11 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

အခုချိန်မှာ ခေါင်းအစခြေအဆုံး လက်သီးစုပ်အရွယ် ၃ စင်တီမီတာရှိပါတယ်။ ဖွံ့ဖြိုးဆဲကလေးလေးကို အထောက်အပံ့ပေးဖို့အချင်းထဲက သွေးကြောတွေက အရွယ်အစားကြီးလာပြီး သွေးကနေတစ်ဆင့် ကလေးလေးဆီပို့တဲ့အာဟာရအကြိမ်ရေလည်း များလာပါတယ်။ ဒီအချိန်ဆိုရင်တော့ သန္ဓေသားလေးက တရားဝင်သန္ဓေသားလေးဖြစ်သွားပါပြီ။ ကလေးလေးရဲ့ခေါင်းက ဖွံ့ဖြိုးနေတုန်းပါပဲ။ ပုံမှန်ဆို ခေါင်းကကိုယ်ရဲ့တစ်ဝက်ကျော်လောက်ကို ပိုရှည်ပါတယ်။ ဒါပေမယ့် နောက်အပတ်တွေထဲမှာ ခန္ဓါကိုယ်ကြီးထွားနှုန်းကမြန်လာပြီးတော့ လိုက်လို့မီလာမှာပါ။
ဒီအပတ်အကုန်မှာဆို လိင်အင်္ဂါပေါ်လာပြီး ကျားမစကွဲတော့မှာပါ။ နောက်အပတ် နည်းနည်းလောက်ကြာတဲ့အထိကို ဆက်ဖွံ့ဖြိုးနေမှာဖြစ်ပြီးတော့ ၁၈-၂၀ ပတ်လောက် မအာထရာဆောင်းရိုက်ပြီး ကွဲကွဲပြားပြားသိရမှာပါ။

ခန္ဓါကိုယ်နဲ့ အနေအထိုင်အပြောင်းအလဲလေးများ

ခန္ဓါကိုယ်မှာရော ဘာတွေဆက်ပြောင်းလဲဦးမှာပါလိမ့်

အခုဆိုအားတွေ နည်းနည်းပြန်ပြည့်လာသလို ခံစားရပြီးတော့ ပျို့ချင်တာလည်း သက်သာလာမှာပါ။ ဒါပေမယ့် ဆိုးတာက နောက်ထပ် မနှစ်မြို့စရာ လက္ခဏာတွေထပ်ဖြစ်တော့တာပါပဲ။ ဝမ်းချုပ်တာလည်း တစ်ခုအပါအဝင်ပါ။ ဝမ်းသွားဖို့ခက်ပြီး ၃ ရက်လောက် ဝမ်းမသွားတော့ဘူးဆို ဝမ်းစချုပ်တော့တာပါပဲ။ ကိုယ်ဝန်ဟော်မုန်းတွေကိုပဲ အပြစ်တင်ရမှာပေါ့နော်။ ဒီဟော်မုန်းတွေက အစာအိမ်၊ အစာမျိုပြွန်တွေကိုဖြေလျှော့ချလိုက်ပြီး အစာခြေတာကို နှေးချလိုက်ပါတယ်။ အစာမကြေတာ၊ လေပွတာတွေလည်း ဖြစ်နိုင်ပါတယ်။
ဝမ်းချုပ်တာသက်သာစေဖို့ ရေများများသောက်ပြီး အမျှင်ဓါတ်များများပါတာတွေ စားပေးကြပါနော်။ အမျှင်ဓါတ်များတာတွေကတော့ လတ်ဆတ်တဲ့အသီးတွေ(သင်္ဘောသီး၊ ဖရဲသီး၊ ငှက်ပျောသီး)၊ ဟင်းသီးဟင်းရွက်အစိမ်းတွေ၊ နှံစားပင်ကနေ သက်သက်လုပ်ထားတဲ့ပေါင်မုန့်တွေဖြစ်ပါတယ်။ အစာကိုနည်းနည်းချင်း စားပေးတာက လေပွတာကို သက်သာစေပါတယ်။ လှုပ်လှုပ်ရှားရှားနေပါ။ အကြာကြီး ထိုင်တာမျိုးမလုပ်ပါနဲ့။ ဒါမှ အစာခြေတာမြန်မှာပါနော်။

သိသင့်သိထိုက်တာလေးတွေ

ဝမ်းချုပ်တာက အိမ်တွင်းနည်းလမ်းလေးတွေနဲ့တော့ သက်သာသွားမှာမဟုတ်ဘူး။ ပိုပြီးတော့ ကုသမှုတွေခံယူရမှာပါ။ ဖြည့်စွက်အမျှင်ဓါတ်တွေစားပေးတာ ဝမ်းပျော့ဆေး(အားပျော့တာ)မျိုး သောက်လို့ရပါတယ်။ ဆေးတွေသုံးတော့မယ်ဆို စိတ်ချရအောင် ဆရာဝန်နဲ့ တိုင်ပင်ကြနော်။ တစ်ချို့ဝမ်းပျော့ဆေးတွေက အရမ်းပြင်းပါတယ်။ ဝမ်းလျှောပြီး ရေဓါတ်ဆုံးရှုံးတဲ့အထိဖြစ်စေနိုင်ပါတယ်။

ဆရာဝန်ဆီ သွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

အဆင်မပြေတဲ့လက္ခဏာတွေရှိရင် ဆရာဝန်နဲ့တိုင်ပင်နိုင်ပါတယ်။ အစာစားချင်စိတ်ရော ဘယ်လိုလဲ။ စားရောဝင်ကြလား မေမေတို့။ အိပ်တာနဲ့ ပတ်သက်ပြီးတော့လည်း ဆရာဝန်နဲ့ တိုင်ပင်ချင်တာရှိမှာပေါ့နော်။ အိပ်ရေး၀၀အိပ်တာက မေမေရော သားသားမီးမီးလေးအတွက်ပါ အရေးကြီးတယ်နော်။ အိပ်ရခက်တာတွေစတဲ့ တခြားလက္ခဏာတွေကို သက်သာအောင်ဆရာဝန်တွေက ကူညီပေးနိုင်ပါတယ်။

ဘယ်လိုစစ်ဆေးမှုတွေ ထပ်လိုဦးမလဲ ဆက်လေ့လာရအောင်

ဒီအပတ်မှာ ဆရာဝန်ကခရိုမိုဇုမ်း ပုံမှန်ဟုတ်မဟုတ်သိဖို့စစ်ဆေးမှုလုပ်ဖို့ အကြံပေးမှာပါ။ ခရိုမိုဇုမ်းမူမမှန်ရင် မျိုးရိုးဗီဇနဲ့ဆိုင်တဲ့မွေးရာပါ မျက်နှာပြား၊ မျုက်လုံးမှေး၊ ဉာဏ်ရည်မပြည့်တဲ့ ဒေါင်းဆင်ဒရုန်းမွေးရာပါရောဂါမျိုး ပါလာတတ်ပါတယ်။ ဒီမွေးရာပါရောဂါကခရိုမိုဇုမ်းနံပါတ်၂၁ မှာ အပိုတစ်ခုပါလာလို့ပါ။ ပုံမှန်ဆို ကလေးလေးကခရိုမိုဇုမ်း၂၃စုံပါပြီး မေမေဆီကတစ်ဝက် ဖေဖေဆီကတစ်ဝက် အမွေဆက်ဆံထားတာပါ။ ဆဲလ်ကွဲတဲ့အခါမှာ ပုံမှားပြီးခရိုမိုဇုမ်းတစ်ခု ပိုပါလာတာပါ။ ဒါကိုသိဖို့ စမ်းသပ်စစ်ဆေးကြည့်မှ သိမှာပါ။

နည်း၂နည်းနဲ့ စစ်လို့ရပါတယ်။ ဆန်ကာတင်စစ်ဆေးခြင်းနဲ့ အတည်ပြုစစ်ဆေးခြင်းဖြစ်ပါတယ်။ ဆန်ကာတင်စစ်ဆေးနည်းကတော့ ကိုယ်ဝန်နဲ့ဆိုင်တဲ့ ပလပ်စမာပရိုတိန်း (plasma protein) အတွက် သွေးစစ်ဖို့လိုပါတယ်။ ကလေးလည်ပင်းအထူကိုသိဖို့ အာထရာဆောင်းရိုက်တာနဲ့ တွဲလုပ်ရမှာပါ။ ဒီနည်းက ၈၀ ရာခိုင်နှုန်းလောက်ကို ရောဂါရှိမရှိ သိစေနိုင်ပါတယ်။ စမ်းသပ်မှုကို ပိုသေချာအောင် တခြားနည်းနဲ့လည်း ထပ်စစ်သင့်ပါတယ်။
ဆန်ကာတင်စစ်ဆေးခြင်း လုပ်ကြည့်လို့ဖြစ်နိုင်ခြေရှိနေရင် သန္ဓေသားကိုအုပ်ထားတဲ့ အမြှေးပါးက အသားစ ဒါမှမဟုတ် ရေမြွှာရေထုတ်စစ်ခြင်းစသည့် အတည်ပြုစစ်ဆေးခြင်း ထပ်လုပ်ကြည့်ဖို့လိုပါတယ်။ ဆန်ကာတင် စစ်ဆေးခြင်းနဲ့ စစ်ကြည့်တာဖြစ်နိုင်ခြေရှိတယ်ဆိုရင်တောင် အသားစစစ်ရာမှာ ပုံမှန်ဖြစ်နေနိုင်လို့ပါ။

ကျန်းမာဘေးကင်းအောင် နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ

လိင်ဆက်ဆံပြီးရင် ဗိုက်အောင့်တာမျိုးဖြစ်နိုင်ပါတယ်။ စိတ်မပူပါနဲ့။ ဒါကပုံမှန်ပါပဲ။ ဒီလိုဖြစ်ရတာ လိင်ဆက်ဆံနေတုန်းမှာ ဆီးခုံတစ်ဝိုက် သွေးစီးဆင်းမှုများလာလို့ပါ။ နောက်ဆက်တွဲအနေနဲ့ သားအိမ်ကျုံ့လာတာကြောင့်ပါ။ နာတာက သိပ်မပြင်းထန်ပါဘူး။ မိနစ်ပိုင်းအတွင်း ပျောက်သွားမှာပါ။ နာတာမပျောက်သွားဘူးဆိုရင်တော့ ဆရာဝန်ကို ချက်ချင်းပြောပြကြပါ။ ပုံမှန်အားဖြင့်ကတော့ ကိုယ်ဝန်ဆောင်ချိန်မှာ လိင်ဆက်ဆံတာ ဘာမှမဖြစ်နိုင်ပေမယ့် ဘေးကင်းဖို့ ဆရာဝန်နဲ့ အမြဲတိုင်ပင်ကြပါနော်။ လိင်ဆက်ဆံတာက ကလေးလေးကို ထိခိုက်စေနိုင်မလားဆိုပြီး စိတ်ပူနေမှာပေါ့ မေမေတို့ရေ။ စိတ်ပူစရာမလိုပါဘူးနော်။ ကလေးလေးကို ရေမြွှာရေတွေ အပြည့်ပါတဲ့ရေမြွှာအိတ်က ကာကွယ်ပေးထားပြီးသားပါ။ ဘေးကင်းပါတယ်နော်။

နောက်အပတ်ကျရင်ရောဘယ်လိုကြီးထွားလာမှာပါလိမ့်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    အစာအိမ်ထွက်ပေါက် (သို့မဟုတ်) အူသိမ်အ၀ ကျဉ်းမြောင်းခြင်း

    အစာအိမ်ကနေ အူသိမ်ကို ဆက်သွယ်ထားတဲ့နေရာမှာ ပိုင်လောရပ်စ် pylorous လို့ခေါ်တဲ့ အဆို့ရှင်ကြွက်သား ရှိပါတယ်။ အဆိုပါ ကြွက်သားကျဉ်းမြောင်းသွားတဲ့အခြေအနေ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr.Thant Zin

    သည်းခြေအိတ်ခွဲစိတ်ကုသပြီးချိန် ကြုံတွေ့နိုင်သည့်အရာများ

    သည်းခြေအိတ်ဆိုတာ ဝမ်းဗိုက်ရဲ့ညာဘက်ခြမ်း အသည်းရဲ့အောက်ခြေမှာ အိတ်ပုံသဏ္ဌာန် တည်ရှိနေတဲ့ အင်္ဂါအစိတ်အပိုင်းဖြစ်ပါတယ်။ သည်းခြေရည်တွေကိုသိုလှောင်ထုတ်လွှတ်ပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr.Thant Zin

    အူအတက်ခွဲစိတ်ကုသခြင်း

    အူအတက်ခွဲစိတ်ကုသခြင်း (Appendectomy) ဆိုတာဟာ ရောင်ရမ်းလာတဲ့ အူအတက်ကို ခွဲစိတ်ဖယ်ရှားခြင်း ဖြစ်ပါတယ်။ အရေးပေါ် ခွဲစိတ်ကုသမှုတမျိုး ဖြစ်ပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr.Thant Zin

    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်မေမေတစ်ယောက်အနေနဲ့ ကိုယ်ဝန်ဆောင်ချိန်မှာ အမျိုးမျိုးသော ခေါင်းကိုက်ခြင်း ပြဿနာကို ခံစားရနိုင်ပါတယ်။ ကိုယ်ဝန်ဆောင်ကျန်းမာရေးပြဿနာပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    ဆေးပေါင်းခတဲ့ မယ်ဇလီအကြောင်း သိပ္ပံနည်းကျ သိကောင်းစရာ

    ဆေးပေါင်းခတဲ့ မယ်ဇလီအကြောင်း သိပ္ပံနည်းကျ သိကောင်းစရာ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် နိုဝင်ဘာ 26, 2020 . 1 min read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

    အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr.Thant Zin
    ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read