အမျိုးသားများနှင့် လိင်တံအရေပြားမှိုစွဲခြင်းရောဂါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 20, 2020 . 2 mins read
Share now

လိင်အင်္ဂါမှိုစွဲတယ်ဆိုတာ တကယ်တော့ အမျိုးသမီးတွေမှာ ပိုပြီးအဖြစ်များတတ်တဲ့ ရောဂါပါ။ အကာအကွယ်မသုံးဘဲ လိင်ဆက်ဆံရာကနေ အမျိုးသားတွေကို ကူးစက်ပြီး လိင်တံမှိုပိုး ကူးစက်ခံရတာဖြစ်ပါတယ်။ တခြားအရေပြားပြဿနာတွေထက် ပိုအန္တရာယ်များပြီး မကုသဘဲ ပစ်ထားလိုက်မယ်ဆိုရင် နာကျင်မှု၊ ယားယံမှုတွေအပြင် ရောဂါပိုးတွေလည်း ကူးစက်ခံရဖို့ ပိုလွယ်ကူပါတယ်။ အထူးသဖြင့် မှိုပိုးက သွေးကြောထဲဝင်ရောက်သွားတဲ့အခါ ရောဂါအခြေအနေက တော်တော်ဆိုးတယ်လို့ ပြောလို့ရပါပြီ။

လိင်တံမှိုစွဲခြင်း ရောဂါလက္ခဏာတွေက ဘာလဲ။

အစောပိုင်း ပိုးကူးစက်ခံရတဲ့အခါ အရေပြားက နီရဲနေပြီး အင်ပျဉ်တွေထနေမယ်။ လိင်တံပေါ်မှာ အဖြူကွက်တွေ အကွက်လိုက်ဖြစ်ပေါ်နေပြီး ကိုင်လိုက်ရင် စိုစိုလေးဖြစ်နေမယ်။ ထိပ်အရေပြား ဖြတ်မထားတဲ့သူတွေမှာ အရေပြားကို အောက်လှန်ချလိုက်ရင် ပုံမှန်အရိအချွဲတွေလိုမဟုတ်ဘဲ မာပြီး ထူနေတဲ့အဖြူရောင်အခဲဖတ်တွေကို တွေ့ရပါမယ်။ ယားယံတာ၊ ပူစပ်ပူလောင်ဖြစ်သလို ခံစားရမယ်။ မှိုပိုးဟာ တစ်ခါတစ်ရံမှာ လိင်မှတစ်ဆင့်ကူးစက်ရောဂါတွေနဲ့အတူ ဝင်ရောက်လာနိုင်ပါတယ်။

လိင်တံမှိုစွဲခြင်းအကြောင်း သိထားသင့်သမျှ

Candida လို့ခေါ်တဲ့ မှိုပိုးကူးစက်ခံရခြင်းက အဓိကတရားခံပါပဲ။ မှိုရောဂါပိုးရှိနေတဲ့ အမျိုးသမီးနဲ့ အကာအကွယ်အသုံးမပြုဘဲ လိင်ဆက်ဆံရာမှ ကူးစက်ခံရတာဖြစ်ပါတယ်။ ဒီမှိုပိုးက လျင်မြန်စွာ ကြီးထွားလာတဲ့အခါ လိင်တံအရေပြာ မှိုစွဲခြင်းကို ဖြစ်စေနိုင်ပါတယ်။ ပူနွေးစိုစွတ်တဲ့ နေရာတွေ (လိင်တံ၊ ပေါင်ခြံ၊ ချိုင်းကြား) မှာ မှိုစွဲဖို့ အရမ်းလွယ်ကူပါတယ်။

ဘယ်သူတွေမှာ ဖြစ်နိုင်ခြေအများဆုံးလဲ။

  • မှိုစွဲနေတဲ့ မိန်းမကိုယ်တွင်း အကာအကွယ်မပါဘဲ လိင်ဆက်ဆံတာ
  • တစ်ကိုယ်ရေသန့်ရှင်းမှုနည်းတာ
  • အတွင်းခံဘောင်းဘီကို မလျှော်ဘဲ ထပ်ခါထပ်ခါ ဝတ်တာ
  • လိင်တံထိပ်အရေပြား ဖြတ်မထားသူတွေ
  • တစ်နေ့ ရေတစ်ကြိမ်ချိုးဖို့တောင် ပျင်းတဲ့အမျိုးသားတွေ
  • လိင်တံအရေပြားကို သေချာကြေးတွန်းဆေးကြောခြင်း မရှိတာ
  • Antibiotic တွေကို စွဲစွဲမြဲမြဲ သောက်တာ
  • အဝလွန်ခြင်း
  • ဆီးချိုရောဂါရှိသူတွေ
  • ကင်ဆာရောဂါ၊ HIV ပိုးကြောင့် ကိုယ်ခံအားနည်းနေသူတွေမှာ ပိုပြီးအဖြစ်များနိုင်ပါတယ်။

ကိုယ့်လိင်အင်္ဂါမှာ မှိုစွဲနေတယ်လို့ သံသယရှိရင် ဘာလုပ်သင့်လဲ။

အကောင်းဆုံးကတော့ အရေပြားဆရာဝန်ဆီမှာ သေချာပြသကြည့်သင့်ပါတယ်။ ဆရာဝန်အနေနဲ့ လိင်အင်္ဂါအရေပြားအခြေအနေ၊ ဖြစ်နေတဲ့ ရောဂါလက္ခဏာတွေ၊ ကွာကျလာတဲ့ အဖြူဖတ်တွေကို အနုကြည့်မှန်ပြောင်းအောက်မှာ စစ်ဆေးပြီး သေချာပြီဆိုတော့မှ ကုသမှုစတင်ပြုလုပ်မှာဖြစ်ပါတယ်။ ဆရာဝန်အနေနဲ့ မှိုရောဂါအတွက် လိမ်းဆေးတွေ၊ လိုအပ်တဲ့အခါ သောက်ဆေးတွေ ညွှန်းပေးမှာ ဖြစ်ပါတယ်။ အမြစ်ပြတ်ပျောက်ကင်းဖို့ အချိန်တစ်ပတ်လောက်တော့ ကြာနိုင်ပါတယ်။ ဒီအတောအတွင်းမှာ လိင်မှုကိစ္စကို လုံးဝရှောင်ကြဉ်ဖို့ လိုပါတယ်။ ထိပ်အရေပြားမဖြတ်ထားတဲ့အမျိုးသားတွေအနေနဲ့ အရေပြားဖြတ်ဖို့ လို၊ မလိုကို ဆရာဝန်က ကြည့်ပေးမှာပါ။

မှိုစွဲတာပျောက်သွားရင်ရော ပြန်ဖြစ်နိုင်လား။

ပထမအကြိမ်မှာ ရောဂါကိုအမြစ်ပြတ်အောင် မကုသတာဖြစ်စေ၊ ထပ်ပြီး အကာအကွယ်မပါဘဲ လိင်ဆက်ဆံတာ၊ တစ်ကိုယ်ရေသန့်ရှင်းမှု မရှိတဲ့အခါမှာလည်း ပြန်ပြီးဖြစ်နိုင်ပါသေးတယ်။ အရေပြားမှိုစွဲခြင်းဟာ စောစောသိပြီး ကုသမှုခံယူရင် ပျောက်ဖို့ လွယ်ကူတာကြောင့် ကိုယ့်မှာ သံသယဖြစ်စရာလက္ခဏာတွေ တွေ့တာနဲ့ ဆရာဝန်နဲ့ ပြဖို့လိုတယ်နော်။ တစ်ကိုယ်ရေသန့်ရှင်းမှုကို သေချာဂရုစိုက်မယ်၊ ကွန်ဒုံးသုံးပြီး လိင်ဆက်ဆံမယ်ဆိုရင်တော့ ဒီလိုမှိုစွဲတဲ့ ပြဿနာတွေ ဖြစ်လာနိုင်တော့မှာ မဟုတ်ပါဘူး။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ပုရိသတို့ရဲ့ လိင်အင်္ဂါယားယံခြင်းအတွက် အိမ်တွင်းနည်းလမ်းကောင်းများ

အမျိုးသား လိင်ကျန်းမာရေး အရေပြားပြဿနာ လိင်တံ လိင်အင်္ဂါ ယားယံခြင်း အနံ့ဆိုးထွက်ခြင်း ဘက်တီးရီးယားပိုး မှိုစွဲခြင်း ဝဲခြောက်ယားနာ ပွေး အိမ်တွင်းနည်းလမ်း ရေခဲ ပင်လယ်ဆား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

မျိုးဆက်ပွားကျန်းမာရေးနှင့် ဝှေးစေ့အရွယ်အစား

လိင်ကျန်းမာရေး မျိုးဆက်ပွားကျန်းမာရေး မျိုးအောင်နိုင်စွမ်း ဝှေးစေ့ သုက်ပိုး ကျားဟော်မုန်း လိင်စိတ်ဆန္ဒ အသက်အရွယ် ကျန်းမာရေး မျိုးဆက်ပွားကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အမျိုးသားများနှင့် အန္တရာယ်ကင်းစွာ ဆီးခုံမွေးဖယ်ရှားခြင်း

အမ်ိဳးသား လိင္က်န္းမာေရး တစ္ကိုယ္ေရသန္႔ရွင္းမႈ လိင္တံ လိင္အဂၤါ ထိပ္အေရျပား ဆီးခံုေမြး အေမြးရိတ္ျခင္း က်န္းမာေရးအက်ိဳးေက်းဇူး ဖေယာင္းကပ္ျခင္း အနံ႔ဆိုးကင္းျခင္း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အမျိုးသားတွေက ဆေးကုသမှုခံယူဖို့ ဘာကြောင့်ဝန်လေးတာလဲ

အမျိုးသား ကျန်းမာရေး ဆေးပညာ ဆေးကုသမှုခံယူခြင်း စိတ်ကျန်းမာရေး လိင်ကျန်းမာရေး ကြောက်ရွံ့ခြင်း ဆေးမြီးတို ကျန်းမာရေးဗဟုသုတ လူနေမှုဘဝပုံစံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

လိင်များများဆက်ဆံရင် Heart Attack ကို ကာကွယ်နိုင်မယ်

လိင်များများဆက်ဆံရင် Heart Attack ကို ကာကွယ်နိုင်မယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် စက်တင်ဘာ 4, 2020 . 2 mins read

တစ်ကိုယ်ရည်အာသာဖြေခြင်း နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မတ် 16, 2020 . 1 min read

အမျိုးသားများ နောက်တစ်ကြိမ် သုက်လွှတ်ဖို့ ဘယ်လောက်ကြာတတ်လဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဒီဇင်ဘာ 17, 2019 . 2 mins read

ကိုယ့်ငယ်ပါက သေးလိုက်တာဆိုပြီး အမြဲတွေးပူနေတဲ့သူတွေရှိလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် နိုဝင်ဘာ 8, 2019 . 3 mins read