ဆွမ်းမွှေးရွက် ရဲ့ ဆေးဖက်ဝင် အစွမ်းသတ္တိတွေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 18, 2020 . 2 mins read
Share now

ဆွမ်းမွှေးရွက် ကို မမြင်ဖူးရင်သာ ရှိမယ်၊ မကြားတဲ့သူ ဆိုတာ မြန်မာနိုင်ငံမှာ ခပ်ရှားရှားရယ်။ အနည်းဆုံးတော့ ပေါင်မုန့်မှာ ပါတာ တွေ့ဖူးကြမှာပါ။ ယူတို့ စားနေကျ မုန့်လက်ဆောင်းဖတ် စိမ်းစိမ်းလေးတွေကို သိတယ် ဟုတ်။ သူ့ကို ပြုလုပ်တဲ့ နေရာမှာ ဆွမ်းမွှေးရွက်ပါဝင်တယ်နော်။

အရှေ့တောင်အာရှ နိုင်ငံတွေမှာတော့ ရနံ့လေး မွှေးဖို့ နဲ့ ဆိုးကျိုးကင်းတဲ့ သဘာဝအရောင်ဆိုးဆေး အဖြစ် သုံးဖို့ ဆွမ်းမွှေးရွက်ကို အစားအသောက်တွေမှာ ထည့်သွင်းကြတာပေါ့။ ပူတင်းပေါင်မုန့်၊ ကိတ်မုန့်၊ ပေါင်မုန့် စတာတွေမှာ ထည့်သွင်းပြုလုပ်ကြသလို ထမင်းနဲ့ ဟင်းလျာတွေမှာလည်း ပါဝင်လေ့ ရှိပါတယ်။

ဆွမ်းမွှေးရွက် ရဲ့ အကျိုးကျေးဇူးများ

အစားအသောက်တွေမှာ အနံ့အရသာ ပြည့်စုံစေဖို့ ဆွမ်းမွှေးရွက်ကို ထည့်သွင်းလေ့ ရှိကြပေမယ့် တကယ်တမ်း သူ့ရဲ့ ကျန်းမာရေး အကျိုးကျေးဇူးတွေကို သိရင် ပိုတောင် သဘောကျပါလိမ့်မယ်နော်။ အလွယ်တကူ ဝယ်လို့ရတဲ့ အရောင်ဆိုးဆေးတွေ သုံးမယ့်အစား ဆွမ်းမွှေးပင်ရဲ့ သဘာဝအရောင်ကို သုံးမယ်ဆိုရင် စိုက်ပျိုးရေး ဖြစ်ထွန်းပြီး ဝယ်ရမရှားတော့ဘူးပေါ့။

ဆွမ်းမွှေးရွက် က –

(၁) သွေးတိုး ကျစေတယ်

သွေးတိုးရောဂါက လူ့ကျန်းမာရေးအတွက် အန္တရာယ် သိပ်များတဲ့ ကျန်းမာရေးပြဿနာ တစ်ခုပါ။ ဆွမ်းမွှေး ရဲ့ ကျန်းမာရေးအကျိုးကျေးဇူးတွေထဲမှာ သွေးတိုးကျစေခြင်းက ရှေ့ဆုံးက ပါဝင်နေပါတယ်။ ဆွမ်းမွှေးရွက်ရေနွေးကြမ်း သောက်ပေးရင် သွေးပေါင်ချိန်ကို ပုံမှန်ထိန်းညှိပေးနိုင်တဲ့ အပြင် နှလုံးကျန်းမာရေး ကိုပါ ကောင်းကျိုးပြုတယ်လို့ လေ့လာတွေ့ရှိထားပါတယ်။

(၂) အိပ်ပျော်စေတယ်

ညဘက် ကောင်းကောင်းအိပ်မပျော်သူတွေ၊ အိပ်ပျော်ပေမယ့် နှစ်နှစ်ခြိုက်ခြိုက် အိပ်မပျော်တဲ့သူတွေ အတွက် ဆွမ်းမွှေးရွက်ရဲ့ အဆီအနှစ်က ဆေးကောင်းတစ်ခွက် ဖြစ်ပါလိမ့်မယ်။ ဆွမ်းမွှေးရွက်မှာ ပါတဲ့ အယ်ကာလွိုက်ဒြပ်ပေါင်းတွေ က စိတ်နဲ့ ခန္ဓာကိုယ် တည်ငြိမ်အားပြည့်စေနိုင်တဲ့ အာနိသင်တွေ ရှိတာကြောင့် ကောင်းကောင်းအိပ်ပျော်စေပါတယ်။

(၃) နာကျင်ကိုက်ခဲမှု သက်သာစေတယ်

ဆွမ်းမွှေးရွက် မှာ ပါတဲ့ နာကျင်မှု ပြေလျော့စေတဲ့ အာနိသင်ကြောင့် ခေါင်းကိုက်တာ၊ နားကိုက်တာ၊ အဆစ်ရောင်နာ၊ စတဲ့ နာကျင်ကိုက်ခဲမှုအမျိုးမျိုးကို သက်သာစေနိုင်ပါတယ်။ အဆစ်အမြစ် နာကျင်တာတွေအတွက် ဆွမ်းမွှေးရွက်ကို နုတ်နုတ်စဉ်းပြီး အုန်းဆီနဲ့ ရောကျိုပါ၊ သေချာပျော်ဝင်သွားတဲ့ အထိ ဆက်မွှေပါ၊ အအေးခံပြီး နာကျင်ကိုက်ခဲတဲ့ နေရာကို နှိပ်နယ်လူးပေးလို့ ရပါတယ်။

(၄) အာရုံကြော အားကောင်းစေတယ်

ဆွမ်းမွှေးရွက်က အာရုံကြော ကျန်းမာရေးအတွက်လည်း သိပ်ကို အကျိုးပြုပါတယ်နော်။ အာရုံကြောတွေ အားနည်းတဲ့ အခါ တစ်ခါတရံ ကြွက်တက်တာ၊ နာကျင်ကိုက်ခဲတာတွေ ရှိတတ်ပါတယ်။ ဒီဝေဒနာတွေ အတွက် ဆွမ်းမွှေးရွက်က ကုစားပေးနိုင်ပါတယ်။

(၅) ခံတွင်းကောင်းစေတယ်

ခံတွင်းပျက်တဲ့ ပြဿနာက လူတော်တော်များများ စိတ်ညစ်ရတဲ့ ကိစ္စပါ။ စားချင်စိတ် သိပ်မရှိတာ၊ ဘာစားစား စားမကောင်းဘဲ ခံတွင်းပျက်တာက ကြာလာရင် ကျန်းမာရေးထိခိုက်နိုင်ပါတယ်။ လိုအပ်တဲ့ အာဟာရဓာတ်တွေ မရတော့ဘဲ အားနည်းလာမယ်၊ ကိုယ်ခံအား ကျလာမယ်၊ ရောဂါဝင်လွယ်လာမယ်လေ။

ဆွမ်းမွှေးရွက်က အစားစားချင်စိတ်ကို အားပေးလှုံ့ဆော်နိုင်စွမ်း ရှိတယ် ဆိုတော့ ဆွမ်းမွှေးရွက်ကို ကိုယ့်အစားအသောက်ထဲ ထည့်သွင်းသင့်တဲ့ အကြောင်းရင်းတစ်ခု ဖြစ်နေပါတယ်။ သူနဲ့ လုပ်တဲ့ အချိုပွဲ မုန့်လေးတွေ၊ အစားအသောက်တွေ၊ ရေနွေးကြမ်းတွေ စတဲ့ တစ်နည်းနည်းနဲ့ပေါ့။

သတိထားဖို့က –

နွယ်မြက်သစ်ပင် ဆေးဖက်ဝင်တတ်ပေမယ့် ပမာဏများများ သို့မဟုတ် နေ့စဉ်ရက်ဆက် စားသုံးလို့ မဖြစ်တဲ့ အရာတွေ အများကြီး ရှိပါတယ်။ ဒါ့ကြောင့် လွန်ပြီးဘေးမဖြစ်စေဖို့အတွက် နေ့စဉ်စားသုံးနေကျ အသီးအရွက်တွေက လွဲလို့ ဘယ်ဆေးဖက်ဝင်အသီးအရွက်ကို မဆို  ဆင်ခြင်စားသုံးဖို့ သတိချပ်စေချင်ပါတယ်။

အခုချိန်ထိ မုန့်လုပ်တဲ့နေရာမှာ ထည့်သွင်းလေ့ရှိကြပေမယ့် ပမာဏ အနည်းငယ်သာ ထည့်သွင်းရတာ ဖြစ်ပါတယ်။ ရေနွေးကြမ်းထဲ ခတ်သောက်တဲ့ အလေ့ အာရှနိုင်ငံတချို့မှာ ရှိကြပေမယ့် ကိုယ့်မှာ ကျန်းမာရေးပြဿနာအခံ သို့မဟုတ် ရောဂါ တစ်ခုခု ရှိနေတယ်ဆို မသောက်သုံးဖို့ သတိပေးချင်ပါတယ်။ ဒီတော့ မုန့်တွေ စားတာလောက်က ဘေးမရှိပါဘူး၊ ရေနွေးကြမ်းလုပ်သောက်ဖို့တော့ ပမာဏများများ ဝင်နိုင်တာမို့ သတိထားသင့်ပါတယ်။

Hello ပရိသတ်ကြီးလည်း  ဉာဏ်နဲ့ယှဉ်လို့ ဆင်ခြင်ရင်း ကျန်းမာနိုင်ကြပါစေနော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရသာရှိရှိ ဆေးဘဲဥသုပ် စားကြရာဝယ်

ဆေးဘဲဥလို့ ပြောလိုက်ရင် လူတိုင်း မြင်ဖူး စားဖူးကြမှာပါ။ အပေါ်က ထုံးလိုအရာတွေ မံထားပြီး ဒါတွေကို ထုခွဲလိုက်ရင် အတွင်းက ဘဲဥအလုံးလိုက်လေး ထွက်လာပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သီးသီးအကြောင်း သိကောင်းစရာ

သီးသီးက အပြင်ခွံမာမာလေးနဲ့ လုံးဝန်းပါတယ်။ အထဲမှာ အနှစ်လေးတွေရှိပြီး အစေ့ အဖြူလေးတွေ ပါရှိပါတယ်။ မြင်သာအောင်ပြောပြရရင် ဥသျှစ်သီး အသေးစားလေးနဲ့ တူပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ပန်ကရိယလေး ကျန်းမာပါစေ။

န်ကရိယလေးက အစာခြေစနစ်ရဲ့ အရေးပါတဲ့ လုပ်သားလေးပေါ့။ ကာဗိုဟိုက်ဒရိတ်၊ ပရိုတင်း နဲ့ အဆီတွေကို ချေဖျက်ဖို့အင်ဇိုင်းတွေ ထုတ်ရင်း ကူညီပေးတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လေ့ကျင့်ခန်းမလုပ်ခင် ဘာတွေကို အဓိက စားသင့်လဲ

လေ့ကျင့်ခန်း အစားအစာ အာဟာရဓာတ် Gym သစ်သီးဝလံ ပရိုတင်း ရေဓာတ် ကစီ အဆီ နွားနို့ ကြက်ဥပြုတ် အိပ်ချိန် ကြွက်သား ထောပတ်သီး ငှက်ပျောသီး မနက်စာ ကိုယ်ခန္ဓာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

အမျိုးသားများ ရင်သား နို့ထွက်နိုင်သလား…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read
ဂျင်ဆင်း (သို့မဟုတ်) ကိုယ်ခံအားသို့ သွားရာလမ်း

ဂျင်ဆင်း (သို့မဟုတ်) ကိုယ်ခံအားသို့ သွားရာလမ်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read
လျှာအရောင်က ပြောပြနေတဲ့ ကျန်းမာရေး

လျှာအရောင်က ပြောပြနေတဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 14, 2020 . 2 mins read
သဘာဝအတိုင်း ချဉ်ဆီရည် ဖြည့်နိုင်မယ့် နည်းလမ်းများ

သဘာဝအတိုင်း ချဉ်ဆီရည် ဖြည့်နိုင်မယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 6, 2020 . 2 mins read