မျက်လုံးအောင့်တာ သက်သာစေမယ့်နည်းလမ်း (၅)ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 15, 2020 . 2 mins read
Share now

မျက်လုံးအောင့်တာ၊ ကျိန်းစပ်တာတွေ ခံစားနေရလား။ တစ်နေကုန် ကွန်ပျူတာမျက်နှာပြင်ပဲစိုက်ကြည့်နေရတဲ့ အလုပ်ကြောင့် ဒါမှမဟုတ် ပြင်ပက လေထုတွင်းအမှုန်တွေကြောင့် ဖြစ်နိုင်ပါတယ်။ မျက်စိပိုးဝင်ခြင်းကြောင့်လည်း ဒီလိုဖြစ်နိုင်ပါတယ်။

မျက်စိဆိုတာ ခန္ဓာကိုယ်မှာ ထိခိုက်လွယ်ဆုံး၊ အနုနယ်ဆုံးအပိုင်းဖြစ်တာကြောင့် နည်းနည်းနာကျင်ရရင်ပဲ စိုးရိမ်တတ်ကြပါတယ်။ ကွန်ပျူတာ၊ ဖုန်း၊ တီဗီ၊ စာအုပ် အကြည့်များလို့ တော်တန်ရုံမျက်စိညောင်းတာမျက်လုံးအောင့်တာဆိုရင်တော့ ခဏနဲ့သက်သာနိုင်ပါတယ်။ ဒီလိုဖြစ်လာရင် အမြန်သက်သာစေမယ့်နည်းလေးတွေက လွယ်လွယ်လေးပါ။

(၁) မျက်လုံးအဖွင့်အပိတ် လုပ်ပေးပါ

မျက်လုံးထဲမှာ ခို့လို့ခုလုဖြစ်နေတယ်လို့ ခံစားနေရပြီး ကျိန်းစပ်သလို အောင့်သလို ခံစားနေရရင် မျက်လုံးအဖွင့်အပိတ်လေ့ကျင့်ခန်းလုပ်ကြည့်ပါ။ မျက်စိအကြောပြေပြီး နေရသက်သာပါလိမ့်မယ်။ ဒီနည်းက မျက်ရည်ခမ်းခြင်းကို သက်သာစေပြီး အမှုန်ဝင်နေရင်လည်း သူ့အလိုလိုဖယ်ရှားပြီးသားဖြစ်စေနိုင်ပါတယ်။ မျက်စိတဝိုက် သွေးလည်ပတ်မှုကောင်းစေပြီး မျက်စိညောင်းသက်သာစေပါတယ်။

  • မျက်စိမှိတ်ပြီး ၂ စက္ကန့်နေပါ။
  • မျက်စိမှိတ်လျက်နဲ့ မျက်ခွံကိုကျုံ့ပြီး ၂ စက္ကန့်။
  • ပြီးရင် မျက်စိပြန်ဖွင့်ပြီး ၂ စက္ကန့်။
  • ဒီအတိုင်း အစကပြန်လုပ်ပေးပါ။ သုံးလေးကြိမ်လောက် လုပ်ပြီးရင် မျက်စိဝေဒနာ သက်သာသွားပါလိမ့်မယ်။

(၂) အေးတဲ့အရာတစ်ခုခု ကပ်ပေးပါ

မျက်လုံးအောင့်တာ၊ ကျိန်းစပ်တာတွေကို ချက်ချင်းသက်သာစေတာက အအေးကပ်တာပါပဲ။ တစ်ခုခုကြောင့် မျက်စိယားတာ၊ စပ်တာတွေတောင် သက်သာစေနိုင်ပါတယ်။

  • ရေခဲရေဆွတ်ထားတဲ့ အဝတ်လေး(wet tissueအေးအေးလေးဆိုလည်းရပါတယ်) ကို မျက်ခွံပေါ်မှာကပ်ပြီး ငါးမိနစ်ထားပါ။
  • ဒါမှမဟုတ် ရေခဲတုံးလေးတွေကို ပုဝါလေးနဲ့ပတ်ပြီး မျက်ခွံမှာကပ်ပါ။ ငါးမိနစ်၊ ဆယ်မိနစ်ထားပါ။ ၂ ကြိမ်မှ၃ ကြိမ်လုပ်ပေးနိုင်ပါတယ်။

(၃) ခပ်ဖွဖွ နှိပ်နယ်ပေးပါ

နာရီအတော်ကြာ ကွန်ပျူတာကြည့်ပြီး အလုပ်လုပ်ရတာကြောင့် ဖြစ်လာတဲ့ မျက်စိညောင်းတာ၊ မျက်စိအောင့်တာတွေအတွက် အနှိပ်နည်းကိုသုံးနိုင်ပါတယ်။ ခေါင်းတစ်ခြမ်းကိုက်ခြင်းအတွက်လည်း အသုံးဝင်တဲ့နည်းပါ။

  • လက်ဖဝါးမှာ သံလွင်ဆီလေး နည်းနည်းပွတ်ပါ။
  • လက်ချောင်းလေးတွေသုံးပြီး မျက်ခုံးအပေါ်က ကြွက်သားတွေနဲ့မျက်ခွံကို၁၀ စက္ကန့်လောက် ဖွဖွနှိပ်နယ်ပေးပါ။
  • အောက်မျက်ခမ်း၊ အောက်မျက်ရိုးနားကို ၁၀ စက္ကန့်လောက် နှိပ်ပေးပါ။
  • နားထင်နဲ့ ပါးရိုးအပေါ်ပိုင်းကို နှိပ်ပေးပါ။
  • တစ်နေ့တစ်ကြိမ်၊ နှစ်ကြိမ်လုပ်ပေးနိုင်ပါတယ်။

(၄) လက်ဖဝါးအနွေးဓာတ်ပေးပါ

လက်ဖဝါးကုထုံးကလည်း နည်းလမ်းကောင်းတစ်ခုဖြစ်ပါတယ်။ စာဖတ်တာကြာသွားလို့ ဒါမှမဟုတ် ကွန်ပျုတာ၊တီဗီကြည့်တာကြာသွားလို့ မျက်စိညောင်းလာပြီဆိုရင် ပိုအသုံးဝင်ပါတယ်။

  • သက်သောင့်သက်သာဖြစ်မယ့် အနေအထားနဲ့ထိုင်ပါ။
  • လက်ဖဝါးနှစ်ဖက်ကို ပူနွေးလာတဲ့အထိပွတ်ပါ။
  • မှိတ်ထားတဲ့မျက်ခွံပေါ်မှာ လက်နဲ့အုပ်ထားပါ။ မဖိရပါ။
  • ဖြေလျော့ပြီး စက္ကန့်၃၀လောက်ငြိမ်နေပေးပါ။
  • မျက်လုံးကို ဖြည်းဖြည်းဖွင့်ပြီး ဟိုဟိုဒီဒီကြည့်ပါ။
  • ဒီနည်းကို ၃ ကြိမ်မှ ၅ ကြိမ် ထပ်လုပ်ပေးပါ။

(၅) မျက်စိကို ကာကွယ်ပါ

မျက်စိနဲ့ပတ်သက်တဲ့ဝေဒနာကို မဖြစ်စေမယ့် အကောင်းဆုံးနည်းလမ်းက ဆင်ခြင်ကာကွယ်ခြင်းပါပဲ။

  • ကွန်ပျူတာ သို့မဟုတ် တီဗီမျက်နှာပြင်ကို တစ်ဆက်တည်း အကြာကြီးကြည့်နေရင် မျက်စိနဲ့ပတ်သက်တဲ့ ဝေဒနာတွေက ဖြစ်လာမှာပဲဆိုတော့ ကြည့်နေတဲ့ကြားမှာ ခဏလောက်တော့ မျက်လုံးလွှဲပြီး နားနားပေးပါ။
  • အိပ်ရေးဝအောင်အိပ်ပါ။ အိပ်ရေးပျက်ခံခြင်းက မျက်စိဝေဒနာ မကြာခဏဖြစ်စေတတ်ပါတယ်။
  • မျက်လုံးထဲတစ်ခုခုဝင်သွားတယ်ဆိုရင် အရမ်းမပွတ်ပါနဲ့။ ဖယ်ထုတ်နိုင်မယ့် နည်းကိုလိုက်နာပါ။
  • တော်တန်ရုံနေရခက်တဲ့ဝေဒနာကတော့ လက်ရှိမျက်စိသုံးနေတဲ့အလုပ်ကို ရပ်လိုက်ပြီး မျက်စိခဏမှိတ်၊ အနားပေးလိုက်ပါ။
  • မျက်ကပ်မှန်ဝတ်တတ်သူတွေဆိုရင် မျက်စိကိုမထိခိုက်အောင်၊ ပိုးမဝင်အောင် ပုံမှန်သန့်ရှင်းမှုဂရုစိုက်ပေးရပါမယ်။ နာကျင်မှုတစ်ခုခုဖြစ်လာရင် ချက်ချင်းချွတ်ပြီး ဆရာဝန်ပြပါ။
  • မျက်စိပိုးဝင်တာတွေဖြစ်နေရင် အိုင်းလိုင်နာ၊ ဘာညာ ဘာမှမလိမ်းပါနဲ့။
  • မျက်စိဝေဒနာ အသေးအဖွဲပဲဖြစ်ပါစေ၊ ခံစားရတာ သိပ်ကြာလာရင် ဆရာဝန်ပြဖြစ်အောင်ပြပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ရေတိမ်ဘာကြောင့် ဖြစ်ရတာလဲ

ရေတိမ်ဆိုတာ မျက်လုံးထဲမှာ ဖိအား အရမ်းများတဲ့အတွက် အမြင်အာရုံကြော ပျက်ဆီးသွားတဲ့ ...

ဆေးပညာပိုင်းဆိုင်ရာတည်းဖြတ်သူ Dr. Kaung Thar
ရေးသားသူ Arkar Hein

မျက်လုံးစမ်းသပ်ရုံနှင့် သင့်မှာ ကိုလက်စထရောများကြောင်း သင်သိနိုင်မလား

ကိုလက်စထရောများခြင်းက မလိုလားအပ်တဲ့ ကျန်းမာရေးပြဿနာတွေနဲ့ တိုက်ရိုက်ဆက်စပ်နေတဲ့အကြောင်း ...

ဆေးပညာပိုင်းဆိုင်ရာတည်းဖြတ်သူ Dr. Kaung Thar
ရေးသားသူ Dr. Ye Mhan Linn

မျက်စိပူခြင်း ညောင်းခြင်းကို ဘယ်လိုဖြေရှင်းကြမလဲ

မျက်စိပူခြင်း ညောင်းခြင်း ပင်ပန်းခြင်းတို့မှမျက်လုံးကိုက်ခြင်းကိုဖြစ်စေသည်။ ...

ဆေးပညာပိုင်းဆိုင်ရာတည်းဖြတ်သူ Dr. Kaung Thar
ရေးသားသူ Nadi

ကွန်ပျူတာ အကြည့်များသူတွေအတွက် အစားအစာနဲ့ ဗီတာမင်

ခုခေတ်မှာ လူမူကွန်ရက်ကလည်း အရမ်းကို တွင်ကျယ်လာပြီး စီးပွားရေးတော်တော်များများရဲ့ ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Eaindray Kha

သင့်အတွက် ရွေးချယ်ထားသည်

ပါဝါနဲ့ ဆလင်ဒါကို လျှော့နိုင်မယ့် မျက်စိကျန်းမာရေး အကြံပြုချက်

ပါဝါနဲ့ ဆလင်ဒါကို လျှော့နိုင်မယ့် မျက်စိကျန်းမာရေး အကြံပြုချက်(၆) ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဒီဇင်ဘာ 27, 2019 . 2 mins read

ဆယ်ကျော်သက် နဲ့ ခေါင်းကိုက်ဝေဒနာ၊ ဘာတွေသိထားသင့်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 8, 2019 . 3 mins read
မျက်ဝန်းထဲက သင်္ကေတလေးများ

မျက်ဝန်းထဲက သင်္ကေတလေးများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဒီဇင်ဘာ 14, 2018 . 2 mins read
အခန့်မသင့်လို့ မျက်လုံးထဲ တစ်ခုခုဝင်သွားတဲ့အခါ။ ။

အခန့်မသင့်လို့ မျက်လုံးထဲ တစ်ခုခုဝင်သွားတဲ့အခါ။ ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thin Yadanar @ Frances
ရေးသား ထုတ်ဝေခဲ့သည် ဒီဇင်ဘာ 1, 2018 . 2 mins read