သွေးလည်ပတ်မှု မကောင်းတာကြောင့် ခြေထောက်ကနေ နှလုံးဆီကို သွေးတွေ ပေးပို့ဖို့ခက်ခဲသွားပြီး ခြေထောက်မှာ သွေးတွေ ပြန်အိုင်ပြီး ခြေထောက်လေးလံနေတာမျိုးတွေ ဖြစ်တတ်ပါတယ်။ ဒါကိုသက်သာချင်ရင်တော့ လှုပ်ရှားမှုလေးတွေ လုပ်ပေးပါ၊ ကြပ်ထုပ်တဲ့ အဝတ်အစားတွေ ကို ရှောင်ပါ။ ဒါတွေ လုပ်နေတာတောင် ခြေထောက်က မသက်သာဘူးဆိုရင် ဆရာဝန် ဆီသွားပြဖို့ လိုနေပါပြီ။ ။
၇ – ကိုယ်ဝန် ။ ။
ကိုယ်ဝန်ကြောင့် ပြောင်းလဲလာတဲ့ ကိုယ်ခန္ဓာအချိုးအစား၊ ဟော်မုန်းနဲ့ ခြေလက်ဖောရောင်လာခြင်းတွေကြောင့် ကိုယ်ဝန်သည်တွေရဲ့ ခြေလှမ်းတိုင်းက လေးလံနေတတ်ပါတယ်။ ဒါကိုသက်သာစေဖို့အတွက် ကိုယ်ဝန်သည်တွေ ဘယ်ဘက်ကို စောင်းအိပ်ပေးပါ။ ဒါမှ နှလုံးဆီကို သွေးပို့ပေးနေတဲ့ ခြေထောက်က သွေးကြောတွေ အပေါ် ဖိအားလွတ်သွားမှာ ဖြစ်ပါတယ်။ ဒါတောင် မသက်သာဘဲ ပိုဖောလာနေတယ်ဆိုရင်တော့ ကိုယ်ဝန်ဆိပ်တက်တာဖြစ်နိုင်လို့ ဆရာဝန် ဆီ သွားပြစေချင်ပါတယ်။
၈ – Multiple sclerosis
ကြွက်သားတွေ အားနည်းတာ၊ ခြေထောက်တွေ လေးလံတာတွေက Multiple sclerosis လို့ခေါ်တဲ့ ရောဂါတစ်မျိုးကြောင့်လည်း ဖြစ်နိုင်ပါတယ်။ ပူတဲ့ရာသီဥတု စိုထိုင်းဆ များတဲ့ ရာသီဥတုမှာဆို ဒီ လက္ခဏာတွေ ပိုဆိုးတတ်ပါတယ်။ Multiple sclerosis ဆိုတာ ဦးနှောက်နဲ့ ကြွက်သားအကြားမှာရှိတဲ့ အာရုံကြောတွေ ထိခိုက်တဲ့ ရောဂါဖြစ်ပါတယ်။ ဒါကြောင့် Multiple sclerosis လို့ သင်သံသယ ရှိနေရင် ဆရာဝန်ဆီမှာ သွားစစ်ဆေးကြည်တာ အကောင်းဆုံးပါ။
ဒါတွေကတော့ ခြေလှမ်းတိုင်း လေးလံ နှေးကွေးခြင်းကို ဖြစ်စေတဲ့ အဖြစ်အများဆုံး အကြောင်းအရာတွေပါ။ တစ်ချိန်လုံးထိုင်နေရင် မကောင်းသလို လှုပ်ရှားမှု လုပ်လွန်းရင်လည်း ခြေထောက်ကို ဒဏ်ဖြစ်စေတာကြောင့် သင့်တင့်တဲ့ ကိုယ်လက်လှုပ်ရှားမှုတွေ လုပ်ဖို့ လိုအပ်ပါတယ် ။ ။
ရေးသားသူ- Dr Thin Yadanar @ Frances
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။