9 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

၉ပတ်တောင်ရှိလာပြီနော်။ ကလေးလေးရဲ့ကြီးထွားနှုန်းက ပိုမြန်လာပါပြီ။ အခုဆို စပျစ်သီးအရွယ်၂၈ ဂရမ် ၂.၅၄ စင်တီမီတာလောက် ရှိနေပါပြီ။
နှလုံးလေးကလည်း ဖွံ့ဖြိုးတာပြီးခါနီးနေပါပြီ။ အခန်း၄ခန်းပြည့်သွားပါပြီ။ အဆို့ရှင်လေးတွေလည်း ပေါ်လာလို့စပြီး ခုန်နေပါပြီ။ မေမေတွေ ဒီတိုင်းနားထောင်လို့ မကြားနိုင်ပေမယ့် ဒေါ်ပလာလို့ ခေါ်တဲ့စက်တစ်မျိုးနဲ့ဆို ကြားနိုင်ပါတယ်။ ဆရာဝန်က ကလေးရဲ့ နှလုံးခုန်သံကြားဖို့ဒီစက်ကို သုံးပါတယ်။ အဲဒီစက်နဲ့ နှလုံးခုန်သံကိုကြားရတဲ့အခါ မေမေတို့ရဲ့ကလေးလေးတစ်နေ့တစ်ခြား ကြီးပြင်းလာပြီဆိုတဲ့ စိတ်တဲ့ပျော်နေမိကြမှာပါ။

ခန္ဓါကိုယ်နဲ့ အနေအထိုင်အပြောင်းအလဲလေးများ

ခန္ဓါကိုယ်မှရော ဘာတွေဆက်ပြောင်းလဲဦးမှာပါလိမ့်

သူငယ်ချင်းတော်တော်များများက ကိုယ့်ကိုကိုယ်ဝန်ကပိုချောလာစေတယ်လို့ပြောကြပါလိမ့်မယ်။ ဖြစ်နိုင်ပါတယ်။ ကလေးလေးကို အထောက်အပံ့ပေးဖို့ခန္ဓါကိုယ်က သွေးစီးဆင်းမှု ပိုကောင်းလာလို့ပါ။ အဲဒါကြောင့် သွေးတွေက အရေပြားဆီရောက်လာပြီး နီနီရဲရဲလေးဖြစ်နေတတ်ပါတယ်။ ဒါပေမယ့် ခေါင်းမူးတာ၊ အားနည်းပြီး မူးချင်သလိုဖြစ်တာ၊ အရမ်းပူလာတာ၊ ချွေးထွက်များတာလည်းဖြစ်နိုင်ပါတယ်။ ဒါမျိုးက ဖြစ်တတ်တာတွေပါ။ လေ့လာတွေရှိချက်တွေအရ ကိုယ်ဝန်မရှိတဲ့ အမျိုးသမီးတွေမှာဆို သားအိမ်ဆီသွားတဲ့ သွေးလွှတ်ကြောမှာ သွေး ၁၀၀ မီလီလီတာရှိပါတယ်။ ကိုယ်ဝန်ဆောင်စချိန်ဆို တစ်မိနစ်ကို ၁၂၀ မီလီမီတာရှိပြီး မွေးခါနီးဆို တစ်မိနစ်ကို ၃၅၀ မီလီမီတာလောက်ထိ များလာပါတယ်။ မူးလာသလိုဖြစ်ရင် လှဲပြီးနားနေလိုက်ပါ။ ဂရုစိုက်ပေးကြပါနော်။

သိသင့်သိထိုက်တာလေးတွေ

ကိုယ်ဝန်ရှိနေပြီဆိုတာ သူများတွေကို စအသိပေးဖို့ဘယ်အချိန်က အသင့်တော်ဆုံးဖြစ်မလဲ။ လေးလလောက်ထိစောင့်တာ ကောင်းပါတယ်နော် ။ အဲချိန်ဆိုကလေးလည်း ပျက်ကျနိုင်ချေနည်းပြီး မြဲပါပြီ။ အောက်ကမေးခွန်းတွေကိုတော့ ပြင်ဆင်ထားသင့်ပါတယ်။

စိတ်ရှုပ်စရာတွေကို ခံစားနေရလား။
ခံစားနေရတယ်ဆိုရင်တော့ ဆရာဝန်ဆီ ချက်ချင်းသွားပြသင့်ပါတယ်။ နေ့စဉ်လုပ်ငန်းဆောင်တာတွေကို သတိထားပြီး လုပ်ပါ။ လုပ်ဖော်ကိုင်ဖက်တွေနဲ့ ကိုယ်ဝန်ရှိတဲ့အကြောင်း ကြိုပြောထားတာ ပိုကောင်းပါတယ်။

ပျို့အန်တာတွေရောဖြစ်လား။

ပျို့အန်တာက ပုံမှန်နီးပါကိုဖြစ်နေရင်တော့ အထက်အရာရှိကို ကြိုပြောထားတာ ပိုကောင်းပါတယ်နော်။

အလုပ်က အရမ်းအားစိုက်ရတာမျိုးလား၊ အန္တရာယ်ရှိနိုင်တာမျိုးလား။
ကိုယ်ကိုယ်တိုင်ရော ကလေးအတွက်ရော အဆင်ပြေအောင် မကြာခင် အနားယူရတော့မှာဆိုတော့ လုပ်ဖော်ကိုင်ဖက်တွေကို အခုပြောပြလိုက်ကြရအောင်။ အဲဒါဆို မန်နေဂျာကလည်း ကိုယ့်အလုပ်တွေကို တစ်ခြားလူတွေကို လွှဲပေးလိုက်တော့ ကုမ္မဏီကိုလည်း အလုပ်မပျက်တော့ဘူးပေါ့။

အထက်အရာရှိနဲ့ လုပ်ဖော်ကိုင်ဖက်တွေက ကူလုပ်ပေးနိုင်လား။
ဒါက အလုပ်အခြေနေပေါ်မူတည်ပါတယ်။ ကိုယ်ဝန်ရှိတာက အလုပ်ရော၊ အထက်အရာရှိနဲ့ဆက်ဆံရေးကို ထိခိုက်စေနိုင်ပါတယ်။ သူဋ္ဌေးက ကိုယ်ဝန်ရှိတာကိုလက်ခံပြီး အလုပ်အတွက် ညှိုနှိုင်းပေးမယ်လို့ထင်ရရ င်စောစောပြောပြီး အလုပ်နားနိုင်တဲ့အခွင့်အရေးကို အရယူလိုက်ပါ။ ဒါကပိုပြီး ကျန်းကျန်းမာမာနဲ့စိတ်ဖိစီးမှုနည်းနည်းနဲ့မွေးဖွားလာဖို့ပါ။

စိတ်မကောင်းစရာတစ်ခုကတော့ တစ်ချို့ဝန်ထမ်းတွေက ကိုယ်ဝန်ရှိတာကိုသိလည်း မသက်ညှာကြပါဘူး။ အထက်အရာရှိက ဘယ်လိုတုံ့ပြန်မလဲဆိုတာ စိတ်ပူရင်တော့သတိထားပြီး စိတ်ရှည်ရှည်နဲ့ စောင့်ပေးပေါ့နော်။ ကိုယ်ဝန်ရှိမှန်းသိတာလာတော့မှ ပြောကြတာပေါ့။ ကိုယ်ဝန်ဆောင်ဖူးတဲ့ လုပ်ဖော်ကိုင်ဖက်တွေကို အထက်အရာရှိရဲ့တုံ့ပြန်ပုံကို သိအောင်မေးမြန်းတာမျိုးလည်း လုပ်ကြည့်ကြပါနော်။

ဆရာဝန်ဆီသွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

ခေါင်းအရမ်းကိုက်နေရင်တော့ ကိုယ်ဝန်ရဲ့လက္ခဏာတွေကို အလူအလိမ့် ခံစားနေရတာပါ။ သွေးထဲမှာ ကိုယ်ဝန်ဟော်မုန်းတွေ အရမ်းများနေလို့ပါ။ အဲဒါက ခေါင်းကိုက်တာကို ပိုဆိုးစေပြီး နာကျင်မှုကိုလည်း ပိုစေပါတယ်။ ကိုယ်နဲ့ သင့်တော်တဲ့ကုသမှုကို ခံယူနိုင်ဖို့ ဆရာဝန်ကို အသိပေးကြပါနော်။ ခေါင်းကိုက်တာသက်သာအောင်လို့ ခေါင်းကိုက်စေတဲ့ အကြောင်းရင်းကို သိဖို့လိုပါတယ်။ ဒါမှရှောင်လို့ရမှာပေါ့မဟုတ်ဘူးလား။ စိတ်ဖိစီးမှု၊ ချောကလက်တွေ၊ ချီးစ်၊ ကော်ဖီတွေကပိုဆိုးစေနိုင်ပါတယ်။ ဆူညံသံ၊ တိုက်ရိုက်အလင်းရောင်၊ အနံ့တွေကိုရှောင်ဖို့ တိတ်ဆိတ်ပြီး အလင်းရောင်မရှိတဲ့အခန်းမှာ နာရီအနည်းငယ်လောက် လှဲနေကြည့်ပါနော်။

ဘယ်လိုစစ်ဆေးမှုတွေ ထပ်လိုဦးမလဲ ဆက်လေ့လာရအောင်

ကိုယ်ဝန်ဆောင်နိုင်တဲ့ အရွယ်ရောက်ပြီး သားအမျိုးသမီးတွေမှာ မိန်းမကိုယ်အနံ့ဆိုးထွက်တဲ့ ရောဂါက အဖြစ်များပါတယ်။ မိန်းမကိုယ်ထဲဘက်တီးရီးယားပိုးတွေ ဝင်လို့ဖြစ်ရတာပါ။ ကိုယ်ဝန်ရှိတဲ့ အမျိုးသမီး ၅ယောက်မှာဆို ၁ယောက်က ဒီရောဂါကိုခံစားရပါတယ်။
ဒီရောဂါလက္ခဏာတွေကို မခံစားဖူးတာလည်းဖြစ်နိုင်ပေမယ့် ခံစားနေရပြီဆိုရင်တော့ ငါးညှီနံ့လိုမျိုး အဖြူ ဒါမှမဟုတ် ခဲရောင်အချွဲတွေ ဆင်းပါလိမ့်မယ်။ လိင်ဆက်ဆံပြီးရင် ဒီအနံ့က ပိုသိသာပါတယ်။ မိန်းမကိုယ်ယားတာတွေလည်း ဖြစ်တတ်ပါတယ်။
ဒီရောဂါက ပျက်ကျတာ သန္ဓသားကို ဝန်းရံထားတဲ့ အမြှေးပါပြဲတာတွေပိုဖြစ်စေနိုင်ပါတယ်။ မိန်းမကိုယ်မှာရောဂါရှိနိုင်တဲ့ လက္ခဏာတွေဖြစ်နေရင် ဆရာဝန်ကို ချက်ချင်းပြောပြကြပါ။ ပဋိဖီဝဆေးတွေနဲ့ လွယ်လွယ်ကူကူ ကုလို့ရပါတယ်။ စောစောစီးစီးသိတာက ပျက်ကျနိုင်ခြေကို လျှော့ချပေးနိုင်ပါတယ်။

ကျန်းမာဘေးကင်းအောင် နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ
ကိုယ်ဝန်ရှိနေတုန်း စိတ်ပူရမှာတွေ အများကြီးရှိမှာပေါ့။ အဲဒီထဲမှာ ဒါတွေလည်း ပါမှာပေါ့။

ပုရွက်ဆိတ်၊ ပိုးဟပ်ဖြန်းဆေးတွေ
ဖြန်းဆေးတွေမှာ အဓိကပါတာက ပိုးသတ်ဆေးတွေ၊ ဓါတုပစ္စည်းတွေဆို ကိုယ်ဝန်ကို ဘေးဖြစ်စေနိုင်ပါတယ်။ ဒါပေမယ့် လေ့လာမှုတွေကို တိရစ္ဆာန်လေးတွေမှာပဲလုပ်ထားတာဆိုတော့ လုူတွေမှာလည်း အဆိပ်ဖြစ်စေနိုင်တယ်လို့ပြောဖို့ခက်ပါတယ်။

အခိုးအငွေ့တွေ
ဒီအချက်ကိုလည်း သိပ္ပံပညာရှင်တွေ သက်သေပြထားတာ မရှိသလောက်ပါဘဲ။ ဒါပေမယ့် ကာကွယ်ထားတာက အကောင်းဆုံးမို့ အိမ်မှာ အသားကင်တဲ့အခါကျရင် သတ်မှတ်ထားတဲ့ အချိန်ထက်ပိုပြီးရှောင်နေတာ ပိုကောင်းပါတယ်။

ဆေးဖက်ဝင် လက်ဖက်ရည်
ဒီလက်ဖက်ရည်တွေက ဘေးဖြစ်စေနိုင်တယ်လို့တော့ တွေးထားတာမျိုးမရှိပေမယ့် ဆေးအာနိသင်ရှိတဲ့ပစ္စည်းတွေပါတဲ့ လက်ဖက်ရည်ကို ရှောင်ပေးသင့်ပါတယ်။ သားအိမ်ကျုံ့စေတာ ရာသီလာစေနိုင်တဲ့
အာနိသင်ပါတဲ့ ဂရင်းတီးတွေ အပင်ကထုတ်တဲ့ လက်ဖက်ရေတွေကို ရှောင်ပေးတာ ကောင်းပါတယ်နော်။

၁၀ပတ်မှာ ကလေးနဲ့ မေမေရဲ့အပြောင်းအလဲတွေကို ဆက်ကြည့်ရအောင်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ကိုယ်ဝန်ဆောင်ချိန်မှာ ခံစားရနိုင်တဲ့ နာကျင်ကိုက်ခဲမှုတွေကို သက်သာစေမယ့် နည်းလမ်းကောင်း တစ်ရပ်ကတော့ လေ့ကျင့်ခန်း လုပ်တာပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ကိုယ်ဝန်ဆောင်အားဆေးကို ဘယ်လိုရွေးချယ်သင့်သလဲ

    ဖောလိတ် ကိုယ်ဝန်ဆောင်ကာလ ကိုယ်ဝန်ဆောင်အားဆေး Omega 3 ဗီတာမင် B12 ကိုလင်း Choline အိုင်အိုဒင်း ဗီတာမင် D3 ဘိုင်အိုတင် သံဓာတ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ကိုယ်ဝန်ဆောင်ကာလ ရှောင်ကြဉ်သင့်သည်များ

    ကိုယ်ဝန်ဆောင်ကာလ ဆေးလိပ်မသောက်ပါနှင့် တိရစ္ဆာန်များနဲ့ထိတွေ့ခြင်း ကဖိန်းများများမသောက်ပါနှင့် နို့ထွက်ပစ္စည်းတွေ ရေနွေးစိမ်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ကိုယ်ဝန်ဆောင်မေမေ နွားနို့သောက်ပါလို့ ပြောရတဲ့ အကြောင်းအရင်း

    ကိုယ်ဝန်ဆောင်မေမေ နွားနို့သောက်ပါလို့ ကိုယ်ဝန်ဆောင်ချိန် ဉာဏ်ကောင်းစေဖို့ နွားနို့ ပရိုတင်း အစားအသောက် ဘေဘီလေး အရိုးနဲ့သွား ကယ်လ်ဆီယမ် ဗီတာမင်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    တန်ဆေးလွန်ဘေး ဗီတာမင်ဘေး

    တန်ဆေးလွန်ဘေး ဗီတာမင်ဘေး

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် နိုဝင်ဘာ 26, 2020 . 3 mins read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်ချိန် ခေါင်းကိုက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 5, 2020 . 2 mins read