ဝမ်းဗိုက်ရဲ့ ချက်က နံနေတယ်ဆိုရင် ဒါတွေကို စစ်ကြည့်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 21, 2020 . 2 mins read
Share now

ဝမ်းဗိုက်အောက်နား ဆီးစပ်မရောက်ခင်လေးမှာ ချက်ရှိတာကို အားလုံးလည်း သိကြမှာပါ။ ကလေးမွေးပြီးတဲ့အခါ မိခင်နဲ့ ချိတ်ဆက်ထားတဲ့ ချက်ကြိုးကို ဖြတ်ထုတ်ပစ်လိုက်ရပြီး ထိုနေရာမှာ ချက်အဖြစ် ကျန်နေခဲ့ပါတယ်။

ပုံမှန်အားဖြင့်တော့ ချက်ဟာ အနံ့ဆိုးတွေ မထွက်တတ်သလို ထွက်လာခဲ့ရင်လည်း နှာခေါင်းနဲ့ အလွန်ဝေးတဲ့နေရာမှာ ရှိနေတဲ့အတွက် တော်ရုံအနံ့မျိုးလောက်နဲ့တော့ သိနိုင်မှာမဟုတ်ပါဘူး။ အကယ်လို့ ကိုယ့်နှာခေါင်းထဲမှာ အနံ့တစ်ခုခု အမြဲရနေလို့ ချက်ကထွက်လာတယ်လို့ သံသယရှိရင် ဒီအချက်တွေကို သေချာစစ်ကြည့်သင့်ပါတယ်။

ဘာတွေကို အရင်ဆုံးစစ်မလဲ။

• ပုံမှန်မဟုတ်သော ပြည်ကဲ့သို့ အရည်များ စိမ့်ထွက်နေခြင်း (အဖြူရောင်၊ အဝါရောင်၊ စိမ်းဖန့်ဖန့်အရောင်)
• ရောင်ရမ်းပြီး နီရဲနေခြင်း
ယားယံနေခြင်း
• နာကျင်မှုရှိခြင်း
• ပိုးကောင် တစ်ကောင်ကောင် ဖြတ်သွားနေသလို ခံစားရခြင်း
ဝမ်းဗိုက်မှာ အကျိတ်လုံးလို စမ်းမိခြင်း
• အဖျားတက်ခြင်း စတဲ့ လက္ခဏာတွေကို စစ်ဆေးကြည့်ပါ။

ဘာကြောင့် ချက်ကနေ အနံ့ဆိုးထွက်နိုင်တာလဲ။

၁။ တစ်ကိုယ်ရေသန့်ရှင်းမှု မရှိခြင်း

ပုံမှန်အားဖြင့် ဒီအချက်ကြောင့် ဝမ်းဗိုက်ချက်ကနေ အနံ့ဆိုးထွက်လာတာ အဖြစ်များပါတယ်။ ရေချိုးတိုင်း ဝမ်းဗိုက်ချက်အတွင်းကို သန့်ရှင်းရေးလုပ်ဖို့ မေ့သွားရင်းကနေ ကြာလာတဲ့အခါ ချေးညှော်နဲ့ အညစ်အကြေးများ ပိတ်မိပြီး ရောဂါပိုးပွားများလာတတ်ပါတယ်။ ချက်ပေါက်က အတွင်းထဲထိ ချိုင့်ဝင်နေတဲ့သူတွေဆိုရင် ချေးပိတ်မိဖို့ အခွင့်အလမ်းပိုများပါတယ်။

ချေးညှော်များ ပိတ်မိတဲ့နေရာမှာ ဘက်တီးရီးယားများ ခိုအောင်းနေတဲ့အတွက် ဒီနေရာကနေ အနံ့ဆိုးအပြင် တခြား အရေပြားဆိုင်ရာ ရောဂါများ၊ ချက်ပိုးဝင်ခြင်း၊ ပြည်များယိုစိမ့်ထွက်ခြင်းတို့ ဖြစ်နိုင်ပါတယ်။

၂။ ရောဂါပိုးဝင်ခြင်း

ကန်ဒီဒါ (Candida) လို့ ခေါ်တဲ့ မှိုပိုးတစ်မျိုးဟာ ခန္ဓာကိုယ်ရဲ့ အရေပြားချင်းထိတွေ့မှုများပြီး စိုစွတ်တဲ့၊ ပူနွေးတဲ့၊ အလင်းနဲ့ ထိတွေ့မှုနည်းတဲ့ နေရာအစိတ်အပိုင်းတွေမှာ ပွားများလေ့ရှိပါတယ်။ ပုံမှန်အားဖြင့် လိင်အင်္ဂါနဲ့ ချိုင်းကြားမှာ မှိုရောဂါစွဲကပ်တာ အဖြစ်များပေမယ့် ချက်ကိုလည်း လုံးဝသန့်ရှင်းရေး မလုပ်ဘူးဆိုရင်တော့ ဒီမှိုပိုး ဝင်ရောက်ကူးစက်ခံရနိုင်ပါတယ်။

သွေးတွင်းသကြားဓာတ်များတဲ့ ဆီးချိုရောဂါရှင်တွေ၊ ကိုယ်ခံအားနည်းနေသူတွေ၊ လတ်တလော ဝမ်းဗိုက်ကို ခွဲစိတ်ကုသမှု ခံယူထားသူတွေမှာ ဒီပြဿနာ ဖြစ်နိုင်ခြေ ပိုများပါတယ်။ အဓိက ရောဂါပိုးဝင်ခြင်းကြောင့် ဖြစ်တဲ့ပြဿနာမို့ အနံ့ဆိုးအပြင် ပြည်အရည်တွေပါ စိမ့်ထွက်ပြီး ချက်ပတ်ပတ်လည်မှာ နီရဲရောင်ရမ်းနေတတ်ပါတယ်။

၃။ အကျိတ်ဖြစ်နေခြင်း

Epidermoid cyst လို အရေပြားရဲ့ အပေါ်ယံလွှာမှာ ဖြစ်တည်သော အကျိတ်၊ Pilar Cyst ကဲ့သို့ ဆံသားမွေးညှင်းပေါက်နားတွင် ဖြစ်တည်သော အကျိတ်၊ ဆဘေးရှပ်စ် ဂလန်း (Sebaceous Glands) မှာ ဖြစ်တည်သော အကျိတ်တွေကြောင့်လည်း ချက်ကနေ အနံ့ဆိုးထွက်နိုင်ပါတယ်။

ဒီအရေပြားအကျိတ်များ ရှိနေတဲ့အခါ ချက်ပတ်လည်ကို စမ်းကြည့်လိုက်ရင် အဖုလုံးလို ခံစားရနိုင်ပါတယ်။ များသောအားဖြင့် ချက်မှာဖြစ်သော အကျိတ်များ ကြီးလာပြီးပေါက်သွားတဲ့အခါ အနာထဲသို့ ရောဂါပိုးဝင်ပြီး အနံ့ဆိုးထွက်သလို အနာကနေ ထွက်လာတဲ့ပြည်အရည်တွေကြောင့်လည်း အနံ့ဆိုးထွက်နိုင်ပါတယ်။

ဘယ်လို ကုသမှုခံယူမလဲ။

၁။ တစ်ကိုယ်ရေသန့်ရှင်းမှုကြောင့် ဖြစ်သော ပြဿနာအတွက် ဆရာဝန်ပြစရာမလိုပါဘူး။ အဓိက ချက်ပတ်လည်ကို နေ့စဉ် ပုံမှန်သန့်ရှင်းရေး ပြုလုပ်ပေးမယ်ဆိုရင် ရက်သတ္တပတ်အနည်းငယ်အတွင်းမှာ အနံ့ဆိုးများ ပျောက်သွားနိုင်ပါတယ်။ အဓိက လုပ်ပေးဖို့ လိုအပ်တာတွေကတော့

• အဝတ်သန့်သန့် တစ်ထည်ကို ဆပ်ပြာနည်းနည်းစွတ်ပါ။
• လက်ညှိုးထိပ်တွင် အဝတ်ပတ်ထားပြီး ချက်အတွင်းထဲသို့ ပွတ်သုတ်ပေးပါ။
• အထဲထိ ထိုးထည့်တာမျိုး၊ ကုတ်ခြစ်တာမျိုး မလုပ်ပါနဲ့။
• ပြီးသွားတဲ့အခါ ရေနဲ့ သေချာပြောင်စင်အောင် ဆေးကြောပါ။
• ရေချိုးပြီးသွားရင် ရေခြောက်အောင် သုတ်ပြီးမှ အဝတ်အစားဝတ်ပါ။
• မလိုအပ်ဘဲ ချက်နေရာကို လက်နဲ့ထိကိုင်တာ၊ ပွတ်တာမျိုးကို ရှောင်ပါ။

၂။ ရောဂါပိုးဝင်တဲ့ ပြဿနာမှာ အရင်ဆုံး အပေါ်မှာ ပြထားခဲ့တဲ့နည်းလမ်းအတိုင်း ချက်ကို နေ့စဉ်သန့်ရှင်းရေး ပြုလုပ်ပါ။ ချက်နေရာကို ခြောက်သွေ့နေအောင် ထားပေးပါ။ ကျပ်လွန်းတဲ့ အဝတ်တွေကို ဝတ်တာ ရှောင်ပါ။ တစ်ပတ်လောက်နဲ့ မသက်သာတဲ့အခါ ဆရာဝန်နဲ့ သေချာပြသပြီး ညွှန်းပေးလိုက်တဲ့ လိမ်းဆေးကို သေချာလိမ်းပါ။

၃။ ရိုးရိုးဖြစ်တဲ့ အကျိတ်အတွက် ထူးထူးခြားခြား ကုသမှုခံယူစရာမလိုပါဘူး။ ဒီအကျိတ်က ပေါက်ပြီး ရောဂါပိုးဝင်သွားတဲ့အခါမျိုး၊ ခန္ဓာကိုယ်ထဲ ဖြစ်နေတဲ့ အကျိတ်ကြောင့် အလွန်စိုးရိမ်ပူပန်နေရတယ်ဆိုရင် ဆရာဝန်နဲ့ တိုင်ပင်ပါ။ ဆရာဝန်အနေနဲ့ အကျိတ်ကို ဖယ်ရှားပေးဖို့ ဆေးထိုးတာ၊ ဆေးထိုးအပ်ဖြင့် စုပ်ယူတာ၊ အကျိတ်တစ်ခုလုံးကို ခွဲစိတ်ဖယ်ရှားတာမျိုး လုပ်ပေးနိုင်ပါတယ်။

ချက်နေရာနဲ့ ပတ်သက်ပြီး လူတော်တော်များများက နေ့စဉ်သန့်ရှင်းရေးလုပ်ဖို့ မေ့တတ်ကြပါတယ်။ တကယ်တော့ အရေပြားဆိုတာ အမြဲတမ်း ချွေးထွက်ပြီး ဆဲလ်အသေတွေနဲ့ စုနေတဲ့အတွက် ရေကို ပုံမှန်ချိုးပေးဖို့လိုအပ်သလို အမြဲတမ်း သန့်ရှင်းအောင် ထားတတ်ဖို့လည်း အလွန်အရေးကြီးပါတယ်။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလမှာ လူတိုင်းလိုလို ပျောက်ဆုံးနေတဲ့အရာ

တစ်နေ့တစ်နေ့ လူနာစာရင်းထုတ်ပြန်ချက်ကို စောင့်ကြည့်လိုက်၊ ကြောက်လိုက်တာဆိုပြီး အိမ်ထဲနေလိုက်ရင်းနဲ့ ပျောက်ဆုံးမှန်းမသိ ပျောက်ဆုံးလာတဲ့ အရာရှိတယ်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 2 mins read

ကိုဗစ်ပိုးရှိနေသူတွေအတွက် အကောင်းဆုံး လေ့ကျင့်ခန်းအချို့

လေ့ကျင့်ခန်း လုပ်ပေးတာက ကိုဗစ်ကို သက်သာစေနိုင်သလို ကိုဗစ်ကြောင့် ခံစားရနိုင်တဲ့ နောက်ဆက်တွဲ ကျန်းမာရေးပြဿနာတွေကို အထိရောက်ဆုံး ကာကွယ်ပေးနိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 2 mins read

ရင်သားကင်ဆာ ကာကွယ်ပေးမယ့် အစားအစာများ

ဖြစ်နိုင်ခြေများတဲ့ ရင်သားကင်ဆာ အန္တရာယ်ကနေ ကာကွယ်ဖို့ ဘာတွေကို စားသောက်သင့်လဲဆိုတာ ဒီဆောင်းပါးလေးထဲမှာ ဖတ်ကြည့်စေချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရင်သားကင်ဆာ, ကျန်းမာရေးစင်တာ အောက်တိုဘာ 15, 2020 . 2 mins read

ရင်သားထွားထွား ရောဂါများများ

ရင်သား ကြီးမှ ဆွဲဆောင်မှု ရှိတာ၊ မိန်းကလေးဆိုတာ ရင်သားပြည့်မှ လှတယ်ဆိုတဲ့ အယူအဆတွေကို လက်ခံထားတုန်းပဲလား........ ရင်သားကြီးတာကို သဘောကျတာများပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အစာအိမ်ကင်ဆာဖြစ်စေတဲ့ အကြောင်းအရင်းများ

အစာအိမ်ကင်ဆာဖြစ်စေတဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
Stay at Home မှာ ဝိတ်တက်လာသူတွေအတွက် ပေါ့ပေါ့ပါးပါး လေ့ကျင့်ခန်းလေးများ

Stay at Home မှာ ဝိတ်တက်လာသူတွေအတွက် ပေါ့ပေါ့ပါးပါး လေ့ကျင့်ခန်းလေးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 21, 2020 . 2 mins read
အိပ်ကောင်းကောင်းနဲ့ အကြာကြီးအိပ်နေမိတဲ့အခါ

အိပ်ကောင်းကောင်းနဲ့ အကြာကြီးအိပ်နေမိတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read