Body piercing လုပ်မယ်ဆိုရင် သိထားသင့်တဲ့ အချက်များ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 22, 2020 . 2 mins read
Share now

Body piercing ဆိုတာကတော့ အလွယ်ပြောရရင် ခန္ဓာကိုယ်ရဲ့ ပြင်ပအစိတ်အပိုင်းတစ်ခုခု (ဥပမာ- နားရွက်၊ ချက်၊ နှုတ်ခမ်း၊ လျှာ၊ နှာခေါင်း စတဲ့ နေရာတွေ) မှာ ရတာနာပစ္စည်းလေးတွေ၊ fancy အလှပစ္စည်းလေးတွေ တပ်ဖို့အတွက် အလှသဘောနဲ့ အပေါက်ဖောက်တာကို ခေါ်တာပါ။ မြန်မာနိုင်ငံမှာဆိုရင်လည်း များသောအားဖြင့် နားမှာ ဖောက်ကြပြီး နားကပ်လေးတွေ အလှတပ်ကြတဲ့အပြင် အထူးသဖြင့် လူငယ်တွေမှာ ချက်၊ နှုတ်ခမ်း စတဲ့အခြား နေရာတွေမှာလည်း body piercing လုပ်တာတွေ ခေတ်စားလာပါတယ်။ ဒီနေ့ဆောင်းပါးလေးမှာတော့ အဲလို body piercing လုပ်မယ်ဆိုရင် ဘယ်လို ဆိုးကျိုးတွေ ဖြစ်နိုင်တယ်၊ ဘယ်အချက်တွေကို ဂရုစိုက်သင့် ဆိုတာလေးတွေကို မျှဝေပေးသွားမှာပါ။

Body piercing လုပ်ပြီးတဲ့အခါမှာ ဘာတွေဖြစ်လာနိုင်လဲ။

ပုံမှန်အားဖြင့်တော့ သေသေချာချာ ပိုးသတ်ထားပြီး သန့်စင်ထားတဲ့ နေရာမှာ၊ သန့်စင်တဲ့ ပစ္စည်းတွေနဲ့ ကျွမ်းကျင်တဲ့ ပညာရှင်တွေက လုပ်ဆောင်ပေးမယ်ဆိုရင်တော့ အန္တရာယ်မရှိပါဘူး။

ဒါပေမယ့် တစ်ခါသုံးပစ္စည်းမဟုတ်တာ(သို့) အသုံးပြုပြီး သေသေချာချာ မသန့်စင်ထားတဲ့ ပစ္စည်းတွေကို သုံးမိမယ်ဆိုရင်တော့

၁။ အသည်းရောင် အသားဝါ B နဲ့ C ပိုး HIV နဲ့ မေးခိုင်ပိုး စတဲ့ ပိုးတွေ ကူးနိုင်ခြင်း။

၂။ ရောင်ရမ်းခြင်း။

၃။  အနာဖြစ်ခြင်း၊ ပြည်တည်ခြင်း။

စတဲ့ ပြသနာတွေ ဖြစ်နိုင်ပါတယ်။

သန့်စင်ထားတဲ့ ပတ်ဝန်းကျင်၊ နေရာမှာ လုပ်မယ်ဆိုရင်တောင်မှ တစ်ခါတစ်လေမှာ အောက်ပါ ပြသနာတွေကိုတော့ တွေ့ကြုံရနိုင်ပါသေးတယ်။

၁။ အရေပြားဓာတ်မတည့်ခြင်း။

၂။ ရောင်ရမ်းခြင်း၊ အနာဖြစ်ခြင်း။

၃။ သွေးမတိတ်ခြင်း။

၄။ နာကျင်ခြင်း။

၅။ ယားယံခြင်း။

မဖောက်ခင်မှာ ဘာတွေ ပြင်ဆင်ထားသင့်လဲ။

၁။ နေရာသေချာရွေးပါ။

အရှေ့မှာ ဖော်ပြခဲ့သလိုပဲ သေသေချာချာပိုးသတ်ထားပြီး စိတ်ချရတဲ့ နေရာမှာမှ ဖောက်သင့်ပါတယ်။ ဒါ့ကြောင့် ကိုယ်သွားဖောက်မယ့်နေရာရဲ့ အပြင်အဆင်၊ ပတ်ဝန်းကျင်နဲ့ လုပ်မယ့်အခန်းတွေကို အရင်လေ့လာထားပြီးမှ ရွေးချယ်သင့်ပါတယ်။ ဒါ့အပြင် လုပ်ပေးတဲ့သူက ပိုးတွေသေစေနိုင်တဲ့ လက်ဆေးရည်အသုံးပြု၊မပြု၊ သန့်စင်တဲ့ တစ်ခါသုံး လက်အိတ်တွေ သုံး၊ မသုံး ၊ ပစ္စည်းတွေကို ပိုးသေအောင် ပေါင်းတဲ့ autoclave စက်တွေ သုံး၊ မသုံးကိုလည်း ကြိုတင်လေ့လာမေးမြန်းသင့်ပါတယ်။

ဆရာဝန်နဲ့သေချာတိုင်ပင်ပြီး ဆရာဝန်တွေကိုယ်တိုင် လုပ်ပေးတဲ့နေရာမှာ လုပ်ဆောင်တာကတော့ အကောင်းဆုံးပါပဲ။ ဒီအတိုင်းကြုံရာနေရာ၊ မသန့်ရှင်းတဲ့နေရာမှာ ဖောက်မိမယ်ဆိုရင်တော့ ပိုးဝင်သွားတာ ၊ အနာမကျက်တာ၊ သွေးမတိတ်တာ စတဲ့ ပြသနာတွေကနေ အသက်အန္တရာယ်ရှိတဲ့အထိဖြစ်နိုင်ပါတယ်။ ဒါ့ကြောင့် ကျွမ်းကျင်တဲ့ သူတွေကိုယ်တိုင်လုပ်ပေးတဲ့ သန့်ရှင်းတဲ့ နေရာကို သေသေချာချာ ကြိုတင်ရွေးချယ်ပြင်ဆင်ပြီးမှ ဖောက်ကြပါနော်။

၂။ ကိုယ့်ကိုကိုယ် သေချာပြီလားလို့ ပြန်မေးပါ။

ပုံမှန်နားဖောက်နေကျ နေရာမှာ ဖောက်တာက ပြသနာမရှိပေမယ့် အခြားနေရာတွေ ဥပမာ- နှုတ်ခမ်း၊ နှာခေါင်းစတဲ့နေရာတွေ ဖောက်မယ်ဆိုရင်တော့ သေသေချာချာ ပြန်တွေးကြည့်ဖို့လိုပါတယ်။ အသက်ငယ်တုန်းမှာ၊ ဆယ်ကျော်သက်၊ ၂၀ကျော်အရွယ်မှာ ဒီလို ဖောက်တာတွေက cool ဖြစ်တယ်၊ မိုက်တယ် ဆိုပေမယ့် အသက်ကြီးလာတဲ့အခါမှာ တချို့အလုပ်ပိုင်းဆိုင်ရာမှာ အနည်းငယ် အနှောက်အယှက်ဖြစ်နိုင်ပါတယ်။

၃။ ရောဂါအခံတွေရှိရင် ဆရာဝန်ကို ကြိုပြောပြထားပါ။

နောက်ဆုံးတစ်ချက်ကတော့ မဖောက်ခင်မှာ ဆရာဝန်ကို ကိုယ့်မှာ ဆီးချို၊ နှလုံး၊ သွေးရောဂါ၊ အရေပြားရောဂါတွေ နဲ့ ခုခံအားကျစေတဲ့ ကျန်းမာရေးအခြေအနေတွေ ရှိနေရင်၊ စွဲသောက်နေရတဲ့ ဆေးတွေရှိနေရင် (သို့) ကိုယ်ဝန်ရှိနေရင် ပြောပြထားသင့်ပါတယ်။ ခုခံအားကျဆင်းစေတဲ့ ဆီးချိုလို ရောဂါအခံရှိနေမယ်ဆိုရင် ပိုးဝင်ဖို့ အခွင့်အရေးကပိုများနိုင်တာကြောင့် သေသေချာချာ တိုင်ပင်ဆွေးနွေးဖို့ မမေ့ပါနဲ့နော်။

၄။ ဖောက်မယ့်နေရာကို ဆရာဝန်နဲ့ သေချာတိုင်ပင်ပါ။

ခန္ဓာကိုယ်ရဲ့ နေရာတွေ၊ အစိတ်အပိုင်းတွေ အားလုံးက ဖောက်ဖို့ မသင့်တော်ပါဘူး။ သွေးကြောတွေ၊ ဖွဲ့စည်းပုံတွေ၊ အာရုံကြောတွေ စတဲ့ တည်ဆောက်ပုံတွေလည်း ကွဲပြားတာကြောင့် အချို့နေရာတွေ ဖောက်မယ်ဆိုရင် အန္တရာယ်များပါတယ်။ ဒါကြောင့် ဖောက်မယ့်နေရာကို ဆရာဝန်နဲ့ ဆွေးနွေးပြီး အကြံဉာဏ်တောင်းသင့်ပါတယ်။

Body piercing လုပ်ပြီးရင် ဖောက်ထားတဲ့ နေရာကို ဘယ်လိုတွေ ဂရုစိုက်သင့်လဲ။

၁။ အရေးကြီးဆုံးကတော့ ဖောက်ထားတဲ့ နေရာကို ပိုးမဝင်အောင် မကိုင်ခင်မှာ လက်ကို သေချာဆေးပါ။

၂။ ဆရာဝန်ညွှန်ကြားတဲ့အတိုင်း လိုအပ်တဲ့အချိန်မှာ ဆေး(သို့) ပိုးသတ်နိုင်တဲ့ ဆပ်ပြာနဲ့ သန့်ရှင်းရေးလုပ်ပါ။

၃။ လိုအပ်ရင် ပိုးသတ်ဆေး cream လေးတွေ လိမ်းပေးပါ။

၄။ အနာပိုးဝင်တဲ့ လက္ခဏာတွေဖြစ်တဲ့ ၂ရက်၊ ၃ရက်ထက်ပိုနာနေတာ၊ ရောင်ရမ်းလာတာ၊ ပြည်တွေထွက်လာတာ၊ နီရဲလာတာ၊ အနာက မကျက်ဘဲ ပုံမှန်ထက်ကြာနေတာ စတဲ့ လက္ခဏာတွေ ဖြစ်လာပြီဆိုရင်တော့ ဆရာဝန်နဲ့ပြသသင့်ပါတယ်။

ဘာတွေ ရှောင်သင့်လဲ။

ဖောက်ထားတဲ့နေရာကို မကြာခဏသွားထိတာ၊ တစ်ခုခုနဲ့ သွားထိုးတာ၊ အရက်ပြန်(သို့) hydrogen peroxide တွေနဲ့ ဆေးတာ၊ အနာမကျက်ခင်မှာ မသန့်စင်တဲ့ ရေတွေနဲ့ ထိတွေ့စေတာ တွေကိုတော့ လုံးဝရှောင်ကြဉ်သင့်ပါတယ်။

Hello ဆရာဝန်ပရိသတ်ကြီးလည်း body piercing ပဲဖြစ်ဖြစ် ear piercing ပဲဖြစ်ဖြစ်လုပ်တဲ့အခါ ကျန်းမာရေးဆိုးကျိုးတွေ မဖြစ်ရအောင် ဒီဆောင်းပါးလေးက အထောက်အကူပြုမယ်လို့ ယုံကြည်ပါတယ်။ ကျန်းမာကြပါစေ။

ရေးသားသူ – Khine Phoo Ngon

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆူးစူးတဲ့အခါ ဘယ်လိုထွင်ကြမလဲ

ဆူးစူး ဖန်ကွဲစ ပြည်တည်နာ ပိုးဝင် ရောင်ရမ်း မေးခိုင်ပိုး ဇာဂနာနဲ့ညှပ် ဆူးထွင် waxing အနာသန့်ရှင်းရေး ပိုးသတ် တစ်ရှူးများရောင်ရမ်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကျွန်မဖျောက်ဖျက်ပစ်ခဲ့တဲ့ မိဘအမွေ

ဒီရောဂါနဲ့ အသက်ရှင်ဖို့ဆိုတာက လွယ်တာတော့ မဟုတ်ပါဘူး။ လူကောင်းလို ဟန်မပျက် သွားလာလှုပ်ရှားနိုင်ပေမယ့် စိတ်ထင့်ရတဲ့ အချိန်တွေ ရှိခဲ့တယ်ဆိုတာ မငြင်းနိုင်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

HIV ဆိုတာ ကြောက်ဖို့ ကောင်းနေသေးတာလား

ဆီးချိုလည်း သေချာမထိန်းရင် နောက်ဆက်တွဲ ဝင်တာပါပဲ။ HIV လည်း သေချာမကုဘူးဆိုရင် အသက်အန္တရာယ် ထိခိုက်နိုင်တဲ့ AIDS အဆင့်ထိရောက်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကျွန်မနဲ့ သွေးထဲကနတ်ဆိုးများ

ဒီရောဂါရှိမှန်း စသိရတုန်းကဆို ဘယ်သူမှနဲ့တောင် မတွေ့ချင်တော့ပါဘူး။ ပါးစပ်ကနေ ထုတ်ပြောဖို့တောင် မရဲခဲ့တဲ့ ရောဂါပေါ့။ ARTဆေးသောက်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ခြေစွယ် လက်စွယ်ငုပ် ရတဲ့ အကြောင်းရင်းများ

ခြေစွယ် လက်စွယ်ငုပ် ရတဲ့ အကြောင်းရင်းများ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 31, 2021 . 2 mins read
ပဋိဇီဝပိုးတွေကို ဘယ်လိုသုတ်သင်နိုင်သလဲ။

ပဋိဇီဝပိုးတွေကို ဘယ်လိုသုတ်သင်နိုင်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 26, 2020 . 3 mins read
အဝတ်အထည်၊ ပိုက်ဆံနဲ့ အိမ်မွေးတိရစ္ဆာန်တွေပေါ်မှာ ကိုရိုနာဗိုင်းရပ်စ် ဘယ်လောက်ကြာကြာ အသက်ရှင်နိုင်သလဲ

အဝတ်အထည်၊ ပိုက်ဆံနဲ့ အိမ်မွေးတိရစ္ဆာန်တွေပေါ်မှာ ကိုရိုနာဗိုင်းရပ်စ် ဘယ်လောက်ကြာကြာ အသက်ရှင်နိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 1 min read
သမားရိုးကျနည်းနဲ့ ခွဲမှာလား၊ အပေါက်လေးဖောက်ပြီး ခွဲမှာလား

သမားရိုးကျနည်းနဲ့ ခွဲမှာလား၊ အပေါက်လေးဖောက်ပြီး ခွဲမှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read