ချောင်းတဟွတ်ဟွတ်အသံ မသက်သာရတဲ့ အကြောင်းရင်း (၈) ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

ချောင်းသံတဟွတ်ဟွတ်နဲ့ တိုင်ပတ်နေပြီလား။ အအေးမိထားတာလည်း သက်သာတာကြာလှပြီ။ချောင်းဆိုးတာက ကပ်ကျန်နေတာနဲ့ လည်ချောင်းတွေကွဲရပါတော့မယ် ဆိုသူများ ဒါလေးဖတ်လိုက်ကြပါဦး။ အအေးမိ၊တုပ်ကွေးက သူ့အချိန်အတိုင်းအတာရောက်ရင် သက်သာပျောက်ကင်းသွားမှာဖြစ်ပေမယ့်ချောင်းဆိုကျန်နေတတ်ပါတယ်။ဆေးခန်းလည်းပြပါလျက်နဲ့ ဘာလို့ မပျောက်သေးတာလဲဆိုတာဖြစ်နိုင်ခြေအကြောင်းရင်းလေးတွေပြောပြပေးမယ်နော်။

(၁) အအေးမိ၊တုပ်ကွေးဖြစ်ပြီး လည်ချောင်းပြဿနာဖြစ်ကျန်တာ

အအေးမိ၊တုပ်ကွေးဗိုင်းရပ်စ်ရဲ့နောက်ဆက်တွဲအဖြစ်နဲ့ကျန်လေ့ရှိတဲ့ အဖြစ်များဆုံးလက္ခဏာပါ။ ဗိုင်းရပ်စ်ကြောင့် လည်ချောင်းနဲ့ အသက်ရှူလမ်းကြောင်းမှာရောင်ရမ်းစေပြီး တုံ့ပြန်နိုင်စွမ်းလွန်ကဲစေတဲ့အတွက်ချောင်းဆိုးတာက ရက်သီတင်းပတ်နဲ့ချီပြီး တာရှည်နိုင်ပါတယ်။

(၂) နောက်ကွယ်က ကျန်းမာရေးပြဿနာကြောင့်ဖြစ်နိုင်တယ်

ဓါတ်မတည့်ခြင်း နဲ့ ပန်းနာရင်ကျပ်ေကြာင့်လည်းချောင်းတွေဆိုးနေနိုင်ပါတယ်။ အအေးမိခြင်းကနေ ပန်းနာရင်ကျပ်ရောဂါထစေနိုင်တာမျိုးလည်းရှိပါတယ်။ အစာအိမ်အက်စစ်ပြန်ဆန်တက်ခြင်းနဲ့Obstructive Sleep Apnea (အိပ်ပျော်စဉ်အသက်ရှူခေတ္တရပ်ခြင်း) တို့ကနေလည်း နာတာရှည်ချောင်းဆိုးခြင်းကိုဖြစ်စေနိုင်ပါတယ်။ ကိုယ်ပူခြင်းနဲ့ချောင်းဆိုးခြင်း တာရှည်လာရင် တီဘီရောဂါအန္တရာယ်လည်း စိုးရိမ်ရပါတယ်။

(၃) စိတ်ဖိစီးမှု

စိတ်ဖိစီးမှုက တာရှည်လာတဲ့အခါမှာလည်းချောင်းဆိုးခြင်းကို တာရှည်စေပါတယ်။ချောင်းဆိုးနေတာကို သက်သာစေချင်ရင်နေမကောင်းဖြစ်တဲ့အချိန်မှာ စိတ်ဖိစီးမှုကိုလျော့အောင်ကြိုးစားနေထိုင်ပါ။ ကိုယ့်ကိုယ်ကိုအတင်းတွန်းအားပေးတာက ပိုနေမကောင်းဖြစ်စေပါလိမ့်မယ်။ အနားယူခြင်းကပဲနေပြန်ကောင်းစေဖို့ အကောင်းဆုံးအားဆေးဖြစ်ပါတယ်။

(၄) ရေအလုံအလောက်မသောက်တာ

အအေးမိ၊တုပ်ကွေးဖြစ်ပြီဆို အရည်များများသောက်ဖို့လိုပါတယ်။ရေ၊ဖျော်ရည်နဲ့ စွပ်ပြုတ်တွေသောက်ပေးရင် လည်ချောင်းထဲမှာ ချွဲချောင်စေပြီးချောင်းဆိုးထုတ်ဖို့လွယ်စေပါတယ်။ အရည်ဆိုပေမယ့် အရက်ဘီယာနဲ့ လက်ဖက်ရည်၊ကော်ဖီတွေကရေဓါတ်ပိုခန်းခြောက်စေတဲ့အတွက် အကူအညီမဖြစ်စေတဲ့အပြင် ပိုဆိုးစေနိုင်ပါတယ်။

(၅) နှာခေါင်းဖျန်းဆေးတွေ အသုံးများလွန်းတာ

အအေးမိဖျားနာအတွက် အလွယ်တကူဝယ်ယူလို့ရတဲ့ နှာခေါင်းဖျန်းဆေးတွေက နှာစေးနှာပိတ်ခြင်းကို သက်သာစေနိုင်ပါတယ်။ ဒါပေမယ့်သူတို့ကို ၃ ရက်ထက်ကျော်ပြီးမသုံးပါနဲ့။ ဒါတွေကိုသိပ်သုံးလွန်းရင် အသုံးပြုမှုရပ်လိုက်တဲ့အခါ လက္ခဏာတွေပိုဆိုးစေနိုင်တယ်။ ဖျန်းဆေးအသုံးပြုမှုလွန်ကဲတဲ့အခါ နှာခေါင်းလမ်းကြောင်းအမြှေးပါးတွေရောင်ရမ်းစေပြီး နှာစေးနှာပိတ်ခြင်းကိုပိုဆိုးစေနိုင်တယ်၊ချောင်းပိုဆိုးနိုင်တယ်။

(၆) အသက်ရှူလမ်းကြောင်းပိုးဝင်တဲ့အဆင့်ကိုရောက်တာ

တစ်ခါတလေ အအေးမိတုပ်ကွေးက လက်ဆောင်တစ်ခုချန်ခဲ့တတ်ပါတယ်။ အအေးမိဝေဒနာက သူ့အချိန်တန်တော့ပျောက်ကင်းသွားပေမယ့် သေချာမကုသရင် နှာခေါင်းလမ်းကြောင်းရောဂါပိုးဝင်ခြင်း၊လေပြွန်ရောင်ခြင်း၊ အဆုတ်ရောင်ခြင်းတို့လိုရောဂါပိုးဝင်တဲ့အဆင့်ကိုရောက်သွားနိုင်ပါတယ်။ ရက်ကြာလာလို့ အဖျားမသက်သာရင် ဒါမှမဟုတ်ချောင်းဆိုးတာရှည်နေရင် infection ဝင်နေတာဖြစ်နိုင်ပါတယ်။ အဲဒီအခါမှသာ ပဋိဇီဝပိုးသတ်ဆေးတွေကို လိုအပ်သလို ဆရာဝန်ကညွှန်ကြားပါလိမ့်မယ်။

(၇)သွေးတိုးကျဆေးတွေကြောင့်ဖြစ်နိုင်တယ်

သွေးတိုးရောဂါအတွက်သောက်ရတဲ့ACE inhibitor အမျိုးအစား ဆေးတွေကြောင့်ချောင်းဆိုးမပျောက်ဖြစ်စေနိုင်ပါတယ်။ တော်တော်နဲ့မပျောက်တဲ့ ချောင်းခြောက်ဆိုးခြင်းက ACE inhibitor သောက်သုံးသူ ၅ ဦးမှာ တစ်ဦးအတွက် ဘေးထွက်ဆိုးကျိုးတစ်ခုအဖြစ်နဲ့တွေ့ရတတ်ပါတယ်။

ဘာကြောင့်ပဲဖြစ်ဖြစ် အအေးမိခေျာင်းဆိုးဝေဒနာကပျောက်သင့်တဲ့အချိန်မပျောက်ဘဲ လက္ခဏာတာရှည်နေမယ်ဆို ဆရာဝန်အမြန်ပြပြီး အကြောင်းရင်းရှာဖွေသင့်ပါတယ်။

Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

လေထုထဲမှ ကူးစက်နိုင်သော ရောဂါများ

ရောဂါပိုးရှိသူများ ချောင်းဆိုးခြင်း၊ နှာချေခြင်း၊ စကားပြောခြင်း၊ နှပ်ညှစ်ခြင်းတွေပြုလုပ်တဲ့အခါ လေထုထဲကို ရောဂါပိုးတွေ ရောက်ရှိသွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ရိုးရိုးအိပ်မပျော်တာလား အိပ်မပျော်တဲ့ရောဂါရနေတာလား

အိပ်မပျော်ဘူးလို့ ပြောနေမိတတ်ကြပေမယ့် အိပ်မပျော်ခြင်းဟာ အမျိုးအစား အမျိုးမျိုးရှိပြီး အကြောင်းတရားလည်း အမျိုးမျိုးရှိနေတယ်ဆိုတာကိုတော့ သိသူနည်းပါးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis)

အထက်လန်အောက်လျှောဟာ ရောဂါပိုးကူးစက်မိထားသူနဲ့ ထိတွေ့ရာကနေဖြစ်စေ၊ ရောဂါပိုးရှိတဲ့ အစားအစာနဲ့ရေကို စားသောက်မိရာကနေ ဖြစ်စေ ကူးစက်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

မကြာခဏဆီးသွား နေတတ်သူများအတွက်

မကြာခဏဆီးသွား နေတတ်သူများဟာ ကြာလာတဲ့အခါ ကျန်းမာရေးပြဿနာအပြင် လူမှုရေးပြဿနာတွေပါ ကြုံရတတ်ပါတယ်။ ဆောင်ရန် ရှောင်ရန်များကို သေချာ လိုက်နာဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 3 mins read
ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read
သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 27, 2020 . 2 mins read
ပန်းနာရင်ကြပ် အမျိုးအစားများ

ပန်းနာရင်ကြပ် အမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read