သင့်ကလေးက စကားပြောနောက်ကျ နေပြီလား။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 22, 2020 . 2 mins read
Share now

မေမေတွေကတော့ ကလေးတွေကို ဗိုက်ထဲမှာကတည်းက တစ်နေ့ တစ်မျိုး မရိုးရအောင် စိုးမ်နေရတာပါပဲ။ မွေးလာတော့လည်း ကလေးနို့မှ ဝပါ့မလား။ ငါ့ကလေးက ညှက်နေတာလား။ ကလေးက ထိုင်လည်း မထိုင်သေးဘူး။ စကားလည်း မပြောသေးဘူး စသဖြင့် စိုးရိမ်တတ်ကြပါတယ်။ ဒီထဲမှာ complaintအတက်ဆုံးကတော့ ကလေးက စကားပြောနောက်ကျ တာပါပဲ။

စကားပြောနောက်ကျပြီဆိုရင် မေမေတွေ ကလေးကို စကားပြောအောင်ဆိုပြီး ဓလေ့အရ ကြက်ဖင်ဆီဘူးတွေကျွေးကြ သိသမျှ မှတ်သမျှလေးတွေ လုပ်ကြနဲ့ အလုပ်ရှုပ်ကြပါတော့တယ်။ ဒီမှာ ပြောချင်တာက ကိုယ့်ကလေးက တကယ်ပဲ စကားပြောနောက်ကျတာလားဆိုတာ သိအောင်လုပ်ပါ။

ဘာလို့လည်း ဆိုတော့ ကလေးတွေမှာ developmental milesonesလို့ ခေါ်တဲ့ အသက်အရွယ်အလိုက်ဖွံ့ဖြိုးမှု ဖြစ်စဉ်တွေ ရှိပါတယ်။ ဒီmilestonesပေါ်မူတည်ပြီး ကလေးက မှောက်တာ၊ ထိုင်တာ၊ စကားပြောတာ၊ လမ်းလျှောက်တာတွေ  ဖြစ်တာပါ။

အသက်အရွယ်အလိုက်ဖွံ့ဖြိုးတယ်ဆိုပေမယ့် ကလေး တစ်ယောက်နဲ့ တစ်ယောက် မတူနိုင်ပါဘူး။ တချို့ကလေးတွေက နည်းနည်းအတတ်မြန်တယ်။ တချို့ကလေးတွေက နည်းနည်းလေး နောက်ကျတယ်။

ဘယ်လိုပဲ ဖြစ်ဖြစ် ဖွံ့ဖြိုးမှုတွေက စော တစ်လ၊ နောက်ကျ တစ်လပါပဲ။ ဘေးအိမ်က ကလေးကို ကြည့်ပြီး ကိုယ့်ကလေးကို မချင့်မရဲ ဖြစ်စရာ မလိုပါဘူး။  ဒါတွေက မိဘမျိုးရိုးနဲ့လည်း ဆိုင်ပါတယ်။ ကလေးက ကျန်းမာတယ်။ သူ့အသက်နဲ့ လိုက်တဲ့ ကိုယ်အလေးချိန်ရှိတယ်။ ဖွံ့ဖြိုးမှုမှတ်တိုင်တွေကိုလည်း လိုက်မီတယ်ဆိုရင် စိုးရိမ်စရာ မရှိပါဘူး။

ဘယ်အခါမှာ စကားပြောနောက်ကျတယ်လို့ သတ်မှတ်မလဲ။ 

  • ကလေးက ၂လဆိုရင် ဝူးဝူးဝါးဝါး အော်တတ်ရပါမယ်။ အဲ့ဒီအချိန်မှာ မအော်တတ်ဘူးဆိုရင် ကလေးကို မြှူကြည့်ပါဦး။ မြှူလို့လည်း မရဘူးဆိုရင် ကလေးက နောင်အခါမှာ စကားပြောနောက်ကျဖို့ အလားအလာရှိပါတယ်။ ဒါဟာ ပထမဆုံး လက္ခဏာပါပဲ။
  • ၁နှစ်ခွဲမှာ ‘မာမား၊ ပါးပါး’ လိုမျိုး လွယ်ကူတဲ့ စကားလုံးတွေ မပြောနိုင်ဘူးဆိုရင်
  • အသက် ၂နှစ်မှာ စကားလုံး ၂၅လုံးလောက် မပြောတတ်ဘူးဆိုရင်
  • ၂နှစ်ခွဲမှာ စာလုံး ၂လုံးတွဲလေးတွေ မပြောတတ်သေးဘူးဆိုရင်
  • အသက် ၃နှစ်မှာ စကားလုံး ၂၀၀လာက်ကို မသိသေးဘူးဆိုရင်၊ ဒါမှမဟုတ် သူသုံးနေကြ ပစ္စည်း (နာမည် သင်ပေးပြီးသား)ကိုတောင် မခေါ်တတ်သေးဘူးဆိုရင်၊ သင်နဲ့ သူ အတူနေတာတောင် သူပြောတာကို သင်နားမလည်ဘူးဆိုရင်
  • ဘယ်အရွယ်မှာပဲ ဖြစ်ဖြစ် အရင်က သင်ပေးပြီးသား၊ ပြောတတ်ပြီးသား စကားလုံးတွေကို မေ့သွားတယ်၊ မပြောတတ်တော့ဘူးဆိုရင်

ဒါဟာ သင့်ကလေး စကားပြောနောက်ကျနေတာပါပဲ။

ဘာဖြစ်လို့ စကားပြောနောက်ကျ ရတာလဲ။

ဟုတ်ပါတယ်။ ကလေးက မပြောတတ်တာ မဟုတ်ပါဘူး။ သူက သင်ပြောတာကို သေချာ မကြားရတာ ဒါမှမဟုတ် လုံးဝမကြားရတာ ဖြစ်နိုင်ပါတယ်။ မကြားရရင် စကားပြောနိုင်မှာ မဟုတ်ပါဘူး။ ကလေးရဲ့ အကြားအာရုံကောင်းမကောင်းကို မွေးစမှာလည်း စမ်းသပ်လို့ရပါတယ်။ ဒါကို မမီလိုက်ရင် ကလေး ၃လအရွယ်မှာ စစ်ဆေးနိုင်ပါတယ်။

  • သွားနဲ့ ခံတွင်း ပြဿနာတွေ ရှိနေတာ

ခံတွင်း၊ လျှာနဲ့ အာခေါင်မှာ ပြဿနာရှိနေတာပါ။ ဥပမာ ပြောရရင် လျှာတိုတဲ့ ကလေးတွေ၊ လျှာခင်တွယ်နေတဲ့ ကလေးတွေဆို စကားပြောရအဆင်ပြေမှာ မဟုတ်ပါဘူး။

  • ကလေးကို စကားပြောဖို့ အခွင့်အရေး မပေးတာ

လူကြီးတွေ စကားဝိုင်းမှာတောင် ကိုယ့်ကို ပြောမယ့်သူ မရှိရင် တစ်ယောက်တည်း ငေါင်တောင်တောင် ဖြစ်နေမှာပါ။ ကလေးလည်း ဒီလိုပါပဲ။ သူ့ကို စကားပြောဖို့ အခွင့်အရေး မပေးရင် သူပြောတတ်မှာ မဟုတ်ပါဘူး။ ကလေးကို စကားပြောစေနိုင်တဲ့ tricksတွေကို ဒီမှာ ကြည့်ပါ။

  • အော်တစ်ဇင်

အော်တစ်ဇင် ကလေးတိုင်းတော့ မဟုတ်ပေမယ့် တော်တော်များများကတော့ စကားပြောနောက်ကျတာ တွေ့ရပါတယ်။

  •   ဦးနှောက်နဲ့ အာရုံကြောပြဿနာတွေ

 Cerebral palsyလို့ ခေါ်တဲ့ ဦးနှောက်မဖွံ့ဖြိုးတဲ့ ရောဂါမှာဆိုရင် စကားပြောနောက်ကျတာအပြင် နားမကြားတာ၊ တခြားသော ဖွံ့ဖြိုးမှု ဖြစ်စဉ်တွေ နောက်ကျတာတွေပါ တွေ့ရမှာပါ။ နောက်ပြီး ကလေးက ငယ်စဉ်မှာ ဦးနှောက်ကို ထိခိုက်ဒဏ်ရာရခဲ့ရင်လည်း စကားပြောနောက်ကျတတ်ပါတယ်။

အသိဉာဏ် မဖွံ့ဖြိုးတဲ့အတွက် စာလုံးတွေကိုလည်း ကောင်းကောင်း မသင်နိုင်၊ မမှတ်နိုင်ပါဘူး။ နောက်ပိုင်း စာသင်ကြားမယ်ဆိုရင်လည်း အခက်အခဲရှိနေမှာပါ။

ကလေး စကားပြောနောက်ကျ ရင် ဘာဆက်လုပ်ရမလဲ။

အကောင်းဆုံးကတော့ ကလေးစကားပြောနောက်ကျတာကို သိပြီဆိုရင် ကလေးဆရာဝန်နဲ့ ပြသပါ။ စကားပြောတာပဲ နောက်ကျတာလား၊ တခြား ဖွံ့ဖြိုးတဲ့ ဖြစ်စဉ်တွေရော နောက်ကျနေလားဆိုတာ သိဖို့လိုပါတယ်။ ဘာကြောင့် ဒီလိုနောက်ကျရတာလဲဆိုတာလည်း သိဖို့လိုပါတယ်။ ပြီးတော့ ကလေးကို စကားပြောလေ့ကျင့်ပေးဖို့လည်း လိုပါတယ်။

ကလေးစကားပြော နောက်မကျအောင် ဘယ်လို လုပ်မလဲ။

  • ကလေးကို မြှူပေးပါ။ ကလေးနဲ့ စကားပြောပါ။
  • ပစ္စည်းတွေပြပြီး နာမည်လေးတွေ ပြောပြပေးပါ။
  • ကလေးကို စာဖတ်ပြပါ။ ပုံလေးတွေ ပြပါ။
  • ကလေးကို သီချင်းလေးတွေ  ဆိုပြပါ။
  • သူတို့ သင့်ကို စကားပြောတဲ့အခါ စိတ်ဝင်တစားနားထောင်ပေးပါ။
  • သူများကို သူတို့ကို တစ်ခုခုမေးတဲ့အခါ သူ့တို့အစား မဖြေပါနဲ့။
  • သူတို့ တစ်ခုခုလိုချင်တဲ့အခါ ချက်ချင်းမပေးပါနဲ့. သူတို့ နာမည်ပြောပြီး တောင်းပါစေ။ ဒီနှစ်ချက်လုံးက ကလေးကို စကားပြောဖို့ အခွင့်အရေးပေးတာပါပဲ။
  • သူတို့ စကားပြောမှားတဲ့အခါ၊ စာလုံးတွေ မမှတ်မိတဲ့အခါ မဆူပါနဲ့။ စိတ်ရှည်ရှည်သင်ပေးပါ။
  • တခြားကလေးတွေနဲ့လည်း စကားပေးပြောလိုက်ပါ။

ဆောင်းပါးမှာ ဆိုလိုရင်းက ကလေး စကားပြောနောက်ကျတယ်ဆိုတာ ဘာကိုပြောတာလဲဆိုတာ သိဖို့လိုပါတယ်။ သူများနဲ့ နှိုင်းယှည်တာမျိုး မဟုတ်ဘဲ ကိုယ့်ကလေးအသက်နဲ့ သူ့ဖွံ့ဖြိုးမှုနဲ့ကို တိုက်ကြည့်ရမှာပါ။ နောက်ကျတာ တကယ်ပဲဆိုရင် ဆရာဝန်နဲ့ ပြပြီး ကုသမှုခံဖို့ လိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဦးနှောက် မှာပါတဲ့ အစိတ်အပိုင်းတွေရဲ့ အလုပ်လုပ်ပုံနဲ့ အဖြစ်များတဲ့ ရောဂါများအကြောင်း

ဦးနှောက်ဟာ ခန္ဓာကိုယ်တစ်ခုလုံးကို ထိန်းချုပ်ထားတဲ့ အင်္ဂါရပ်ဖြစ်တာကြောင့် ရောဂါလက္ခဏာတွေကို မှတ်ထားပြီး မူမမှန်တာရှိရင် ဆရာဝန်နဲ့ ပြသဖို့ အကြံပြုလိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အဖြစ်များတဲ့ နား၊ နှာခေါင်း၊ လည်ချောင်း ပြဿနာတွေက ဘာများလဲ

နား၊ နှာခေါင်း၊ လည်ချောင်း ရောဂါတွေက အများကြီးရှိပြီး ခံစားရတဲ့ လက္ခဏာတွေလည်း တစ်ခုနဲ့ တစ်ခု မတူကြပါဘူး။ ရောဂါတွေကို သိထားရင် ပြသရတာ လွယ်ကူပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကာကွယ်ဆေးထိုးခြင်းကို ဆန့်ကျင်ကြသူများ

ကာကွယ်ဆေးတွေဆိုတာ ပြင်းထန်တဲ့ရောဂါအန္တရာယ်တွေရန်က ကာကွယ်နိုင်အောင်ထိုးနှံကြတာဖြစ်ပေမဲ့ ကာကွယ်ဆေးထိုးတာကို လုံးဝလက်မခံတဲ့လူတစ်ခုလည်းရှိနေပါသေးတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

ဦးနှောက်အကျိတ်ကို ကုသလို့ ရပါ့မလား

သင့်ဆီမှာ ဦးနှောက်အကျိတ်ရှိနေပြီလို့ သိလိုက်ရတဲ့အချိန်မှာ သင်ဘာဆက်လုပ်မလဲ။ အရင်တုန်းကဆိုရင်တော့ ဒါဟာ သိပ်ကို ဝမ်းနည်းဖို့ကောင်းတဲ့ သတင်းဆိုးပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ear-drum-perforation-and-deafness နားစည်ပေါက်

နားစည်ပေါက် တိုင်း နားကန်းသလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
အဖြစ်များတဲ့ နားပြဿနာ များ

အဖြစ်များတဲ့ နားပြဿနာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 15, 2021 . 2 mins read
ဦးနှောက်နဲ့ ကျောရိုးအာရုံကြောမကြီး မှာ အဖြစ်များတဲ့ ရောဂါများ

ဦးနှောက်နဲ့ ကျောရိုးအာရုံကြောမကြီး မှာ အဖြစ်များတဲ့ ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 5, 2021 . 3 mins read