Human Papillomavirus (Hpv) (Human Papilloma ဗိုင်းရပ်စ်)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အဓိပ္ပါယ်ဖွင့်ဆိုချက်

Human Papillomavirus (Hpv) (Human Papilloma ဗိုင်းရပ်စ်) ကဘာလဲ။

HPV သည် ဗိုင်းရပ်စ်ပိုးတစ်မျိုးဖြစ်ပြီး ကြွက်နို့နှင့် ကင်ဆာရောဂါဖြစ်ပွားစေနိုင်ပါသည်။ ဤဗိုင်းရပ်စ်သည် လိင်မှတစ်ဆင့်ကူးစက်နိုင်၏။ HPV အမျိုးအစားများစွာရှိသည်။ တစ်ချို့သည် ကြွက်နို့နှင့်သားအိမ်ခေါင်းကင်ဆာ ဖြစ်စေနိုင်၏။

Human Papillomavirus (Hpv) (Human Papilloma ဗိုင်းရပ်စ်) က ဘယ်လောက်အဖြစ်များသလဲ

အမျိုးသားရော အမျိုးသမီးပါ HPV ပိုးကူးစက်ခံနိုင်ရပါသည်။ ကြွက်နို့များသည် များသောအားဖြင့် မြီးကောင်ပေါက်နှင့် ငယ်ရွယ်သူများတွင် လိင်ဆက်ဆံလျှင် ဖြစ်ပေါ်တတ်ပါသည်။ ကြွက်နို့ဖြစ်ပေါ်နှုန်းသည် အမျိုးသားများတွင် အသက် ၂၀ မှ ၂၄ နှစ်အတွင်း၊ အမျိုးသမီးများတွင် အသက် ၁၆ မှ ၁၉ အတွင်းအမြင့်ဆုံးဖြစ်သည်။

လက္ခဏာများ

Human Papillomavirus (Hpv) (Human Papilloma ဗိုင်းရပ်စ်) ရဲ့လက္ခဏာတွေကဘာတွေလဲ

HPV သည် မကုသဘဲနှင့်လည်း ပျောက်ကင်းတတ်ပါသည်။ သို့သော် HPV ပိုးအမျိုးမျိုးရှင်သန်နေနိုင်ပြီး လိင်အင်္ဂါကြွက်နို့နှင့် ကင်ဆာ
ဖြစ်စေနိုင်သော အခြေအနေများလည်းရှိ၏။ လိင်အင်္ဂါကြွက်နို့များသည် ဖားပြုပ်ဖုလောက်သေးငယ်သောအရွယ်မှစဖြစ်နိုင်ပြီး ကွဲအက်
ခြင်း၊ သွေးထွက်ခြင်း၊ အနာဖြစ်ခြင်း၊ အသားမာခြင်းတို့ဖြစ်စေနိုင်ပြီးရက်အနည်းငယ်အတွင်းပျောက်သွားပါမည်။

ဒဏ်ရာနှင့်အနာများအပြင်တုပ်ကွေး ပါဖြစ်တတ်သည်။ ထို့ကြောင့် လက္ခဏာများသည် ဖျားခြင်း၊ ပြန်ရည်ကျိတ်များရောင်ခြင်းတို့နှင့် ဆင်ဆင်တူကောင်း တူနိုင်သည်။ ကြွက်နို့ကို အတွင်းဘက်မှာပေါက်သောအမွေးကြောင့်ဖြစ်သော ဝက်ခြံနှင့် အလွယ်တကူမှားနိုင်ပါသည်။

HPVကြောင့်ဖြစ် သော ကင်ဆာအများစုသည် သားအိမ်ခေါင်းကင်ဆာဖြစ်စေသည်။ လည်ပင်းနှင့် လျှာကင်ဆာလဲဖြစ်နိုင်သည်။ သားအိမ်ခေါင်းကင်ဆာ ၏လက္ခဏာများတွင် သွေးနှင့်အရည်များမိန်းမကိုယ်မှကျခြင်းတို့ပါဝင်ပါသည်။ ရာသီချိန်မဟုတ်ပဲသွေးဆင်းခြင်း၊ လိင်ဆက်ဆံပြီးနောက်သွေးဆင်းခြင်းနှင့် သွေးဆုံးပြီးနောက်သွေးပြန်ဆင်းခြင်းတို့ ဖြစ်နိုင်သည်။

ထို့ပြင် အခြားလက္ခဏာများဖြစ်သော ဗိုက်အောက်ပိုင်း သို့မဟုတ် တင်ပါးဆုံအောက်ပိုင်းနာကျင်ခြင်း၊ လိင်ဆက်ဆံစဉ်နာခြင်းတို့လဲ ဖြစ်နိုင်ပါသည်။
အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်းရှိနိုင်ပါသေးသည်။ အကယ်၍ကိုယ့်ဆီတွင် ရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုပါက ဆရာဝန်နှင့်ဆွေးနွေးတိုင်ပင်သင့်ပါသည်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင်၏လတ်တလောဆက်ဆံဖော်၊အရင်ကလက်တွဲဖော် (သို့)သင်ကိုယ်တိုင်တွင် HPV ဗိုင်းရပ်စ်ပိုးရှိတယ်လို့သံသယရှိပါက ဆရာဝန်နှင့်ချက်ချင်းဆက်သွယ်ပါ။ လက္ခဏာများမရှိလျှင်တောင်မှ ကိုယ်တိုင်စမ်းသပ်ပုံနည်းလမ်းများနှင့် ပိုးကူးစက်လျှင် လုပ်ရမည့်နည်းလမ်းများကိုအကြံဉာဏ်တောင်းခံနိုင်သည်။

HPV ကူးစက်ခြင်းအတွက် ရောဂါရှာဖွေရန် လုပ်ရမည်များကိုလေ့လာပါ။ တခြားသူများဆီမကူးစက်စေရန် မိမိ၌ HPV ကူးစက်မှုမရှိဆိုတာမသေချာမချင်းလိင်ဆက်ဆံခြင်းကိုရှောင်ကြဉ်ပါ။

အကြောင်းရင်းများ

Human Papillomavirus (Hpv) (Human Papilloma ဗိုင်းရပ်စ်) ကိုဘာတွေကဖြစ်စေသလဲ

HPV ဟုခေါ်သောဗိုင်းရပ်စ်ပိုးသည် ကြွက်နို့များကို ဖြစ်စေနိုင်သည်။ အမျိုးအစား ၆၊ ၁၁၊ ၁၆ နှင့် ၁၈ တို့သည် လိင်အင်္ဂါကြွက်နို့နှင့် သားအိမ်ခေါင်းကင်ဆာများ ဖြစ်ပွားစေနိုင်ပါသည်။

HPV သည် လိင်မှတစ်ဆင့်ကူးစက်၏။ ဗိုင်းရပ်စ်ပိုးသည် လက္ခဏာမပြသည့်ပိုးသယ်ဆောင်သူလူများမှ ပျံ့နှံ့နိုင်သည်။ ကြွက်နို့နှင့်သားအိမ်ခေါင်းကင်ဆာများသည် HPV ပိုးကူးပြီးနောက် နှစ်ပေါင်းများစွာကြာမှပေါ်လာခြင်းလဲ ဖြစ်နိုင်ပါသည်။

Risk factors

Human Papillomavirus (Hpv) (Human Papilloma ဗိုင်းရပ်စ်) ဖြစ်နိုင်ခြေကိုဘာတွေက မြင့်တက်စေသလဲ

HPV ဖြစ်ပွားနှုန်းကို မြင့်မားစေသည့်အချက်အလက်များကိုသတ်မှတ်ရန်လုံလောက်သည့် သတင်းအချက်အလက်များမရရှိသေးပါ။ အသက်အရွယ် လိင်မရွေး ရောဂါပိုးကူးစက်ခံရနိုင်ပါသည်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Human Papillomavirus (Hpv) (Human Papilloma ဗိုင်းရပ်စ်) ကို ဘယ်လိုအတည်ပြုပါသလဲ

HPV ဗိုင်းရပ်စ် လူတွင်ကူးစက်မှုရှိမရှိ စမ်းသပ်နိုင်သည့် စစ်ဆေးချက်မျိုးမရှိသေးပါ။ HPV ကူးစက်မှုအများစုတွင် လူနာများသည်ကြွက်နို့
ပေါ်လာမှ သို့မဟုတ် ကင်ဆာအကျိတ်ကိုစမ်းသပ်တွေ့ရှိမှသာ ကူးစက်ခံရကြောင်းသိကြခြင်းဖြစ်သည်။

လိင်အင်္ဂါကြွက်နို့ –

ဆရာဝန်သည် အရေပြားကိုကြည့်ပြီး ရောဂါအမည်တပ်နိုင်ပါသည်။ ဆရာဝန်သည် ကြွက်နို့အသားစကိုယူပြီး
အဏုကြည့်မှန်ပြောင်းနှင့် ကြည့်ရှူစမ်းသပ်ပါလိမ့်မည်။

သားအိမ်ခေါင်းကင်ဆာ –

Pap စမ်းသပ်ချက် (သားအိမ်ခေါင်းဆဲလ်ဗေဒ) သည် ကင်ဆာမတိုင်မီအစောဆုံးအခြေအနေကို တွေ့ရှိနိုင် သကဲ့သို့ သားအိမ်ခေါင်းကင်ဆာဖြစ်လာမည့် သားအိမ်ခေါင်းဆဲလ်ပြောင်းလဲမှုများကိုပါ တွေ့ရှိနိုင်ပါသည်။ Pap စမ်းသပ်ချက်ကိုအသက် ၂၁ ကတည်းကစတင်စမ်းသပ်မှုခံယူသင့်သည်။

Human Papillomavirus (Hpv) (Human Papilloma ဗိုင်းရပ်စ်) ကို ဘယ်လိုကုသပါသလဲ

ရောဂါဖြစ်စေသောဗိုင်းရပ်စ်သည် အချိန်အတော်ကြာမှ ပေါ်လာသည်ဖြစ်သောကြောင့် ကုသမှုသည် ရောဂါအမျိုးအစားပေါ်မူတည်ပါသည်။

• လိင်အင်္ဂါကြွက်နို့ –

ကြွက်နို့အားကုသရန် အရိုးရှင်းဆုံးနည်းသည် အမြှုပ် သို့မဟုတ် ခရင်မ်လိမ်းဆေးကုသမှုပင်ဖြစ်သည်။ အအေးပေးခြင်း(သို့)အပူပေးခြင်းကုထုံးများနှင့်လည်းကုသနိုင်သည်။ ကုသမှုသည် လအနည်းငယ်ကြာနိုင်သည်။

• ကင်ဆာ –

ဆရာဝန်သည် ကင်ဆာကျိတ်၏အဆင့်နှင့် လူနာ၏ရောဂါအခြေအနေပေါ်မူတည်ပြီး ကုသမှုကိုပေးပါလိမ့်မည်။ ကင်ဆာအတွက် သင်သည် အကျိတ်မပေါ်လာခင် ရောဂါဖြစ်ပွားမှုကိုကာကွယ်ရန် ပုံမှန်စစ်ဆေးမှုခံယူသင့်သည်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မုယော ရဲ့ကျန်းမာရေး အာနိသင်

မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်။ အုန်းသီးကတင် စားလို့ရပြီး ဆေးဖက်ဝင်တာ မဟုတ်ပါဘူး။ အုန်းလက်၊ အုန်းမြစ်တွေကရော ဘယ်လို ဆေးဖက်ဝင်တာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး တွေက ဘာတွေများ ဖြစ်မလဲ။ မျက်လုံး ဓာတ်မတည့်မှုကို မြန်မြန် သက်သာစေနိုင်ဖို့အတွက် ......

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 11, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read