နှလုံးရောဂါသမားများအတွက် သွားကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

သွားနဲ့ ခံတွင်း ပြဿနာတွေကို ဖြေရှင်းတဲ့အခါမှာ အထူး ကာကွယ်မှု ပြုဖို့ လိုအပ်တဲ့ နှလုံးရောဂါ အမျိုးမျိုး ရှိပါတယ်။ တကယ်လို့ သွားနဲ့ ခံတွင်း ပြဿနာတွေကို ကုသဖို့ လိုအပ်နေတဲ့ လူနာတစ်ယောက်ဟာ သူ့မှာ နှလုံး အမောဖောက်တာ၊ သွေးတိုးတာ၊ ရင်ဘတ်အောင့်တာ၊ လေဖြတ်တာ၊ မွေးရာပါ နှလုံး အားနည်းတဲ့ ရောဂါတွေ ရှိခဲ့မယ်ဆိုရင် သမားတော်နဲ့ရော သွားဆရာဝန်နဲ့ပါ သေသေချာချာ တိုင်ပင်ဖို့ လိုအပ်ပါတယ်။ အဲ့ဒီလို နှလုံးနဲ့ ပတ်သက်တဲ့ ရောဂါ ရှိတဲ့သူတွေအနေနဲ့ သွားနဲ့ ခံတွင်း သန့်ရှင်းမှုကို သေချာ ဂရုစိုက်ပြီး သွားဆရာဝန်ဆီ မှန်မှန်သွားခြင်းဟာ အရေးကြီးတဲ့ ကာကွယ်မှုတစ်ရပ်ပဲ ဖြစ်ပါတယ်။

ပိုးဝင်နှလုံးရောင်ရမ်းခြင်းက အဖြစ်နည်းတယ်ဆိုပေမယ့် ဖြစ်ခဲ့ရင်လည်း သေဆုံးတဲ့အထိ ဖြစ်နိုင်ပါတယ်။ နှလုံးအတွင်းကို ဘက်တီးရီးယား ဒါမှမဟုတ် တခြား ကူးစက်တတ်တဲ့ ရောဂါပိုးတွေ ဝင်ရောက်သွားလို့ ဖြစ်တာပါ။ အဲဒီ ဘက်တီးရီးယား ရောဂါပိုးတွေ ဝင်ရောက်နိုင်တဲ့ အဓိကလမ်းကြောင်းဟာ ပါးစပ် ဖြစ်ပါတယ်။

အဲ့ဒီလို မဖြစ်အောင် ကာကွယ်ဖို့အတွက်၊ ပိုးဝင်နှလုံးရောင်ရမ်းခြင်း ဖြစ်ဖူးတဲ့ လူနာ၊ နှလုံးအဆို့ရှင် အစားထိုးထည့်ထားတဲ့ လူနာတွေ၊ နှလုံး အဆို့ရှင် ရောဂါ၊ မွေးရာပါ နှလုံးရောဂါတွေကြောင့် နှလုံးအစားထိုး ကုသထားရတဲ့ လူနာတွေအနေနဲ့ သွားနဲ့ ခံတွင်းဆိုင်ရာ ကုသမှု မလုပ်ခင်တွေမှာ ပဋိဇီဝဆေးတွေကို ကြိုသောက်ခိုင်းဖို့ လိုပါတယ်။

အာခြောက်ခြင်း သို့မဟုတ် အရသာခံတဲ့ အာရုံ ယိုယွင်းပျက်စီးသွားခြင်းတို့က သွေးကျဆေးတွေ သောက်ရင်း ဖြစ်တတ်တဲ့ အခြေအနေတွေပါ။ တခြားဆေးတွေကလည်း လူနာတွေ သွားနှုတ်တဲ့ ထိုင်ခုံမှာ လှဲနေရာကနေ ထထိုင်လိုက်တဲ့အခါ မူးလဲသွားတာမျိုး ဖြစ်စေတတ်ပါတယ်။ ဒါ့အပြင် Calcium Channel Blocker လို့ခေါ်တဲ့ သွေးကျဆေးအမျိုးအစားတွေက သွားဖုံးသားတွေ ထူလာခြင်းကို ဖြစ်စေပါတယ်။

အဲ့ဒီဘေးထွက်ဆိုးကျိုးတွေက ဆေးစသောက်ပြီး တစ်လလောက်မှာ ဖြစ်တတ်ပါတယ်။ တချို့ကိစ္စရပ်တွေမှာတော့ သွားဖုံးတွေ ထူလာတာကြောင့် ဝါးရခက်လာတာတွေ ဖြစ်တတ်ပါတယ်။ အဲဒီလိုအခြေအနေတွေမှာ ထူလာတဲ့ သွားဖုံးကို ခွဲဖို့ လိုလာနိုင်ပါတယ်။ အဲ့ဒီလိုလူနာတွေအတွက် ခံတွင်း သန့်ရှင်းရေး မှာကြားချက်တွေကို အသေးစိတ် လိုက်နာဖို့နဲ့ မကြာခဏ ခံတွင်းသန့်ရှင်းရေး လုပ်ဖို့ လိုအပ်ပါတယ်။

နှလုံးအမောဖောက်တဲ့အခါ ရင်ဘတ်စအောင့်ပြီး မေးရိုးအောက်ပိုင်းထိ နာကျင်လာတယ်လို့ လူနာတွေက ပြောကြလေ့ ရှိပါတယ်။ သွားဆရာဝန် အများစုကတော့ နှလုံးအမောဖောက် လူနာတွေကို သွားနဲ့ ခံတွင်း ကုသမှုတွေလုပ်ဖို့ ၆ လအထိ စောင့်ခိုင်းတတ်ပါတယ်။ နှလုံးအားနည်းတဲ့ လူနာတွေဟာ သူတို့ကို နှလုံးအထူးကုတွေ သောက်ခိုင်းထားတဲ့ ဆေးအတိအကျစာရင်းကို သွားဆရာဝန်ဆီ ပေးဖို့ အရေးကြီးပါတယ်။ ဥပမာ သွေးကျဲဆေး သောက်နေရတဲ့ လူနာတွေဆိုရင် သွားနှုတ်တဲ့အခါ သွေးမတိတ်တော့တာမျိုး ဖြစ်တတ်တဲ့အတွက် ယင်းဆေးကို ခဏရပ်ထားဖို့ လိုပါမယ်။

Calcium channel blockers လို့ခေါ်တဲ့ သွေးတိုးတဲ့အခါ သုံးရတဲ့ ဆေးတွေကို ရင်ဘတ်အောင်တဲ့အခါမှာလည်း သုံးပါတယ်။ ဒါကြောင့် အထက်မှာ ဖော်ပြခဲ့သလို သွားဖုံးထူတာတွေ ဖြစ်တတ်ပါတယ်။ ရင်ဘတ်အောင့်တဲ့ လူနာတွေဟာ အခြေအနေစိတ်ချရတဲ့ အချိန်မျိုးမှာပဲ သွားနဲ့ ခံတွင်းဆိုင်ရာ ကုသမှုတွေကို လုပ်သင့်ပါတယ်။ အခြေအနေစိတ်မချရတဲ့ အချိန်မှာတော့ ရင်ဘတ်အောင့်တာကို အရင်ဆုံး ကုသသင့်ပါတယ်။

နှလုံးအားနည်းတဲ့ရောဂါအတွက် ပေးတဲ့ဆေးတွေက အာခြောက်တာ၊ လျှာအရသာပြောင်းတာတွေ ဖြစ်တတ်ပါတယ်။ တကယ်လို့ နှလုံးအားနည်းတဲ့ ရောဂါလူနာတွေမှာ နောက်ဆက်တွဲ ပြဿနာတွေ၊ ဘေးထွက်ဆိုးကျိုးတွေ မရှိဘူးဆိုရင် သွားနဲ့ ခံတွင်း ကုသမှုအတွက် ထူးထူးခြားခြား အကာအကွယ်တွေ လုပ်ဖို့ မလိုပါဘူး။ ဒါပေမယ့် ပြင်းထန်တဲ့ နှလုံးရောဂါမျိုး ရှိနေရင်တော့ ဆေးရုံမှာသာ ဒီလိုသွားနဲ့ပတ်သက်တဲ့ ကုသမှုမျိုးတွေ လုပ်ဆောင်သင့်ပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကျန်းမာရေးကိုဒုက္ခအပေးဆုံး Sleep Myths (၈) ခု

ကျန်းမာရေးကိုဒုက္ခအပေးဆုံး Sleep Myths (၈) ခု အကြောင်းကို ပြောပြချင်ပါတယ်။ ဘာလို့လဲဆိုရင် Myth တွေဟာ လူတွေရဲ့ ကျန်းမာရေးကို အများကြီး ဒုက္ခပေးတတ်တာကြောင့်ပါ

ရေးသားသူ Ye Zon Aung

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာ ခံစားရနိုင်ခြေများနေတဲ့ ကျန်းမာရေးပြဿနာတွေက ရင်သားကင်ဆာ၊ သားအိမ်ကင်ဆာ၊ သွေးဆုံးတာ၊ ကိုယ်ဝန်ဆောင်တာတွေပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လွယ်လည်းလွယ် အကုန်အကျလည်းမရှိတဲ့နည်းနဲ့ နှလုံးကျန်းမာရေး စစ်ဆေးကြည့်ရအောင်

နှလုံးရောဂါကို စစ်ဆေးနိုင်တဲ့ နည်းလမ်းတွေအမျိုးမျိုးရှိပေမယ့် အလွယ်ကူ၊ အရိုးရှင်းဆုံးနည်းလမ်းကတော့ stair-climbing test လို့ခေါ်တဲ့ လှေကားတက်နည်းဖြစ်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
နှလုံးရောဂါနှင့် ဆီကြော်အစားအစာ များ

နှလုံးရောဂါနှင့် ဆီကြော်အစားအစာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 1, 2021 . 2 mins read