backup og meta

အဆီများနေတာက ဆိုးကျိုးကြီးပဲတော့မဟုတ်ဘူးနော်

မှ အချက်အလက် စစ်ဆေးထားပါသည်။ Dr. Thurein Hlaing Win


Aye Thi Mon မှ ရေးသားသည်။ · 06/10/2022 တွင် အသစ်ဖြည့်စွက်ခဲ့သည်။

အဆီများနေတာက ဆိုးကျိုးကြီးပဲတော့မဟုတ်ဘူးနော်

အဆီက ကျန်းမာရေးအတွက် ဆိုးကျိုးပေးသလို လှပမှုမှာလည်း ထိခိုက်စေတာကြောင့် စိတ်ပျက်တယ်ဟုတ်။တောက်လျှောက်သိလာခဲ့တဲ့ ကျန်းမာရေးအသိက အဆီများရင်ရောဂါပိုများမယ်။ ကျန်းမာရေးအတွက်ရော အလှအပအတွက်ရော အဆီကကောင်းကျိုးမပေးဘူးဆိုတာပါ။ ဒီတစ်ခေါက်တော့ ကျန်းမာရေးအတွက် အကျိုးမပြုဘူးလို့ အမြဲယူဆလာခဲ့တဲ့ အဆီရဲ့ကောင်းကျိုးလေးကိုနည်းနည်းလောက်ပြောပြပေးချင်ပါတယ်။

အဝလွန်တာနဲ့ ပတ်သက်လို့

အဝလွန်တာ၊ ပုံမှန်ရှိသင့်တဲ့ကိုယ်အလေးချိန်ထက်ပိုများနေတာတွေကပြင်းထန်တဲ့ကျန်းမာရေးအခြေအနေတစ်ရပ်ဖြစ်ပြီး ဆိုးရွားတဲ့နောက်ဆက်တွဲ ကျန်းမာရေးပြဿနာတွေကိုဖြစ်စေနိုင်ပါတယ်။ အဝလွန်တာကြောင့်သွေးကြောတွေကျဉ်းတာ၊မာတာ၊ နှလုံးရောဂါ၊ဆီးချို၊ကင်ဆာနဲ့ အိပ်စက်မှုဆိုင်ရာ မူမမှန်တာမျိုးတွေဖြစ်စေနိုင်ပါတယ်။

ဒါတွေတင်မကပါဘူး။ အဝလွန်တာကြောင့်သေဆုံးနိုင်ခြေပိုများနေနိုင်သလို စိတ်ဓါတ်ကျတာ။ စိုးရိမ်စိတ်များတာလိုမျိုး စိတ်ပိုင်းဆိုင်ရာပြဿနာတွေကိုလည်း ခံစားရနိုင်ပါသေးတယ်နော်။

အဆီများတာက ဒီလိုအားသာချက်ရှိပါတယ်နော်

အဆီများလို့ရောဂါများနိုင်တယ်ဆိုပေမယ့်လေ့လာမှုတစ်ရပ်အရတော့ အဆီများတာကလေဖြတ်ေဝဒနာခံစားရတဲ့ အခါအသက်ရှင်သန်နိုင်ခြေပိုများစေနိုင်တယ်၊လို့တွေ့ရှိခဲ့ရပါတယ်။ဆေးဖက်ဆိုင်ရာကျွမ်းကျင်သူတွေက ဒီလေ့လာတွေ့ရှိမှုကိုobesity paradox လို့ခေါ်ဝေါ်သတ်မှတ်ခဲ့ကြပါတယ်။obesity paradox ဆိုတာဆေးဖက်ဆိုင်ရာသီအိုရီတစ်ခုဖြစ်ပြီး အဝလွန်တာက အသက်အရွယ်ကြီးရင့်သူတွေ နဲ့ အခြားသောနာတာရှည်ရောဂါခံစားနေရသူတွေမှာ အသက်အန္တရာယ်ထိခိုက်နိုင်ခြေကနေ ကာကွယ်ပေးနိုင်တဲ့ အခြေအနေတစ်ရပ်ကိုဆိုလိုတာပါ။

ဒီလေ့လာမှုမလုပ်ခင်မှာ ပထမဆုံးသတိထားမိတဲ့ အချက်တစ်ခုရှိပါတယ်။ ဒါကတော့ ပုံမှန်ရှိသင့်တဲ့ ကိုယ်အလေးချိန်ထက်ပိုများနေမှုက ကျောက်ကပ်ရောဂါခံစားနေရသူတွေနဲ့ နှလုံးရောဂါခံစားနေရသူတွေမှာ အသက်ရှင်သန်နိုင်ခြေကို ပိုတိုးစေတယ်ဆိုတဲ့အချက်ပါ။ ဒီအချက်ကြောင့်လေဖြတ်ခဲ့ရင်ရော ပုံမှန်ထက်ကိုယ်အလေးချိန်ပိုများနေသူတွေက အသက်ရှင်သန်နိုင်ခြေပိုများနေလားဆိုတာကိုလေ့လာဖို့ စိတ်အားထက်သန်စေခဲ့ပါတယ်၊လို့ ဒီလေ့လာမှုကိုလုပ်ခဲ့တဲ့လော့စ်အိန်ဂျလိစ်မှာရှိတဲ့ ကယ်လ်လိဖိုးနီးယားတက္ကသိုလ်ကဆေးဖက်ဆိုင်ရာဘွဲ့ရတစ်ဦးဖြစ်တဲ့Zuolu Liu ကပြောကြားခဲ့ပါတယ်။

လေ့လာမှုအတွင်း ဦးနှောက်ဆီသွေးပို့လွှတ်တဲ့သွေးကြောလေးတွေပိတ်ဆို့သွားတာကြောင့်ဖြစ်တဲ့လေဖြတ်ဝေဒနာကိုခံစားနေရသူ ၁၀၃၃ ဦးကိုလေ့လာခဲ့ပါတယ်။လေ့လာမှုမှာပါဝင်သူတွေက အသက် ၇၁ နှစ်အရွယ်တွေဖြစ်ကြပြီး ပုံမှန်ကိုယ်အလေးချိန်ထက်နည်းတဲ့သူတွေ၊ သာမန်ရှိသင့်တဲ့ကိုယ်အလေးချိန်ရှိသူတွေ၊ ပုံမှန်ရှိသင့်တဲ့ ကိုယ်အလေးချိန်ထက်ပိုများနေတဲ့သူတွေ၊ အဝလွန်နေတဲ့သူတွေ နဲ့ အရမ်းကိုအဝလွန်နေသူတွေပါ။
အဖွဲ့ ၅ ဖွဲ့ခွဲလေ့လာခဲ့ပြီးလေဖြတ်တာကနေပြန်ကောင်းလာတဲ့အခြေအနေတွေနဲ့ အသက်ရှင်သန်နိုင်မှုတို့ကို ၃ လကြာစောင့်ကြည့်လေ့လာခဲ့တာပါ။လေ့လာမှုရလဒ်တွေအနေနဲ့တော့ အရမ်းကို အဝလွန်နေသူတွေကလေဖြတ်တာကြောင့်သေဆုံးနိုင်ခြေက ပုံမှန်ကိုယ်အလေးချိန်ရှိသူတွေထက် ၆၂ ရာခိုင်နှုန်းလောက်ကို ပိုနည်းနေတာပါ။ ဒါတင်မကသေးပါဘူး။ အဝလွန်နေသူတွေဟာ သာမန်ကိုယ်အလေးချိန်ရှိသူတွေထက်လေဖြတ်တာကြောင့်သေဆုံးနိုင်ခြေက ၄၆ ရာခိုင်နှုန်းလောက်နည်းနေပါတယ်။ ရှိသင့်တဲ့ကိုယ်အလေးချိန်ထက်ပိုများသူတွေကတော့လေဖြတ်တာကြောင့်သေဆုံးနိုင်ခြေက ပုံမှန်ကိုယ်အလေးချိန်ရှိသူတွေထက် ၁၅ ရာခိုင်နှုန်း ပိုနည်းနေပါတယ်။ ပုံမှန်ရှိသင့်တဲ့ ကိုယ်အလေးချိန်ထက်နည်းနေသူတွေကတော့ ပုံမှန်ထက်လေဖြတ်တာကြောင့်သေဆုံးနိုင်ခြေက ၆၇ ရာခိုင်နှုန်းအထိပိုများနေပါတယ်။ ဒီလေ့လာမှုရလဒ်တွေကလေဖြတ်သူတွေဟာသွေးတိုးရောဂါရှိလား၊သွေးတွင်းကိုလက်စထရောများနေတလားဆိုတာနဲ့ဆေးလိပ်ေသာက်တတ်လားဆိုတဲ့ အချက်တွေကို ပါထည့်သွင်းလေ့လာခဲ့တာဖြစ်ပါတယ်။
ဒီလေ့လာမှုအတွင်းထွက်ပေါ်ခဲ့တဲ့ဖြစ်နိုင်ခြေရှိတဲ့ဖြေရှင်းချက်တစ်ခုက ပုံမှန်ထက်ကိုယ်အလေးချိန်ပိုများနေသူတွေနဲ့ အဝလွန်နေသူတွေက ကိုယ်တွင်းမှာ အာဟာရသိုလှောင်ထားမှုပိုများတာကြောင့် ကာလရှည်ကြာနာမကျန်းမှုတွေကို ခံနိုင်ရည်ရှိတယ်ဆိုတဲ့အချက်ပါ။ ကိုယ်အလေးချိန်များတာနဲ့ လေဖြတ်တာကြောင့်ရှင်သန်နိုင်မှုတို့ကြားက ဆက်စပ်မှုကို ထပ်မံလေ့လာဖို့တော့ လိုအပ်ဦးမှာပါ။
အဝလွန်တာက အမြဲကြီးတော့လည်း ဆိုးကျိုးရှိနေတာမဟုတ်ပါဘူး။ အခုလိုမျိုးကောင်းကျိုးလေးတွေလည်းရှိပါသေးတယ်နော်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Thurein Hlaing Win


Aye Thi Mon မှ ရေးသားသည်။ · 06/10/2022 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement