backup og meta

မြီးညှောင့်ရိုးနာနေတာ ဘယ်လိုသက်သာအောင်လုပ်မလဲ

မှ အချက်အလက် စစ်ဆေးထားပါသည်။ Dr. Thurein Hlaing Win


Yun Sandi Nan Mon မှ ရေးသားသည်။ · 10/12/2021 တွင် အသစ်ဖြည့်စွက်ခဲ့သည်။

    မြီးညှောင့်ရိုးနာနေတာ ဘယ်လိုသက်သာအောင်လုပ်မလဲ

    ထိုင်လို့မရဘူး မြီးညှောင့်ရိုး နာနေတယ်၊ ထိုင်လိုက်တိုင်း အခင်းလေးခုပြီးထိုင်ရတယ်ဆိုတာတွေ တွေ့ရဖူးပါတယ်။ ပိန်တဲ့သူတွေ၊ အသက်ကြီးတဲ့သူတွေမှာ အဖြစ်များပေမယ့် လူတိုင်းဖြစ်နိုင်ခြေရှိတဲ့ဝေဒနာပဲဖြစ်ပါတယ်။ မြှီးညှောင့်ရိုးနာတယ်ဆိုတာကျောရိုးမကြီးအဆုံးနားက အရိုးထိပ်ပိုင်းအတွင်းနဲ့ပတ်လည်က နာကျင်မှုဖြစ်ပါတယ်။

    ဘာလို့နာတတ်လဲဆိုတော့ချော်လဲလို့၊ မာကျောတဲ့ကြမ်းပြင် ဒါမှမဟုတ်နေရာကျဉ်းကျဉ်းလေးမှာ အချိန်ကြာကြာထိုင်ရလို့၊ အသက်ကြီးလာတဲ့အခါ အရိုးအဆစ်တွေမကောင်းတော့လို့၊ ဒါမှမဟုတ် ရိုးရိုးမီးဖွားထားလို့ စတဲ့အကြောင်းရင်းတွေရှိပါတယ်။

    မြီးညှောင့်ရိုးနာနေတာ က ဒီအတိုင်းဆိုသိပ်မသိသာဘဲ နည်းနည်းပဲနာနေတတ်ပေမယ့် ထိုင်ချလိုက်တဲ့အချိန်၊ ထိုင်နေရာကနေ မတ်တပ်ရပ်လိုက်တာ ဒါမှမဟုတ် ကြာကြာမတ်တပ်ရပ်လိုက်တဲ့အချိန် လိုမျိုး လှုပ်ရှားမှုတွေ လုပ်လိုက်တဲ့အခါမှာ စူးပြီးနာကျင်ရပါတယ်။ ဝမ်းသွားတဲ့အချိန် နဲ့ လိင်ဆက်ဆံတဲ့အချိန်မှာလည်း နာကျင်လာနိုင်ပါတယ်။ မိန်းကလေးတွေဆို ရာသီလာတဲ့အချိန်မှာ ပိုပြီးအဆင်မပြေဖြစ်ရတတ်ပါတယ်။

    ဘယ်လိုသက်သာအောင် လုပ်မလဲ

    ပုံမှန်အားဖြင့်တော့ တစ်ပတ်နှစ်ပတ် ဒါမှမဟုတ် လအနည်းငယ်အထိ ခံစားရတတ်ပါတယ်။ဖြစ်နေတဲ့အချိန်မှာ နာကျင်မှုသက်သာအောင် ဒီအချက်လေးတွေ သတိထားသင့်ပါတယ် –

    ထိုင်တဲ့အခါလျှောပြီးထိုင်ပါ

    ထိုင်တဲ့အခါ ဒိုးနတ်ပုံစံ အခင်းပျော့အဝိုင်းကို ခုထိုင်ပါ ဒါမှမဟုတ် ဆိုဖာလိုပျောပျောင်းတဲ့အရာတစ်ခုခုနဲ့ထိုင်ပါ။

    နာကျင်တဲ့နေရာကိုရေနွေး ဒါမှမဟုတ်ရေခဲကပ်ပေးပါ။ (နှစ်မျိုးလုံးတပြိုင်တည်းမလုပ်ရပါဘူးနော်)

    ဖြစ်နိုင်ရင် ကြာကြာမထိုင်ပါနဲ့။ ရံဖန်ရံခါ မတ်တပ်ထရပ်ပြီးလမ်းလေးလျှောက်တဲ့ ပုံမှန်အကျင့်လုပ်ပေးပါ။

    မကျပ်တဲ့အဝတ်အစားကို ဝတ်ဆင်ပါ။ ဂျင်းဘောင်းဘီအကျပ်တွေကိုမဝတ်ပါနဲ့။မြှီးညှောင့်ရိုးကို ဖိအားဖြစ်စေနိုင်ပါတယ်။

    ဆရာဝန်ဆေးညွှန်းမလိုတဲ့ အကိုက်အခဲပျောက်ဆေးသောက်ပါ။ Acetaminophen ၊ Ibuprofen တို့သောက်လို့ရပါတယ်။

    တကယ်လို့မသက်သာရင်တော့ အကြာကြီးကြိတ်မခံဘဲ ဆရာဝန်ပြတာကောင်းပါတယ်။မြှီးညှောင့်ရိုးကျိုးအက်မှုများရှိသလား၊ အရိုးအဆစ်ယိုယွင်းမှုတွေရှိနေသလား ဒါမှမဟုတ်ဖြစ်ခဲတဲ့အကျိုးဆက်တွေလား ဆရာဝန်က စစ်ဆေးကုသပေးပါလိမ့်မယ်။

    မြီးညှောင့်ရိုးနာနေတာ ဘယ်အချိန်မှာ ဆရာဝန်ပြသင့်သလဲ

    မြီးညှောင့်ရိုးနာနေတာ ပိုဆိုးလာပြီး အလုပ်မသွားနိုင်တာ၊ အိမ်အလုပ်မလုပ်နိုင်တော့တာလိုမျိုး အခြေအနေဆုတ်ယုတ်လာပြီဆို ဆရာဝန်ပြသင့်ပါတယ်။နောက်ပြီး –

  • သက်သာမယ့်နည်းတွေလုပ်ကြည့်တာတောင် ဆက်တိုက်မလျော့ဘဲနာကျင်နေရင်
  • နာကျင်နေတဲ့ မြီးညှောင့်ရိုးမှာ ဖုနေတာ ဒါမှမဟုတ် ခိုးလို့ခုလုဖြစ်လာရင်
  • မြီးညှောင့်ရိုးမှာ ဒါမှမဟုတ် သူ့နားတဝိုက် ဖျားလာတာ၊ ပူသလိုခံစားရတာ၊ရောင်လာတာဆိုရင် ဆရာဝန်ပြပါ။
  • ဝေဒနာတာရှည်နေတဲ့ မြီးညှောင့်ရိုး နာကျင်မှုအတွက် ကုသနိုင်တဲ့ နည်းလမ်းတွေကတော့ –

    • လေ့ကျင့်ခန်းကုထုံး – အသက်ကိုရှိုက်ရှူပြီး တင်ပါးဆုံအောက်ပိုင်းကိုလုံးဝပြေလျော့စေတာမျိုး ဆီးသွားချိန်၊ ဝမ်းသွားချိန်တွေမှာ တင်ပါးဆုံအောက်ပိုင်းပြေလျော့စေတဲ့ လေ့ကျင့်ခန်းတွေလုပ်ခိုင်းတဲ့နည်းနဲ့ ဆရာဝန်ကကုသပေးပါလိမ့်မယ်။
    • နှိပ်နယ်တဲ့ကုထုံး – မြီးညှောင့်ရိုးနဲ့တွယ်ဆက်နေတဲ့ ကြွက်သားတွေကိုနှိပ်နယ်ပေးပြီး နာကျင်မှုကိုသက်သာအောင်ကုတဲ့နည်းပါ။
    • ဆေးဝါးကုထုံး –မြီးညှောင့်ရိုးထဲကို အနာသက်သာဆေးထိုးပေးပြီး ရက်သီတင်းပတ်အနည်းငယ်အတွင်း သက်သာစေနိုင်ပါတယ်။ နာကျင်မှုသက်သာစေဖို့ အကိုက်အခဲပျောက်ဆေး၊သောက်ဆေးတွေလည်း ညွှန်းပေးပါလိမ့်မယ်။
    • ခွဲစိတ်ကုထုံး –အပေါ်ကနည်းလမ်းတွေနဲ့မရနိုင်ရင်တော့ လိုအပ်တဲ့အချက်အလက်တွေကို ချင့်တွက်ပြီး ဆရာဝန်က လိုအပ်ရင်ခွဲစိတ်ကုသပေးပါလိမ့်မယ်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Yun Sandi Nan Mon မှ ရေးသားသည်။ · 10/12/2021 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement