10 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

ဒီအပတ်မှာ ၇ဂရမ်၊ ၂.၅၄စင်တီမီတာလောက်ရှိပါပြီ။ ၁၀ပတ်မြောက်မှာ အင်္ဂါအစုံပေါ်နေပါပြီ။ ဒါပေမယ့် ဆက်ကြီးထွားလာဖို့တော့ လိုပါသေးတယ်နော်။ ခြေထောက်မှာ ဒူးတွေခြေချင်းဝတ်တွေဖြစ်လာဖို့အရိုး၊ အရိုးနုတွေစဖြစ်လာပါပြီ ။ တစ်ချိန်တည်းမှာ လက်မောင်းတွေက ပုံပေါ်လာပြီး ပိုသန်မာလာပါတယ်။ အရိုးတွေသန်မာလာပြီဆိုတော့ သွားဖုံးအောက်မှာ သွားတွေပေါ်လာမှာပါနော်။ မွေးပြီး ၆လ မတိုင်ခင်အထိ သွားဖုံးကို မဖောက်နိုင်ပါဘူး။ တစ်ခြားနေရာတွေမှာလည်း ကြီးထွားနေပါတယ်။ အစာချေအဖွဲ့အစည်းကလည်း အစာခြေရည်တွေ ထုတ်နေသလိုကျောက်ကပ်ကလည်း မေမေတွေရဲ့ဆီးနဲ့အတူပါသွားမယ့် ရှုးရှုးတွေကို ထုတ်နေပါပြီ။ သားသားလေးဖြစ်မယ်ဆို ကပ္ပါယ်အိတ်ကနေ ကျားဟော်မုန်း(တက်စတိုစတီရုမ်း)တွေစထွက်ပါပြီ။

ခန္ဓါကိုယ်နဲ့ အနေအထိုင် အပြောင်းအလဲလေးများ

ခန္ဓါကိုယ်မှာရော ဘာတွေဆက်ပြောင်းလဲဦးမှာပါလိမ့်

ကိုယ်ဝန်မရှိခင်က သားအိမ်ကသစ်တော်သီးအရွယ်လောက်ရှိပါတယ်။ ဒီအပတ်မှာတော့ ကျွဲကောသီးအရွယ်လောက်ကြီးလာပါပြီ။ အဲဒီတော့ ဗိုက်လေးကရှေ့ကို ထွက်လာတော့တာပေါ့။ ဗိုက်ဖုံးအင်္ကျီလေးတွေလည်း ဝတ်ချင်လာလောက်ရောပေါ့။ အဲလောက်ထိမလိုသေးပေမယ့် ပုံမှန်အဝတ်အစားတွေက သက်သောင့်သက်သာမရှိတော့ဘဲ ရင်ဘတ်မှာကျပ်လာပါပြီ။ ဗိုက်ကြီး ကြီးလာတာက ကိုယ်အလေးချိန်နည်းနည်းတက်လာပြီး လူကယောင်ဖောင်းလာလို့ပါ။ ပုံမှန်အဝတ်အစားနဲ့ ဗိုက်ဖုံးအင်္ကျီကြားဗျာများနေရင်တော့ ဆွဲကျယ်သား(ဗိုက်အောက်ခါးအောက်ရောက်တဲ့) ဘောင်းဘီ၊ စကပ်တွေ ဝတ်တာ အဆင်ပြေစေပါတယ်နော်။

သိသင့်သိထိုက်တာလေးတွေ

ကိုယ်ဝန်ကြောင့် ကိုယ်အလေးချိန်တက်လာမှာကိုလည်း စိတ်ပူနေကြမှာပေါ့နော်။ ဒါကဖြစ်နေကျသဘာဝမို့ ရှောင်လို့မရပါဘူးနော်။ ကိုယ်အလေးချိန် ဘယ်လောက်အထိတက်တာက သင့်တော်လဲ။ ပုံမှန်ကတော့ ၁၁-၁၆ ကီလိုအထိ တက်ဖို့လိုပါတယ်။ ကိုယ်အလေးချိန် အရပ်နဲ့တွက်တဲ့ ခန္ဓါကိုယ်အဆီပမာဏတိုင်းတဲ့ အတိုင်းအတာ ဘီအမ်အိုင်ပုံမှန်ရှိတဲ့ အမျိုးသမီးတွေဆိုရင်ပေါ့။ ပုံမှန်အောက်ရောက်နေရင် အလေးချိန်တက်အောင်ကြိုးစာသင့်ပြီး အလေးချိန်များနေရင်တော့ ကျန်းမာရေးအခြေအနေအရ ကိုယ်အလေးချိန်တက်နေတာကို ထိန်းဖို့လိုနေပါပြီ။

ဒီအလေးချိန်တွေ ဘယ်မှာရှိမလဲ။

ဗိုက်မှာပဲစုနေတယ်လို့ ထင်ကြမှာပေါ့နော်။ အမှန်က တစ်ကိုယ်လုံးကို အညီအမျှ မျှဝေပေးထားတာပါ။ ကျန်းမာတဲ့သားသားမီးမီးတွေကိုပြုစုပျိုးထောင်ပေးနိုင်အောင်လို့ပါ။ ဥပမာအနေနဲ့၁၅ကီလိုလောက် အလေးချိန်တက်လာရင် အလေးချိန်မျှဝေပုံက-

  • ကလေး-၃.၇၅ကီလို
  • အချင်း-ဝ.၇၅ကီလို
  • ရေမြွှာရည်-၁ကီလို
  • ကြီးလာတဲ့သားအိမ်ပမာဏ-၁ကီလို
  • ရင်သားတစ်ရှုး-၁ကီလို
  • သွေး-၂ကီလို
  • တစ်ရှုးထဲကအရည်-၂ကီလို
  • အဆီ-၃.၅ကီလို

ကိုယ်အလေးချိန်တက်လာတာကို စိတ်ဖိစီးမနေကြပါနဲ့။ အသီးအရွက်တွေပါတဲ့ ကျန်းမာတဲ့အာဟာရကို စားပေးနေမျှတော့ ကလေးက လိုအပ်တဲ့အာဟာရကို စုပ်ယူပြီးပုံမှန်ကြီးပြင်းလာမှာပါ။

ဆရာဝန်ဆီသွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

ပင်ပန်းတာတွေ မောတာတွေပိုဖြစ်လာသေးလား။ ဒါက ပထမသုံးလမှာ ပုံမှန်ဖြစ်လေ့ရှိတာမျိုးပါ။ အလုပ်ကိုထိခိုက်လာတဲ့အထိဖြစ်နေရင်တော့ ဆရာဝန်နဲ့တိုင်ပင်သင့်ပါတယ်။ ပင်ပန်းစေတဲ့အကြောင်းတွေ အများကြီးရှိပါတယ်။ အဓိကကတော့ ဖွံ့ဖြိုးနေတဲ့ကလေးလေးကိုပါ အထောက်အပံ့ပေးဖို့ အလုပ်ပိုလုပ်ရလို့ပါ။ ကိုယ်ဝန်ဆောင်ဟော်မုန်းတွေကလည်း သွေးပမာဏကိုတိုးလာစေပြီး ခန္ဓါကိုယ်ပုံသဏ္ဌာန်ကိုပါ ပြောင်းလဲစေလို့ပါ။ အဲတော့ အားနည်းတယ်ဆိုတာ မဆန်းပါဘူးနော်။ ဘယ်လိုခံစားနေရတယ်၊ ဘယ်လိုအိပ်တယ်ဆိုတာတွေကို ဆရာဝန်ကိုပြောပြပါ။ ဆရာဝန်က သက်သာစေမယ့်နည်းတွေကို ကူညီရှာဖွေပေးမှာပါနော်။

ဘယ်လိုစစ်ဆေးမှုတွေထပ်လိုဦးမလဲဆက်လေ့လာရအောင်

အဓိကလိုအပ်တာပေါ်မူတည်ပြီး ဆရာဝန်ကအောက်ပါစစ်ဆေးမှုတွေကို စစ်ပေးမှာပါ။

  • အလေးချိန်နဲ့သွေးဖိအားတိုင်းခြင်း
  • ဂလူးကိုးစ်နဲ့ပရိုတင်းပမာဏစစ်ဖို့ဆီးစစ်ခြင်း
  • သားအိမ်အရွယ်အစားကိုသိဖို့အပြင်ကနေစမ်းခြင်း
  • အောက်ပိုင်းနေရာရဲ့အမြင့်(သားအိမ်ထိပ်ပိုင်း)
  • ခြေလက်ယောင်ရမ်းမှုကိုစစ်ဆေးခြင်း၊ပေါင်ကြောစစ်ဆေးခြင်း

စစ်ဆေးတဲ့အခါကျရင်မရှင်းတာတွေကို ဆရာဝန်ဆီပြန်မေးလို့ရပါတယ်။

ကျန်းမာဘေးကင်းအောင်နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ။

ကိုယ်ဝန်ဒီအချိန်မျိုးမှာ လိင်ဆက်ဆံလို့ရရဲ့လား။

ပုံမှန်ကိုယ်ဝန်ဆိုရင်ရပါတယ်။ ဆန္ဒပြင်းပြပြီးအားရှိတယ်ဆိုလိင်ဆက်ဆံဖို့ဝန်လေးနေစရာမလိုပါဘူး။ မောတာပျို့ချင်တာတွေကြောင့် လိင်စိတ်ကိုလျော့ကျစေနိုင်ပေမယ့်တစ်ချို့လိင်အင်္ဂါနဲ့ ရင်သားတစ်ဝိုက်သွေးလည်ပတ်မှုကောင်းတဲ့ အမျိုးသမီးတွေကတော့ လိင်စိတ်မြင့်နေမှာပါ။

သေချာအောင်ဆရာဝန်ကိုမေးကြည့်ဖို့တော့ မမေ့ကြပါနဲ့နော်။ ဆရာဝန်က လိင်ကိစ္စကိုရှောင်ခိုင်းတဲ့အကြောင်းအရာတွေကတော့-

  • လပြည့်ဘဲမွေးလာနိုင်လို့ပါ။
  • မိန်းမကိုယ်သွေးဆင်းနေလို့ပါ။
  • ရေမြွှာရည်နည်းနေလို့ပါ။
  • အရင်ကလမစေ့ဘဲမွေးထားဖူးလို့ပါ။
  • အမွှာလေးတွေဖြစ်နိုင်လို့ပါ။
  • အချိန်မစေ့သေးဘဲသားအိမ်အဝပွင့်လို့ပါ။
  • အချင်းကသားအိမ်အဝမှာပိတ်နေလို့ပါ။(အချင်းအရှေ့ရောက်ခြင်း)

ဒီအချက်တွေမဖြစ်ဘူးဆိုရင်တော့ လိင်ဆက်ဆံလို့ရနိုင်ပါတယ်။

နောက်အပတ်မှာဆက်တွေ့ကြရအောင်နော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်အားဆေးကို ဘယ်လိုရွေးချယ်သင့်သလဲ

    ဖောလိတ် ကိုယ်ဝန်ဆောင်ကာလ ကိုယ်ဝန်ဆောင်အားဆေး Omega 3 ဗီတာမင် B12 ကိုလင်း Choline အိုင်အိုဒင်း ဗီတာမင် D3 ဘိုင်အိုတင် သံဓာတ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ကိုယ်ဝန်ဆောင်ကာလ ရှောင်ကြဉ်သင့်သည်များ

    ကိုယ်ဝန်ဆောင်ကာလ ဆေးလိပ်မသောက်ပါနှင့် တိရစ္ဆာန်များနဲ့ထိတွေ့ခြင်း ကဖိန်းများများမသောက်ပါနှင့် နို့ထွက်ပစ္စည်းတွေ ရေနွေးစိမ်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ကိုယ်ဝန်ဆောင်စဉ် လိင်ဆက်ဆံခြင်းဟာ အန္တရာယ်ကင်းရဲ့လား၊ မွေးဖွားလာမယ့် ကလေးကိုရော ထိခိုက်နိုင်လား

    ကိုယ်ဝန်ဆောင်စဉ် လိင်ဆက်ဆံခြင်း ဟာ အန္တရာယ်ကင်းရဲ့လား၊ မွေးဖွားလာမယ့် ကလေးကိုရော ထိခိုက်နိုင်လား။ ဒီအဖြေကို ဆောင်းပါးလေးထဲ ဖတ်ကြည့်နော်။

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint

    ကိုယ်ဝန်ဆောင်မေမေ နွားနို့သောက်ပါလို့ ပြောရတဲ့ အကြောင်းအရင်း

    ကိုယ်ဝန်ဆောင်မေမေ နွားနို့သောက်ပါလို့ ကိုယ်ဝန်ဆောင်ချိန် ဉာဏ်ကောင်းစေဖို့ နွားနို့ ပရိုတင်း အစားအသောက် ဘေဘီလေး အရိုးနဲ့သွား ကယ်လ်ဆီယမ် ဗီတာမင်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်ချိန် ခေါင်းကိုက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 10, 2020 . 2 mins read