အိပ်စက်ခြင်းနဲ့ နိုးထခြင်းတို့ လျော်ကန်မှုမရှိခြင်း
နောက်ကျမှအိပ်ခြင်း၊ အိပ်မက်ဆိုးကြောင့်လန့်နိုးခြင်းနဲ့ စောစောနိုးခြင်းတို့က အိပ်စက်ခြင်းကို ထိခိုက်နိုင်ပြီး အိပ်ရေးပျက်ခြင်းတွေ ပုံလာပါလိမ့်မယ်။ေ
ဆေးပညာပိုင်းဆိုင်ရာပြဿနာများ
စိတ်ဓါတ်ကျခြင်း၊ အိပ်စက်စဉ်အသက်ရှုရပ်ခြင်း၊ ဟော်မုန်းမညီမျှုခြင်းနဲ့ အခြားနာတာရှည်ရောဂါများတို့ပဲဖြစ်ပါတယ်။
ရောဂါအဖြေရှာခြင်းနှင့် ကုသမှု
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
Sleep deprivation (အိပ်ရေးပျက်ခြင်း) ကို ဘယ်လိုအတည်ပြုပါသလဲ
နောက်ထပ်သိရှိလိုသည်များအတွက် ဆရာဝန်ဖြင့် ဆွေးနွေးတိုင်ပင်ပေးပါ။
Sleep deprivation (အိပ်ရေးပျက်ခြင်း) ကို ဘယ်လိုကုသပါသလဲ
ကုသမှုကတော့ ဇီဝပိုင်းဆိုင်ရာ လိုအပ်ချက်တွေကို ပြန်လည်ဖြည့်တင်းပေးခြင်း၊ အိပ်ရေးမပျက်စေရန်ကာကွယ်ခြင်းနှင့် အိပ်စက်ချိန်များကို ပြန်လည်ပေးဆပ်ခြင်းတို့ပဲဖြစ်ပါတယ်။ အကြွေးဆပ်ရန်အကောင်းဆုံးနည်းလမ်းကတော့ ထပ်အိပ်ဖို့ပဲဖြစ်ပါတယ်။ အိပ်စက်ဖို့ ဘယ်လောက်အကြွေးကျန်တယ်အပေါ်မူတည်ပြီး အချိန်ဘယ်လောက်ကြာလဲ ကွဲပြားနိုင်ပါတယ်။
အိပ်စက်ခြင်းအကြွေးတွေပြန်ပေးဖို့ အိပ်ချိန်ပြန်မပြည့်မချင်း အချိန်ပိုတွေ အိပ်စက်ခြင်းဖြင့် ပြန်လည် ဖြည့်တင်းပေးရပါလိမ့်မယ်။ နောက်ပိုင်းဆိုရင်တော့ အချိန်ပိုအိပ်စက်ဖို့ လိုမှာမဟုတ်တော့ပါဘူး။
အိပ်ချိန်အကြွေးတွေက နာရီရာချီ၊ထောင်ချီရှိမယ်ဆိုရင် အသိစိတ်နဲ့ အိပ်စက်မှုပုံစံကို နဂိုအတိုင်းဖြစ်အောင် ပြန်လည်ပုံသွင်းဖို့လိုသလို အချိန်အလုံအလောက်ပေးဖို့လည်း လိုအပ်ပါတယ်။ ပြန်နိုးလာတဲ့အခါမှာ လန်းဆန်းနေမယ်၊ တစ်နေ့လုံး မအိပ်ချင်တော့ဘူးဆိုရင် အိပ်ချိန်အကြွေးတွေ ဆပ်ပြီးပြီဆိုတာ ပြတာပါပဲ။ အိပ်ရေးပျက်တာတွေ ဆက်ဖြစ်နေမယ်၊ မကောင်းတဲ့လက္ခဏာတွေလည်း ဆက်ရှိနေမယ်ဆိုရင်တော့ မိမိဘာသာလေ့ကျင့်နေမယ့်အစား ကျန်းမာရေးကျွမ်းကျင်သူတွေနဲ့ ဆွေးနွေးတိုင်ပင်ပါ။
လူနေမှုဘဝပုံစံပြောင်းလဲခြင်းနှင့်အိမ်တွင်ဆေးနည်းများ
အိပ်ရေးပျက်ခြင်းကို ရင်ဆိုင်နိုင်စေဖို့ လူနေမှုဘဝပုံစံပြောင်းလဲခြင်းနှင့် အိမ်တွင်းဆေးနည်းတွေက ဘာတွေလဲ။
အောက်ပါလူနေမှုဘဝပုံစံပြောင်းလဲခြင်းတွေနဲ့ အိမ်တွင်းဆေးနည်းတွေက အိပ်ရေးပျက်ခြင်းကို ရင်ဆိုင်နိုင်စေဖို့ ကူညီပေးပါလိမ့်မယ်။
- ပင်ပန်းလာရင် အိပ်လိုက်ပါ။
- ပုံမှန်အိပ်စက်ချိန်၊ နိုးထချိန်ထားရှိပေးပါ။
- မအိပ်စက်မှီ ၂နာရီ၃နာရီအတွင်း အစာစားခြင်းကို ရှောင်ကျဉ်ပါ။
- မိနစ်၂၀အတွင်း အိပ်မပျော်ဘူးဆိုရင်တော့ အခြားအခန်းတစ်ခုသို့ သွားပြီး အိပ်ချင်တဲ့အထိ စာဖတ်ပေးပါ။ ပြီးနောက် ပြန်အိပ်ပေးပါ။
- နေ့စဉ်လေ့ကျင့်ခန်းပုံမှန်လုပ်ပေးပါ။
- အိပ်ခန်းကို တိတ်ဆိတ်အောင်၊ မှောင်နေအောင်နဲ့ အေးချမ်းနေအောင်ထားပါ။
- မအိပ်ခင်မှာ အီလက်ထရောနစ်ပစ္စည်းတွေ ပိတ်ထားပေးပါ။
သိချင်တာတွေရှိမယ်ဆိုရင် အကောင်းဆုံးဖြေရှင်းနည်းလမ်းတွေကို ပိုမိုနားလည်သိရှိစေနိုင်ရန်အတွက် ဆရာဝန်ဖြင့် ဆွေးနွေးတိုင်ပင်ပေးပါ။
Hello Health Groupသည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။