အိမ်ထဲမှာအေးနေအောင်ထားပါ – တကယ်လို့ အိမ်မှာ လေအေးပေးစက်ရှိတယ်ဆိုရင် နွေရာသီရက်တွေမှာလေအေးပေးစက်ကို အချိန်ပြည့်ဖွင့်ထားပေးပါ။လေအေးပေးစက်မရှိဘူးဆိုရင် နေ့ခင်းဘက် အိမ်ထဲကို နေရောင်တိုက်ရိုက်မဝင်နိုင်အောင် ပြတင်းပေါက်မှန်တွေကို ကာထားပေးပြီး အိမ်ထဲမှာ အေးနေအောင်ထားပေးပါ။ ညဘက်မှ ပြတင်းတံခါးကို ဖွင့်ပြီး လေကောင်းလေသန့်ရအောင်လုပ်ပါ။ မျက်နှာကျက်မှာ ပန်ကာတပ်ထားတယ်ဆိုရင် ပန်ကာဖွင့်ပေးလိုက်ပါ။
သက်သောင့်သက်သာရှိမယ့် အဝတ်အစားတွေ ဝတ်ပေးပါ –နွေရာသီမှာ အနက်ရောင်အထည်တွေ နဲ့ ထူထဲတဲ့အဝတ်အစားတွေကို မဝတ်ပေးပါနဲ့။ ချောင်ချောင်ချိချိပေါ့ပေါ့ပါးပါးဖြစ်မယ့် ချည်ထည်လေးတွေ လီနင်ထည်လေးတွေ ဝတ်ပေးပါ။ ချွေးစုပ်တဲ့အထည်မျိုးလေးတွေကို နွေရာသီဝတ်ဖို့ ပြင်ဆင်ပေးလိုက်ပါ။
ရေဓာတ်ပြည့်နေအောင် ထားပေးပါ –ရေ၊ သစ်သီးဖျော်ရည်လိုမျိုး အရည်တွေကို တိုက်ပေးပါ။ ကဖင်းဓာတ်နဲ့ အယ်လ်ကိုဟောပါတာတွေကို တတ်နိုင်သမျှမတိုက်ပါနဲ့။ ကဖင်းဓာတ်နဲ့ အယ်လ်ကိုဟောပါတဲ့ သောက်စရာတွေက ခန္ဓာကိုယ်ရေဓာတ်ကို ဆုံးရှုံးစေနိုင်ပါတယ်။ လိုအပ်ရင်း ဓာတ်ဆားတိုက်ပေးလို့ရပါတယ်။
နေ့ခင်းနေပြင်းချိန်တွေ အိမ်ထဲမှာပဲနေခိုင်းပါ –နေ့တစ်နေ့တာမှာ မနက်ခင်း ၁၀ နာရီကနေ ညနေခင်း ၃ နာရီလောက်အထိက အပူချိန်အမြင့်ဆုံးပါ။ ဒီလိုအချိန်တွေမှာ အိမ်ထဲမှာနေတာက အကောင်းဆုံးပါ။ အပြင်ထွက်မယ်ဆိုရင်လည်း ချည်သားအင်္ကျီလက်ရှည်ဝတ်တာ၊ ထီးဆောင်းတာမျိုးလုပ်သွားဖို့လိုပါမယ်။ အရိပ်ရတဲ့နေရာတွေကနေ ဖြတ်သန်းသွားတာက အဆင်အပြေဆုံးဖြစ်မှာပါ။ နေလောင်ကာခရင်မ်လူးသွားဖို့လည်း မမေ့ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။