မှ အချက်အလက် စစ်ဆေးထားပါသည်။ Dr. Thurein Hlaing Win
ဂျာမန်ဝက်သက် သို့မဟုတ် သုံးရက်ဝက်သက် ဟုလည်း ခေါ်သော ဂျိုက်သိုး ရောဂါသည် ဗိုင်းရပ်စ်ကူးစက်မှု တစ်မျိုး ဖြစ်ပြီး အနီရောင်အဖုအပိမ့်များ ထွက်စေပါသည်။ ဂျိုက်သိုး ရောဂါသည် ကလေးများတွင် အလွန်အဖြစ်များပါသည်။
ကျန်းမာရေး ဝန်ကြီးဌာနမှ ကလေးများအားလုံးအား ဝက် သက်၊ ပါးချိတ်ရောင်ခြင်း၊ ဂျိုင်းသိုးရောဂါတို့အတွက် ကာကွယ်ဆေးများ သုံးရန် ညွှန်ကြားပြီးသောအခါ ဖြစ်ပွားမှု နည်းပါးသွားပါသည်။
ဂျိုက်သိုးရောဂါသည် အနီစက်များ ထွက်သော်လည်း ဝက်သက်ရောဂါ နှင့်မတူပါ။ ဂျိုက်သိုးရောဂါသည် ဝက်သက် ဖြစ်စေသော ဗိုင်းရပ်စ်နှင့် မတူသော အခြားဗိုင်းရပ်စ်ကြောင့် ဖြစ်ပြီး ဝက်သက်ကဲ့သို့ မကူးစက်၊ မပြင်းထန်ပါ။
လူတိုင်းတွင် ဂျိုက်သိုးရောဂါဖြစ်နိုင်ပါသည်။ အရွယ် ရောက်ပြီးသူများရော ကလေးများတွင်ပါ ဖြစ်သော ဂျိုက်သိုး ရောဂါသည် လျင်မြန်စွာ ဖြစ်ပွားပြီး မပြင်းထန်ပါ။ ဆိုးကျိုး များရှိခြင်းလည်း ရှားပါသည်။
ဂျိုက်သိုးရောဂါသည် ကိုယ်ဝန် ဆောင်သည်များကို ထိခိုက်စေပါသည်။ ကိုယ်ဝန်ဆောင် မိခင်များသည် အထူးသဖြင့် ကိုယ်ဝန် ပထမ ၄လတွင် ဗိုင်းရပ်စ်ကူးစက်ခံရပါက ရင်သွေးငယ်တွင် မွေးရာပါချို့ယွင်း ချက်များ ရှိနိုင်ပြီး အသေမွေးခြင်းပင် ဖြစ်ပွားနိုင်သည်။
ကလေးငယ်များသည် ဂျိုက်သိုးရောဂါ ကူးစက်စဉ် တွင် ရောဂါလက္ခဏာများ မပြသသေးပါ။ ပုံမှန်အားဖြင့် ရောဂါသည် ကူးစက်ပြီး ၂-၃ပတ် အကြာတွင် ရောဂါ လက္ခဏာများစပြပါသည်။
ရောဂါလက္ခဏာများမှာ
အရွယ်ရောက်ပြီးသူများနှင့် ဆယ်ကျော်သက်များတွင် အောက်ပါ လက္ခဏာများပါ ထပ်ပေါင်းတွေ့ရသည်။
ဤရောဂါလက္ခဏာများသည် ရက်အနည်းငယ် အတွင်း ပျောက်ကင်း လေ့ရှိသော်လည်း ပိုကြာရှည်ခြင်းလည်း ဖြစ်နိုင်ပါသည်။
အထက်တွင် ဖော်ပြ မထားသော အခြားလက္ခဏာ များလည်းရှိနိုင်ပါသည်။ အကယ်၍ သင့်ဆီတွင် ရောဂါ လက္ခဏာ တစ်ခုခုများ ရှိနေသည်ဟု စိုးရိမ်မိပါက ဆရာဝန်နဲ့ ဆွေးနွေး တိုင်ပင် သင့်ပါသည်။
အထက်တွင် ဖော်ပြထားသော လက္ခဏာများ သင် သို့ မဟုတ် သင့်ကလေးတွင် တွေ့ရှိရပါက ကလေးအား ဆေးရုံ သို့ခေါ်ပြခြင်း ဆရာဝန်နှင့် တိုင်ပင်ခြင်းတို့ကို ပြုလုပ်သင့်ပါ သည်။
ကိုယ်ဝန်ဆောင်စဉ်တွင် ဂျိုက်သိုးရောဂါ စစ်ဆေးမှုကို ခံယူသင့်ပြီး လိုအပ်ပါက သားဖွား မီးယပ် ဆရာဝန်ဖြင့် ကာကွယ်ဆေးထိုးခြင်း ခံယူပါ။ သို့သော်လည်း သင်ကိုယ် ဝန်ရှိပါက သို့မဟုတ် ကိုယ်ဝန်ရှိသည်ဟုထင်ပြီး တစ်ပြိုင် တည်း ဂျိုက်သိုးရောဂါလက္ခဏာများပေါ်လာပါက ကျန်းမာ ရေးကြည့်ရှု စောင့်ရှောက်မှုပြုရန်အတွက် ဆေးရုံအမြန် တက်ရန် လိုပါသည်။
သင့်ဆီတွင် အထက်ဖော်ပြပါ ရောဂါလက္ခဏာများထဲမှ တစ်ခုခုများရှိနေပါက သို့မဟုတ် မေးခွန်းတစ်ခုခုရှိနေပါက ဆရာဝန်နဲ့ တိုင်ပင်ဆွေးနွေးပါ။ လူတိုင်း၏ ခန္ဓါကိုယ် တုံ့ပြန်မှု သည် မတူညီနိုင်ပါ။ ဆရာဝန်နှင့် တိုင်ပင် ဆွေးနွေး ခြင်းသည် သင်၏အခြေအနေ ကောင်းမွန်ရန် အတွက် အကောင်းဆုံး ဖြစ်ပါသည်။
Rubella virus သည် ဂျိုက်သိုးရောဂါကိုဖြစ်စေ ပါသည်။ ဗိုင်းရပ်စ်သည် ကူးစက်ခံရသူ၏ လည်ချောင်းနှင့် နှာခေါင်းမှ ထွက်သော အရည်များကိုထိတွေ့ခြင်းဖြင့် လူ တစ်ဦးနှင့် တစ်ဦး ကူးစက်စေပါသည်။ ရောဂါသည် အလွန် ကူးစက်လွယ်ပြီး အခြားသူများသို့ လွယ်ကူစွာ ပျံ့နှံ့စေပါ သည်။
လူတစ်ယောက်သည် အရေပြားဖုများ မပေါ်ခင်မှ စ၍ ဖုများပျောက်ပြီး တစ်ပတ်အကြာအထိ အခြားသူများကို ဗိုင်းရပ်စ် ကူးစက်စေနိုင်ပါသည်။ ကိုယ်ဝန်ဆောင် အမျိုးသ မီးများသည် သွေးစီးကြောင်းမှတစ်ဆင့် ရင်သွေးဆီသို့ ဗိုင်းရပ်စ်ပိုး ကူးစက်စေနိုင်ပါသည်။
ဤရောဂါဖြစ်နိုင်ချေကို မြင့်စေသော အချက်များစွာ ရှိ ပါသည်။ ဥပမာ-
ဖြစ်နိုင်ချေကိုမြင့်စေသော အချက်များ မရှိခြင်းသည် ရောဂါမရနိုင်ပါဟု မဆိုလိုပါ။ ထိုလက္ခဏာများသည် ကိုးကားချက်သာလျှင် ဖြစ်ပါသည်။ ပိုမိုသော အချက် အလက်များအတွက် ဆရာဝန်နှင့် တိုင်ပင်ပါ။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ဂျိုက်သိုးရောဂါသည် ရောဂါအဖြေရှာရန် ခက်ခဲပြီး ရော ဂါ လက္ခဏာများမှာ မရှင်းလင်းပါ။ ဆရာဝန်သည် ဆေးမှတ် တမ်းယူခြင်းနှင့် ရောဂါလက္ခဏာများကိုစစ်ဆေးခြင်း တို့ဖြင့် ရောဂါအဖြေရှာပါလိမ့်မည်။ သင်သည် ဂျိုက်သိုး ရောဂါ လက္ခဏာများဖြင့် ကိုယ်ဝန်လွယ်ထားရပါက သို့မဟုတ် ဂျိုက်သိုး လူနာများနှင့် ထိတွေ့ထားပါက ဆရာဝန်သည် လည်ချောင်းမှအရည်၊ သွေးနှင့် ဆီးစစ်ခြင်းတို့ကို ထုတ်ယူ ပြီး စစ်ဆေးခြင်းပြုလုပ်ပါမည်။
လက်ရှိတွင် ကိုယ်ခံအားပြန်လည်တိုက်ခိုက်မှုရောဂါ နှင့် ဂျိုက်သိုးရောဂါသည် လျင်မြန်စွာ ပျောက်ကင်းအောင် မစွမ်း ဆောင်နိုင်သေးပါ။ တစ်ကြိမ် ဂျိုက်သိုး ကူးစက်ခံရခြင်း ဖြစ်ပါက သင့် ကလေး ခန္ဓါကိုယ်သည် အလိုအလျောက် ခုခံမှုရရှိပြီး ရောဂါကို အမြဲခုခံသွားနိုင်ပါသည်။
ကလေး သည် သက်တောင့်သက်သာ မဖြစ်ပါက အဖျားကျဆေး နှင့် paracetamol ကဲ့သို့ အကိုက်အခဲပျောက်ဆေးများကို ကလေးသောက် ပမာဏဖြင့် တိုက်နိုင်ပါသည်။ ယားယံခြင်း ဖြစ်ပါက လိမ်းဆေးခရင်မ် ကို ဆေးကောင်တာတွင် ဆေး ရောင်းသူနှင့် တိုင်ပင်၍ ဝယ်ယူနိုင်ပါသည်။
ကိုယ်ဝန်ရှိပါက ဆရာဝန်သည် သင့်အား ဗိုင်းရပ်စ် ခုခံ နိုင်အောင် antigen Rubella (hyperimmune globulin ) ပေးနိုင်ပါသည်။ သို့သော် မွေးရာပါချို့ယွင်းချက်များမှာ ရှိနိုင် ပါသေးသည်။
လူနေမှုပုံစံ ပြောင်းလဲခြင်းနဲ့ အိမ်သုံးကုထုံးများ အသုံးပြုခြင်း သည် ဂျိုက်သိုးရောဂါ ကို ကုသရာတွင် ဘယ်လို အထောက် အကူပြုနိုင်မလဲ။
အောက်ပါ လူနေမှုပုံစံများ နှင့် အိမ်သုံး ကုထုံးများ သည် ဂျိုက်သိုးရောဂါ ကို ထိန်းချုပ်နိုင် ပါသည်။
အကယ်၍ သင့်တွင် မေးခွန်းများ ရှိပါက သင့်အတွက် သင့်တော်သော အဖြေရှာဖွေနိုင်ရန် ဆရာဝန် နှင့် ဆွေးနွေး တိုင်ပင် သင့်ပါသည်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။