မထင်မှတ်ပဲ သင့်ရဲ့သွားလှလှလေးတွေကို ပျက်စီးစေမယ့် အရာ ၆ ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

လူတိုင်းနီးပါးဟာ ဖြူဖွေးလှပတဲ့ သွားလေးတွေနဲ့ ယုံကြည်ချက်ရှိရှိလှပနေတဲ့ အပြုံးမျိုးကို ပိုင်ဆိုင်ချင်ကြပါတယ်။ ဒီအပြုံးနဲ့ ဒီသွားတွေဟာ ဆက်စပ်နေတယ်ဆိုတာကိုတော့ လူတိုင်း သိကြမှာပါ။

ဒီလို သွားလှလှလေးတွေကို ပိုင်ဆိုင်ဖို့ ကြိုးစားကြရင်း တစ်ခါတစ်ရံမှာ ကိုယ်မထင်မှတ်ထားတဲ့ အစားအစာတွေနဲ့ သွားကျန်းမာရေးဆိုင်ရာ အထောက်အကူပစ္စည်းတစ်ချို့က ကိုယ့်ရဲ့ မျှော်လင့်ချက်တွေကို တားဆီးနေတယ်ဆိုတာကို သိပါရဲ့လား။

တစ်ချို့သော အစားအစာတွေနဲ့ သွားတိုက်ဆေးတွေဟာ သင့်ရဲ့ သွားလေးတွေ လှလှပပဖြစ်မလာအောင်၊ ဖျက်ဆီးနိုင်စွမ်းရှိနေပါတယ်။ အဲဒါတွေက ဘာတွေလဲဆိုတာ သိထားရင် သတိထားပြီး ရှောင်ကျဉ်လို့ရနိုင်မှာမို့ အောက်မှာ ဖော်ပြပေးလိုက်ပါတယ်နော်။

သံပုရာရေနွေး

ရေနွေးထဲကို သံပရာတစ်ခြမ်းလောက် ထည့်ပြီး သောက်ပေးတာက ခန္တာကိုယ်ရဲ့ Immune System ကို အလွန်အကျိုးရှိစေနိုင်သလို ခန္တာကိုယ်ထဲက အဆိပ်အတောက်တွေကို ဖယ်ရှားပေးနိုင်တယ်၊ ဝိတ်ကျတယ်လို့လည်း ယုံကြည်ကြပါတယ်။ လူသုံးများတဲ့ နည်းလမ်းတစ်ခုလည်း ဖြစ်ပါတယ်။ ဒါပေမယ့် သိပ္ပံနည်းကျ လေ့လာချက်တွေအရ သံပုရာသီး ဒါမှမဟုတ် သံပုယိုသီးတွေဟာ Acid ဓာတ်ကြွယ်ဝတဲ့ အစားအစာမျိုးတွေဖြစ်တာကြောင့် သွားရဲ့ ကြွေသားအလွှာကို အကြီးအကျယ် ထိခိုက်ပျက်စီးစေနိုင်တယ်လို့ သိထားရပါတယ်။ အဆိုပါ အက်ဆစ်ဓာတ်ဟာ သွားရဲ့ အပေါ်ယံ ကြွေလွှာကို တိုက်စားပစ်နိုင်သလို သွားဝါတာနဲ့ ဆွေးမြေ့တာမျိုးတွေ ဖြစ်ပွားနိုင်ချေလည်း အရမ်းမြင့်မားပါတယ်။

အုန်းဆီ

ရှေ့ဟောင်း အယုဝေဒနည်းလမ်းတွေအရ အုန်းဆီကို ပါးစပ်ထဲမှာ မိနစ် ၂၀ ဝန်းကျင်လောက် ငုံထားပေးရင် ခန္တာကိုယ်အတွင်း အဆိပ်အတောက်ကင်းစေတယ်လို့ ဆိုထားပါတယ်။ ဒါပေမယ့် ဒီလိုလုပ်တာဟာ သွားရဲ့ ဖြူစင်သန့်ရှင်းမှုကို တားဆီးစေနိုင်သလို သွားဖုံးယောင်တာ၊ ရေစီးကမ်းပြိုလိုက်တာစတဲ့ ရောဂါတွေလည်း ဖြစ်ပွားစေနိုင်ပါတယ်။

အခြောက်ခံထားတဲ့ သစ်သီးတွေ

သစ်သီးတွေကို အခြောက်ခံထားတဲ့ အစားအစာတွေဟာ နေရာမရွေး ဒေသမရွေး လွယ်လွယ်ကူကူဝယ်ယူစားသောက်လို့ရတဲ့ အစားအစာတွေဖြစ်ပါတယ်။ စပျစ်သီးခြောက်၊ မရမ်းသီးခြောက်၊ ဆီးသီးခြောက်၊ လိမ္မော်ခွံခြောက်၊ စွံပလွံသီးခြောက်စသဖြင့်ပေါ့။ ဒီအခြောက်ခံထားတဲ့ အသီးအနှံတွေကို အဆာပြေအစာအဖြစ် စားတတ်ကြပါတယ်။ ကလေးတွေနဲ့ အချိုကြိုက်သူတွေ အလွန်နှစ်သက်တဲ့ အစားအစာမျိုးတွေဖြစ်ပါတယ်။ ဒါပေမယ့် သတိထားရမှာက အဲဒီ အခြောက်ခံထားတဲ့ အသီးအနှံတွေဟာ သကြားဓာတ်ပမာဏ လွန်ကဲစွာပါဝင်နေတတ်ပြီး သွားဖုံးကို အန္တရာယ်အလွန်ပေးနိုင်တယ်ဆိုတာပါပဲ။ ဒီအစားအစာမျိုးဟာ သွားမှာ ပက်ကြားအက်တာနဲ့ သွားကျဲတာမျိုးတွေလည်းဖြစ်စေနိုင်ပါတယ်။

Apple Cider Vinegar

Apple Cider တွေဟာ လူကြိုက်များတဲ့ ဖျော်ရည်တစ်မျိုးဖြစ်ပြီးတော့ စူပါမားကက်တွေနဲ့ ကုန်စုံဆိုင်တွေမှာ လွယ်လွယ်ကူကူဝယ်ယူလို့ရနိုင်ပါတယ်။ ချိုချဉ်ချဉ်အရသာလေးနဲ့မို့ သောက်ဖူးသူတိုင်းနီးပါး နှစ်သက်ကြတဲ့ သစ်သီးဖျော်ရည်တစ်မျိုးပါ။ Apple Cider တွေဟာ သံပုရာရည်လိုပဲ Acetic Acid ဓာတ်ကြွယ်ဝတဲ့ အစားအစာမျိုးတွေဖြစ်တာကြောင့် သွားရဲ့ ကြွေသားအလွှာကို ထိခိုက်ပျက်စီးစေနိုင်ပြီး သွားဝါတာနဲ့ ဆွေးမြေ့တာမျိုးတွေ ဖြစ်ပွားစေနိုင်ပါတယ်။

Charcoal ပါဝင်တဲ့ သွားတိုက်ဆေး

အံ့သြစရာကြီးပါ။ Charcoal (ကျောက်မီးသွေး) ပါဝင်တဲ့ သွားတိုက်ဆေးတွေဟာ လူသုံးများတဲ့ သွားတိုက်ဆေးအမျိုးအစားတွေထဲမှာ ပါဝင်နေတဲ့အရာတွေဖြစ်ပါတယ်။ အထူးသဖြင့် အပြုံးလှစေတယ်၊ သွားပိုဖြူစေတယ်ဆိုပြီး လူငယ်တွေ သဘောကျတတ်ကြတဲ့ အမျိုးအစားတစ်မျိုးဖြစ်ပါတယ်။ မီးသွေးနဲ့သွားတိုက်ရင် သွားပိုဖြူတယ်ဆိုတဲ့ မြန်မာ့ကျေးလက်ဒေသတွေက အယူအဆတစ်ခုနဲ့တောင် ခပ်ဆင်ဆင်ပါပဲ။ ဒါပေမယ့် တကယ်တမ်းအားဖြင့် Charcoal ဟာ သွားကိုဖြူစင်စေတယ်ဆိုတဲ့ သိပ္ပံဆိုင်ရာ သက်သေပြချက် ရေရေရာရာမရှိလှပါဘူး။ သွားကျန်းမာရေးဆိုင်ရာ ကျွမ်းကျင်သူတွေကတော့ Charcoal နဲ့ သွားတိုက်တာဟာ သွားကို ကော်ပတ်နဲ့စားသလိုသာ ဖြစ်စေပြီး သွားရဲ့ ကြွေလွှာကို ထိခိုက်စေလိမ့်မယ်လို့ သတိပေးထားကြပါတယ်။

Fluoride မပါတဲ့ သွားတိုက်ဆေးများ

Fluoride (ဖလူရိုက်) ဓာတ်ဟာ ကင်ဆာ၊ ဆီးချိုနဲ့ စိတ်ရောဂါတွေဖြစ်နိုင်တယ်လို့ တစ်ချို့လူတွေက သံသယရှိကြပါတယ်။ ဒါကြောင့် Fluoride-free သွားတိုက်ဆေးတွေကိုသာ ရွေးချယ်သုံးစွဲတာမျိုးတွေ ပြန်ခေတ်စားလာတာနေပါတယ်။ ဒါပေမယ့် ရောဂါထိန်းချုပ်ရေးနဲ့ ကာကွယ်ရေး ဗဟိုဌာန (Centers for Disease Control and Prevention) ကတော့ Fluoride ပါဝင်တဲ့ သွားတိုက်ဆေးတွေကိုသာ ရွေးချယ်သုံးစွဲဖို့ တိုက်တွန်းထားပါတယ်။ အကြောင်းကတော့ Fluoride ပါတဲ့ သွားတိုက်ဆေးတွေဟာ သွား ကြံ့ခိုင်အောင် ပံ့ပိုးပေးပြီး အက်ဆစ်ဓာတ်ပါဝင်တဲ့ အစားအစာတွေကြောင့် ပျက်ဆီးယိုယွင်းမှုတွေကိုလည်း တားဆီးပေးနိုင်တာကြောင့်ဖြစ်ပါတယ်။ Fluoride မပါဝင်တဲ့ သွားတိုက်ဆေးတွေကတော့ ဒီလို အကျိုးကျေးဇူးတွေ ပါရှိမှာမဟုတ်ဘူး။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွားပိုးပေါက်တွေ မဖြစ်အောင် ကာကွယ်နိုင်မယ့် နည်းလမ်းများ

သွားပိုးပေါက်တွေကို ကာကွယ်ဖို့ သွားပုံမှန်တိုက်တာ၊ ဗီတာမင်ဒီမချို့တဲ့အောင် နေတာ၊ အချိုတွေ လျှော့စားတာ၊ ဖလိုရိုက်ပါတဲ့ သွားတိုက်ဆေးသုံးတာစတာတွေလိုက်နာရပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သွားတွေ ဘာကြောင့် ဝါသလဲ၊ သွားမဝါအောင် ဘယ်လိုလုပ်ကြမလဲ

မျက်နှာရဲ့ အလှအပကို ပေါ်လွင်စေမယ့် သွားတွေ ဝါကျင်ကျင်ဖြစ်နေတာကို မြင်ဖူးကြတယ်မဟုတ်လား။ သွားဝါတာမျိုးမဖြစ်အောင် ဘယ်လိုလုပ်ရမလဲဆိုတာကို ပြောပြသွားမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID-19 လက္ခဏာတစ်မျိုးဖြစ်တဲ့ လည်ချောင်းနာခြင်းကို သက်သာစေမယ့် အိမ်တွင်းကုထုံးများ

လည်ချောင်းနာတယ်ဆိုတာက အတော်လေး ခံရက်တဲ့ ဝေဒနာတစ်ခုပါ။ နောက်ပြီး COVID-19 ရဲ့ ရောဂါလက္ခဏာတွေထဲမှာလည်း လည်ချောင်းနာတာက တစ်ခုအပါအဝင်ဖြစ်နေတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ညအိပ်ညနေ လေဝင်လေထွက်ကောင်းအောင် ဘာဝတ်ကြမလဲ

ညအိပ် လေဝင်လေထွက် အိပ်စက်အနားယူ မြန်မာနိုင်ငံ အဝတ်အစား အမျိုးသား လိင်အင်္ဂါ မိန်းမကိုယ် ခြောက်သွေ့ ယားယံ အနံ့ဆိုး အတွင်းခံ ဘောင်းဘီ ရေနွေး ဘရာစီယာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

လမ်းလျှောက်ရလို့ ဖိနပ်ပေါက် တဲ့အခါ

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
မနက်ခင်းမှာ လှပနေစေဖို့ ညမအိပ်ချင် ဒီလိုထိန်းသိမ်းမှုလေးတွေ လုပ်ပါ။

မနက်ခင်းမှာ လှပနေစေဖို့ ညမအိပ်ခင် ဒီလိုထိန်းသိမ်းမှုလေးတွေ လုပ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 4, 2020 . 2 mins read
ဆံပင်သန်စေတယ်လို့ သတင်းကြီးတဲ့ ထောလပတ်ရွက်ရဲ့ ကျန်းမာရေးအာနိသင်

ဆံပင်သန်စေတယ်လို့ သတင်းကြီးတဲ့ ထောလပတ်ရွက်ရဲ့ ထူးခြားလှတဲ့ အခြားကျန်းမာရေးအာနိသင်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 2, 2020 . 2 mins read
လိင်တံ ဘာလို့ယားယံနေရတာလဲ

လိင်တံ ဘာလို့ယားယံနေရတာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read