ကင်ဆာဆေးသွင်းပြီးနောက် ဝမ်းလျှောခြင်းကို ဘယ်လိုဖြေရှင်းမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ကင်ဆာဆေးသွင်းကုသပြီးနောက် လူအချို့သည် ဝမ်းသွားသည့် အကြိမ်ရေများလာကာ ဝမ်းသည်လည်း ပုံသဏ္ဍာန်မမှန် (သို့) အရည်ကျဲကျဲဖြစ်လာသည်။ ၎င်းကို ဝမ်းပျက်ဝမ်းလျောဖြစ်သည်ဟု ခေါ်သည်။ ကင်ဆာလူနာများတွင် ဖြစ်သော ဝမ်းပျက်ဝမ်းလျှောကို ကာကွယ်ကုသနိုင်မည့် နည်းလမ်းအချို့ကို ဤဆောင်းပါးတွင် ဖော်ပြလိုက်ပါသည်။

ဝမ်းပျက်ဝမ်းလျှောခြင်း ဆိုတာ ဘာလဲ။ ကင်ဆာ ဆေးသွင်းကုသမှုက ဝမ်းပျက်စေသလား။

ဝမ်းပျက်ဝမ်းလျှောခြင်း ဆိုသည်မှာ ဝမ်းသွားသည့် အကြိမ်ရေများခြင်း ၊ ဝမ်းပျော့ခြင်း (သို့) ဝမ်းအရည်ကျဲကျဲသွားခြင်းကို ခေါ်သည်။ ဝမ်းပျက်ဝမ်းလျှောသည် ရောဂါတစ်ခုဟု ဆိုရမည်ထက် လက္ခဏာတစ်ရပ်သာ ဖြစ်ပါသည်။ ထိုအခြေအနေသည် အခြား ရောဂါ အခံတစ်စုံတစ်ခု (သို့) ကုသမှု တစ်ခုခု (ဥပမာ။ ကင်ဆာ ဆေးသွင်းကုသခြင်း၊ ဓါတ်ရောင်ခြည်ကုသမှု ခံယူခြင်း)ကြောင့် ဖြစ်ပွားနိုင်ပါသည်။

  • ကင်ဆာကုသမှု

ကင်ဆာကုသမှု အမျိုးအစားများစွာသည် ဝမ်းပျက်ဝမ်းလျှောခြင်းကို ဖြစ်ပွားစေနိုင်ပါသည်။

ကင်ဆာဆေးသွင်းကုသခြင်း။ ။ ဤကုသနည်းသည် ကင်ဆာဆဲလ်များကို သေစေရုံသာမက အူနံရံဆဲလ်များကဲ့သို့သော ကြီးထွားနှုန်းမြန်သည့် ဆဲလ်များကိုပါ သေစေနိုင်ပါသည်။ အကယ်၍ ကင်ဆာဆေးသွင်းကုသမှုသည် အူလမ်းကြောင်း နံရံရှိဆဲလ်များကို သေစေသောအခါတွင် ဝမ်းပျက်ဝမ်းလျှောခြင်းကို ဖြစ်ပွားစေနိုင်ပါသည်။

ဓါတ်ရောင်ခြည် ကုသမှု။ ။ ဝမ်းဗိုက်၊ တင်ပါးဆုံအရိုးကွင်း၊ ခါးအောက်ပိုင်းကို အဓိက ဦးတည်ပေးသော ဓါတ်ရောင်ခြည်ကုသမှုသည် ဝမ်းပျက်ဝမ်းလျှောခြင်းကို ဖြစ်စေသည်။ ၎င်းသည် ကုသမှုခံယူပြီး ရက်ပိုင်းမှ လပိုင်းအထိ ကြာနိုင်ပါသည်။

ခွဲစိတ်မှု။ ။ ကင်ဆာကုသမှုအတွက် အူအစိတ်အပိုင်းအချို့ကို ခွဲစိတ်ဖြတ်တောက်လိုက်ပြီးနောက်တွင် အာဟာရနှင့် အဆီစုပ်ယူနိုင်စွမ်းပြောင်းလဲသွားကာ ဝမ်းပျက်ခြင်းကို ဖြစ်စေပါသည်။

ရိုးတွင်းခြင်ဆီ ပင်မဆဲလ် အစားထိုးကုသမှု။ ။ ရိုးတွင်းခြင်ဆီ ပင်မဆဲလ် အစားထိုးကုသမှု အစိတ်အပိုင်းအနေဖြင့် ပေးရသော ကင်ဆာဆေးသွင်းကုသမှုနှင့် တစ်ကိုယ်လုံးဓါတ်ရောင်ခြည်ကုသမှုတို့သည် ဝမ်းပျက်ဝမ်းလျှောခြင်းကို ဖြစ်ပွားစေပါသည်။

ဖြစ်နိုင်ချေရှိသော ဝမ်းပျက်ဝမ်းလျှောခြင်းစေသည့် အခြားအကြောင်းရင်းများမှာ

  • စိတ်လှုပ်ရှားခြင်း (သို့) စိတ်ဖိစီးမှုများခြင်း
  • အူသိမ် (သို့) အူမကြီး (သို့) တင်ပါးဆုံတွင်း အင်္ဂါအစိတ်အပိုင်းများ ခွဲစိတ်ကုသခြင်း
  • ရောဂါပိုးဝင်ခြင်း
  • ပဋိဇီဝပိုးသတ်ဆေး၊ မဂ္ဂနီဆီယမ် ပါဝင်သော အစာအိမ်လေဆေး၊ အမူးပြေဆေး၊ ဝမ်းပျော့ဆေးမျာ လတ်တို့စ် (lactose) ဓါတ်မတည့်ခြင်း
  • အူလမ်းကြောင်း မူမမှန်ရောဂါ
  • အာဟာရချို့တဲ့ခြင်း။

ကင်ဆာဆေးသွင်းကုသမှုကြောင့်ဖြစ်သော ဝမ်းပျက်ဝမ်းလျှောခြင်းကို ကာကွယ်လျှော့ချနိုင်သော နည်းလမ်းများ

  • အစားအသောက်

· အရည်ကြည်များများသောက်ပါ (တစ်ရက်ကို ရေ ၈ ခွက်မှ ၁၀ ခွက်သောက်သုံးပါ)။ အကောင်းဆုံး ရွေးချယ်မှုကတော့ ရေသန့်ပဲဖြစ်သည်။

· အမျှင်ဓါတ်နည်းသော အစာများ စားသုံးပေးပါ။ ဥပမာ။ ။ ငှက်ပျောသီး၊ ဆန်၊ ခေါက်ဆွဲ၊ ပေါင်မုန့်ဖြူ၊ ကြက်သား၊ ကြက်ဆင်၊ငါး။

· ပိုတက်ဆီယမ်ဓါတ်ကြွယ်ဝသော အစားအသောက်များကို စားသုံးပေးပါ။ ပိုတက်ဆီယမ်သည် မရှိမဖြစ်လိုအပ်သော သတ္တုဓါတ်ဖြစ်ပြီး ၎င်းသည် ဝမ်းလျှောရာမှတစ်ဆင့် ဆုံးရှုံးနိုင်သည်။ ပိုတက်ဆီယမ်ဓါတ်ပြန်ရဖို့ ငှက်ပျောသီး၊ အာလူးနှင့် တရုတ်ဆီးသီးများ စားသုံးပေးပါ။

· Probiotic ဆေးသောက်ခြင်း။ ။ ဥပမာ။ ဒိန်ချဉ်နှင့် ဖြည့်စွက်စာများ။ Probiotics ဆိုသည်မှာ ခန္ဓါကိုယ်အတွက် ကောင်းကျိုးပြုသော ဘက်တီးရီးယားလေးများ (ဥပမာ။ lactobacillus ၊ bifidobacterium) ကို ဆိုလိုခြင်းဖြစ်သည်။ ၎င်းဘက်တီးရီးယားလေးများသည် ပုံမှန်အစာချေဖျက်သောစနစ်ကို ပြန်လည်ရရှိစေရန် ကူညီပေးသည်။ အကယ်၍ သင်သည်ရိုးတွင်းခြင်ဆီ အစားထိုးကုသမှုခံယူထားသူ ဖြစ်လျှင် Probiotics မသောက်သုံးခင် ဆရာဝန်နဲ့ တိုင်ပင်ဆွေးနွေးပါ။

  • အောက်ပါ အစားအသောက်များကို ရှောင်ကြဉ်ပါ။

အဆီများသော ဆီကြော်စာများ။ ထိုအစားအစာများသည် သင့်အူလမ်းကြောင်းကို အနှောင့်အယှက်ပေးနိုင်သည်။

အသီးအရွက်နှင့် သစ်သီး အစိမ်းများ

အရသာပြင်းသော ဟင်းခတ်အမွှေးအကြိုင်များ

အစေ့အဆန်များ၊ စီရီယယ်လ်၊ အခွံမာသီးများ နှင့် ပြောင်းဖူးပေါက်ပေါက်

ဂတ်စ်ပါသော အအေးနှင့် အစားအသောက်များ (ပဲ၊ ဂေါ်ဖီထုပ်၊ ဂတ်စ်ပါသော အချိုရည်များ)

လတ်တို့စ် (Lactose) ပါသော စားသောက်ကုန်များ။ ဥပမာ။ နို့ထွက်ကုန်များ၊ ဖြည့်စွက်စာများ၊ အရက်။ လတ်တို့စ် (lacotse) ဓါတ်မတည့်ခြင်းသည် ဝမ်းပျက်ဝမ်းလျှောခြင်းကို ဖြစ်စေသည်။

ကဖင်းဓါတ်ပါသော အချိုရည် နှင့် စားသောက်ဖွယ်ရာများ၊ ပူလွန်း၊ အေးလွန်းသော အချိုရည်များကို သိပ်မစားသုံးပါနှင့်။

ဝမ်းပျက်ဝမ်းလျှောအတွက် ဆေးဆိုင်မှ ဝယ်ယူရရှိနိုင်သော ဆေးဝါးများ

    • Loperamide (Imodium®)
    • Kaopectate®II caplets
    • Maalox®anti-Diarrheal caplets
    • Pepto® Diarrhea control (follow instructions on container)

ဆေးဖက်ဝင်အပင်များမှ ထုတ်သော ဖြည့်စွက်စာများကိုရှောင်ပါ။ (ဥပမာ။ ဂျင်ဆင်း၊ ဒေစီပန်းအနွယ်ဆေးဖက်ဝင် အပင်milk thistle၊ ငရုတ်၊ ဆေးထန်းပင် နှင့် အခြား )

သင် ဘယ်အချိန်မှာ ဆရာဝန်ပြဖို့ လိုအပ်သလဲ။

သင့်တွင် အောက်ပါ လက္ခဏာများ ခံစားနေရပါက ဆရာဝန် နဲ့ ချက်ခြင်း ပြသဖို့ လိုအပ်ပါတယ်။

· အဖျား ၃၈ ဒီဂရီစင်တီဂရိတ် နှင့် အထက်ဖျားခြင်း

· အလယ်အလတ်မှ အပြင်းအထန် ဗိုက်ရစ်ပြီးအောင့်ခြင်း၊ နာခြင်း၊ လေပွခြင်း

· မူးဝေခြင်း

· ဆီးအရောင်ရင့်ခြင်း

· ပါးစပ်၊ အသားအရေ ခြောက်ခြင်း

· ဝမ်းမဲမဲသွားခြင်း (သို့) ဝမ်းတွင်းသွေးပါခြင်း

· ရုတ်တရက် နှလုံးခုန်မြန်ခြင်း (သို့) နှလုံးခုန်မမှန်ခြင်း

· အကယ်၍ အစားအသောက်ပြောင်းခြင်း (သို့) ဆေးဝါးများသည် ဝမ်းပျက်ခြင်းကို မသက်သာစေလျှင် ဆရာဝန်နဲ့ ပြဖို့လိုအပ်နေပါသည်။

ကင်ဆာဆေးသွင်းကုသမှု ခံယူပြီးနောက်တွင် ဝမ်းပျက်ဝမ်းလျှောဖြစ်ခြင်းသည် သင့်အား မအီမသာဖြစ်စေပါသည်။ အထက်ပါနည်းလမ်းအချို့သည် သင့်အား ဝမ်းပျက်ဝမ်းလျှောခြင်း မှ ကာကွယ်ရန် (သို့) သက်သာစေရန် ကူညီနိုင်မည့် ရိုးရှင်းသော နည်းလမ်းများဖြစ်ပါသည်။

သို့သော် သင့်ရောဂါ အခြေအနေ နှင့် တိကျသော ကုသမှုအတွက် ဆရာဝန်နဲ့ ပြသတိုင်ပင်ဖို့ကိုတော့ တိုက်တွန်းအားပေးလိုပါသည်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ဒါတွေကြောင့် အူမကြီးကင်ဆာ ဖြစ်တတ်ပါတယ်။

    အူမကြီးကင်ဆာ အဖြစ်များတဲ့ကင်ဆာ ဆီးချိုရောဂါ အရက် ဆေးလိပ် အနီရောင်အသား အဝလွန် အူမကြီးအသားပို အူမကြီးရောင်ရမ်းတဲ့ရောဂါ ကင်ဆာ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    အူမကြီးကင်ဆာ, ကျန်းမာရေးစင်တာ အောက်တိုဘာ 1, 2020 . 2 mins read

    ဝမ်းဗိုက်မှာ အလုံးစမ်းမိရင် ဘာတွေဖြစ်နိုင်လဲ။

    အလုံးစမ်းမိ ကင်ဆာ အသည်းကြီး သည်းခြေကျောက် အူမကြီးကင်ဆာ ဘေလုံးကြီးတာ ပန်ကရိယကင်ဆာ Crohn’s disease သားဥအိမ်အကျိတ် အစာအိမ်ကင်ဆာ သွေးကြောမကြီးဖောင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win

    အူမကြီးကင်ဆာအတွက် မှန်ပြောင်းကြည့်မယ်ဆို ဒါတွေသိထားဖို့လိုမယ်နော်

    အူမကြီးနဲ့စအိုလမ်းကြောင်းတစ်ဝိုက်မှာ ပြဿနာရှိ၊ မရှိသိရဖို့အတွက် အူမကြီးမှန်ပြောင်းကြည့်လို့ ရပါတယ်။ အဖြစ်များတဲ့ကင်ဆာရောဂါတွေထဲမှာ အူမကြီးကင်ဆာလည်းပါပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Thiha Phyo Myint

    Black Panther ကို အသက်ဆုံးရှုံးစေခဲ့တဲ့ အူမကြီးကင်ဆာ ကို ဘယ်လိုကာကွယ်မလဲ

    Black Panther၊ အူမကြီးကင်ဆာ၊ တင်ပါးဆုံ၊ Colon၊ Rectum၊ အစာဟောင်းအိမ်၊ ဝမ်းလျှောတာ၊ ဝမ်းချုပ်တာ၊ ဗိုက်အောင့်ဗိုက်နာ၊ အလုံးအကျိတ်စမ်းမိတာ၊Sigmoidoscope၊ Colonoscope၊ ဓါတ်မှန်ရိုက်၊ Antioxidants၊ ဆေးလိပ်၊ ဗီတာမင် D ဆာလ်မွန်ငါး၊ ဆာဒင်းငါး၊ နို့၊ လိမ္မော်ရည်၊ ပုဇွန်ဆိတ်

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Zon Aung

    သင့်အတွက် ရွေးချယ်ထားသည်

    အမျိုးသားတို့ သိထားသင့်တဲ့ ကျန်းမာရေးအခြေအနေများ

    အမျိုးသားတို့ သိထားသင့်တဲ့ ကျန်းမာရေးအခြေအနေများ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဇန်နဝါရီ 6, 2021 . 3 mins read
    စပျစ်သီး စိမ်းစိမ်းနဲ့ ကျန်းမာရေး

    စပျစ်သီး စိမ်းစိမ်းနဲ့ ကျန်းမာရေး

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 22, 2020 . 2 mins read
    အူမကြီး ကင်ဆာ

    အူမကြီး ကင်ဆာ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 21, 2020 . 3 mins read
    ကင်ဆာ

    ကင်ဆာ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 7, 2020 . 4 mins read