပြား ကျွတ်လာတဲ့အခါမှ လူတော်တော်များများက သတိထားမိတတ်ပါတယ်။
အရေပြားမှိုရောဂါ စွဲကပ်ခြင်း
ဦးရေပြားမှာ ပွေးကဲ့သို့ မှိုအရေပြားရောဂါ ကူးစက်ခံရတဲ့အခါမျိုးမှာလည်း ဆံပင်တွေ အကွက်လိုက် ကျွတ်တာမျိုး ဖြစ်နိုင်ပါတယ်။ အရေပြားဆရာဝန်နဲ့ သေချာပြသပြီး သောက်ဆေး၊ လိမ်းဆေး သေချာသုံးစွဲဖို့ လိုအပ်ပါတယ်။ အဓိက မှိုရောဂါကြောင့် ဆံပင်ကျွတ်တာဖြစ်တဲ့အတွက် ဒီပြဿနာ အမြစ်ပြတ်ပျောက်သွားမယ်ဆိုရင် ဆံပင်က ပြန်ပေါက်လာမှာပါ။
ကျန်းမာရေးပြဿနာ
ကိုယ်ခံအားစနစ်ဟာ ဆံသားမွေးညှင်းပေါက်တွေကို တိုက်ခိုက်ခြင်းကြောင့် ဆံပင်ကျွတ်နိုင်ပါတယ်။ ဒီပြဿနာကို ဖြစ်စေတဲ့ အကြောင်းရင်းအတိအကျကိုတော့ လေ့လာနိုင်ခြင်း မရှိသေးပေမယ့် ဆေးဝါးအထောက်အကူနဲ့ ဆံပင်ကျွတ်တာနည်းအောင်၊ ဆံပင်ပြန်ပေါက်လာအောင် ထိန်းထားနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။