စိတ်အနှောင့်အယှက်ဖြစ်စရာတွေကို ဘယ်လိုတုံ့ပြန်မလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

လူရယ်လို့ဖြစ်လာရင်နေ့စဉ်ဘဝမှာ အကောင်းအဆိုးဒွန်တွဲမှုတွေကို အမြဲလိုလိုရင်ဆိုင်နေရမှာပါ။ တစ်နေ့တာရဲ့ အချိန်အတိုင်းအတာအတွင်းမှာ စိတ်ချမ်းမြေ့စရာတွေ ကြုံရနိုင်သလို စိတ်အနှောင့်အယှက်ဖြစ်စရာ စိတ်ထိခိုက်စရာတွေကိုလည်း ကြုံရနိုင်ပါတယ်။ စိတ်ချမ်းမြေ့စရာကိစ္စကတော့ စိတ်ပျော်ရွှင်မှုကိုတောင် ရစေသေးလို့ ကိစ္စမရှိပေမယ့် စိတ်ထိခိုက်စရာ၊ စိတ်အနှောင့်အယှက်ဖြစ်စရာကြုံတဲ့ အခါ စိတ်မထားတတ်ရင်ဖြစ်လာနိုင်တဲ့နောက်ဆက်တွဲအကျိုးဆက်တွေက အများကြီးပါ။ ဒီအခြေအနေကို အကောင်းဆုံးကျော်လွှားရအောင်လား Hello ဆရာဝန်ပရိသတ်ကြီးရေ………

စိတ်အနှောင့်အယှက်ြဖစ်စေတဲ့အရာတွေကို အကောင်းဆုံးကျော်လွှားခြင်း

စိတ်အနှောင့်အယှက်ဖြစ်တဲ့အခါ အရင်ဆုံးလုပ်ရမှာက ကိုယ့်ကို စိတ်အနှောင့်အယှက်ဖြစ်စေတဲ့အရာက ဘာလဲဆိုတဲ့ အကြောင်းအရင်းအတိအကျကို ရှာဖို့ပါ။ စိတ်အနှောင့်အယှက်ဖြစ်စေနေတာက လူလား၊ အခြေအနေတစ်ရပ်ရပ်လား၊ လုပ်ငန်းစဉ်တစ်ခုခုကလားဆိုတာပါ။ ဒီအဆင့်အဖြေထွက်လာပြီဆိုရင်တော့ ဘယ်လိုရင်ဆိုင်မလဲဆိုတဲ့နည်းလမ်းကို စဉ်းစားရမှာပါ။ ထိပ်တိုက်ရင်ဆိုင်မလား၊ ဒီအတိုင်း ထားလိုက်မှာလား။ ဘာကိုရွေးသင့်လဲဆိုတာကတော့ အနေအထားအလိုက်ပြောင်းလဲနိုင်ပါတယ်။

တစ်ခါတလေမှာ ထိပ်တိုက်ဖြေရှင်းလိုက်မှုကကောင်းပေမယ့် တစ်ခါတလေမှာ ဒီအတိုင်းလေးကျော်သွားလိုက်တာကလည်း အဆင်ပြေပါတယ်။ အဓိကထားစဉ်းစားရမှာက ကိုယ့်ရဲ့ စိတ်အခြေအနေကိုပါ။ ထိခိုက်မှုကကြီးမယ်၊ အကျိုးလည်းမရှိလောက်ဘူးဆိုရင်တော့နောက်တစ်ကြိမ်ထပ်ဖြစ်မလာဖို့ ကိုယ့်ကိုယ်ကို ကာကွယ်တဲ့အနေနဲ့ ထိခိုက်စေတဲ့ လူ၊ ဒါမှမဟုတ် အခြေအနေတစ်ရပ်ရပ်နဲ့ ခပ်ကင်းကင်းနေလိုက်တာအကောင်းဆုံးပါ။ မဖြေရှင်းဘဲထားလို့ ကိုယ့်ကို ထိခိုက်လာနိုင်တယ်ဆိုရင်တော့ ထိပ်တိုက်သာရင်ဆိုင်ဖြေရှင်းလိုက်ပါ။ ရင်ဆိုင်ဖြေရှင်းပြီးရင်နောက်ထပ်လုပ်ရမယ့် ကိစ္စတစ်ခုကတော့မေ့ပစ်လိုက်ဖို့ပါ။ စိတ်ထိခိုက်စေတဲ့ အကြောင်းအရင်း၊ အခြေအနေ၊ လူတို့နဲ့ ခပ်ကင်းကင်းနေနိုင်လေလေ စိတ်ထိခိုက်နိုင်ခြေက နည်းလာလေလေပါ။

တကယ်လို့ စိတ်ထိခိုက်စေတဲ့အရာက ကိုယ့်ရဲ့ အရင်းနှီးဆုံးသူတစ်ဦးဦးဖြစ်နေမယ်၊ မိသားစုဝင်တစ်ဦးဦးဖြစ်နေမယ်ဆိုရင်တော့ စဉ်းစားရမှာက ခွင့်လွှတ်ပေးမလားဆိုတာပါ။ ဒီနေရာမှာ ခွင့်လွှတ်ပေးတာကကောင်းတယ်ဆိုပေမယ့်ဖြစ်လာမယ့် အကျိုးဆက်တစ်ခုက သူ့ကိုနောက်တစ်ကြိမ်ယုံကြည်ဖို့ခက်သွားနိုင်တာပါ။ ဒီအနေအထားက အသစ်အသစ်သောပြဿနာတွေကို ဖန်တီးဖြစ်ပေါ်စေနိုင်ပါတယ်။ ဒီတော့အကောင်းဆုံးဖြစ်စေမယ့်နည်းလမ်းကနောက်တစ်ကြိမ် ခံစားရမှုကင်းစေဖို့ဆိုရင် ခွင့်လွှတ်ပေးလိုက်ပြိး အရမ်းစိတ်မနှစ်ထားတော့ဖို့ပါ။ အရာရာကို သတိနဲ့ဆက်ဆံပြောဆိုတော့ပေါ့။ ဒီလိုအခြေအနေမှာ စိတ်သက်သာအောင်လုပ်ဆောင်လို့ရတဲ့နောက်ထပ်နည်းလမ်းတစ်ခုရှိပါတယ်။ ဒါကတော့ ကိုယ့်အရင်းနှီးဆုံး၊ အယုံကြည်ရဆုံးသူကို ရင်ဖွင့်တိုင်ပင်ပါ။ တစ်ခါတလေ တစ်ယောက်တည်း ခံစားနေရတာထက် ရင်ဖွင့်ပြောပြမှုက စိတ်ကို သက်သာရာရစေပါတယ်။

ကိုယ့်ကိုယ်ကိုပြန်လည်တည်ဆောက်ခြင်း

တကယ်တော့ပြန်ဆန်းစစ်ကြည့်ရင် ကိုယ့်အတွက်တာဝန်အရှိဆုံးသူ ကကိုယ်တိုင်ပါ။ ဒီတော့ ကိုယ့်ကို ထိခိုက်စေတဲ့ အခြေအနေကနေရုန်းထွက်ဖို့ ကကိုယ်တိုင်ကြိုးစားရမှာပါ။ စိတ်ညစ်စေတဲ့အရာတွေကို တစ်ချိန်လုံးပိုက်မထားပါနဲ့။ ဒီတော့ စိတ်ပြေလက်ပျောက်ဖြစ်အောင် တရားထိုင်တာမျိုးဖြစ်ဖြစ်၊ သီချင်းနားထောင်တာမျိုးဖြစ်ဖြစ်၊ စိတ်လက်အပန်းပြေစေမယ့် ဝါသနာပါရာတစ်ခုခုကိုလုပ်တာဖြစ်ဖြစ်လုပ်ပေးပါ။နောက်တစ်ခုက စာဖတ်တာမျိုးပေါ့။ အကောင်းဆုံးနည်းလမ်းတစ်ခုကတော့ ခွင့်လွှတ်ပေးလိုက်ပါ။ ခွင့်လွှတ်ပေးမှုက စိတ်သက်သာရာရစေဖို့ အကောင်းဆုံးသောနည်းလမ်းပါ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အထီးကျန်ခြင်း နှင့် ဆီးချိုဝေဒနာ

ဆီးချိုရောဂါက အဖြစ်များတဲ့ရောဂါတစ်မျိုးပါ။ ဒီလိုရောဂါဆိုးကြီးဟာ စိတ်ပိုင်းဆိုင်ရာ ပြဿနာတစ်မျိုးဖြစ်တဲ့ အထီးကျန်ခြင်းဝေဒနာနဲ့ ဆက်စပ်နေပါတယ်တဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

စိတ်လှုပ်ရှားနေပြီဆိုရင် ဒီနည်းလမ်းတွေနဲ့ ထိန်းကြည့်ပါ။

စိတ်လှုပ်ရှား ကြောက်ရွံ့ panic attack အိပ်မပျော် အသက်ပြင်းပြင်းရှူ တရားထိုင် အာရုံစိုက် ကြွက်သားတွေဖြေလျှော့ စိတ်ငြိမ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဆယ်ကျော်သက်တို့ စိတ်ပိုင်းဆိုင်ရာ ကျန်းမာစေဖို့

ဆယ်ကျော်သက် အရွယ်ရောက်လာတဲ့အခါမှာ ကလေးတိုင်းက စိတ်ဓာတ်ကျတာ အပါအဝင် အမျိုးမျိုးသော စိတ်အခြေအနေတွေနဲ့ ရင်ဆိုင်ရပါတယ်။ စိတ်ကျန်းမာဖို့ ဂရုပြုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိပ်စက်ရခက်နေသူတွေအတွက် အလွယ်တကူအိပ်ပျော်စေမယ့် နည်းလမ်း ၁၂ ခု

အလွယ်တကူအိပ်မပျော်နိုင်တဲ့အခါ ကျန်းမာရေးကို ထိခိုက်လာပါတယ်။ ကိုယ်ခံအားစနစ်ကို ထိခိုက်စေတာမို့ ခုလိုကာလမျိုးမှာ အန္တရယ်များတဲ့ ပြဿနာတစ်ခုဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 29, 2020 . 1 min read
အထူးဆန်းဆုံး ကြောက်မှု (၅) သွယ်

အထူးဆန်းဆုံး ကြောက်မှု (၅) သွယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 17, 2020 . 2 mins read
နှစ်နှစ်ခြိုက်ခြိုက် အိပ်ပျော်နိုင်ဖို့

နှစ်နှစ်ခြိုက်ခြိုက် အိပ်ပျော်နိုင်ဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 13, 2020 . 3 mins read
နေ့ရက်တိုင်းကို စိတ်တက်ကြွလန်းဆန်းစွာ ဖြတ်သန်းစေနိုင်ဖို့

နေ့ရက်တိုင်းကို စိတ်တက်ကြွလန်းဆန်းစွာ ဖြတ်သန်းစေနိုင်ဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read