White coat hypertension Vs Masked hypertension

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇွန် 4, 2020 . 2 mins read
Share now

သွေးပေါင်တက်ခြင်း သို့မဟုတ် သွေးတိုးခြင်းဆိုတာ အလွယ်ပြောရရင် သွေး‌ပေါင်ချိန် 130/80 mmHg နဲ့ အထက်ရှိခြင်းကို ဆိုလိုပါတယ်။ သွေးတိုးရတဲ့ အကြောင်းရင်းတွေဟာ များစွာရှိပြီး တိတိကျကျပြောဖို့ ခက်ပါတယ်။ အဖြစ်များတဲ့ အကြောင်းရင်းတွေကတော့ အသက်အရွယ်ကြီးခြင်း၊ အရက်သောက်ခြင်း၊ ဆေးလိပ်သောက်ခြင်း၊ ကိုယ်လက်လှုပ်ရှားမှု နည်းခြင်း နဲ့ အဝလွန်ခြင်းတို့ပဲဖြစ်ပါတယ်။ ဒီဆောင်းပါးမှာတော့ ပုံမှန်သွေးတိုးခြင်းနဲ့ မတူတဲ့ white coat hypertension နဲ့ masked hypertension တို့‌အကြောင်းကို ပြောပြပေးသွားပါမယ်။

(i)White coat hypertension

White coat hypertension ဆိုတာ ပုံမှန်နေရင်း သွေးတိုးလေ့မရှိဘဲ ဆရာဝန်နဲ့ တွေ့မှ ဆေးခန်းရောက်မှ သွေး‌ပေါင်ချိန်မြင့်တက်‌နေတတ်တာကို ခေါ်ပါတယ်။ ရယ်ချင်စရာတော့ ဖြစ်နေနိုင်ပေမဲ့ ‌လက်တွေ့မှာ တကယ်ရှိတဲ့ အခြေအနေဖြစ်ပြီး အန္တရာယ်လည်းရှိပါတယ်။

ဘာကြောင့်ဖြစ်ရသလဲ

ဆရာဝန်နဲ့တွေ့ရမှာ ဆေးခန်းပြရမှာကို စိုးရိမ်ပူပန်မှု စိတ်ဖိစီးမှုများကြောင့် သွေးပေါင်တက်ရခြင်း ဖြစ်ပါတယ်။

စိုးရိမ်စရာလိုသလား

သုတေသနတွေအရ သာမန်သွေးပေါင်ချိန်ရှိသူများနဲ့ နှိုင်းယှဉ်လျှင် white coat hypertension ရှိသူများဟာ နှလုံးရောဂါနှင့်သေဆုံးနိုင်ခြေ နှစ်ဆပိုများတယ်လို့ ဆိုပါတယ်။ ဒါ့အပြင် heart attack ရနိုင်ခြေလည်း ၃၆% လောက် ပိုများပါတယ်။

ဘယ်သူတွေမှာ ဖြစ်တတ်လဲ

လူငယ်တွေနဲ့ ယှဉ်ရင် လူကြီးတွေမှာ White coat hypertension ဖြစ်နိုင်ခြေပိုများပါတယ်။ ဒါ့အပြင် အနည်းဆုံး ၅နှစ်ခန့် ဆေးရုံ၊ ဆေးခန်း ပုံမှန်ပြနေရသူတွေမှာလည်း ပိုမိုတွေ့ရှိရတယ်လို့ဆိုပါတယ်။

(ii) Masked hypertension

Masked hypertension ဆိုတာ white coat hypertension နဲ့ ပြောင်းပြန်ပါ။ ဆေးရုံ ဆေးခန်းမှာ သွေးပေါင်ချိန် ပုံမှန်ဖြစ်ပြီး ဆေးရုံဆေးခန်းပြင်ပမှာသာ သွေးတိုးတဲ့ အခြေအနေဖြစ်ပါတယ်။

ဘာကြောင့်ဖြစ်ရသလဲ

ဖြစ်နိုင်တာကတော့ သင့်ရဲ့ အိမ်နဲ့ လုပ်ငန်းခွင်တွေဟာ ဆေးရုံဆေးခန်းထက်ကို ပိုပြီး သင့်ကို စိတ်ဖိစီးစေတဲ့ ပတ်ဝန်းကျင်ဖြစ်နေတာမျိုးပါ။ အိမ်မှာနေစဉ် အရက်သောက်ခြင်း၊ ဆေးလိပ်သောက်ခြင်း၊ ကော်ဖီသောက်ခြင်းတို့ကြောင့် သွေးပေါင်ချိန်တက်တာမျိုးလည်း ဖြစ်နိုင်ပါတယ်။

စိုးရိမ်စရာလိုသလား

သုတေသနတွေအရ masked hypertension ရှိသူများဟာ အခြား သွေးတိုးရှိသူများနဲ့ ထပ်တူထပ်မျှ နှလုံးသွေးကြောဆိုင်ရာ အန္တရာယ်ရှိပါတယ်။ ဒါ့အပြင် အိမ်မှာ မိမိဖာသာ သွေးပေါင်ပုံမှန် မတိုင်းဖြစ်ရင် ရောဂါကို လွတ်သွားတတ်ပါတယ်။

ဒီပြဿနာတွေကို ဘယ်လိုဖြေရှင်းကြမလဲ

White coat hypertension ရော Masked hypertension ရော နှစ်ခုစလုံးကို ရောဂါအမည်မှန်ကန်စွာ တပ်နိုင်ရေးအတွက် တစ်ခုတည်းသော နည်းလမ်းကတော့ မိမိအိမ်မှာ သွေးပေါင်တိုင်းတဲ့ အလေ့အကျင့် ရှိကြဖို့ပါပဲ။ အရာရာတိုင်း ဆရာဝန်ကိုပဲ အားကိုးနေလို့မရဘူးဆိုတဲ့ စကားဟာ ဒီလိုအခြေအနေမျိုးတွေမှာ အရမ်းမှန်ပါတယ်။ မိမိကိုယ်တိုင် သတိရှိပါမှ ကိုယ့်ကျန်းမာရေးကိုယ် ဂရုစိုက်တတ်ပါမှ သွေးတိုးရောဂါကဲ့သို့သော နာတာရှည်ရောဂါများရဲ့ ဒဏ်ကို ကြံ့ကြံ့ခံနိုင်မှာ ဖြစ်ပါတယ်။ ဒါကြောင့် သွေးပေါင်ချိန်စက်လေး အိမ်မှာ ဝယ်ထားပြီး သွေးပေါင်ပုံမှန် တိုင်းပေးဖို့ ဒီဆောင်းပါးလေးကနေ အကြံပြုလိုက်ပါရစေ။

ရေးသားသူ – Dr. Saint

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်ဖိစီးလို့ သွေးတက် တာလား၊ သွေးတိုးလို့ သွေးတက်တာလား။

စိတ်ဖိစီးမှုကြောင့် သွေးတက် တာလား။ သွေးတိုးရောဂါကြောင့် သွေးတက်တာလား။ စိတ်ဖိစီးမှုကြောင့် သွေးတက်ရင် ဘာတွေလုပ်ကြမလဲ။ ဘာတွေ မလုပ်ရဘူးလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သူများအဆင်ပြေနေရင် ကိုယ်စိတ်မချမ်းသာတဲ့ FOMO စိတ်ကို ဘယ်လိုကျော်ဖြတ်မလဲ

လူတစ်ဖက်သား အဆင်ပြေပျော်ရွှင်နေတာကို လူတိုင်းမုဒိတာထားနိုင်တယ် မထင်ပါနဲ့။ လူတိုင်း မတွေးနိုင်ကြပါဘူး။ ဒါကို fear of missing out ဒါမှမဟုတ် FOMO လို့ခေါ်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား။ ဒါကဘာကြောင့်လဲဆိုတာကို သေသေချာချာ သိပြီးရဲ့လား မသိသေးဘူးဆိုရင်တော့ ဆောင်းပါးလေး ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိတ်အရမ်းဖိစီးနေလည်း အိပ်ပျော်ဖို့ လိုပါတယ်

စိတ်အရမ်းဖိစီးနေပေမဲ့ အိပ်ပျော်ဖို့ လိုပါတယ်။ဘာကြောင့် ဒီလို ပြောရတာလဲ။ စိတ်ဖိစီးချိန်မှာ အိပ်မပျော်ရင် ဘာတွေ ဖြစ်လာမလဲ။ စိတ်ဖိစီးနေချိန်မှာ အိပ်ပျော်စေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
နှလုံးရောဂါနှင့် ဆီကြော်အစားအစာ များ

နှလုံးရောဂါနှင့် ဆီကြော်အစားအစာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
စိတ်ပူပင်စရာ ကြောင့် ဖြစ်လာနိုင်တဲ့ ဝေဒနာများ

စိတ်ပူပင်စရာ ကြောင့် ဖြစ်လာနိုင်တဲ့ ဝေဒနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 3 mins read