ကလေးတွေရော သွေးတိုးတတ်လား

သွေးတိုးတယ်ဆိုတာက နာတာရှည်ရောဂါတစ်မျိုးပါ။ ကုသပျောက်ကင်းဖို့ မဖြစ်နိုင်ပါဘူး။ နေ့စဉ်စားသောက်နေထိုင်မှုကို အစဉ်မပြတ်ဂရုစိုက်နေမှ ရမှာပါ။ ဒီနေရာမှာမေးစရာရှိတာကသွေးတိုးဆိုတာ အသက်အရွယ်ကြောင့်ဖြစ်လာတဲ့ရောဂါတစ်ခုလားဆိုတာပါ။ ဒီကိစ္စကိုသေသေချာချာလေးသိချင်ရင်တော့ ဒီဆောင်းပါးလေးကို ဖတ်ကြည့်စေချင်ပါတယ်။

သွေးတိုးက လူကြီးတွေမှာပဲဖြစ်တတ်တာလား…….

မဟုတ်ပါဘူး။သွေးတိုးတာက အသက်အရွယ်နဲ့မဆိုင်ပါဘူး။ အရွယ်မရွေးသွေးတိုးတာကို ခံစားရနိုင်ပါတယ်။ နေမကောင်းနေတဲ့အချိန် အဖျားသွေးရှိနေချိန်တွေမှာသွေးပေါင်ချိန်မြင့်တာက ဖြစ်တတ်တဲ့အခြေအနေတစ်ရပ်ဖြစ်ပြီး ဒီအနေအထားကိုသွေးတိုးတယ်လို့ မဆိုသာပါဘူး။ အဖျားသွေးကျသွားတဲ့အခါ သွေးပေါင်ချိန်က ပုံမှန်အခြေအနေကို ပြန်ရောက်သွားနိုင်ပါတယ်။ပြောချင်တဲ့ လိုရင်းကတော့ ကလေးကနေစလို့ ဖိုးဖိုးဖွားဖွားတွေအထိ အရွယ်တိုင်းက သွေးတိုးနိုင်တယ်ဆိုတာပါ။

သွေးတိုးနိုင်ခြေ ပုံမှန်ထက်ပိုများနေသူတွေက ဘယ်သူတွေလဲ…..

သွေးတိုးတာက လူတိုင်းမှာဖြစ်နိုင်တယ်ဆိုပေမယ့် ဒီအခြေအနေရှိသူတွေက ပုံမှန်ထက်သွေးတိုးနိုင်ခြေ ပိုများပါတယ်။

• ပုံမှန်ထက် ကိုယ်အလေးချိန်များနေတာ
• မေမေက ကိုယ်ဝန်ဆောင်ချိန်မှာသွေးတိုးရှိနေခဲ့တာ
• မျိုးရိုးရှိတာ
• လမစေ့ဘဲမွေးတာ
• ပေါင်မပြည့်ဘဲမွေးလာတာ
• မွေးရာပါ ဆီးချိုရောဂါပါလာတာ
• သွေးတွင်းကိုလက်စထရောမြင့်နေတာ
• အငန်အစားများတာ
• တစ်ဆင့်ခံဆေးလိပ်ငွေ့နဲ့ ထိတွေ့မှုများတာ
• အထိုင်များတာ
• ကိုယ်လက်လှုပ်ရှားမှုနည်းတာ
• နှလုံးသွေးကြောကျဉ်းနေတာ
• အိပ်စက်မှုပြဿနာရှိနေတာ
• နာတာရှည်ကျောက်ကပ်ရောဂါရှိနေတာတွေကြောင့်သွေးတိုးနိုင်ပါတယ်။

အသက်အရွယ်အလိုက်ရှိသင့်တဲ့သွေးပေါင်ချိန်

အသက်အရွယ်အလိုက်ရှိသင့်တဲ့သွေးပေါင်ချိန်တွေက

အသက်အရွယ်ကြီးလာမှုအလိုက်သွေးပေါင်ချိန်ကလည်းပြောင်းလဲလာနိုင်ပါတယ်။

သွေးတိုးရဲ့နောက်ဆက်တွဲဘာတွေဖြစ်လာနိုင်လဲ…….

ကလေးက ငယ်ငယ်မှာကတည်းကသွေးတိုးရောဂါခံစားနေရတာကိုသေချာဂရုမစိုက်ပေးဘူးဆိုရင်နောက်ဆက်တွဲအနေနဲ့ အရွယ်ရောက်လာတဲ့အခါ

• လေဖြတ်တာ
• ရုတ်တရက်နှလုံးရပ်တာ
• နှလုံးရောဂါခံစားရတာ
• ကျောက်ကပ်ရောဂါခံစားရတာတွေဖြစ်လာနိုင်ပါတယ်။

ကာကွယ်ခြင်းက ကုသခြင်းထက်ပိုထိရောက်ပါတယ်

ကိုယ့်ရဲ့ ကလေးကိုသွေးတိုးရောဂါကနေ ကာကွယ်ပေးနိုင်ပါတယ်။ ဒါကြောင့် ကလေးကိုသွေးတိုးမဖြစ်စေဖို့ဆိုရင်

• ကလေးရဲ့ ကိုယ်အလေးချိန်ကို ထိန်းပေးပါ
• ကျန်းမာရေးနဲ့ညီညွတ်အောင်ကျွေးပေးပါ
• ကိုယ်လက်လေ့ကျင့်ခန်းလုပ်ခိုင်းပါ
• အိပ်ရေးဝဝအိပ်စေပါ။