31 ပတ်သားကလေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ဖွံ့ဖြိုးတိုးတက်မှုနှင့် အပြုအမူ

ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။

သင့်ကလေးသည် သုံးလခန့်တွင် သွားစပေါက်နိုင်သကဲ့သို့ ၁၂ လခန့်ထိနောက်ကျပြီးမှပေါက်သည်လည်း ဖြစ်နိုင်ပါသည်။ အများစုသည် ၄လမှ ၇လ ကြားတွင် ပထမဆုံး အောက်သွားတစ်ချောင်းစပေါက်ကြသည်။ သင့်ကလေး သွားကျဲနေလျှင် စိတ်မပူပါနှင့်။ သွားများ ကြားရှိနေရာလပ် များသည် အသက် သုံးနှစ်ခန့်တွင် ပျောက်သွားတတ်သည်။
ကလေးသွားစပေါက်ချိန်တွင် သွားရည်ပိုကျတတ်ပြီး ထူးဆန်းသောအသံများထွက်တတ်သည်။
၃၁ ပတ်တွင် သင့်ကလေးသည်-
• လေးဘက်တွားသွားနိုင်သည်။
• ပစ္စည်းများကို လက်တစ်ဖက်မှ တစ်ဖက်သို့ ပြောင်းကိုင်နိုင်သည်။
• လူများ၊ ပစ္စည်းများကို ကိုင်ပြီး မတ်တပ်ရပ်နိုင်သည်။

ကလေးကို မည်သို့ ကူညီသင့်ပါသလဲ။

သင့်ကလေးသည် သင့်ကို တောက်လျောက်မခွာတမ်းနေချင်နေသည့်အတွက် စိတ်ချမ်းသာရသော်လည်း သင့်အတွက် အလုပ်ရှုပ်စေပါလိမ့်မည်။ သင်အပြင်သွားသည့်အခါ ကလေးကို အိမ်တွင် ထားခဲ့လျှင် သင့်ကလေးကို နားလည်အောင်ပြောပြပြီး သင်အမြန်ဆုံးပြန်လာမည်ဖြစ်ကြောင်း ရှင်းပြပါ။ သင်ပြောသည်ကို ကလေးကနားမလည်နိုင်သော်လည်း သင့်အမူအရာနှင့် ကြင်နာမှုသည် ကလေးကို စိတ်သက်သာရစေပါသည်။
ထို့အပြင် ထားခဲ့သည့်အချိန်တိုင်း ကလေးနှင့် ရင်းနှီးသော လူတစ်ယောက်နှင့် အတူထားခဲ့ပါ။ အဖေ နှင့် အမေ မရှိသော်လည်း ကလေး၏ စိတ်ထဲတွင် လုံခြုံမှုရှိစေပါသည်။

ကျန်းမာရေးနှင့် ဘေးကင်းစိတ်ချရမှု

ဆရာဝန်နှင့် ဘာတွေ ဆွေးနွေးသင့်ပါသလဲ။

ယခုလတွင် ဆရာဝန်များသည် ကျန်းမာရေးစစ်ဆေးရန် စီစဉ်မည်မဟုတ်ပေ။ ကောင်းသောအချက်မှာ သင့်ကလေးတွင် ဆိုးရွားသော ကျန်းမာရေးအခြေအနေမရှိခြင်းနှင့် မကောင်းသောအချက်မှာ သင့်ကလေး၏ တိုးတက်မှုများကို သင် သတိမထားမိဖြစ်စေသည်။ နောက်တစ်ကြိမ်တွေ့လျင်မေးရန် မေးခွန်းများကို ကြိုတင်ပြင်ဆင်ထားပါ။ သင့်တွင် စိတ်ပူစရာများရှိနေလျှင် နောက်တစ်ခေါက်တွေ့သည်အထိ စောင့်ဆိုင်းရန်မလိုဘဲ သင့်ဆရာဝန်ကို တွေ့ဆုံဆွေးနွေးနိုင်ပါသည်။

ကျွန််ုပ်ဘာတွေ သိထားသင့်ပါသလဲ။

အောက်ပါတို့သည် သင်သိထားသင့်သော အကြောင်းအရာတစ်ချို့ဖြစ်ပါသည်။

သွားပေါက်ခြင်း

သွားစပေါက်သည့်အခါ နာကျင်မှုကို သက်သာစေရန် ကလေးကို ရာဘာကွင်း သို့မဟုတ် အေးသောပဝါစ ကဲ့သို့ တစ်ခုခု ဝါးခိုင်းပါ။ အေးသော အစားအသောက်များကိုစားလျှင်လည်း နာကျင်မှုသက်သာစေပါသည်။ သင့်ကလေး၏ နာကျင်နေသောသွားဖုံးကို သင့်လက်နှင့် ပွတ်ပေးခြင်း သို့မဟုတ် အနာသက်သာအောင် ဆေးလူးပေးခြင်းတို့ ပြုလုပ်ပေးနိုင်ပါသည်။

အသက်ရှူလမ်းကြောင်းပိတ်ဆို့ခြင်း၊ သီးခြင်း

အသက်ရှူလမ်းကြောင်းတွင် တစ်စုံတစ်ရာပိတ်ဆို့သွားသော အခါ သင့်ကလေးသည် အသက်ကြိုးစားရှူနေခြင်း၊ ချောင်းဆိုးခြင်းတို့ ဖြစ်နိုင်ပါသည်။ သင့်ကလေး အသက်ရှူရခက်ခြင်း၊ ထူးဆန်းသော အသံများထွက်ခြင်း၊ ချောင်းဆိုးခြင်း၊ အသက်ရှူသံ တရွှီရွှီမြည်ခြင်း၊ အရေပြားများ နီရဲခြင်း သို့မဟုတ် ပြာနှမ်းခြင်း နှင့် အောက်ဆီဂျင်ပြတ်လတ်သောကြောင့် သတိလစ်ခြင်းများ စသော လက္ခဏာများပြနေလျှင် အသက်ရှူလမ်းကြောင်းတွင် တစ်စုံတစ်ရာပိတ်ဆို့ခြင်း၊ အစာသီးခြင်းကြောင့်ဖြစ်နိုင်ပါသည်။
သင့်ကလေး ချောင်းဆိုးသည့်အခါ၊ စကားပြောသည့်အခါ၊ ပုံမှန်အသက်ရှူသည့်အခါ ကလေး၏ အသက်ရှူလမ်းကြောင်းသည် လုံး၀ မပိတ်သွားပါ။ သင့်ကလေး အသက်ရှူလမ်းကြောင်း ပိတ်သည်ဟု ထင်လျှင် စိတ်အေးအေးထားပြီး ကလေးကို စိတ်မပူအောင် လုပ်ပါ။ ကလေးတွင် အသားအရောင် နီရာမှ စိမ်းပြာသွားလျှင်၊ အသက်ရှူပြတ်တောင်းပြတ်တောင်း ဖြစ်လာလျှင်၊ ကလေးသည် ထိတ်လန့်ပုံပေါ်နေလျှင် အရေးပေါ်ကုသရန် အကြောင်းကြားပါ။

• တစ်ခုခု ပိတ်ဆို့နေသောကြောင့်ဖြစ်လျှင် သင့်လက်နှင့် နှိုက်ထုတ်ရန်ကြိုးစားပါ။ ပိတ်စေသော အရာဝတ္ထုကို မတွေ့လျှင် သင့်လက်ကို ကလေးပါးစပ်ထဲသို့ မထည့်ပါနှင့်။ သင့်လက်ဖြင့် ပိတ်နေသောအရာကို အထဲပိုရောက်အောင် တွန်းပို့မိနိုင်သည်။
• သင့်ကလေးကို မတ်မတ်ထားပြီး မေးစေ့ကို လက်ဖြင့် ထိန်းကိုင်ထားပါ။ ခေါင်းကို ခန္ဓါကိုယ်ထက် နှိမ့်ထားပါ။
• ကလေး၏ နောက်ကျောကို ငါးချက်လောက် ပုတ်ပေးပါ။ မြန်မြန်နှင့် ဖွဖွပုတ်ပါ။ ကလေး၏ ခန္ဓါကိုယ်သည် အားနည်းနေကြောင်း သတိပြုပါ။
• သင့်ကလေး ချောင်းဆိုးလျှင် သင့်ကလေးကို ပိတ်နေသော အရာကို ထွေးထုတ်ခိုင်းပါ။ ချောင်းမဆိုးလျှင် သင့်ကလေး၏ ရင်ခေါင်းနေရာကို သင့်လက်ချောင်းများကို သုံးပြီး ဖြည်းဖြည်း ဖိချပါ။
• ပိတ်သော အရာထွက်မလာလျှင် သင့်ကလေးကို လှဲထားပြီး လျှာကို လက်မဖြင့် ဖိထားပြီး လည်ချောင်းထဲသို့ ကြည့်ပါ။ ပိတ်သောအရာကို မမြင်လျှင် အသက်ပြန်ရှူနိုင်စေရန် အရေးပေါ်ပြုလုပ်ပါ။ မရလျှင် ၂ ကြိမ် ၃ ကြိမ် လုပ်ပါ။ ဆရာဝန်ကို အမြန်ဆုံး ပြသပါ။

အသက်ရှူလမ်းကြောင်း မပိတ်စေရန် သင့်ကလေးကို အသက်နှင့် သင့်တော်သော အစားအစာကိုသာ စားစေပါ။ ကလေးအစားစားနေလျှင် သေချာစောင့်ကြည့်ပါ။ သင့်ကလေးကို အစားကျွေးလျှင် မတ်မတ်ထိုင်ခိုင်းပြီး ကျွေးပါ။ သင့်ကလေးကို မျိုချလို့ရသော ပစ္စည်းများနှင့် ပေးမကစားပါနှင့်။ သင့်ကလေး၏ ဖွံ့ဖြိုးမှုနှင့် သင်ကြားမှုကို အထောက်အကူဖြစ်စေသော ကစားစရာများကို ရွေးသည့်အပြင် စိတ်ချရသည့် ဘေးကင်းသည့် ပစ္စည်းများလည်း ဖြစ်ရန်လိုပါသည်။ အသက်ရှူလမ်းကြောင်းပိတ်ခြင်းသည် ကလေးတွင် အဖြစ်များဆုံးသော သေဆုံးမှုအကြောင်းရင်းဖြစ်သည်။ ထို့ကြောင့် အရေးပေါ်တွင် အသက်ရှူအောင်လုပ်သည့် လေ့ကျင့်ခန်းများကို သင်ယူထားလျှင် အရေးပေါ်အခြေအနေတွင် ကလေးကို ကယ်နိုင်ပါသည်။ ကလေးသည် သေးငယ်သောပစ္စည်းများကို မျိုချတတ်သော်လည်း အချို့သည် ပြဿနာမဖြစ်စေဘဲ အစာအိမ်မှ ဆက်လက်ဖြတ်သန်းသွားနိုင်သည်။ သင့်ကလေးတွင် သွားရည်အလွန်ကျနေလျှင် သို့မဟုတ် အစာမျိုရခက်နေပြီး အစားပျက်လျှင်၊ သို့မဟုတ် နာကျင်မှုကို ခံစားရလျှင် တစ်ခုခုပိတ်နေခြင်း ဖြစ်နိုင်သည်။ ဆရာဝန်ကို အမြန်ဆုံးအကြောင်းကြားပြီး ချက်ချင်းဆေးရုံသွားပါ။

ကျွန်ုပ်၏ စိုးရိမ်ပူပန်မှု

အောက်ပါတို့သည် သင်စိုးရိမ်ပူပန်နေသော အကြောင်းအရာများဖြစ်နိုင်ပါသည်။
သင့်ကလေးတွင် မွေးရာပါ ပါရမီတစ်ခုခု ရှိနေသလားသိလိုလျှင် အောက်ပါတို့ကို စဉ်းစားကြည့်ပါ။

• ဖွံ့ဖြိုးတိုးတက်မှု မြန်ဆန်ခြင်း
• မှတ်သားနိုင်ပြီး လေ့လာအားကောင်းခြင်း
• တီထွင်နိုင်စွမ်း ရှိခြင်း
• ဟာသဉာဏ်ရှိခြင်း
• အလွန်စူးစမ်းတတ်ပြီး အာရုံစိုက်တတ်ခြင်း
• အရာဝတ္ထုများကို ဆက်စပ်တတ်ခြင်း
• စဉ်းစားတွေးခေါ်တတ်ခြင်း
• အိပ်ပျော်ရန်ခက်ခြင်း
• အလွန်တုံ့ပြန်မှုမြန်ခြင်း

ထို့နောက် ၃၂ ပတ်တွင် ကလေးသည် မည်သို့ ဆက်လက်ကြီးထွားမည်နည်း။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"
    ရင်းမြစ်များ

    သင်ဒါလည်း နှစ်သက်နိုင်ပါတယ်။

    8 ပတ်သားကလေး

    ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ဒီအချိန်မှာ သင့်ကလေးရဲ့ဦးနှောက်ကဟာ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Aye Myat Myat Noe

    9 ပတ်သားကလေး

    ဖွံဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသနည်း။ သင့်ကလေးလေး ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Su Sandy

    33 ပတ်သားကလေး

    ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ သင့်ကလေးသည် ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Su Sandy

    28 ပတ်သားကလေး

    ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ ဤအရွယ်တွင် ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Su Sandy

    သင့်အတွက် ရွေးချယ်ထားသည်

    ၃၂ ပတ်သားကလေး

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr. Su Sandy
    ရေးသား ထုတ်ဝေခဲ့သည် ဖေ‌ဖော်ဝါရီ 15, 2018 . 3 mins read
    5 ပတ်သားကလေး

    5 ပတ်သားကလေး

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr.Aye Myat Myat Noe
    ရေးသား ထုတ်ဝေခဲ့သည် ဇူလိုင် 20, 2017 . 2 mins read
    6 ပတ်သားကလေး

    6 ပတ်သားကလေး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Aye Myat Myat Noe
    ရေးသား ထုတ်ဝေခဲ့သည် ဇူလိုင် 20, 2017 . 3 mins read
    8 ပတ်

    8 ပတ်

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Hmwe San Eain
    ရေးသား ထုတ်ဝေခဲ့သည် ဇူလိုင် 20, 2017 . 3 mins read