မိမိနှင့် သင့်တော်သော သားဆက်ခြားနည်း ရွေးချယ်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 21, 2020 . 3 mins read
Share now

ကိုယ်ဝန်မရှိလိုသေးသူတစ်ဦးသည် ကိုယ်ဝန်တားနည်း များအကြောင်းပြည့်စုံစွာ သိရန် လိုအပ်သည့်အပြင် သုံးစွဲရန်လည်း လက်လှမ်းမီမှု ရှိရမည်။

သားဆက်ခြားနည်း ရွေးချယ်သုံးစွဲမှုများသည် သက်ဆိုင်ရာ အမျိုးသမီး၏

  • အသက်
  • အမူအကျင့်နှင့် လူမှုရေးဆိုင်ရာအချက်များ
  • ရွေးချယ်ရန် အခွင့်အရေး လက်လှမ်းမီမှု
  • သင့်တော်သော ပညာပေး နှစ်သိမ့်ဆွေးနွေးခြင်း
  • ကုန်ကျစရိတ် စသည့်အချက်များပေါ်တွင် မူတည်သည်။

ဥပမာ အိမ်ထောင်ရှိ ကလေးမိခင်တစ်ဦး ကိုယ်ဝန်တားနည်း ရွေးချယ်ပုံ နှင့် အိမ်ထောင်မရှိသူ လိင်ဆက်ဆံဖော် တစ်ဦးမကရှိသူ မိန်းကလေးတစ်ဦး ကိုယ်ဝန်တားနည်း ရွေးချယ်ပုံသည် များစွာကွဲပြားမှုရှိမည် ဖြစ်သည်။

ကျန်းမာရေးအခြေအနေအရ သားဆက်ခြားနည်း

  • လတ်တလောကိုယ်ဝန်ရှိသူ

သုံးစွဲရန်မလို။

  • ရောဂါမကူးစက်ရန်

ကွန်ဒုံးသုံးနိုင်။ကွန်ဒုံးသုံးစွဲခြင်းဖြင့် ကိုယ်ဝန်တားပေးသည့် အပြင် လိင်မှတဆင့်ကူးစက်တတ်သောရောဂါများကိုပါ ကာကွယ်ပေးသည်။

  • နို့တိုက်မိခင်

ဟော်မုန်းပါသားဆက်ခြားနည်းကို တတ်နိုင်သမျှ(ကလေး၆ပတ် မကျော်မီ) မသုံးရန်။ သို့သော် progestrone ပါသော ဆေးကဒ်သုံးနိုင်။ ကွန်ဒုံးသုံးနိုင်။ estrogen ဟော်မုန်းသည် နို့ထွက်နည်းစေသောကြောင့်ဖြစ်သည်။ ကလေး မွေးပြီး ၆လအတွင်း မိခင်နို့တစ်မျိုးတည်းသာတိုက်ရသောကြောင့် နို့ထွက်နည်း လျှင် ကလေးအာဟာရမပြည့်ပေ။

ကလေး၆လကျော်ရင် ဟော်မုန်းပါသော ဆေးကဒ်သုံးနိုင်။ ကွန်ဒုံးသုံးနိုင်။ ကလေး၆လကျော်လျှင် ဖြည့်စွက်စာစားသောကြောင့် မိခင်နို့ထွက်နည်းသော်လည်း စိုးရိမ်စရာမရှိချေ။

  • သွေးတိုးရှိသူ (အပေါ်သွေး ၁၄၀၊အောက်သွေး ၉၀)၊ သွေးကြောပိတ်ရောဂါရှိသူ၊ သွေးရောဂါရှိသူ၊ ခေါင်းကိုက်ရောဂါရှိသူ၊ အသည်းရောဂါရှိသူ

ဟော်မုန်းပါသောဆေးမသုံးရန်။ ဖြစ်နိုင်ပါက ၃လခံဆေး မသုံးရန်။ progestrone တားဆေးကဒ်သုံးနိုင်။ ကွန်ဒုံးသုံးနိုင်။ ဟော်မုန်းပါသောဆေးများသည် သွေးတိုးခြင်း၊ ခေါင်းကိုက်ခြင်း အစရှိသည်တို့ကို ပိုဆိုးစေနိုင်သောကြောင့်ဖြစ်သည်။

  • တီဘီရောဂါရှိသူ

ဟော်မုန်းပါသော ဆေးကဒ်များ မသုံးရန်။ ၃လခံဆေး သုံးနိုင်သည်။ တီဘီဆေးသည် ဆေးကဒ်များ၏ အာနိသင်ကို ကျစေပြီး ဆေးသောက်နေရင်း ကိုယ်ဝန်ရတတ်သောကြောင့်ဖြစ်သည်။

  • အဝလွန်ခြင်းနှင့် ကိုယ်အလေးချိန်ထိန်းလိုသူ

ဟော်မုန်းပါသောတားဆေးများကို တတ်နိုင်သမျှရှောင်ရန်။ ဟော်မုန်းမပါသော သားအိမ်အတွင်းထည့်ပစ္စည်းIUDသုံးနိုင်သည်။

  • နှစ်ရှည်တားလိုသူ

လက်မောင်းတွင်းထည့် တားဆေးImplanon NXT၊ သားအိမ်အတွင်းထည့် ပစ္စည်းIUDသုံးနိုင်သည်။

သားဆက်ခြားနည်း အမျိုးမျိုး၏ ထိရောက်မှုကို နှိုင်းယှဉ်ခြင်း

သားဆက်ခြားနည်း                                                                              သာမန်သုံးသူ               နည်းစနစ်မှန်သုံးသူ

  • ကွန်ဒုံး                                                                                                  ၈၅%                                 ၉၈%
  • အရေးပေါ်တားဆေး                                                                             မသိရ                                နာရီ ၁၂၀အတွင်းသုံးပါက ၇၅%
  • ဟော်မုန်း၂မျိုးပါတားဆေးကဒ်                                                              ၉၂%                                ၉၉.၇%တားဆေးကဒ်
  • progestrone တစ်မျိုးတည်းပါတားဆေးကဒ်                                       ၉၂%                                ၉၉.၇%
  • ၃လခံထိုးဆေး                                                                                       ၉၇%                               ၉၉.၉၇%
  • လက်မောင်းအရေပြားအောက်ထည့်တားဆေး                                       ၉၇%                              ၉၉.၉၇%
  • သားအိမ်တွင်းထည့်ပစ္စည်း                                                                     ၉၉.၉၂%                         ၉၉.၉၄%
  • ရက်ရှောင်ခြင်း                                                                                       ၇၅%                              ၉၁-၉၉%
  • မိန်းမကိုယ်ပြင်ပ လိင်ဆက်ဆံခြင်း (ဥပမာ ပါးစပ်ဖြင့် ဆက်ဆံခြင်း)      ၁၀၀%                            ၁၀၀%

သားဆက်ခြားနည်းများအား ရရှိနိုင်မှု

ဟော်မုန်းပါသောက်ဆေးများ၊ ကွန်ဒုံးများ၊ အရေးပေါ်တားဆေးများအား ဆေးဆိုင်အများအပြား၌ အလွယ်တကူ ရရှိနိုင်သော်လည်း ၃လခံထိုးဆေး၊ လက်မောင်းတွင်းထည့် ကိုယ်ဝန်တားနည်းနှင့် သားအိမ်တွင်းထည့်ပစ္စည်းတို့မှာ ဆေးရုံဆေးခန်းများတွင် ကျွမ်းကျင်သော ဆရာဝန်များအကူအညီဖြင့်သာ ရရှိနိုင်သည်။

ထပ်ဆင့် မျှဝေလိုသော စကား

  • မိမိအဖော်တွင် လိင်မှတစ်ဆင့် ကူးစက်တတ်သောရောဂါများရှိနေနိုင်ကြောင်း သံသယရှိလျှင် ကွန်ဒုံးသုံးပါ။
  • နည်းစနစ်မှန်ကန်စွာသုံးခြင်းဖြင့် ကိုယ်ဝန်အပြင် လိင်မှတဆင့်ကူးစက်တတ်သောရောဂါများကိုပါ ကာကွယ်နိုင်သည်။
  • ကွန်ဒုံးအပို အမြဲအသင့်ထားရှိပါ။
  • ကွန်ဒုံး ပေါက်ပြဲမှု ရှိ မရှိ သေချာစွာ စစ်ဆေးပြီးမှ အသုံးပြု ပါ။
  • ကွန်ဒုံး ပေါက်ပြဲသွားပါက ဆက်ဆံပြီးချင်း အရေးပေါ်တားဆေးသောက်ပါ။
  • လိင်စိတ်ဖြေရန် လက်ကိုင်ခြင်း၊ ဖက်ခြင်း၊ နမ်းရှုံ့ခြင်း၊ တစ်ကိုယ်တော်စိတ်ဖြေခြင်း၊ ပါးစပ်မှတဆင့် လိင်ဆက်ဆံခြင်းများသည် ကိုယ်ဝန်မရစေနိုင်ပါ။
  • အရေးပေါ်တားဆေးကို ပုံမှန်တားဆေးအဖြစ် သုံးရန်မသင့်ပါ။ တစ်လအတွင်း အကြိမ်ကြိမ်မသုံးသင့်ပါ။

တားဆေးကဒ်သောက်စဉ်မေ့လျော့ခြင်း

တားဆေးကဒ်သောက်ရန် မေ့လျော့လျှင် ကိုယ်ဝန်ရတတ်သောကြောင့် အောက်ပါအတိုင်းဆောင်ရွက်ပါ။

  • ဆေးကဒ် အပေါ်ဆုံးနှစ်တန်း(ပထမ ၁၄ လုံး)မှ မေ့ပါက

သတိရရခြင်း တစ်လုံးသောက်ပါ။ ပုံမှန်အချိန်တွင်လည်း တစ်လုံးသောက်ပါ။ ကျန်ဆေးများအား အစဉ်အတိုင်းဆက်သောက်ပါ။ ကွန်ဒုံးကို ၇ရက်သုံးပါ။

  • ဆေးကဒ် တတိယတန်း(၇)လုံးမှ မေ့ပါက

သတိရရခြင်း တစ်လုံးသောက်ပါ ။အဆိုပါ အတန်းမှ ဆေးများအား ကုန်အောင်ဆက်သောက်ပါ။ ပြီးလျှင်နောက်ဆုံးအတန်းကို မသောက်ဘဲ ဆေးကဒ်အသစ် ပြန်စသောက်ပါ ။ ကွန်ဒုံးကို ၇ရက်သုံးပါ။

  • ဆေးကဒ် နောက်ဆုံးအတန်း (၇)လုံး (အနီရောင်ဆေးလုံးအတန်း ) မှ မေ့ပါက

မေ့သွားသောဆေးလုံးများအား ထုတ်ပစ်ပြီး ကျန်ဆေးများကို ဆက်သောက်ပါ။

ရေးသားသူ – Dr. May Thazin Oo

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

လူကြီး ပန်းနာရင်ကြပ် အကြောင်း

ပန်းနာရင်ကြပ်က လူကြီးဘဝမျာလည်း ဖြစ်နိုင်ပါတယ်။ အပြီးပျောက်အောင် မကုနိုင်ပေမယ့် ဆောင်ရန် ရှောင်ရန်တွေကို လိုက်နာရင် ပုံမှန်အတိုင်း နေနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာလမှာ လူတိုင်းသိချင်နေမယ့် ပုံမှန်အောက်ဆီဂျင်ပမာဏဆိုတာ ဘာလဲ

သွေးတွင်းအောက်ဆီဂျင် အနေအထားက ၇၅ mm Hg (မီလီမီတာ မာကျူရီ) ကနေ ၁၀၀ mm Hg အနေအထားမှာရှိနိုင်ပါတယ်။ ဒီပမာဏအတွင်း မဟုတ်ရင်တော့ နည်းနေတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 27, 2020 . 2 mins read

သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

အသက်ရှူ ကျပ်ရင်းက အသက်ဆုံးသွားတဲ့အထိပဲ။ ကိုဗစ်ကြောင့်  မောတယ်၊ အသက်ရှူ ကျပ်လာတယ်၊ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 27, 2020 . 2 mins read

သွေးတွင်း အောက်ဆီဂျင် မကျစေဖို့

သွေးတွင်း အောက်ဆီဂျင် နည်းတတ်လို့ အသက်ရှူရခက်နေမယ်ဆိုရင် တစ်နေ့တာကို အခုလို ပြောင်းလဲ လိုက်ပါ။ သွေးတွင်းအောက်ဆီဂျင် နည်းတာက ကျန်းမာရေး ပြဿနာတစ်ခုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

Gym ကစားခြင်းနှင့် လူသိမှားနေသေးသော ဂျင်းတချို့…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 3 mins read
ဘေဘီလေးကို ကိုဗစ်စစ်ဆေးတော့မယ်ဆိုရင် ဖေဖေမေမေတို့အနေနဲ့ ဘယ်လိုလုပ်ဆောင်ပေးသင့်လဲ။

ဘေဘီလေးကို ကိုဗစ်စစ်ဆေးတော့မယ်ဆိုရင် ဖေဖေမေမေတို့အနေနဲ့ ဘယ်လိုလုပ်ဆောင်ပေးသင့်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read
ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read