backup og meta

ဦးနှောက် ကျန်းမာစေဖို့ ဉာဏ်စမ်းဖြေရမလား။ လေ့ကျင့်ခန်းလုပ်ရမလား.....


Aye Thi Mon မှ ရေးသားသည်။ · 06/07/2022 တွင် အသစ်ဖြည့်စွက်ခဲ့သည်။

    ဦးနှောက် ကျန်းမာစေဖို့ ဉာဏ်စမ်းဖြေရမလား။ လေ့ကျင့်ခန်းလုပ်ရမလား.....

    ကဲ…. ဦးနှောက် ကျန်းမာစေဖို့ ဘာလုပ်မလဲ….. ဉာဏ်စမ်း ဂိမ်းတွေဆော့မလား…. လေ့ကျင့်ခန်း လုပ်မလား… ကြိုက်ရာရွေးပါ။ ဘယ်အသက်အရွယ်ရောက်ရောက် မှတ်ဉာဏ်ကောင်းပြီး ပျော်စရာကောင်းတဲ့ အမှတ်တရတွေကို မှတ်မိနေချင်တယ်ဟုတ်။ ဒါဆိုရင်တော့ မှတ်ဉာဏ်ကောင်းစေဖို့ ဘာလုပ်ရမလဲဆိုတဲ့ အဖြေလေးကို ဒီဆောင်းပါးလေးထဲမှာ ဖတ်ကြည့်လိုက်ပါ။

    လူတော်တော်များများလက်ခံထားတဲ့ အယူအဆတစ်ရပ်

    ဉာဏ်ကောင်းစေဖို့က စာများများဖတ်ရမယ်။ ပဟေဠိတွေ ဖြေရမယ်။ ဉာဏ်စမ်းဂိမ်းတွေ ဆော့ရမယ်လို့လေ။ ဒါတွေကတကယ်ပဲ ဉာဏ်ကောင်းစေလားဆိုတော့ စာဖတ်တာကတော့ ကောင်းပါတယ်။ မသိသေးတာတွေကို သိအောင်လုပ်ဆောင်ခြင်းက ဦးနှောက်မှတ်ဉာဏ်ကိုကောင်းစေပါတယ်။ ဒါပေမယ့် ဉာဏ်စမ်းဂိမ်းတွေဆော့တာထက်တော့ ကိုယ်လက်လေ့ကျင့်ခန်းလုပ်တာက ဦးနှောက်ကိုပိုကျန်းမာစေပြီး မှတ်ဉာဏ်ကို ပိုကောင်းစေနိုင်ပါတယ်။

    ဒီလိုပြောတာက အထောက်အထားရှိလို့လားလို့ မေးချင်နေမယ်ထင်ပါတယ်။ ဉာဏ်စမ်းဂိမ်းတွေဆော့ရတာက စဉ်းစားရတာကြောင့် စဉ်းစားနိုင်စွမ်းကို တိုးစေနိုင်ပေမယ့် ကိုယ်လက်လေ့ကျင့်ခန်းလုပ်တာက ဦးနှောက်ဆီ သွေးစီးဆင်းရောက်ရှိမှုကောင်းစေတာကြောင့် ဦးနှောက်ကို ကျန်းမာစေနိုင်ပါတယ်။ ဒါတင်လားဆိုတော့ မဟုတ်ပါဘူး။ လေ့ကျင့်ခန်းလုပ်ခြင်းက ဦးနှောက်ကို ကျန်းမာစေပြီး စိတ်ဖိစီးမှုတွေကို ပြေလျော့စေတဲ့ endrophin ဟော်မုန်းတွေကို ထွက်ရှိစေနိုင်ပါတယ်။ ဒါကြောင့် ဦးနှောက်ကျန်းမာစေဖို့အတွက် ပုံမှန် လေ့ကျင့်ခန်းလုပ်ပေးတာက အဆင်ပြေစေမှာပါ။ လေ့လာမှုတွေအရလည်း ဉာဏ်စမ်းဂိမ်းတွေဖြေတာထက် လေ့ကျင့်ခန်းလုပ်တာက ဦးနှောက်ကို ပိုကျန်းမာစေနိုင်တယ်လို့ တွေ့ရှိခဲ့ရပါတယ်။

    ဦးနှောက်ကျန်းမာစေဖို့ လိုအပ်တဲ့အချက်တစ်ခု

    ဦးနှောက်ကျန်းမာစေဖို့လိုအပ်တဲ့အချက်တစ်ခုက ဦးနှောက်ဆီသွေးစီးဆင်းရောက်ရှိမှု ကောင်းစေဖို့ပါ။ သွေးစီးဆင်းရောက်ရှိမှုကောင်းမွန်စေဖို့ဆိုရင် နှလုံးကျန်းမာဖို့က မဖြစ်မနေလိုအပ်တဲ့အချက်တစ်ခုပေါ့။ နှလုံးကျန်းမာမှ သွေးကြောတွေဆီသွေးစီးဆင်းရောက်ရှိမှုကောင်းစေပြီး ဦးနှောက်ဆီကိုလည်း သွေးစီးဆင်းရောက်ရှိမှုကောင်းစေမှာပါ။

    တကယ်လို့ သွေးတိုးရောဂါရှိနေမယ်။ သွေးထဲမှာ ကိုလက်စထရောတွေများနေမယ်ဆိုရင် သွေးကြောကျဉ်းတာမျိုးဖြစ်နေမယ်ဆိုခဲ့ရင် သွေးကြောတွေဆီ သွေးစီးဆင်းရောက်ရှိမှုနည်းသွားပြီး ဦးနှောက်ရဲ့ လုပ်ဆောင်ချက်တွေကို အဟန့်အတားဖြစ်စေနိုင်ပါတယ်။  ဒါကြောင့် ဦးနှောက်လေးကျန်းမာရေးစေဖို့အရေးပါတဲ့ သွေးစီးဆင်းရောက်ရှိမှု ကောင်းစေဖို့အတွက် ဒီအချက်လေးတွေကိုလိုက်နာပေးဖို့လိုပါမယ်။

    ဘာတွေများဖြစ်မလဲ……

    သွေးစီးဆင်းမှုကောင်းပြီး ဦးနှောက်လေးကျန်းမာစေဖို့အတွက်

    • ကျန်းမာရေးနဲ့ညီညွတ်အောင် စားသုံးပါ
    • လေ့ကျင့်ခန်းပုံမှန်လုပ်ပါ
    • ဆေးလိပ်ဖြတ်ပါ
    • အယ်လ်ကိုဟော တတ်နိုင်သမျှလျှော့ပါ
    • ခန္ဓာကိုယ်အလေးချိန်ကို ထိန်းပါ။

    ဦးနှောက်ကျန်းမာစေဖို့ဆိုရင်

    ကဲ….. ဦးနှောက်ကျန်းမာပြီး ပျော်စရာအမှတ်တရလေးတွေကို မှတ်မိစေဖို့အတွက် နေ့စဉ်မှန်မှန်လေ့ကျင့်ခန်းလုပ်စို့နော်။ ခန္ဓာကိုယ်ကိုရော ဦးနှောက်ကို ပါကျန်းမာစေနိုင်တဲ့ နည်းလမ်းကောင်းလေးပါ။

    Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Aye Thi Mon မှ ရေးသားသည်။ · 06/07/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement