3 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

မိမိကိုယ်တိုင်ကမသိပေမယ့် ကလေးလေးကတော့ မေမေ့ဝမ်းထဲကနေစပြီး ကြီးထွားဖွံ့ဖြိုးလာနေပြီနော်။ မျိုးအောင်ထားတဲ့ဥလေးက ဆဲလ်စကွဲနေပါပြီ။ မျိုးအောင်ပြီးနာရီ ၃၀အကြာကျရင် ဆဲလ်၂ခုဖြစ်သွားမှာပါ။ ဒီလိုနဲ့၂လုံးကနေ ၄လုံး၊ ၄လုံးက ၈လုံး၊ ပြီးတော့ သားဥပြွန်ကနေ သားအိမ်ထဲမရောက်မချင်း ကွဲသွားမှာပါနော်။ ဒီလိုမျိုးသားအိမ်ဆီသွားတာ သန္ဓေသားလောင်းဆဲလ်လေးတွေ ဘောလုံးလေးလိုစုပြီးတော့ သွားတာပါ။

သန္ဓေသားလောင်းလေးက အလည်မှာ အခေါင်းပေါက်ဖြစ်လာပြီး အရည်တွေနဲ့ပြည့်လာတာကို ဘလက်စ်စတိုးစစ်လို့ ခေါ်ပါတယ်။ ဒီအပတ်ကုန်ခါနီးရင် ဘလက်စ်စတိုးစစ်လေးက သားအိမ်နံရံမှာသွားတွယ်တော့မှာပါနော်။ ဒါကိုသန္ဓေသားကပ်တွယ်ခြင်းလို့ ခေါ်ပါတယ်။ သားအိမ်မှာတွယ်ကပ်လိုက်တာက အရေးပါတဲ့တွယ်ကပ်မှုပါနော်။ ဘာလို့လဲဆိုတော့ သားအိမ်နံရံက အချွဲတွေကသားနေ သားလောင်းလေးကို အာဟာရတွေထောက်ပံ့ပေးတယ်။ အညစ်အကြေးတွေ ဖယ်ရှားပေးလို့ပါ။ ဒီတွယ်ကပ်ထားတဲ့နေရာကနေ အချင်းဖြစ်လာပြီးတော့ သားသားမီးမီးလေးကို ၉လလုံးလုံး အာဟာရတွေပေးပါလိမ့်မယ်နော်။

ခန္ဓါကိုယ်နဲ့ အနေအထိုင်အပြောင်းအလဲလေးများ

ခန္ဓါကိုယ်မှာရော ဘာတွေဆက်ပြောင်းလဲဦးမှာပါလိမ့်

မျိုးအောင်ဥလေးကို ထောက်ပံ့ပေးဖို့ခန္ဓါကိုယ်ကနေပြောင်းလဲမှုတွေ အများကြီးဆက်ဖြစ်နေပါတယ်။ ဒီချိန်ထိကို မေမေလောင်းလျာလေးက ကိုယ့်ကိုယ်ကို မေမေလောင်းလျာလေးဆိုတာ သိဦးမှာမဟုတ်သေးဘူး။ ဒီအပတ်အကုန်လောက်မှာ သွေးနည်းနည်းဆင်းတာကို သတိထားမိမှာပါနော်။ ဒါကတော့ သားအိမ်နံရံကို မျိုးဥသွားတွယ်လို့ဖြစ်ရတာပါ။ ကိုယ်ဝန်ဆောင်မိခင်တိုင်းတော့ မဖြစ်ပါဘူး။ တစ်ချို့က ဒါကိုရာသီသွေးဆင်းတာနဲ့ မှားတတ်ကြပါတယ်။

သိသင့်သိထိုက်တာလေးတွေ

ပျို့အန်ချင်တာ၊ ဆားရည်စိမ်ထားတဲ့အသီးအနှံတွေကို ရေခဲမုန့်နဲ့စားချင်သလိုမျိုး ချဉ်ချင်းတတ်တာတွေက ကိုယ်ဝန်ရှိတဲ့လက္ခဏာဆိုတာ အားလုံးလဲသိကြမှာပါနော်။ ဒါပေမယ့် လူတိုင်းမှာတော့ မဖြစ်တတ်ပါဘူးတဲ့။ သုတေသနတွေ့ရှိချက်အရဆို ၄ ပုံ ၃ ပုံက မူးမော်ပျို့အန်တာတွေဖြစ်တတ်ပြီးတော့ ကျန်တဲ့တစ်ပုံက မခံစားရပါဘူးတဲ့။ ဒီကမေမေလောင်းလျာလေးတွေက ဒါတွေမခံစားရဘူးဆိုရင် တော်တော်လေး ကံကောင်းတာပါနော်။

ကိုယ်ဝန်ဆောင်မိခင် ၄ ပုံ ၃ ပုံက ပျို့အန်ချင်တာ နေ့တိုင်းခံစားရတတ်ပါတယ်။ ပထမ ၃လမှာ အစာစားချင်စိတ်မရှိဘဲ ကိုယ်အလေးချိန်ကျလာလို့စိတ်တော့မပူပါနဲ့နော်။ နောက်ပိုင်းအလေးချိန်ပြန်တက်လာတယ်ဆို ကလေးလေးအတွက် ဘေးမဖြစ်စေနိုင်ပါဘူး။ အလေးချိန် ပြန်တက်ဖို့က လွယ်ပါတယ်။ ဘာလို့လဲဆိုတော့ ၁၂ပတ်မြောက် အလယ်လောက်ကစပြီး ၁၄ပတ်အတွင်းမှာ ပျို့အန်ချင်တာတွေ ပျောက်သွားမှာမို့လို့ပါ။

ဆရာဝန်ဆီသွားပြရအောင်

ဆရာဝန်နဲ့ဘာတွေတိုင်ပင်ကြမလဲ

ကိုယ်ဝန်ရှိပြီလို့သတိထားမိတာနဲ့ ဆရာဝန်ကိုပြောပြရအောင်နော်။ ဆရာဝန်က ကိုယ်ဝန်ရှိမရှိစစ်ဆေးပေးပါ့မယ်။ ၈ ပတ်မြောက်အထိကို ဆရာဝန်ဆီသွားမပြဘဲ နေလည်းရပါပြီ။

ဘယ်လိုစစ်ဆေးမှုတွေ ထပ်လိုဦးမလဲ ဆက်လေ့လာရအောင်

ကိုယ်ဝန်ရှိမရှိကိုအိမ်မှာလည်း ကောင်းကောင်းစမ်းသပ်ကြည့်လို့ရပါတယ်။ ဆေးဆိုင်တွေမှာ စမ်းသပ်ဖို့ပစ္စည်းကို လွယ်လွယ်ကူကူ ဝယ်လို့ရပါတယ်။ ရာသီစ မလာတဲ့ပထမဆုံးရက်မှာ မနက်စောစောနိုင်သမျှ စောစောလေးထစမ်းပေးပါနော်။ သေချာအောင်လို့ အများကြီးဝယ်ထားပြီး စမ်းပေးလို့လည်းရပါတယ်။ ဆီးထဲမှာပါလာတဲ့ ဟော်မုန်းပမာဏ အတိအကျကို စမ်းပေးတာပါ။ သားအိမ်မှာ မျိုးဥတွယ်လို့ထွက်လာတဲ့ခန္ဓါကိုယ်တွင်း ဟော်မုန်းတစ်မျိုးပါ။ အချင်းကနေ ထုတ်တာပါ။ စစ်ဆေးတဲ့အခါမှ ကိုယ်ဝန်ရှိရင်အပေါင်း လက္ခဏာ ဒါမှမဟုတ် ပန်းရောင်နှစ်ရစ်ပြပါလိမ့်မယ်။

ကျန်းမာဘေးကင်းအောင်နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ

ကိုယ်မှာဝန် ၉လလောက် ကလေးလေးကို လွယ်ထားရမယ်ဆိုတာ လွယ်တဲ့ကိစ္စတော့မထင်ပါဘူးနော်။ နေ့စဉ်ဘဝကို ဘယ်လိုတွေ ပြောင်းလဲစေမလဲ၊ အလုပ်ကိုရော ဘယ်သက်ရောက်စေနိုင်လဲ၊ ဘာလေးတွေစားပေးတာက သားသားမီးမီးလေးတွေအတွက် ကောင်းမလဲဆိုပြီး စဉ်းစားနေကြလောက်ရောပေါ့။ နောက်ထပ်သိထားသင့်တာလေးကတော့ အစားအစာတစ်ခုတည်းမဟုတ်ဘဲ မေမေတွေရဲ့စိတ်ခံစားချက်ကလည်း သားသားမီးမီးလေးရဲ့ဖွံ့ဖြိုးမှုကို သက်ရောက်ပါတယ်။
မေမေကစိုးရိမ်စိတ်တွေများပြီး စိတ်ပင်ပန်းနေရင် ကော်ရီဇော်လို့ ခေါ်တဲ့ စိတ်ဖိစည်းမှုဟော်မုန်းတစ်မျိုးထွက်လာပါတယ်။ ဒီဟော်မုန်းက မေမေ့ရဲ့နှလုံးခုန်နှုန်းကိုမြန်စေပြီး ယောင်ရမ်းမှုကိုပိုဖြစ်စေပါတယ်။ လေ့လာတွေ့ရှိချက်တော်တော်များများက ဘာပြောလဲဆိုရင် ယောင်ရမ်းတာက သားသားမီးမီးလေးရဲ့ဖွံ့ဖြိုးမှုကို အနှောင့်အယှက်ဖြစ်စေနိုင်ပါတယ်တဲ့။ ကိုယ်ဝန်ဆောင်ကာလ အစပိုင်းမှာ ကိုယ်ဝန်ဆောင်မိခင်က စိတ်ဖိစီးမှုများရင်လည်း ပျက်ကျနိုင်တယ်နော်။

မေမေရော သားသားမီးမီးပါ ကျန်းမာဖို့ကိုယ်ဝန်ဆောင်ချိန်မှာ စိတ်ဖိစည်းမှုကို တိုက်ဖျက်ဖို့နည်းလမ်းလေးတွေကို အောက်မှာဆက်ပြောပေးမယ်နော်။
• တစ်ယောက်ယောက်နဲ့စကားပြောကြည့်လိုက်ပါ။ အမျိုးသားနဲ့မိတ်ဆွေအပေါင်းအသင်းတွေကို ကိုယ်ကြောင့်စိတ်အနှောင့်အယှက်မဖြစ်စေချင်ပေမယ့် မျိုသိပ်ထားတာက ပိုဆိုးစေနိုင်ပါတယ်။ ဒါကြောင့်မို့တစ်ယောက်ယောက်နဲ့ တိုင်ပင်ကြည့်ပါနော်။ အဲလိုရင်ဖွင့်လိုက်တော့ စိတ်သက်သာရာရသွားမှာပါ။
• စိတ်လေးကို အတတ်နိုင်ဆုံးဖြေလျှော့ထားပြီးတော့ တရားထိုင်တာက အကူအညီဖြစ်စေပါတယ်။ လက်ဖက်ရည်ပူပူလေးတစ်ခွက်နဲ့ အကြိုက်ဆုံးစာအုပ်တစ်အုပ်ကိုဖတ်ကြည့်တာကလည်း စိတ်သက်သာရာရစေပါတယ်။
• သီချင်းလေးတွေနားထောင်မယ်။ သီချင်းကစိတ်ဖိစည်းမှုဟော်မုန်းကို ကျစေနိုင်ပါတယ်။
• လေ့ကျင့်ခန်း ပုံမှန်လုပ်ပေးလို့လဲရပါတယ်။ ကိုယ်ဝန်ဆောင်တွေအတွက် ဖွင့်တဲ့ယောဂသင်တန်းတက်တာမျိုး၊ ရေကူးတာလမ်းလျှောက်တာမျိုးတွေလည်း ရပါတယ်။ ဒီရိုးရှုင်းတဲ့လေ့ကျင့်ခန်းတွေက စိတ်ဖိစည်းမှုကိုကျစေတဲ့အပြင် မီးဖွားဖို့အတွက် ခန္ဓါကိုယ်ကိုကြိုတင်ပြင်ဆင်ပေးရာရောက်ပါတယ်။ စိတ်ခံစားမှုတွေကောင်းလာပြီး အင်အားရှိသလိုမျိုးကို ဒီကမေမေလောင်လေးတွေ ခံစားမိကြမှာပါ။

ကိုယ်ဝန်ဆောင်ချိန် စိတ်ဖိစီးမှုတွေ ဝင်လာတာကသဘာဝပါပဲ။ အရေးကြီးတာက ကလေးလေးကို မထိခိုက်ခင်မှာတိုက်ထုတ်ဖို့ပါ။ စတုတ္ထအပတ်မှာ ဘာတွေဆက်ဖြစ်မလဲ။ ဆက်ကြည့်ကြရအောင်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ကိုယ်ဝန်ဆောင်ချိန်မှာ ခံစားရနိုင်တဲ့ နာကျင်ကိုက်ခဲမှုတွေကို သက်သာစေမယ့် နည်းလမ်းကောင်း တစ်ရပ်ကတော့ လေ့ကျင့်ခန်း လုပ်တာပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ဦးနှောက်နဲ့အာရုံကြော ကျန်းမာစေဖို့ မွေးမြူသင့်တဲ့ အလေ့အထများ

    ဦးနှောက်နဲ့အာရုံကြော အလေ့အထ ဦးနှောက် အာရုံကြောစနစ် ကိုယ်အလေးချိန် ခန္ဓာကိုယ် မှတ်ဉာဏ်ပိုင်းဆိုင်ရာ အာဟာရ မျှတအောင် ဟင်းသီးဟင်းရွက်တွေ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ကိုယ်ဝန်ဆောင်အားဆေးကို ဘယ်လိုရွေးချယ်သင့်သလဲ

    ဖောလိတ် ကိုယ်ဝန်ဆောင်ကာလ ကိုယ်ဝန်ဆောင်အားဆေး Omega 3 ဗီတာမင် B12 ကိုလင်း Choline အိုင်အိုဒင်း ဗီတာမင် D3 ဘိုင်အိုတင် သံဓာတ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ကိုဗစ်ကြောင့် အိပ်မပျော်ဖြစ်နေသလား

    COVID-19 အရက်အလွန်အကျွံ မသောက်ပါနဲ့ ကိုယ်လက်လှုပ်ရှား အိပ်ရာ စိတ်အပြောင်းအလဲ စိတ်ပူပန်ခြင်း လေ့ကျင့်ခန်း စိုးရိမ်စိတ်တွေ အိပ်ရေးပျက်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်ချိန် ခေါင်းကိုက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
    ဆယ်ကျော်သက်တို့ စိတ်ပိုင်းဆိုင်ရာ ကျန်းမာစေဖို့

    ဆယ်ကျော်သက်တို့ စိတ်ပိုင်းဆိုင်ရာ ကျန်းမာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 29, 2020 . 2 mins read