သွေးလှူခြင်း ရဲ့ ကောင်းကျိုးများ။

ဆေးရုံတွေ၊ သွေးလှူဘဏ်တွေမှာ လိုအပ်နေတဲ့ သူတွေကို ကယ်တင်ဖို့အတွက် သွေးတွေ အများကြီးကို နေ့စဉ် နေ့တိုင်း လိုအပ်နေပါတယ်။ ဒါ့ကြောင့်လည်း သွေးလှူခြင်း ဟာ လူ့အသက်တွေကို ကယ်တင်ပေးနိုင်တဲ့ အရမ်းမွန်မြတ်တဲ့ လုပ်ငန်းလေးတစ်ခုလို့ ပြောကြပါတယ်။ ဒီဆောင်းပါးလေးမှာ ကိုယ်လှူလိုက်တဲ့သွေးက ဘယ်လို လူတွေကို အကျိုးပြုနိုင်တယ်၊ ကိုယ့်အတွက် ဘယ်လို အကျိုးရှိတယ် ဆိုတာလေးကို မျှဝေပေးသွားပါမယ်။

သွေးလှူခြင်း ရဲ့ ကောင်းကျိုးများ။

သင့်သွေးနဲ့ ဘယ်လို လူတွေကို ကယ်တင်နိုင်လဲ။

၁။ သွေးရောဂါရှိသောသူများ။ ဥပမာ – sickle cell disease လို့ခေါ်တဲ့ သွေးဆဲလ်လေးတွေ ပုံမမှန်ဖြစ်နေတဲ့ ရောဂါ၊ thalassemia သွေးရောဂါနဲ့ အခြားသွေးဆဲလ်တွေနဲ့ ပတ်သတ်တဲ့ ရောဂါရှိတဲ့သူတွေဟာ ကျန်းမာရေးကောင်းကောင်းနဲ့ အသက်ဆက်ရှင်နေဖို့ အတွက်ပုံမှန် သွေးသွင်းနေကြရပါတယ်။

၂။ သွေးအားနည်းရောဂါရှိသူများ၊ ကင်ဆာကုထုံး ခံယူနေရသူများ၊ အစာအိမ်လမ်းကြောင်း သွေးထွက်ရောဂါ ခံစားနေရသူများ၊ ကျောက်ကပ် (သို့) ပြင်းထန် အသည်းရောဂါရှိသူများ အတွက်လည်း သွေးဟာ မရှိမဖြစ်ပဲ ဖြစ်ပါတယ်။

၃။ ကြီးမားတဲ့ ခွဲစိတ်မှုလုပ်ရပြီး သွေးအများကြီးဆုံးရှုံးလိုက်ရသော သူများ။

ကြီးမားတဲ့ ခွဲစိတ်မှုတစ်ခုလုပ်တဲ့အခါ ဆုံးရှံးနိုင်တဲ့ သွေးပမာဏလည်း များနိုင်ပြီး သွေးမသွင်းနိုင်ခဲ့ရင် အသက်အန္တရာယ်ဆုံးရှုံးမှုအထိ ဖြစ်နိုင်တဲ့အတွက် အဲဒီလို လူတွေကိုလည်း သင့်သွေးက ကယ်တင်နိုင်ပါတယ်။

၄။ accident နဲ့ အခြား ထိခိုက်ဒဏ်ရာတွေကြောင့် သွေးအများကြီးဆုံးရှုံးသွားသူများ။

ထိခိုက်ဒဏ်ရာရပြီး ရုတ်တရက် သွေးတွေ အများကြီးဆုံးရှုံးလိုက်ရတဲ့အခါ အသက် အန္တရာယ်ရှိနိုင်ပါတယ်။ ဒါ့ကြောင့် သင်လှူလိုက်တဲ့ သွေးဟာ ဒီလို လိုအပ်နေတဲ့ သူတွေကို ကယ်တင်ပေးနိုင်ပါတယ်။

သွေးလှူခြင်းဟာ သွေးလိုအပ်နေတဲ့ အခြားသူတစ်ယောက်ကို ကူညီပေးနိုင်ရုံတင်မကပါဘူး။ လှူဒါန်းတဲ့ သူအတွက်လည်း ကိုယ်ခန္ဓာကျန်းမာရေး အကျိုးကျေးဇူးတွေလည်း အများကြီးရစေနိုင်တဲ့အပြင် စိတ်ပိုင်းဆိုင်ရာ ကျန်းမာရေးကို ပါ အထောက်အကူဖြစ်စေပါတယ်။

၁။ ခန္ဓာကိုယ် ကျန်းမာရေးအတွက် အကျိုးကျေးဇူးများ။

၂။ စိတ်ပိုင်းဆိုင်ရာ အကျိုးကျေးဇူးများ။

သွေးလှူခြင်း ဟာ အခြားသူရဲ့ အသက်ကို ကယ်တင်နိုင်တဲ့ အတွက် ပျော်ရွှင်မှုနဲ့ ဘာနဲ့မှ မလဲနိုင်တဲ့ ပီတိကို ရရှိစေနိုင်တဲ့အပြင် စိတ်ဖိစီးမှုတွေကို လျော့ကျစေခြင်း၊ စိတ်ခံစားမှု ပိုပြီး ကောင်းမွန်လာခြင်း၊ အဆိုးမြင်တတ်တဲ့ ခံစားချက်တွေကို တိုက်ထုတ်နိုင်လာခြင်း စတဲ့ ကောင်းကျိုးတွေလည်း ရရှိစေနိုင်ပါတယ်။

သွေးလှူခြင်းဟာ အခြားလိုအပ်နေသူတွေရဲ့ အသက်ကို ကယ်တင်နိုင်တဲ့အပြင် လှူဒါန်းသူကိုယ်တိုင်အတွက်လည်း ကောင်းကျိုးတွေ အများကြီးရစေတဲ့အတွက် သွေးလှူကြဖို့ အကြံပေးချင်ပါတယ်။

ရေးသားသူ- Phoo Ngon