ပလာစတာနဲ့ ပတ်တီးကို ဘယ်လိုသုံးရမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

မတော်တဆြဖစ်လို့ ထိမိရှမိတယ်ဆိုရင် ပလာစတာဝယ်ပြီး လွယ်လွယ်ကပ်လိုက်ကြတာများပါတယ်။ ဒဏ်ရာကြီးရင်တော့ ပတ်တီးစည်းကြတာပေါ့။ ဒါပေမယ့် အသုံးပြုတဲ့နည်းလမ်းမှန်ကန်မှ အနာသန့်ရှင်းပြီးရောဂါပိုးမဝင်ေစမှာဖြစ်ပါတယ်။ အနာကို ဖြစ်သလိုကုသမယ်ဆိုရင် အနာကျက်ဖို့လည်းနှောင့်နှေးစေမယ့်အပြင် ပိုးဝင်ခဲ့ရင်နာက်ဆက်တွဲဆိုးကျိုးေတွရှိစေနိုင်ပါတယ်။

ဒါ့ကြောင့် ဘယ်ဒဏ်ရာကိုမဆို အရင်ဆုံးလုပ်ပေးသင့်တဲ့ ဒီအချက်လေးတွေကို သိထားသင့်ပါတယ်။

  • အနာကို မထိတွေ့ခင် လက်အရင်ဆေးပြီးခြောက်အောင်သုတ်ပါ။ (ဒဏ်ရာကြီးတယ်ဆို လက်အိတ်စွပ်ပြီးဆေးထည့်၊ပတ်တီးစည်း လုပ်သင့်ပါတယ်)
  • သွေးထွက်နေတယ်ဆိုရင် လူနာကို ထိုင်ခိုင်း သို့မဟုတ် လှဲနေခိုင်းပါ။
  • အနာကိုလေနဲ့မမှုတ်ရပါဘူး။
  • သွေးတိတ်စေဖို့အနာကိုဖိထားပြီး အနာရှိတဲ့ လက် သို့မဟုတ်ခြေထောက်ကို နည်းနည်းမြှင့်ထားပါ။
  • အနာကို ဖုံးအုပ်နိုင်လောက်တဲ့အရွယ်အစားရှိတဲ့ ပလာစတာ သို့မဟုတ် ပတ်တီးကိုသုံးပါ(ဥပမာ အနာက ပလာစတာကပ်လို့ အပြည့်အဝမဖုံးအုပ်နိုင်ဘူးဆိုရင် ဒဏ်ရာမကြီးလည်း ပတ်တီးစည်းပါ)
  • ပလာစတာနဲ့ ပတ်တီးကို ပုံမှန်အသစ်လဲသင့်ပါတယ်။
  • ဒဏ်ရာကသိပ်များတယ်ဆိုရင်တော့ အရေးပေါ်ဆေးထည့်ပြီးတာနဲ့ဆေးခန်းပြသင့်ပါတယ်။

ပလာစတာ ကပ်မယ်ဆိုရင်

ပလာစတာဆိုတာ အနာကပ် gauzeလေးတစ်ခုနဲ့ ကျုံ့ဆန့်လို့ရတဲ့ ကပ်ခွာလေးတွဲပေးထားတာဖြစ်လို့ အသေးစားဒဏ်ရာအနာတရဖြစ်ရင် အလွယ်တကူဝယ်သုံးလို့ရပါတယ်။ အနာကပ်ပလာစတာတချို့ကရေစိုခံလည်းဖြစ်တာကြောင့် လှုပ်ရှားရအဆင်ပြေပြီး အနာကို ရောဂါပိုးတွေရန်က ဘေးကင်းစိတ်ချရစေပါတယ်။ အသုံးပြုတဲ့အခါ သတိထားသင့်တာက –

  • အနာနဲ့ အနာတဝိုက်အရေပြားကို သန့်စင်ပေးပြီးခြောက်သွေ့အောင်အရင်ထားရပါမယ်။ မဟုတ်ရင် ပလာစတာကပ်လည်း မထူးပါဘူး။ ပိုးဝင်နိုင်ပါတယ်။
  • ရက်ကြာနေပြီဖြစ်တဲ့၊ဟောင်းနွ်မ်းနေတဲ့၊ ညစ်ပေနေတဲ့ ပလာစတာကိုမသုံးသင့်ပါဘူး။
  • ပလာစတာ ညစ်ပေလာတဲ့အခါ၊ စွတ်စိုသွားတဲ့အခါတိုင်း အသစ်လဲပေးသင့်ပါတယ်။

ပတ်တီးကို ဘယ်အတွက်သုံးကြသလဲ

ထိခိုက်ဒဏ်ရာကြီးမားတဲ့အခါ၊ အရိုးကျိုးအက်ခြင်း၊ အဆစ်အမြစ် ကြွက်သားနာကျင်ကိုက်ခဲတဲ့အခါမျိုးတို့မှာ ပတ်တီးစည်းကြပါတယ်။ ဒဏ်ရာပြင်းထန်တဲ့အခါ များသောအားဖြင့် ဆေးရုံဆေးခန်းမှာ ကျန်းမာရေးဝန်ထမ်းတွေက အနာကို နည်းစနစ်တကျ ဆေးထည့်ပတ်တီးစည်းပေးကြတာပါ။ နောက်ပိုင်းမှသာ အသစ်လဲတာမျိုးမှာ အိမ်မှာလုပ်ရတာများပါတယ်။ ဘာကြောင့်ပဲဖြစ်ဖြစ် ကိုယ့်အိမ်မှာပဲ ပတ်တီးစည်းမယ်ဆိုရင် သိထားသင့်တာက –

  • ပတ်တီးမစည်းခင်သွေးတိတ်အောင် အနာကိုအရင်ဖိထားပေးရပါမယ်။
  • သိပ်မကြီးမားတဲ့ဒဏ်ရာကိုဆိုရင်ရေ၊ ဆပ်ပြာအပျော့စားနဲ့ဆေးကြောသန့်စင်ပေးပြီး အနာပိုးသတ်ဆေးထည့်ပြီးမှ သန့်ရှင်းတဲ့ပတ်တီးကို စည်းပေးရမှာပါ။
  • ပြင်းထန်တဲ့ ဒဏ်ရာအကြီးစားတွေကို ဆေးခန်းမပြဘဲ ကိုယ့်ဘာသာသန့်စင်ဖို့ မကြိုးစားပါနဲ့။
  • ပတ်တီးစည်းတဲ့အခါမှာ ခန္ဓါကိုယ်ကို စည်းရအဆင်ပြေစေမယ့်အနေအထား အရင်ပြင်ထားပါ။ လူနာကိုဖိမိတာမျိုး မဖြစ်စေဖို့ ဒဏ်ရာရှိတဲ့ဘက်ကနေပဲ ပတ်တီးစည်းပေးသင့်ပါတယ်( ဘယ်ဘက်ခြမ်းကဒဏ်ရာကို သင်ကညာဘက်ခြမ်းကနေ ပတ်တီးလှမ်းစည်းပေးတာမျိုးမလုပ်ပါနဲ့)။
  • ဒဏ်ရာအရွယ်အစားနဲ့ ဒဏ်ရာရှိတဲ့ခန္ဓါကိုယ်အစိတ်အပိုင်းကိုမူတည်ပြီး အနာနဲ့ သင့်တော်မယ့် ပတ်တီးအရွယ်အစားကိုသုံးပါ။ ဒဏ်ရာထက်ပိုကြီးနေတဲ့ ပတ်တီးကြောင့် ပိုကျပ်၊ပိုထူပြီးလေမဝင်တော့တဲ့အခါ အနာကိုပိုလှောင်ပိတ်စေပါတယ်။ ပတ်တီးကသေးနေပြန်ရင်လည်း ဒဏ်ရာကို ထိခိုက်မှုရန်၊ ရောဂါပိုးမွှားရန်က မကာကွယ်ပေးနိုင်လောက်ပါဘူး။
  • ပတ်တီးကို တင်းတင်းရင်းရင်းစည်းပါ။ ဒါပေမယ့်မကျပ်ပါစေနဲ့။
  • ပတ်တီးစည်းတဲ့အချိန်က ပုံမှန်ဆိုပေမယ့်ခြေလက်တွေက ဒဏ်ရာအရှိန်ကြောင့်ရောင်ရမ်းလာတတ်လို့နောက်မှကျပ်လာနိုင်ပါတယ်။ ဒါ့ကြောင့် တင်းကျပ်နေသလို ခံစားရရင် သွေးလျှောက်မလျှောက် မကြာခဏစစ်ဆေးပြီးပြန်ဖြေလျှော့သင့်လျှော့ပေးရပါမယ်။
  • အရိုးအဆစ်ပြဿနာကြောင့် တံတောင်ဆစ်နဲ့ဒူး တို့လိုနေရာတွေမှာ ပတ်တီးစည်းရတဲ့အခါ အဆစ်နေရာကို နည်းနည်းဖြေလျှော့ထားပေးပါ။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးချိုအနာများ အကျက်မြန်စေရန်

ဆီးချိုရောဂါဟာ သွေးတွင်းသကြားဓာတ်ကို မထိန်းချုပ်နိုင်တဲ့ခါ ဖြစ်ပွားပြီး အာရုံကြောများ၊ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Q center ကို သွားရတော့မယ်ဆိုခဲ့ရင် ဘာတွေ ယူသွားမလဲ။

အမှတ်မထင် ပိုးရှိသူနဲ့ ထိတွေ့ခဲ့မိ ဆိုပါတော့။ သေချာတာက ထိတွေ့လူနာဖြစ်ခဲ့ရင် Q ဝင်ရမှာပဲလေ။ ဒီတော့ Q ဝင်တဲ့အခါ ဘာတွေ ယူသွားဖို့ လိုမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဖြစ်များတဲ့ အရိုးအဆစ်ပြဿနာ များ

အရိုးအဆစ်ပြဿနာဟာ လူတိုင်းမှာ ဖြစ်နိုင်ပါတယ်။ ထိခိုက်ဒဏ်ရာကြောင့်ကအဖြစ်အများဆုံးပါ။ သေသေချာချာ ကုသမှုခံယူမယ်ဆိုရင် ပုံမှန်အတိုင်း ပြန်လည်လှုပ်ရှားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အရိုးအဆစ် နဲ့ ကြွက်သားများ နာကျင်ရတဲ့ အကြောင်းရင်းများ

အရိုးအဆစ်နဲ့ ကြွက်သားနာကျင်ခြင်းက အဖြစ်များတဲ့ ပြဿနာ တစ်ခုပါ။ နာကျင်တာကို သက်သာအောင် လုပ်ရသလို နောက်ခံရောဂါကိုလည်း ရှာဖွေကုသသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

လမ်းလျှောက်ရလို့ ဖိနပ်ပေါက် တဲ့အခါ

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
ဂျိမ်းစဘွန်း ရုပ်ရှင်ထဲကလို သေနတ်ထိ ပေမယ့် အသက်ရှင်တာမျိုး ဖြစ်နိုင်လား......

သေနတ်ထိ ပေမယ့် အသက်ရှင်အောင် လူတွေကို ဘယ်လိုကူညီနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 9, 2021 . 2 mins read
နီးနီးနားနား Camping သွား ဒီအချက်တွေသတိထား

နီးနီးနားနား Camping သွား ဒီအချက်တွေသတိထား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 2, 2021 . 3 mins read
သင့်ရဲ့ စိတ်လေး ကျန်းမာပါစ။

သင့်ရဲ့ စိတ်လေး ကျန်းမာပါစ (သို့မဟုတ်) သင်သိထားဖို့လိုတဲ့ စိတ်ကျန်းမာရေး အချက်ပြလက္ခဏာတွေအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read