သင်သောက်နေတဲ့ အရက်တွေကို ဘာတွေနဲ့ ဖန်တီးထားတာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 15, 2020 . 2 mins read
Share now

အရက်မသောက်နဲ့နော် လို့ ပြောရတာက တကယ်တော့ လွယ်မယောင်နဲ့ အခက်ဆုံး စကားပါ။ ခပ်လွယ်လွယ်ခေါင်းငြိမ့်ပြ ပြီးသွားရင် လစ်တာနဲ့ ကစ်ကြပြန်တဲ့သူတွေ သိပ်များပါတယ်။

အရက်သောက်တာက မကောင်းပါဘူး။ လူတိုင်းပြောနေကြစကားပါ။ ဒါပေမယ့်လည်း ပြောရင်းဆိုရင်း တစ်ခွက်တစ်ဖလား မော့မိကြပြန်တာပဲ မဟုတ်လား။

ကိုယ်ဒီလို မော့မိနေတဲ့ အရက်တွေကို ဘယ်အရာတွေကနေ ဖန်တီးထားတာလဲ။ ဘာကြောင့် အရက်ကို လူတွေ ဒီလောက်နှစ်ခြိုက်နေရတာလဲဆိုတာကို တွေးမိဖူးကြရဲ့လား။ အရက်မြင်ရင် ချဉ်ချဉ်တူးတူး မူးရင်ပြီးရောဆိုပြီး သောက်နေလို့ မဖြစ်ဘူးလေ။

အရက်အမျိုးအစားကလည်း တစ်ခုနဲ့တစ်ခု မတူကြသလို အခြေခံကုန်ကြမ်းချင်းကလည်း မတူကြပါဘူး။ ဒီစာစုမှာတော့ လူအများစုသောက်သုံးနေတဲ့ အရက်တွေကို ဘယ်လိုအရာတွေကို အခြေခံပြီး ဖန်တီးထားတာလဲဆိုတာကို ပြောပြချင်ပါတယ်။

ဝီစကီ

ဝီစကီလို့ပြောလိုက်ရင် ဂျော်နီဝါကာပဲ ပြေးမြင်မိကြမယ်မဟုတ်လား။ ဝီစကီဆိုတာ မုယောဂျုံစေ့ကို ပေါင်းခံချက်လုပ်ထားတဲ့ ယမကာတစ်မျိုးပဲဖြစ်ပါတယ်။ ဘီယာနဲ့မတူတာကတော့ ဝီစကီမှာ ဗျစ်ပွင့်မပါဘဲ ချက်လုပ်ထားတာပါ။

ပါဝင်ပစ္စည်းတွေဖြစ်တဲ့ ဂျုံ၊ နှံစားပြောင်း၊ မုယောစပါး၊ ပြောင်းဖူးနဲ့ မြင်းစားဂျုံတွေဟာ နည်းစနစ်အလိုက် ပြောင်းလဲနိုင်ပေမယ့် ဘီယာနဲ့ ထုတ်လုပ်ပုံခြင်း ဆင်တူသယောင်ရှိပါတယ်။ မုယောစပါးတွေကို ပေါင်းခံချက်လုပ်တာဖြစ်တဲ့အတွက် နည်းမှန်လမ်းမှန်နဲ့ သင့်လျော်ရုံမှီဝဲရင် နှလုံးရောဂါဖြစ်နိုင်ခြေကို လျှော့ချပေးနိုင်ပေမယ့် နေ့စဉ်ရက်ဆက်သောက်သုံးမယ်ဆိုရင်တော့ ပြောင်းပြန်ရလဒ်ရပါလိမ့်မယ်။

ဘရန်ဒီ

ဘရန်ဒီဆိုတာ ဝိုင်အရက်ကို ထပ်မံချက်လုပ်ထားတာ ဖြစ်ပါတယ်။ Cognac နဲ့ Armagnac ဘရန်ဒီတွေဟာ ပြင်သစ်နိုင်ငံရဲ့ သီးခြားနေရာတွေမှာသာ ချက်လုပ်ကြရတာဖြစ်သလို ထုထည်အားဖြင့် အရက်ပါဝင်မှု ၃၅% ကနေ ၆ဝ% အထိ ဖြစ်ပါတယ်။ အများအားဖြင့် ဘရန်ဒီကို ညအိပ်ရာဝင်ခါနီး သောက်လေ့ရှိပြီး အသားအရေလှပစေရုံမက အိုမင်းရင့်ရော်မှုကိုလည်း ကာကွယ်ပေးတယ်လို့ အဆိုရှိပါတယ်။ တချို့ဒေသတွေမှာ စပျစ်သီးတို့လို သစ်သီးတွေကို အချဉ်ဖောက်ပြီးတော့လည်း ဘရန်ဒီချက်လုပ်လေ့ရှိပါတယ်။

ရှန်ပိန်

ရှန်ပိန်ဆိုတာက ပြင်သစ်နိုင်ငံအရှေ့မြောက်ပိုင်းက ထွက်တဲ့ ဝိုင်အမျိုးအစားတစ်ခုဖြစ်ပါတယ်။ Gas အရှိန်ပြင်းတ အဖျော်ယမကာ တစ်မျိုးဖြစ်ပြီးတော့ အရက်ပါဝင်မှု ၁၂% ခန့် ဖြစ်ပါတယ်။ အဓိက အားဖြင့် စပျစ်သီးကို အခြေခံပြီး ဖန်တီးတာဖြစ်ပေမယ့် တခြားသစ်သီးတွေကနေလည်း ချက်လုပ်တတ်ပါတယ်။ နှလုံးရောဂါဖြစ်နိုင်ခြေကို လျှော့ချပေးနိုင်ပြီး အစာကြေလွယ်စေတဲ့ ယမကာတစ်မျိုးပါ။ အဖျော်ယမကာတွေထဲမှာ ကျန်းမာရေးနဲ့ အညီညွတ်ဆုံးလို့ ဆိုကြပါတယ်။

ရမ်

သကြားတွေ ၊ ကြံချောင်းတွေကို အချဉ်ဖောက်ပြီး ပေါင်းခံချက်လုပ်ထားတာကို ရမ်လို့ခေါ်ပါတယ်။ သက်တမ်းနုသေးတဲ့ရမ်ကိုတော့ တခြားအရည်တွေနဲ့ ရောနှောသောက်ဖို့ သင့်တော်ပြီးတော့ ချက်လုပ်ထားတာ ကြာပြီဖြစ်တဲ့ သက်တမ်းရင့်ရမ်တွေကို အရသာခံသောက်သုံးရတယ်လို့ ဆိုစကားရှိပါတယ်။ ဆီးချိုသမားတွေ ရှောင်သင့်တဲ့ ယမကာတစ်မျိုးပါ။

ဗော့ကာ

ဗော့ကာဟာ မူလတုန်းက အာလူးကနေ ချက်လုပ်တာပါ။ ခုနောက်ပိုင်းမှာတော့ ဝီစကီများလိုပဲ ဂျုံစေ့ကနေပဲ ပေါင်းခံပြီး ချက်ကြပါတယ်။ ဗော့ကာဟာ သက်တမ်းနုတဲ့အတွက် ပေါင်းခံချက်လုပ်ရာမှာ ရေလိုပဲ အရောင်ကင်းမဲ့ပြီး ကြည်လင်နေတတ်တာဖြစ်ပါတယ်။ ဗော့ဒ်ကာက သွေးလည်ပတ်မှုကောင်းစေပြီး ကိုလက်စထရောကို လျှော့ချပေးနိုင်ပါတယ်။

တက်ကီလာ

တက်ကီလာဆိုတာကတော့ သင်္ဘောနာနတ် (Agave Tequilana) ဖျော်ရည်ကို အချဉ်ဖောက်ပြီး ပေါင်းခံချက်လုပ်ထားတာဖြစ်ပါတယ်။ တက်ကီလာအရက်အားလုံးကို မက္ကဆီကိုနိုင်ငံ တက်ကီလာမြို့ဝန်းကျင်နဲ့ မက္ကဆီကိုနိုင်ငံ အနောက်မြောက်ဒေသနဲ့ အနောက်အလယ်ပိုင်း ကုန်းမြင့်ဒေသတွေမှာ အဓိက ချက်လုပ်ကြတာ ဖြစ်ပါတယ်။ တက္ကီလာက အရိုးသန်မာစေပြီး အိပ်ပျော်စေပါတယ်။

ဂျင်

ဂျင်အရက်ဆိုတာက ဂျူနီပါဘယ်ရီသီးကို အချဉ်ဖောက်ချက်လုပ်ပြီးတော့ ပေါင်းခံချက်လုပ်ထားတာ ဖြစ်ပါတယ်။ ၁၇ ရာစု အလယ်လောက်ကတည်းက လူကြိုက်များခဲ့တဲ့အရက်ဖြစ်ရုံမက ဒီနေ့ခေတ်မှာလည်း ဂျင်ကို သံပရာသီးနဲ့ တွဲဖက် သောက်သုံးကြပါသေးတယ်။ လေ့လာချက်တွေအရ ဂျင်ကို ဆေးဖြစ်ဝါးဖြစ် သောက်သုံးခြင်းက လေသင်တုန်းဖြတ်ချင်းကို ကာကွယ်နိုင်စွမ်းရှိပါတယ်။

အရက်တွေအကြောင်းပြောပြီးချိန်မှာ တစ်ပါတည်းသတိပေးချင်တာက ကြိုက်တတ်လို့ မှီဝဲရင်တောင်မှ ချိန်ချိန်ဆဆ မှီဝဲဖို့ကိစ္စပါ။ အရက်အလွန်အကျွံသောက်ခြင်းဟာ အသက်အန္တရာယ်ကြုံတွေ့နိုင်စေသလို ဘဝတွေကိုပါ ပျက်စီးစေတဲ့အရာပါ။

အရက်ကို အလွန်အကျွံတွေ သောက်သုံးတဲ့အခါ

  • ၁။ ဦးနှောက်ထိခိုက်မယ်။
  • ၂။ ခန္ဓာကိုယ်အပူချိန် ပြောင်းလဲလာမယ်။
  • ၃။ အစာအိမ်ထိခိုက်မယ်။
  • ၄။ ကောင်းမွန်တဲ့ အိပ်စက်ခြင်းမရနိုင်ဘူး။
  • ၅။ ကိုယ်လက် မအီမသာ ဖြစ်မယ်။
  • ၆။ အရိုးကို ထိခိုက်မယ်။
  • ၇။ အသည်းကို ထိခိုက်မယ်။ စတာတွေပါပဲ။

ဒါကြောင့် အရက်ကို ကြိုက်နှစ်သက်လို့ မှီဝဲမယ်ဆိုရင် ချိန်ဆမှီဝဲဖို့နဲ့ မကြာခဏ အလွန်အကျွံ မသောက်မိစေဖို့ သတိပေးချင်ပါတယ်။ ကျန်းမာကြပါစေ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သီးသီးအကြောင်း သိကောင်းစရာ

သီးသီးက အပြင်ခွံမာမာလေးနဲ့ လုံးဝန်းပါတယ်။ အထဲမှာ အနှစ်လေးတွေရှိပြီး အစေ့ အဖြူလေးတွေ ပါရှိပါတယ်။ မြင်သာအောင်ပြောပြရရင် ဥသျှစ်သီး အသေးစားလေးနဲ့ တူပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကျဆင်းလာတဲ့ ကိုယ်ခံအားစနစ်ကို ဘယ်လိုပြန်မြှင့်တင်မလဲ

အသက်အရွယ် ကြီးလာတာနဲ့အမျှ ငယ်စဉ်ကလောက် ကိုယ်ခံအားစနစ်ဟာ အလုပ်မလုပ်နိုင်တော့ဘဲ အားလျော့သွားတဲ့အတွက် ရောဂါဖြစ်ဖို့ ပိုပြီးလွယ်ကူနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ဒါတွေကြောင့် အူမကြီးကင်ဆာ ဖြစ်တတ်ပါတယ်။

အူမကြီးကင်ဆာ အဖြစ်များတဲ့ကင်ဆာ ဆီးချိုရောဂါ အရက် ဆေးလိပ် အနီရောင်အသား အဝလွန် အူမကြီးအသားပို အူမကြီးရောင်ရမ်းတဲ့ရောဂါ ကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
အူမကြီးကင်ဆာ, ကျန်းမာရေးစင်တာ အောက်တိုဘာ 1, 2020 . 2 mins read

အဆစ်ရောင်ရောဂါရှိသူများအတွက် သင့်တော်သော စားသောက်ဖွယ်ရာများ

အဆစ်ရောင်ရောဂါဟာ အရိုးအဆစ်တွေမှာရှိတဲ့ အရိုးနုတွေ ရောင်ရမ်းခြင်း၊ ပျက်စီးခြင်း စတာတွေကြောင့် ဖြစ်ပွားရပြီး နာကျင်ကိုက်ခဲမှုဝေဒနာကို သိသိသာသာ ခံစားရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
အဆစ်ရောင်နာ, ကျန်းမာရေးစင်တာ အောက်တိုဘာ 1, 2020 . 2 mins read

သင့်အတွက် ရွေးချယ်ထားသည်

အစာအိမ်ဖြတ်ထုတ်ကုသခြင်း

အစာအိမ်ဖြတ်ထုတ်ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
အစာအိမ်ကင်ဆာ ကာကွယ်ပါ

အစာအိမ်ကင်ဆာ ကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read
ကိုဗစ်ဆေးရုံ တွေကို ဆေးလိပ်တွေ၊ အရက်တွေ ခိုးသယ်လာကြတဲ့အခါ

ကိုဗစ်ဆေးရုံ တွေကို ဆေးလိပ်တွေ၊ အရက်တွေ ခိုးသယ်လာကြတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 21, 2020 . 3 mins read

အချဉ်တွေစားရင် ကျန်းမာတယ် ဆိုတာ မှန်ရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read