အရိုးအဆစ်ရောင်ရောဂါ(Osteoarthritis) သင့်မှာရှိနေပြီလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

အရိုးအဆစ်ရောင်ရမ်းမှုကြောင့် အရိုးနုပျက်စီးသွားတဲ့ရောဂါOsteoarthritis ဆိုတာ အဖြစ်များပါတယ်။ အဆစ်တွေကာလကြာရှည်ရောင်ရမ်းလို့ အရိုးအဆစ်တွေကြားက အရိုးနုပျက်စီးယိုယွင်းလာတဲ့အခါဖြစ်လာတတ်ပြီး ခန္ဓါကိုယ်ရဲ့အရိုးအဆစ်တိုင်းနီးပါးမှာOsteoarthritisဖြစ်နိုင်ပါတယ်။ အများအားဖြင့် ခန္ဓါကိုယ်အလေးချိန်ကိုထိန်းထားရတဲ့ အဆစ်တွေမှာ အဖြစ်များဆုံးဆိုပေမယ့် လက်ချောင်းတွေ၊ လည်ပင်းနဲ့ခြေမအဆစ်တွေမှာလည်းဖြစ်လာနိုင်ပါတယ်။

အသက် ၆၀ အထက် အရွယ်အများစုမှာ ဒီရောဂါဖြစ်လေ့ရှိပေမယ့် လူငယ်တွေမှာလည်းဖြစ်တတ်ပါတယ်။ အသက် ၅၀ကျော်အရွယ်တွေဆို အမျိုးသားတွေထက် အမျိုးသမီးတွေမှာ ဒီဝေဒနာပိုခံစားရလေ့ရှိပါတယ်။

ဘာလက္ခဏာတွေ သိသာလာမလဲ

ရောဂါလက္ခဏာတွေက တဖြည်းဖြည်းချင်းဖြစ်လာတတ်သလို အချိန်ကြာလာတာနဲ့အမျှ ပိုဆိုးလာတတ်ပါတယ်။ ဘယ်လိုလက္ခဏာတွေလဲဆိုတော့ –

  • လှုပ်ရှားလိုက်တာနဲ့ အရိုးအဆစ်တွေနာကျင်တယ်။
  • အဆစ်နေရာကို သာသာလေးဖိလိုက်တာနဲ့ နာတယ်။ အထိမခံနိုင်ဘူး။
  • မနက်အိပ်ရာထလိုက်တဲ့အချိန် ဒါမှမဟုတ် အတော်ကြာကြာငြိမ်နေပြီးမှ ထလှုပ်ရှားလိုက်တဲ့အချိန် အရိုးအဆစ်တွေတောင့်တင်းနေတာ အသိသာဆုံးပါ။ ညည်းတွားသံနဲ့အတူ ကုန်းရုန်းထရတာမျိုး။
  • လှုပ်ရှားရတာ အဆင်မပြေဘူး။ အဆစ်တွေက အကွေးအဆန့် လိုသလိုလှုပ်ရှားလို့မရဘူး။
  • အသုံးပြုလိုက်၊ လှုပ်ရှားလိုက်တိုင်း အဆစ်က အသံတွေမြည်တာ ဒါမှမဟုတ်မြည်နေသလိုခံစားရတယ်။
  • အရိုးအတက်ထွက်ခြင်း။ အရိုးအဆစ်အနားမှာ ခပ်ဖုဖုလေးဖြစ်နေသလို နည်းနည်းသိသာနေတာမျိုးဖြစ်နိုင်ပါတယ်။
  • အသိသာဆုံးကတော့ လှုပ်ရှားဖန်များတဲ့ အဆစ်တွေမှာ နာကျင်လာတာပါပဲ။ ညနေပိုင်းမှာပိုဆိုးတတ်သလို အဲဒီအဆစ်တွေမှာရောင်ရမ်းလာတယ်၊ ပူတဲ့ခံစားချက်ရှိလာတယ်၊ အကွေးအဆန့်ဆို တဂျွတ်ဂျွတ်မြည်တယ်။ပြင်းထန်လာရင်တော့ အကာအကွယ်အရိုးနုပျက်စီးသွားလို့ အရိုးတွေကြားပွတ်တိုက်မှုဖြစ်လာတဲ့အခါ နာကျင်မှုကြောင့် လုံးဝအိပ်ရာထဲလဲတာ ဒါမှမဟုတ် လှုပ်ရှားမှုသိပ်လုပ်လို့မရတော့တဲ့ အခြေအနေဖြစ်လာနိုင်ပါတယ်။

ဘယ်လိုတွေမှာ Osteoarthritis ဖြစ်နိုင်ခြေများနိုင်လဲ

ရောဂါဖြစ်စေနိုင်တဲ့အချက်တွေက အများကြီးရှိပါတယ်။

  • အသက်ကြီးလာတာနဲ့အမျှ ဒီရောဂါဖြစ်နိုင်ခြေပိုများပါတယ်။
  • တိကျခိုင်မာတဲ့အကြောင်းပြချက်ကို မသိရသေးပေမယ့် အမျိုးသမီးတွေမှာဖြစ်နိုင်ခြေပိုများတယ်လို့ သုတေသနတွေက ဆိုကြပါတယ်။
  • အဝလွန်နေသူတွေဆို ပိုလေးလံတဲ့ခန္ဓါကိုယ်ကိုထမ်းထားရလို့osteoarthritis ပိုဖြစ်နိုင်ပါတယ်။ ပိုဝလေ အန္တရာယ်ပိုများလေဖြစ်ပါတယ်။ လွန်ကဲနေတဲ့ကိုယ်အလေးချိန်ဒဏ်ကို ပိုခံရတဲ့ ဒူးဆစ်၊ တင်ပါးဆုံရိုးတို့လို အဆစ်တွေမှာရောင်ရမ်းစေပါလိမ့်မယ်။
  • အားကစားလုပ်ရင်း ထိခိုက်တာ ဒါမှမဟုတ် မတော်တဆမှုတစ်ခုခုကြောင့် ထိခိုက်ထားတဲ့ဒဏ်ရှိသူမှာosteoarthritisဖြစ်နိုင်ခြေပိုများပါတယ်။ နှစ်အတော်ကြာပြီးတဲ့ ထိခိုက်မှုဆိုရင်တောင် သက်ရောက်မှုရှိနိုင်တယ်။
  • အဆစ်တစ်ခုတည်းကိုပဲ အမြဲအကြိမ်ကြိမ်ဖိလှုပ်ရှားရတဲ့ အလုပ်တွေ၊ အမူအကျင့်တွေနဲ့ဆို ဒီရောဂါခံစားရနိုင်ပါတယ်။
  • မျိုးဗီဇပါလာတာဆိုရင် အရိုးအဆစ်ရောင်ရောဂြါဖစ်နိုင်ခြေပိုများပါတယ်။
  • မွေးတည်းက အရိုးအဆစ်တည်ဆောက်ပုံမမှန်တာ၊ အရိုးနုမှာချို့ယွင်းချက်ရှိတာဆိုရင် ဒီရောဂါဖြစ်လာနိုင်ခြေပိုများပါတယ်။

ဘယ်လိုကုသမလဲ

Osteoarthritis က နာတာရှည်ရောဂါတစ်ခုဖြစ်ပြီး အမြစ်ပြတ်ပျောက်ကင်းအောင်ကုသလို့မရပေမယ့် ပိုမဆိုးလာအောင်၊ဝေဒနာသက်သာသွားအောင် ကုသရပါတယ်။ လက္ခဏာမပြင်းထန်ရင်တော့

  • ပုံမှန်လမ်းလျှောက်မယ်
  • ကိုယ်အလေးချိန်ထိန်းမယ်
  • လှုပ်ရှားတဲ့အခါ အဆစ်တွေကို မထိခိုက်အောင်ထိန်းပေးမယ့် ကိရိယာ၊အသုံးအဆောင်တွေသုံးမယ်။
  • အကိုက်အခဲပျောက်ဆေးတွေက အရောင်မကျစေနိုင်ပေမယ့်နာကျင်မှုကို သက်သာစေနိုင်ပါတယ်။ ရေရှည်သောက်သုံးဖို့တော့ မသင့်ပါဘူး။
  • နာကျင်မှုကိုသက်သာစေမယ့် လိမ်းဆေးတွေလည်း သုံးပေးနိုင်ပါတယ်။
  • ထိခိုက်နေတဲ့ အရိုးအဆစ်ကို ပုံမှန်အတိုင်းပြန်လှုပ်ရှားနိုင်အောင် အရိုးအဆစ်ပြန်လည်သန်စွမ်းရေးကုထုံးတွေနဲ့ ကုသနိုင်ပါတယ်။

ရောဂါလက္ခဏာကဆိုးရွားလာတယ်ဆိုရင်တော့ ခွဲစိတ်ကုသမှုကိုလိုအပ်နိုင်ပါတယ်။ တခြားကုထုံးတွေနဲ့မသက်သာဘဲ ထိခိုက်ပျက်စီးနေတဲ့ အရိုးအဆစ်ကိုပြန်လည်ပြုပြင်ဖို့၊ ယိုယွင်းနေတဲ့အစိတ်အပိုင်းကို အစားထိုးဖို့ ခွဲစိတ်ကုသမှုလိုအပ်ပါလိမ့်မယ်။

Hello Health Groupသည်ဆေးပညာအကြံပေးချက်များ၊ရောဂါရှာဖွေမှုများ၊ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရိုးအဆစ်ရောင်ခြင်း၏ နောက်ဆက်တွဲပြဿနာများ

အရိုးအဆစ်ရောင်ခြင်းဆိုတာဟာ ခန္ဓာကိုယ်ရဲ့အရိုးတွေအဆုံး တခုနဲ့တခု အဆစ်အနေနဲ့စုဆုံရာမှာရှိတဲ့ အရိုးနုတွေ ပျက်စီးလာတဲ့ အခြေအနေပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အလုပ်သရဲလေးတွေမှာ ခံစားရနိုင်တဲ့ ကျန်းမာရေးပြဿနာ

အလုပ်ခွင်တွေထဲမှာ အလုပ်မှအလုပ်ဆိုတဲ့ အလုပ်သရဲလေးတွေ ရှိတတ်ပါတယ်။ အလုပ်တွေ ပြီးတာက ပျော်စရာအတိဆိုပေမယ့် ထိခိုက်လာနိုင်တဲ့ ကျန်းမာရေးပြဿနာတွေရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဒူးနာတာ ဘာကြောင့်လဲ၊ ဘယ်လို သက်သာအောင် လုပ်ရမလဲ။

ဒူးနာတာက တော်တော်လေး အဖြစ်များတဲ့ ဝေဒနာတစ်ခုပါ။ သွားရင်းလာရင်း ဒူးကမျက်ခနဲ ဖြစ်သွားတာ၊ ာ နည်းနည်းနာသွားတာက ခြေထောက် ထောက်မရ၊ လမ်းလျှောက်မရ ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

နာတာရှည်နာကျင်မှုအပေါင်း သက်သာစေကြောင်း

အာဟာရပြည့်ဝပြီး ကျန်းမာအောင် စားသုံးမှုက နာတာရှည် အဆစ် နာကျင်တာနဲ့ ကြွက်သား နာကျင်တာတွေကို သက်သာစေပါတယ်။ အဆစ်နာတာ သက်သာစေဖို့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အဆစ်ရောင်ခြင်း အမျိုးအစားများ

အဆစ်ရောင်ခြင်း အမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 8, 2020 . 3 mins read
ဒူးနာဝေဒနာရှင်များအတွက် ဒူးဆစ်ထဲ စတီးရွိုက်ထိုးခြင်း

ဒူးနာဝေဒနာရှင်များအတွက် ဒူးဆစ်ထဲ စတီးရွိုက်ထိုးခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 6, 2020 . 2 mins read
Endocrine System (ဟော်မုန်းစနစ်) ကျန်းမာစေဖို့ စားသောက်နေထိုင်မှုပုံစံ

Endocrine System (ဟော်မုန်းစနစ်) ကျန်းမာစေဖို့ စားသောက်နေထိုင်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 11, 2020 . 2 mins read
COVID-19 ရဲ့ နောက်ဆက်တွဲ ဘာတွေဖြစ်နိုင်သလဲ။

COVID-19 ကြောင့် အသက်အန္တရာယ်အပြင်ဘာတွေဖြစ်နိုင်သေးလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 8, 2020 . 2 mins read