ကွန်ဒုံးပေါက် သွားမှန်း ဘယ်လိုသိနိုင်မလဲ
ကွန်ဒုံးပေါက်သွားမှန်းကို အရင်သိတာကတော့ ကွန်ဒုံးစွပ်ထားတဲ့သူပါ။ ကိုယ့်ရဲ့ ပါတနာကတော့ သိချင်မှ သိမှာပါ။ ကွန်ဒုံးပေါက်သွားတဲ့အခါ တစ်ခုခု ပြဲသွား ဒါမှမဟုတ် ပေါက်သွားတဲ့ ခံစားချက်မျိုး ရတတ်ပါတယ်။ ဒါမှမဟုတ် သုံးနေရင်းနဲ့ တစ်ခုခု ခံစားချက်ပြောင်းသွားတာကို သတိထားမိနိုင်ပါတယ်။
တကယ်လို့ ဘယ်လိုခံစားချက်လဲမသိဘူးဆိုရင် ကွန်ဒုံးစွပ်ပြီး အာသာဖြေကြည့်ပါ။ ပြီးရင် ကွန်ဒုံးကို ဖောက် ဒါမှမဟုတ် ဖြဲပြီး ဆက်လုပ်ကြည့်ပါ။ ခံစားချက်ကွာတာကို သတိထားမိမှာပါ။
ကွန်ဒုံးပေါက်မပေါက် ကြိုစစ်သင့်သလား
ဒါဆိုရင် ကွန်ဒုံးပေါက်မပေါက် ကြိုစစ်သင့်သလား။ အတူမနေခင်ဖြစ်ဖြစ်၊ အတူနေပြီးချိန်ဖြစ်ဖြစ်ပေါ့။
လက်တွေ့မှာတော့ နှစ်ခုလုံးကို လုပ်လေ့မရှိပါဘူး။ လုပ်လည်း မလုပ်သင့်ပါဘူး။ ဘာကြောင့်လဲဆိုတာ ပြောပြပါ့မယ်။
အတူမနေခင်မှာ တချို့က ကွန်ဒုံးကို ရေထည့်ကြည့်တာ၊ လေနဲ့မှုတ်သွင်းကြည့်တာတွေ လုပ်တတ်ပါတယ်။ အဲ့လိုလုပ်တာက သူ့ဟာသူ ကောင်းနေတဲ့ ကွန်ဒုံးကို ပျက်စီးစေ၊ ပေါက်ပြဲစေပါလိမ့်မယ်။ အပေါက်အပြဲလေး သေးသေးလေး ဖြစ်သွားရင်တောင် ဒီကွန်ဒုံးက သုံးဖို့ မသင့်တော့ဘူးလေ။
နောက်တစ်ခုက အတူနေပြီးချိန်မှာ စစ်တာ။ ဒါကလည်း အလားတူပါပဲ။ သုံးပြီးသား ကွန်ဒုံးကို လေနဲ့ မှုတ်ကြည့်တာက အခန့်မသင့်ရင် ကူးစက်ရောဂါတွေ ရနိုင်ပါတယ်။
ရေနဲ့လည်း ထည့်ပြီး မစမ်းပါနဲ့။ ခုနကပြောသလို ပေါက်နိုင်တာကြောင့် ရေကြောင့် ပေါက်တာလား။ နဂိုတည်းက ပေါက်နေတာလားဆိုတာ ခွဲရခက်ပါတယ်။ တကယ်သာ ပေါက်တယ်ဆိုရင် မိန်းမကိုယ် သို့ စအိုထဲကနေ ကွန်ဒုံးကို ထုတ်လိုက်တည်းက သုက်ရည်တွေ ထွက်နေတာကို တွေ့ရမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။