· ဆော့လွန်းခြင်းသည် ပုံမှန်ထက်အဆီများကိုလောင်းကျွမ်းစေသည်။
· အစားအစာများနှင့် ဓါတ်မတည့်ခြင်းများ
· သူငယ်ချင်းများထံမှ ရသော စိတ်ပိုင်းဆိုင်ရာထိုးနှက်ချက်များ
ထိုသို့ဖြစ်လာပါက မိဘများအနေဖြင့် ကလေးဆရာဝန်နှင့် တိုင်ပင်ရန် ဝန်မလေးသင့်ပါ။ သင့်ကလေး၏ ကြုံတွေ့နေရသော အခက်အခဲများနှင့် ပတ်သက်ပြီး သင်သိလိုသည်များကို ကလေးဆရာဝန်အားမေးရန်လိုအပ်ပါသည်။ အစားအစာများနှင့် ဆေးဝါးများသည် သင့်ကလေးကို ဓါတ်မတည့်ခြင်းများဖြစ်စေနိုင်သည့်အတွက် ကလေးဆရာဝန်ကသာလျှင် ထိရောက်သော ရောဂါရှာဖွေမှုများနှင့် ကုသမှုများကို ပေးနိုင်ပါလိမ့်မည်။
အစားအသောက် အလေ့အထများကို ပြောင်းလဲပါ။
သင့်ကလေးသည် ကိုယ်အလေးချိန်နည်းနေလျှင် များများပိုကျွေးသင့်သည်။ အချို့ကလေးများသည် အစာအိမ်သေးသည့်အတွက် အစာများကို အားလုံးကုန်အောင် တထိုင်တည်းမစားနိုင်ကြပါ။ ထို့ကြောင့် တနေ့လျှင် ၅- ၆ ကြိမ်ခွဲစားစေခြင်း နှင့် ကြားချိန်များတွင် သရေစာများကျွေးခြင်းတို့ ပြုလုပ်နိုင်ပါသည်။ မိဘများအနေဖြင့် ကလေးအား အစာစားချိန်မှန်မှန်ကျွေးရန် လိုအပ်ပါသည်။ သင့်ကလေးကို နေ့ဘက်တွင် အချိန်သတ်မှတ်ပြီး အကြိမ်အရေအတွက်များများကျွေးခြင်း၊ အစားအစာနှင့် ကျန်းမာရေး၏ ဆက်စပ်ပုံကို နားလည်အောင်ပြောပြခြင်းဖြင့် အစားအစာများကို နှစ်သက်လာအောင် ပြုလုပ်ပေးနိုင်ပါသည်။
ကလေးများကို အာဟာရမဖြစ်သော အစားအစာများကို စားခြင်းကို ဖိအားပေးပြီး တားမြစ်မည့်အစား သင့်အနေဖြင့် ကျန်းမာသော အစားအစာများစားပြခြင်းဖြင့် စံပြလူတဦးအနေဖြင့် ရပ်တည်ပါ။ ကလေးများသည် အတုမြင် အတတ်သင်လွယ်သည်။ ထို့ကြောင့် မိဘများအနေဖြင့် ကလေးများရှေ့တွင်အသင့်စားအစာများကို စားမည့်အစား အာဟာရပြည့်သော အစားအစာများ၊ ဟင်းသီးဟင်းရွက်များ၊ ကောက်ပဲသီးနှံများနှင့် အသီးအနှံများကို များများစားသင့်ပါသည်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။