မိန်းမကိုယ် ကျဉ်းဆေး နဲ့ နောက်ကွယ်က အန္တရာယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဩဂုတ် 27, 2020 . 2 mins read
Share now

အွန်လိုင်းပေါ်မှာ အကြီးအကျယ်တွေ ကြော်ငြာနေကြတာ တွေ့မိမှာပါ။ မိန်းမကိုယ် ကျဉ်းဆေး၊ အပျိုပြန်ဖြစ်တဲ့ဆေးဆိုပြီး ရောင်းချနေကြတာတွေလေ။ မယုံပါနဲ့။ ထပ်ပြီး ပြောပါမယ်။ မယုံပါနဲ့။ ဒီဆေးတွေကို ဝယ်ရင်ကောင်းမလားလို့ တွေးနေရင် အဲဒီအတွေးတွေ ရပ်ပြီး ဒီဆောင်းပါးကို ဆက်ဖတ်ပါ။

တကယ်တော့ မိန်းမကိုယ်ဟာ အလိုလို ကျုံ့နိုင်၊ဆန့်နိုင်တဲ့ သဘာဝရှိပြီးသား ဖြစ်ပါတယ်။ ဘာဆေးမှ မလိုပါဘူး။ ဒါပေမဲ့ ကျဉ်းဆေးဆိုတာတွေက တကယ်ပဲ ကျဉ်းသွားတယ်၊ ပိုပြီး သာယာမှုရတယ်ဆိုပြီး ပြောလာကြတာတွေ ရှိတာမို့ ဒီဆေး ဘယ်လို အလုပ်လုပ်တယ်ဆိုတာ ကျွန်တော်တို့ လေ့လာကြည့်ရအောင်။

ကျဉ်းဆေးတချို့မှာ မိန်းမကိုယ် နံရံ နဲ့ မိန်းမကိုယ် အဝကို ကျဉ်းစေအောင် ဆောင်ရွက်ပေးနိုင်တဲ့ ပစ္စည်းတချို့ ပါဝင်ပါတယ်။ ဒါပေမဲ့ အများဆုံးကတော့ တကယ် မိန်းမကိုယ်ကို ကျဉ်းစေတာ မဟုတ်ဘဲ မိန်းမကိုယ် နံရံပေါ်က အချွဲတွေကို ခြောက်အောင် လုပ်လိုက်တာပါ။

ဒါက ပွတ်တိုက်မှုကို ပိုသိသာစေပြီး မိန်းမကိုယ်ကို ယာယီကျပ်သွားသလို ခံစားရစေပါတယ်။ ဒါပေမဲ့ ကျိန်းသေတာကတော့ သဘာဝအချွဲ မရှိတော့တဲ့အတွက် ချစ်တင်းနှောတိုင်းမှာ နာကျင်မှုကို ခံစားနေရမှာပါ။

ဆိုရင် ဒီလိုခြောက်သွေ့အောင် လုပ်လိုက်တာကြောင့် ဘယ်လို ဘေးထွက်ဆိုးကျိုးတွေ ဖြစ်လာနိုင်သလဲ။

နာကျင်ခြင်း၊ နီရဲ ရောင်ရမ်းခြင်း။

ဘာလို့ နာကျင်တာလဲ။ အပေါ်မှာ ပြောခဲ့သလို အချွဲတွေ အကုန်လုံးကို ခြောက်သွားစေတယ်။ ဒါကြောင့် ပွတ်တိုက်မှုတွေ ဖြစ်တဲ့အခါမှာ နာကျင်ပြီး အနာတရ ဖြစ်ကျန်ခဲ့ပါတယ်။ ဒီလိုဆိုမှတော့ နီရဲရောင်ရမ်းနေတာက အဆန်းမဟုတ်တော့ဘူးပေါ့။ နောက်ပြီး ဒီဆေးတွေထဲ ပါဝင်တာတွေသည် အကုန်လုံးနီးပါး ဓာတုပစ္စည်းတွေ ဖြစ်တာကြောင့် အလွန်တရာ နုတဲ့ မိန်းမကိုယ်အတွက် အန္တရာယ်ကြီးပါ။ ဒါကြောင့် ဒီဆေးတွေ သုံးပြီးရင် ဆီးသွား၊ လမ်းသွားရင် နာတာ၊ ထိုင်မရ၊ ထမရ ဖြစ်တာမျိုးတွေ ဖြစ်တတ်ပါတယ်။

ဓာတ်မတည့်မှု လက္ခဏာတွေ ပေါ်လာခြင်း

ပါဝင်ပစ္စည်းတွေထဲ ဓာတ်မတည့်နိုင်တဲ့ အရာတစ်ခုခု ပါဝင်လာနိုင်ပါတယ်။ နီရဲတာ၊ ယားယံတာ၊ အကွက်တွေ ဖြစ်လာတာမျိုးတွေ အရေပြားပေါ်မှာ ဖြစ်ဖူးကြမယ် ထင်ပါတယ်။ အဲဒီအချိန်မျိုးတောင် အရမ်း နေရခက်တာနော်။ မိန်းမကိုယ်မှာ ဖြစ်ရင် ဘယ်လောက်တောင် အခြေအနေဆိုးမလဲ တွေးကြည့်။ အတော်ကို ခံရခက်မယ့် အရာမျိုးပါပဲ။

ဘက်တီးရီးယားပိုးဝင်ပြီး မိန်းမကိုယ် ရောင်ရမ်းခြင်း (Bacterial Vaginosis-BV) နဲ့ မှိုပိုးဝင်ခြင်း

ဘာမှန်းမသိတာတွေ မိန်းမကိုယ်ထဲ လျှောက်ထည့်၊ PH ပမာဏတွေ မညီမျှတော့ဘဲ ပျက်စီး၊ ဒီကနေတစ်ဆင့် မိန်းမကိုယ်မှာ ရှိနေပြီးသား ကောင်းကျိုးပြု ဘက်တီးရီးယား ထိန်းညှိမှုတွေ ပျက်စီး၊ အဲ့သလိုဖြစ်ရာကနေပြီး ရောဂါပိုးဝင်လွယ်စေပါတယ်။ မှိုပိုးဝင်တာကတော့ ပြောစရာကို မလိုတော့ဘူးပေါ့။ ဒါကြောင့်လေ ဖြစ်နိုင်ရင် မိန်းမကိုယ်ထဲ တွေ့ကရာတွေ လျှောက်လျှောက်မထည့်ဖို့ တစ်ခါတည်း မှာပါရစေနော်။

ဟော်မုန်း မညီမျှခြင်း

ဒီကျဉ်းဆေးတွေက endocrine လို့ ခေါ်တဲ့ သားဥအိမ်၊ သိုင်းရွိုက် နဲ့ pituitary ဂလင်းတွေ ပါတဲ့ ဟော်မုန်းစနစ်ကိုလည်း ကမောက်ကမ ဖြစ်စေပါတယ်။

STD (လိင်ကတစ်ဆင့် ကူးစက်တတ်တဲ့ ရောဂါ) တွေရဲ့ နောက်ဆက်တွဲ ဆိုးကျိုးတွေ ကို ဖြစ်စေပါတယ်။

အမှန်တော့လေ ဒီကျဉ်းဆေးတွေမှာက အနံ့အသက်ပျောက်ဆေးတွေပါ ပါတာပေါ့။ အနံ့အသက်ကင်းစေတဲ့ အာနိသင် ရှိတဲ့အခါမှာ STD ရဲ့ လက္ခဏာတွေဖြစ်တဲ့ အနံ့တွေကိုလည်း လျော့ကျစေတာကြောင့် တော်ရုံဆို လူက STD ရှိနေရင်တောင် မသိနိုင်တော့တာမျိုးတွေ ဖြစ်တတ်ပါတယ်။

မသိတော့ ကုသမှုမခံယူဖြစ်ဘူး။ ကုသမှု မခံယူသရွေ့ ကိုယ့်မှာ ထိခိုက်ပျက်စီးတာတွေ များပြီး သူများကိုလည်း ရောဂါဖြန့်ပေးသလို ဖြစ်နေဦးမှာပါပဲ။

ဘယ်လိုပဲ ကြည့်ကြည့်၊ ဘယ်ရှုထောင့်ကနေ ကြည့်ကြည့် ဒီကျဉ်းဆေးမှမဟုတ်ဘဲ ဘယ်ဆေး၊ ဘယ်ပစ္စည်းကိုမှ ဆရာဝန်ညွှန်ကြားချက်မပါဘဲ မိန်းမကိုယ်မှာ သုံးတာမျိုး လုံးဝ လုံးဝ မလုပ်သင့်ပါဘူး။ ဒါပေမဲ့ ကျဉ်းချင်တာလေ ဘယ်လိုလုပ်ရမှာလဲ။

ယောက်ျားကလည်း ငြိုငြင်နေပြီဆိုရင်တော့ Kegel Exercise ကို စမ်းကြည့်ပါ။ Kegel Exercise ဆိုတာ မိန်းမကိုယ်နဲ့ တင်ပါးဆုံကွင်းကို ညှစ်ပေးတဲ့ လေ့ကျင့်ခန်းပါပဲ။

ဒါဟာ သဘာဝနည်းဖြစ်သလို အထိရောက်ဆုံး မိန်းမကိုယ်ကျဉ်းနည်းဖြစ်တဲ့အပြင် ဆီးမထိန်းနိုင်တာကို ပျောက်ကင်းသက်သာစေတာမျိုးတွေ၊ ကလေးမွေးတဲ့အခါ လွယ်ကူသက်သာစေတာမျိုးတွေစတဲ့ အခြားကောင်းကျိုးတွေကိုပါ ယူလာပေးနိုင်တဲ့အတွက် ဘာမှန်းမသိတာတွေ လျှောက်သုံးနေမယ့်အစား အန္တရာယ်ကင်းတဲ့ လေ့ကျင့်ခန်းလေး လုပ်ပြီး သာယာတဲ့ အိမ်ထောင်ရေးကို ဖန်တီးနိုင်ကြပါစေနော်။

ရေးသားသူ – Wathun Myet Chal

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Pubertyက hit ဦးမှာလား။

ဆယ်ကျော်သက် puberty hit ဟော်မုန်း အီစထရိုဂျင် တက်စတိုစတီရုန်း အပျိုဖော်ဝင် သားဥအိမ် လူပျိုဖော်ဝင် ဝှေးစေ့ ပျိုဖော်ဝင်ချိန်နောက်ကျ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Probiotic က မိန်းမကိုယ်မှိုစွဲတာကို တိုက်ထုတ်ပေးနိုင်သလား

Probiotics ဆိုတာ ခန္ဓာကိုယ်နဲ့ အစာအိမ်ကိုအကျိုးပြုပြီးတော့ ကိုယ်အလေးချိန်ကျဖို့၊ အစာခြေစနစ်ကောင်းမွန်ဖို့၊ ဝမ်းမှန်ဖို့၊ စိတ်ကျန်းမာဖို့ အကျိုးပြုပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကာလကြာရှည် စိတ်ဖိစီးခြင်းဟာ သင့်ကိုယ်ခန္ဓာအပေါ် ဘယ်လိုသက်ရောက်သလဲ

ရေတိုကာလမှာ စိတ်ဖိစီးမှုဟာ သင့်အတွက် အကျိုးဖြစ်စေပါတယ်။ ဒါပေမယ့် စိတ်ဖိစီးမှုကို ကာလရှည်ကြာ ကြုံတွေ့လာရမယ်ဆိုရင်တော့ ဆိုးကျိုးတွေ ဖြစ်လာနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

Endocrine System (ဟော်မုန်းစနစ်) ကျန်းမာစေဖို့ စားသောက်နေထိုင်မှုပုံစံ

ဂလင်းတွေကဟော်မုန်းတွေကို မပိုမလိုထုတ်ပေးမှ ခန္ဓာကိုယ်က ဖြစ်စဉ်တွေ အားလုံးက ပုံမှန် လည်ပတ်တာပါ။ endocrine system (ဟော်မုန်းစနစ်)။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ်ကာလအတွက် အသင့်တော်ဆုံး သားဆက်ခြားနည်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
ကင်ဆာဖြစ်စေနိုင်တဲ့ အမူအကျင့်တွေ

ကင်ဆာဖြစ်စေနိုင်တဲ့ အမူအကျင့်တွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 19, 2020 . 2 mins read
ရင်သားထွားထွား ရောဂါများများ

ရင်သားထွားထွား ရောဂါများများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 14, 2020 . 2 mins read
ဆီလီနီယံ ချို့တဲ့ခြင်း

ဆီလီနီယံချို့တဲ့ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read