အသင့်ညှစ်ထုတ်ပြီးသား မိခင်နို့ရည်နဲ့ပတ်သက်ပြီး သင်သိထားရမယ့်အချက်များ

အသင့်ညှစ်ပြီးသား မိခင်နို့ရည် ဆိုတာ သင့်လက် နှင့်ဖြစ်စေ ကိရိယာ နှင့်ဖြစ်စေ နို့အုံကနေ ညှစ်ယူ ရရှိတဲ့ နို့ဖြစ်ပါတယ်။ ထုတ်ယူပြီးပြီ ဆိုတာနဲ့ ရေခဲသေတ္တာထဲမှာ သိမ်းထားပြီး နောက်တစ်ခါ ကလေးကို ပြွန်၊ ဇွန်း၊ ခွက်၊ ဘူးတို့နဲ့ တိုက်ကျွေးနိုင်ပါတယ်။ နို့ရည် ညှစ်ယူခြင်းက သားဦး မိခင်တွေအတွက် ခက်ခဲနိုင် ပါတယ်။ အောက်ပါ အချက်တွေကတော့ နို့ရည် ညှစ်ယူရာမှာ ကျွမ်းကျင်စေဖို့ သင်သိသင့်တဲ့ အချက်တွေဖြစ်ပါတယ်။ အသင့်ညှစ်ထုတ်ပြီးသား မိခင်နို့ရည်နဲ့ပတ်သက်ပြီး သင်သိထားရမယ့်အချက်များ က ဘာတွေများ ဖြစ်မလဲ ဆိုတာကို အတူတူ ကြည့်လိုက်ရအောင်နော်။

အသင့်ညှစ်ထုတ်ပြီးသား မိခင်နို့ရည်နဲ့ပတ်သက်ပြီး သင်သိထားရမယ့်အချက်များ

အသင့်ညှစ်ထုတ်ပြီးသား မိခင်နို့ရည်နဲ့ပတ်သက်ပြီး သင်သိထားရမယ့်အချက်များ ကတော့

၁။ သင့်ရဲ့ နို့ရည်ကို ဘာလို့ထုတ်ယူထားသင့်သလဲ။

တစ်ခါတစ်လေမှာသင့်ကလေးကို နို့တိုက်ချိန်ရောက်နေပေမယ့် သင်ကအနားမှာမရှိတာ ဖြစ်နေနိုင်ပါတယ်။ သင့်ရဲ့ရေခဲသေတ္တာထဲမှာအသင့်ညှစ်ထားပြီးသား နို့ရည်ရှိမယ်ဆိုရင် သင့်ကလေးက နို့ရည်ရဲ့ ကောင်းကျိုး တော်တော်များများကိုရရှိမှာပါ။ ဒါ့အပြင် သင့်ရင်သားမှာ နို့ရည်တွေများပြားတင်းကြပ်နေမယ်ဆိုရင် မသက်မသာခံစားရနိုင်ပါတယ်။ နေ့မစေ့ဘဲမွေးတဲ့ ကလေးတွေနဲ့ ရောဂါဖြစ်ပွားနေတဲ့ ကလေးတွေကိုလည်း နို့တိုက်ကျွေးလို့ မရနိုင်ပါဘူး။ ဒါကြောင့် အသင့်ထုတ်ယူထားတဲ့ နို့ရည်ဟာ အလွန် အသုံးဝင်လာခြင်းဖြစ်ပါတယ်။

၂။ နို့ရည်ကိုဘယ်လိုညှစ်ယူမလဲ

ပထမဆုံး အချက် ကတော့ လက်ကို စင်ကြယ်စွာ ဆေးကြောဖို့ပါပဲ။ လက်ကိုပဲ အသုံးပြုတာဟာ ဈေးအသက်သာဆုံးနည်း ဖြစ်ပါတယ်။ ဘာကြောင့်လဲဆိုတော့ နို့ဘူး ၊ အိတ် သို့မဟုတ် အဖုံးပါတဲ့ နို့ဘူး ထည့်စရာ သေတ္တာ တစ်ခုခုကလွဲလို့ ဘာပစ္စည်းမှ ထပ်မလိုလို့ ဖြစ်ပါတယ်။ ဒါပေမယ့် လက်နဲ့ညှစ်ယူ ခြင်းက ခက်ခဲတတ်ပါတယ်။ နည်းလမ်းကတော့ နို့ထိပ်ခေါင်းရဲ့ နောက်ဘက်ကပ်လျက် နို့ပြွန်တွေပေါ်ကို ညှင်သာစွာဖိနှိပ်ပေးရမှာ ဖြစ်ပြီး နို့ထိပ်ဖူးကို မဟုတ်ပါဘူး။

စုပ်ယူတဲ့ ကိရိယာသုံးတာက ပိုလွယ်ကူစေပါတယ်။ လျှပ်စစ်အားသုံး ကိရိယာဆိုရင် စုပ်ခွက်ကို သင့်ရဲ့ ရင်သားပေါ်တင်ပြီး စက်ဖွင့်ထားလိုက်ပါ။ သင့်ရင်သား ၂ဖက်လုံးက နို့ရည် ညှစ်ယူဖို့ဆိုရင် ၄၅ မိနစ်ခန့် ကြာနိုင်ပါတယ်။ အချိန်မတွက် စိတ်မပူပါနဲ့။ နို့ကောင်းကောင်း ထွက်နေသမျှ စုပ်ထုတ်ပါ။ ထွက်တဲ့ ပမာဏ နည်းလာပြီဆိုရင် နောက်တစ်ဖက်ကို ပြောင်းပါ။ နို့ရည် များများရဖို့ ဒါမျိုး ၂ ခေါက်ခန့် လုပ်ပေးသင့်ပါတယ်။

၃။ နို့ရည်ကို ဘယ်လိုသိမ်းဆည်းမလဲ။

အဖုံးလုံအောင် ပိတ်ထားတဲ့ ပလတ်စတစ်ဘူးထဲမှာ နို့က ကြာရှည်ခံဆုံး ဖြစ်ပါတယ်။ ရေခဲသေတ္တာထဲ မထည့်ခင် သင်ညှစ်ယူတဲ့ နေ့ကို နို့ဘူးပေါ်မှာ ရေးမှတ်ပေးဖို့ မမေ့ပါနှင့်။ ဒါမှသာ အစောဆုံး ဘူးကို အရင်ဆုံး သုံးစွဲဖို့ သတိရမှာ ဖြစ်ပါတယ်။ နို့ရည်ဟာ ၄ ဒီဂရီစင်တီဂရိတ် အပူချိန်မှာ ၅ ရက်ခန့် အထားခံပါတယ်။ အခဲခန်း ထဲမှာသာ ထားမယ် ဆိုရင် နို့ရည်ဟာ ၂ ပတ်ကျော်ထိ အထားခံပါတယ်။

အေးခဲထားတဲ့ နို့ဟာ ကလေးတစ်ယောက် ရောဂါပိုးတွေ တိုက်ခိုက်ဖို့ လိုအပ်တဲ့ ရောဂါ ကာကွယ်နိုင်အားတွေ ဆုံးရှုံးပါတယ်။ ဒါကြောင့် သင် အချိန်တိုတွင်းမှာ အသုံးပြုမယ် ဆိုရင် နို့ရည်ကို မအေးခဲထားဖို့ အကြံပြုချင်ပါတယ်။ မည်သို့ ဖြစ်စေ သင့်ကလေးအတွက် အေးခဲထားတဲ့ အသင့်ထုတ်ယူပြီးသား နို့ရည်ဟာ နို့မှုန့်ထက် များစွာ သာလွန်ပါလိမ့်မယ်။