ချစ်သူရှိတုန်းက မလုပ်ဖြစ်လိုက်ရတဲ့ အရာတွေ၊ ကိုယ်ဝါသနာပါတဲ့ အရာတွေ ပြန်လုပ်ဖို့ အချိန်ကောင်းပါပဲ။ အနည်းဆုံးတော့ ဒါတွေ လုပ်နေတဲ့အချိန်မှာ ကိုယ့်ရဲ့ စိတ်ကို ပူလောင်စေမယ့် အတွေးတွေ မဝင်လာအောင် အနည်းငယ်တော့ ထိန်းပေးထားနိုင်မှာပါ။ အားလပ်ချိန်မှာ တရားထိုင်တာ၊ ယောဂကျင့်တာ၊ အေးချမ်းတဲ့ တေးဂီတ တီးလုံးတွေဖွင့်ပြီး ကိုယ့်ရဲ့ စိတ်ကို တည်ငြိမ်အောင် လုပ်ကြည့်ပါ။
၁၀။ ချစ်သူသက်တမ်းတစ်လျှောက် အကောင်း၊ အဆိုးတွေကို ပြန်တွေးကြည့်ပါ။
လက်ခုပ်ဆိုတာ ၂ဖက်တီးမှ မြည်တာပါ။ ချစ်သူသက်တမ်းတစ်လျှောက်မှာ ကိုယ့်ဘက်က သူ့အပေါ် ဘာတွေကောင်းခဲ့ဖူးလဲ၊ ဘာတွေမှားခဲ့တာ ရှိလဲ၊ ကိုယ့်မှာ ဘာလိုအပ်ချက်တွေ ရှိလဲဆိုတာ ပြန်စဉ်းစားကြည့်ပါ။ ပြီးရင် ပြောင်းလဲသင့်တဲ့ အရာတွေကို ပြောင်းလဲပါ။
အမှားဆိုတာလည်း ယူတတ်ရင် ကိုယ့်ရဲ့ ဘဝကို ကောင်းသော ပြောင်းလဲခြင်းတွေ ဖြစ်စေမယ့် သင်ခန်းစာပါပဲ။ ဒီအမှားတွေကို သင်ခန်းစာယူတတ်မှ နောက်အချစ်သစ်နဲ့ တွေ့တဲ့အခါ ကိုယ့်ဘက်က တည်ငြိမ်တဲ့ ဘဝအသစ်တစ်ခု ပြန်စတင်ဖို့ အဆင်သင့်ဖြစ်နေမှာပေါ့။
၁၁။ မကျေနပ်မှု၊ ဒေါသတွေကို တခြားသူတွေဆီ မလွှဲချပါနဲ့။
လူတော်တော်များများက ဒေါသဖြစ်လာတဲ့အခါ ကိုယ့်ကိုယ်ကိုယ် ဒုက္ခပေးရင် ပေး၊ မဟုတ်ရင်လည်း ကိုယ့်အနီးပတ်ဝန်းကျင်က လူတွေဆီ ပုံချလိုက်တာပါပဲ။ ၂ခုလုံးက မှန်ကန်တဲ့ နည်းလမ်းတွေ မဟုတ်ပါဘူး။ ကိုယ့်ရဲ့ စိတ်ထဲမှာ ဝေဒနာ၊ ဝမ်းနည်းပူဆွေးမှု၊ ခံပြင်းမှုတွေ ရှိနေမယ်ဆိုတာ မှန်ပေမဲ့ ဘာမှသက်ဆိုင်မှုမရှိတဲ့သူတွေကို ပုံချလိုက်တာက လူမှုဆက်ဆံရေးမှာ ပြဿနာတွေ ဖြစ်လာစေနိုင်ပါတယ်။
အသည်းကွဲဝေဒနာဆိုတာ ဘဝမှာ ကြုံရတတ်တဲ့ သင်ခန်းစာတစ်ခုပါ။ ဒါပေမဲ့ ကိုယ့်ကို ပြိုလဲစေလောက်တဲ့အထိ မခံစားမိဖို့တော့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။