Cinnamaldehyde နဲ့ ဓာတ်မတည့်တဲ့အခါ ဖြစ်နိုင်တဲ့ ပြဿနာတွေကတော့ လျှာ (သို့မဟုတ်) သွားဖုံးရောင်ခြင်း၊ ပူခြင်း၊ ယားယံခြင်း၊ ပါးစပ်အတွင်း အဖြူကွက်များ ဖြစ်ပေါ်ခြင်း စတာတွေပဲ ဖြစ်ပါတယ်။ အဆိုပါပြဿနာတွေဟာ ဆိုးဆိုးရွားရွားတော့ ဒုက္ခမပေးပေမယ့် နေရထိုင်ရခက်စေပြီး စိတ်အနှောက်အယှက် ပေးပါတယ်။
သုတေသနတွေအရ သစ်ကြံပိုးခေါက်ဟာ သွေးတွင်းသကြားဓာတ်ကို လျော့ကျစေလို့ ဆီးချိုလူနာတွေအတွက် အကျိုးပြုပါတယ်။ သူ့မှာ အင်ဆူလင်နဲ့ ဆင်တူတဲ့ အာနိသင်ရှိပါတယ်။ ဒါပေမယ့် အများအပြားစားမိရင် သွေးတွင်းသကြားဓာတ်ကို အလွန်အမင်း ကျဆင်းသွားစေနိုင်ပါတယ်။ သွေးတွင်းသကြားဓာတ်ကျခြင်းကြောင့် မောပန်းနွမ်းနယ်ခြင်း၊ မူးဝေခြင်း၊ သတိလစ်ခြင်း စတာတွေ ဖြစ်လာနိုင်ပါတယ်။ အထူးသဖြင့် ဆီးချိုဆေးတွေကို ပုံမှန်သောက်သုံးနေသူတွေမှာ ဖြစ်တတ်ပါတယ်။
သစ်ကြံပိုးခေါက်ကို စားသုံးတာများသွားရင် အသက်ရှူလမ်းကြောင်းပြဿနာတွေ ကြုံတွေ့နိုင်ပါတယ်။ အထူးသဖြင့် သေးငယ်တဲ့ အမှုန်တွေ ရှူရှိုက်မိသွားပြီး ဖြစ်တတ်ပါတယ်။ ချောင်းဆိုးခြင်း၊ အသက်ရှူမမှန်ခြင်း၊ လည်ချောင်းယားယံခြင်း စတာတွေ ဖြစ်နိုင်ပါတယ်။ ပန်းနာရင်ကျပ်နဲ့ အသက်ရှူလမ်းကြောင်းပိုင်းဆိုင်ရာ ပြဿနာရှိသူတွေမှာ သတိထားသင့်ပါတယ်။
၆။ အခြားဆေးဝါးများနဲ့ ဓာတ်ပြုနိုင်ခြေ ရှိပါတယ်။
သစ်ကြံပိုးခေါက်ဟာ တော်တန်ရုံပဲစားရင် တခြားဆေးဝါးတွေနဲ့ ဘာပြဿနာမှ မဖြစ်စေပါဘူး။ ဒါပေမယ့် လွန်ကဲသွားရင်တော့ သင်သောက်သုံးနေတဲ့ ဆေးဝါးများနဲ့ ပေါင်းစပ်ဓာတ်ပြုနိုင်ခြေ ရှိပါတယ်။ အထူးသဖြင့် ဆီးချို၊ နှလုံးရောဂါ၊ အသည်းရောဂါ စတာတွေအတွက် သောက်သုံးနေတဲ့ ဆေးဝါးများ ဖြစ်ပါတယ်။ အာနိသင်များကို ပိုမိုအားကောင်းသွားစေပြီး ဘေးထွက်ဆိုးကျိုးတွေ တိုးလာနိုင်ပါတယ်။
ဥပမာအားဖြင့် သစ်ကြံပိုးခေါက်ဟာ အသည်းကို ထိခိုက်နိုင်ခြေ ရှိပါတယ်။ ဒီအခြေအနေမှာ ပါရာစီတမော၊ အစီတာမီနိုဖင် စတဲ့ဆေးဝါးတွေ များပြားစွာ သောက်သုံးနေရရင် အသည်းကို ထိခိုက်နိုင်ခြေ ပိုများလာစေပါတယ်။ ဆီးချိုဆေးသောက်သုံးနေရသူများမှာလည်း သွေးတွင်းသကြားဓာတ်ကို အလွန်အမင်း ကျဆင်းသွားစေနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။