အန္တရာယ်အလွန်များတဲ့ သွေးတွင်းအောက်ဆီဂျင်မလုံလောက်ခြင်းပြဿနာ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
Share now

အသက်ရှင်ဖို့ မရှိမဖြစ်လိုအပ်တဲ့ အောက်ဆီဂျင်ဓာတ်ကို ခန္ဓာကိုယ်အနှံ့အပြားရောက်အောင်သွေးကြောတွေတလျှောက် သယ်ယူ ပို့ဆောင်ပေးပါတယ်။ သွေးထဲမှာအောက်ဆီဂျင်ပမာဏ ရှိသင့်သလောက်မရှိတော့ရင် သွေးတွင်းအောက်ဆီဂျင်မလုံလောက်တဲ့ပြဿနာအဖြစ်သတ်မှတ်ပါတယ်။ Hypoxemia လို့ခေါ်တဲ့ ဒီကျန်းမာရေးပြဿနာကို အချိန်မှီကုသမှုမခံယူနိုင်ရင် အသက်အန္တရာယ်ပါထိခိုက်စေနိုင်တဲ့အထိ ပြင်းထန်ပါတယ်။

သွေးလွှတ်ကြောတွေရော သွေးပြန်ကြောတွေထဲမှာပါ အောက်ဆီဂျင်ဓာတ်ပါဝင်ပါတယ်။ ပုံမှန်အားဖြင့် သွေးလွှတ်ကြောထဲမှာ အောက်ဆီဂျင်ဓာတ် ၉၅% ကနေ ၁၀၀% အထိပါဝင်ပြီး သွေးပြန်ကြောထဲမှာဆိုရင် ၇၅% ဝန်းကျင်လောက်ရှိနေပါတယ်။ မွေးရာပါနှလုံးရောဂါ၊ ပန်းနာရင်ကျပ်ရောဂါ၊ အဆုတ်လေပြွန်ရောင် ရောဂါ၊ အဆုတ်အားနည်းရောဂါ၊ နာတာရှည်အသက်ရှုလမ်းကြောင်းဆိုင်ရာရောဂါ၊ နမိုးနီးယားအဆုတ်ရောင် ရောဂါ စတဲ့ ရောဂါတွေခံစားရရင် သွေးတွင်းအောက်ဆီဂျင်ဓာတ်ကျဆင်းတတ်ပါတယ်။ အခုလက်ရှိဖြစ်ပွားနေတဲ့ ကိုဗစ်လိုကူးစက်မြန်အဆုတ်ရောင်ရောဂါမှာလည်း သွေးတွင်းအောက်ဆီဂျင်ရုတ်တရက်ကျဆင်းသွားတဲ့ လက္ခဏာတွေ့ရှိရပါတယ်။ ပတ်ဝန်းကျင်ကြောင့်သွေးတွင်းအောက်ဆီဂျင်ဓာတ် ကျဆင်းသွားတဲ့အခြေအနေ တွေလည်းရှိပါတယ်၊ ဥပမာ- လေထုအရမ်းပါးလွှာတဲ့နေရာတွေကိုရောက်သွားရင် အောက်ဆီဂျင်ဓာတ်နည်း သွားတဲ့အတွက်သွေးတွင်းအောက်ဆီဂျင်ဓာတ်ပုံမှန်ထက်ကျဆင်းသွားတာမျိုးမကြာမကြာကြုံရတတ်ပါတယ်။

သွေးတွင်းအောက်ဆီဂျင်ဓာတ် ရှိသင့်တာထက်နည်းနေပြီဆို ဒီလိုလက္ခဏာတွေခံစားရမှာပါ

ခေါင်းကိုက်ခြင်း

– အသက်ရှုရခက်ခဲခြင်း

နှလုံးခုန်မြန်လာခြင်း

– ချောင်းဆိုးခြင်း

စိတ်ရှုပ်ထွေးပြီး အာရုံမစူးစိုက်နိုင်တော့ခြင်း

– အသက်ရှုစဉ်တရွှီရွှီမြည်ခြင်း

– နှုတ်ခမ်း၊လျှာနှင့် လက်သည်းများပြာနှမ်းလာခြင်း စတာတွေဖြစ်ပါတယ်။

လူတစ်ယောက်သွေးတွင်းအောက်ဆီဂျင်ပမာဏရှိသင့်တာထက်လျော့နည်းနေ မနေကို လက္ခဏာတွေချည်းပဲ ကြည့်ပြီးဆုံးဖြတ်လို့မရပါဘူး။ စမ်းသပ်စစ်ဆေးမှုတွေလုပ်ပြီး အတည်ပြုဖို့လိုအပ်ပါတယ်။ နှလုံးနဲ့ အဆုတ်မှာ သံသယလက္ခဏာတွေရှိမရှိစမ်းသပ်စစ်ဆေးဖို့လိုပါတယ်။ ဒါ့အပြင်

Pulse oximetry ခေါ် သွေးတွင်းအောက်ဆီဂျင်ပမာဏတိုင်းတာစက်အသေးစားနဲ့ ပြုလုပ်နိုင်ပါတယ်။ အာရုံခံကိရိယာပါတဲ့ညှပ်လေးနဲ့လက်ထိပ်မှာ တိုင်းတာနိုင်ပြီး စက္ကန့်ပိုင်းလောက်နဲ့တင်အဖြေသိရှိနိုင်ပါတယ်။

– သွေးလွှတ်ကြောတွင်းအောက်ဆီဂျင်ပမာဏတိုင်းတာနိုင်တဲ့ နောက်နည်းလမ်းတစ်ခုကတော့သွေးလွှတ် ကြောအတွင်းက သွေးနမူနာထုတ်ယူပြီးဓာတ်ခွဲခန်းမှာစစ်ဆေးတဲ့နည်းဖြစ်ပါတယ်။ လက်ထိပ်ညှပ်တိုင်းတာစက် လိုစက္ကန့်ပိုင်းနဲ့အဖြေမထွက်ပေမဲ့ ပိုပြီးတိကျပါတယ်။

– အသက်ရှုနိုင်စွမ်းစစ်ဆေးတဲ့နည်းကိုလည်း အသုံးပြုနိုင်ပါတယ်။ အဆုတ်ရဲ့အလုပ်လုပ်နိုင်စွမ်းနဲ့ သွေးတွင်းကို အောက်ဆီဂျင်ဘယ်လောက်ဖြန့်ဝေနိုင်သလဲဆိုတာကို မှန်းဆဖို့အသုံးပြုတဲ့စမ်းသပ်မှုဖြစ်ပါတယ်။

တခြားသူတွေမှာ သွေးတွင်းအောက်ဆီဂျင်ပမာဏ ၉၅% ထက်လျော့နေတာကပုံမှန်မဟုတ်ပေမဲ့ နာတာရှည်အဆုတ်ပြဿနာ တစ်မျိုးမျိုးခံစားနေရသူတွေကတော့ ဒီလောက်ပမာဏနဲ့တင် ပုံမှန်အတိုင်း နေထိုင်လို့ရနေတာကိုတွေ့ရပါတယ်။ သွေးတွင်းအောက်ဆီဂျင် ၉၀% အောက်ရောက်သွားရင်တော့ အရေးပေါ်အခြေအနေ ဖြစ်သွားပါပြီ။ လုံလောက်တဲ့ကုသမှုမြန်မြန်မခံယူနိုင်ရင် ကိုယ်တွင်းကလီစာတွေမှာ အောက်ဆီဂျင်မလုံမလောက် ဖြစ်ပြီးသေဆုံးနိုင်ပါတယ်။ အသက်မသေဆုံးရင်တောင် ဦးနှောက် (ဒါမှမဟုတ်) နှလုံးလိုအစိတ်အပိုင်းတွေ ထိခိုက်ပျက်စီးသွားနိုင်ခြေရှိပါတယ်။

ကျဆင်းသွားတဲ့သွေးတွင်းအောက်ဆီဂျင်ဓာတ်ကို ပြန်လည်မြှင့်တင်ဖို့အဓိကကုသနည်းကတော့ အောက်ဆီဂျင် ပေးပြီးကုသတဲ့နည်းပဲဖြစ်ပါတယ်။ Oxygen therapy လို့ခေါ်ဆိုပါတယ်။ အောက်ဆီဂျင်ရှုသွင်းနိုင်ဖို့ လူနာကို အောက်ဆီဂျင်မျက်နှာဖုံးတပ်ပေးထားပါတယ် ဒါမှမဟုတ် နှာခေါင်းထဲကိုပြွန်လေးထည့်ပေးထားပါတယ်။ ပြီးရင် မျက်နှာဖုံး/ပြွန်ကို အောက်ဆီဂျင်ထောက်ပံ့ပေးမယ့်စက်နဲ့ချိတ်ဆက်ပြီး ရှူစေပါတယ်။ အောက်ဆီဂျင်အချိန် ဘယ်လောက်ကြာကြာ ရှူဖို့လိုအပ်သလဲဆိုတာကတော့ လူနာတစ်ယောက်ချင်းစီရဲ့အခြေအနေပေါ်မူတည်ပြီး ကွဲပြားပါတယ်။ အောက်ဆီဂျင်က လူတစ်ယောက်အသက်ရှင်ဖို့မရှိမဖြစ်လိုအပ်တာမှန်ပေမဲ့ ပမာဏတအားများ သွားရင်လည်း အန္တရာယ်ရှိတဲ့အတွက် ထိန်းညှိပေးဖို့လိုအပ်ပါတယ်။ သွေးတွင်းအောက်ဆီဂျင်နည်းစေတဲ့ နဂိုရောဂါအခံတွေကိုလည်း ရောဂါတစ်မျိုးချင်းအလိုက်ကုသမှုပေးရပါတယ်။

နဂိုတည်းက အဆုတ်အားနည်းသူတွေ၊ အဆုတ်မှာပြဿနာရှိသူတွေဆို သွေးတွင်းအောက်ဆီဂျင်နည်းတဲ့ ပြဿနာမကြာခဏကြုံရနိုင်တဲ့အတွက် ဒီအချက်တွေလိုက်နာဖို့ လိုကိုလိုအပ်ပါတယ်

– ဆေးလိပ်ဖြတ်ပါ၊ အရေးကြီးဆုံးနဲ့ အထိရောက်ဆုံးနည်းလမ်းဖြစ်ပါတယ်၊ ကိုယ်တိုင်ဆေးလိပ်ဖြတ်ဖို့လိုအပ် သလိုအနီးအနားမှာဆေးလိပ်သောက်နေသူတွေရှိရင်လည်း ခပ်ခွာခွာနေပါ၊ အငွေ့မရှူမိအောင်ဂရုစိုက်ပါ

– လေ့ကျင့်ခန်းကိုဖြည်းဖြည်းနဲ့မှန်မှန်ပြုလုပ်ပေးပါ၊ တအားကြီး ပင်ပန်းအောင်လုပ်စရာမလိုပါဘူး

– နဂိုခံစားနေရတဲ့ရောဂါတွေကို ကုသမှုမှန်မှန်ခံယူပါ

Dr. Htoo Tint

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလမှာ လူတိုင်းသိချင်နေမယ့် ပုံမှန်အောက်ဆီဂျင်ပမာဏဆိုတာ ဘာလဲ

သွေးတွင်းအောက်ဆီဂျင် အနေအထားက ၇၅ mm Hg (မီလီမီတာ မာကျူရီ) ကနေ ၁၀၀ mm Hg အနေအထားမှာရှိနိုင်ပါတယ်။ ဒီပမာဏအတွင်း မဟုတ်ရင်တော့ နည်းနေတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 27, 2020 . 2 mins read

သွေးတွင်း အောက်ဆီဂျင်နည်းနေပြီဆိုတာသိသာစေမယ့် လက္ခဏာများ

အသက်ရှူ ကျပ်ရင်းက အသက်ဆုံးသွားတဲ့အထိပဲ။ ကိုဗစ်ကြောင့်  မောတယ်၊ အသက်ရှူ ကျပ်လာတယ်၊ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 27, 2020 . 2 mins read

သွေးဆိပ်တက်ခြင်းအကြောင်း

သွေးဆိပ်တက်ခြင်းဆိုတာကတော့ သွေးထဲကို ရောဂါပိုးများ ဝင်ရောက်ကူးစက်မှုဒဏ်ကို ပြင်းထန်စွာ ခံစားရခြင်းပဲ ဖြစ်ပါတယ်။ သွေးဆိပ်သင့်ခြင်းလို့လည်း ခေါ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
anemia, ကျန်းမာရေးစင်တာ အောက်တိုဘာ 5, 2020 . 2 mins read

ကိုယ်ဝန်ဆောင်ချိန် ခေါင်းကိုက်ခြင်း

ကိုယ်ဝန်ဆောင်မေမေတစ်ယောက်အနေနဲ့ ကိုယ်ဝန်ဆောင်ချိန်မှာ အမျိုးမျိုးသော ခေါင်းကိုက်ခြင်း ပြဿနာကို ခံစားရနိုင်ပါတယ်။ ကိုယ်ဝန်ဆောင်ကျန်းမာရေးပြဿနာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကူးစက်နိုင်သည့် အရေပြားရောဂါများ

ကူးစက်နိုင်သည့် အရေပြားရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 12, 2021 . 3 mins read
ကာကွယ်ဆေးကြားက အမှန် အမှားများ

ကာကွယ်ဆေးကြားက အမှန် အမှားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 10, 2020 . 3 mins read
ကလေးက ကာကွယ်ဆေးထိုးပြီး ဖျားတာ စိုးရိမ်စရာလား။

ကလေးက ကာကွယ်ဆေးထိုးပြီး ဖျားတာ စိုးရိမ်စရာလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 10, 2020 . 2 mins read
သွားပိုးဝင်ရာမှ ကိုယ်ခန္ဓာအခြားနေရာများသို့ ပျံ့နှံ့ခြင်း

သွားပိုးဝင်ရာမှ ကိုယ်ခန္ဓာအခြားနေရာများသို့ ပျံ့နှံ့ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 12, 2020 . 2 mins read