Duodenitis ဟာ အူသိမ်ရဲ့ အစက duodenum ရောင်ခြင်း ဖြစ်ပါတယ်။ duodenum နံရံ ရောင်ခြင်းဟာ ဗိုက်နာခြင်း၊ သွေးထွက်ခြင်းနဲ့ အခြား အူလမ်းကြောင်း လက္ခဏာတွေကို ဖြစ်စေနိုင်ပါတယ်။ အဖြစ်အများဆုံး အကြောင်းရင်းတော့ H pylori ဘက်တီးရီးယားနဲ့ ဆက်စပ်နေတဲ့ အစာအိမ် ရောဂါပိုးဝင်ခြင်းပဲ ဖြစ်ပါတယ်။
ဒီရောဂါပိုးဟာ ပုံမှန်အတိုင်း duonenum နံရံကို အစာအိမ် အက်ဆစ်တွေကနေ ကာကွယ်ပေးတဲ့ အကျိအချွဲအလွှာကို ထိခိုက်စေနိုင်ပါတယ်။ ဒီအလွှာမရှိတော့ခြင်းဟာ နာတာရှည် ရောင်ရမ်းခြင်းနဲ့ duodenum အနာဖြစ်ခြင်းကို ဖြစ်စေနိုင်ပါတယ်။
ဖွံ့ဖြိုးဆဲနိုင်ငံတွေက လူတွေရဲ့ ၈၀% ဟာ Helicobacter Pylori ရောဂါပိုးကူးစက်ခြင်း ရှိနေကြပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။
Duodenitis ဟာ အစာအိမ်နံရံရောင်ခြင်းကို ဖြစ်စေနိုင်ပြီးတော့ လက္ခဏာ အတော်များများကို ဖြစ်စေနိုင်ပါတယ်။ ဒီလက္ခဏာတွေဟာ လူတွေကြားမှာ ပြင်းထန်မှု ကွာခြားမှုရှိပါတယ်။
Duodenitis လက္ခဏာတွေကို နေ့စဉ် (သို့) တခါတရံ ခံစားရနိုင်ပါတယ်။ တခါတလေမှာတော့ ဒီလက္ခဏာတွေဟာ ဆိုးရွားနိုင်ပါတယ်။
· ဝမ်းဗိုက်လေပွခြင်
· ဝမ်းဗိုက်နာကျင်ခြင်း
· လေထခြင်း
· စားချင်စိတ်မရှိခြင်း
· အန်ခြင်း၊ အန်ခြင်းမရှိပဲ ပျို့ခြင်း
ပြင်းထန်တဲ့ လက္ခဏာတွေဟာ အသက်အန္တရာယ်ကို ထိခိုက်စေနိုင်ပါတယ်။
အချို့အခြေအနေတွေမှာ Duodenitis အသက်အန္တရာယ် ဖြစ်စေနိုင်ပါတယ်။ အောက်ဖေါ်ပြပါ လက္ခဏာတွေရှိရင် အရေးပေါ်ဆေးကုသမှု ခံယူသင့်ပါတယ်။
ရောဂါကိုစောစီးစွာ သိရှိပြီး ကုသခြင်းဟာ ရောဂါပိုဆိုးလာခြင်းနဲ့ အခြားအရေးပေါ် အခြေအနေဖြစ်ခြင်းတွေကနေ ကာကွယ်ပေးနိုင်တာကြောင့် ဒီလိုအခြေအနေကို ကာကွယ်ဖို့ ဆရာဝန်နဲ့ စကားပြောသင့်ပါတယ်။
သင့်ဆီမှာ အထက်ဖော်ပြပါ ရောဂါလက္ခဏာတွေထဲက တစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာ မတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နဲ့ တိုင်ပင်တာက အကောင်းဆုံးပါပဲ။
Duodenitis ဖြစ်ခြင်းရဲ့ အဓိက အကြောင်းရင်းကတော့ H.pylori ဘက်တီးရီးယားကြောင့် ဖြစ်ပါတယ်။ ဘက်တီးရီးယားတွေဟာ အစာအိမ်နဲ့ အူသိမ်ထဲ ဝင်ရောက်လာပြီး ရောင်ရမ်းခြင်းကို ဖြစ်စေနိုင်ပါတယ်။
အခြားအကြောင်းရင်းတွေကတော့ အကိုက်အခဲပျောက်ဆေးတွေ ဖြစ်တဲ့ aspirin, ibuprofen, naproxen တွေကို ကြာရှည်စွာ အသုံးပြုခြင်းကြောင့် ဖြစ်ပါတယ်။
အဖြစ်နည်းတဲ့ အကြောင်းရင်းတွေကတော့
• Crohn’s disease (အစာအိမ် အူလမ်းကြောင်း ရောင်ခြင်း)
• An autoimmune condition
• Bile reflux (သည်းခြေရည်များ duodenum မှ အစာအိမ်အတွင်း ဝင်ခြင်း)
• အချို့ ဗိုင်းရပ်စ်ပိုးဝင်ခြင်း — ဥပမာ herpes simplex virus နဲ့ ကိုယ်ခံအားနည်းခြင်း
• အူသိမ်ကို ထိခိုက်ဒဏ်ရာ ရခြင်း
• အသက်ရှူစက်နဲ့ အသက်ရှူခြင်း
• အဓိက ခွဲစိတ်မှု၊ ပြင်းထန်တဲ့ ကိုယ်ခန္ဓါဒဏ်ရာရရှိမှုတွေနဲ့ ရှောခ့်ရခြင်း
• အဆိပ်ပါတဲ့ အရာတွေကို စားမိခြင်း
• ဆေးလိပ်လွန်ကဲစွာသောက်ခြင်း
• ကင်ဆာရောဂါအတွက် ဓါတ်ရောင်ခြည်ကုသခြင်း
• ကင်ဆာဆေးသွင်းကုသခြင်း
Duodenitis ဖြစ်ပွားနိုင်ချေကိုမြင့်စေတဲ့အကြောင်းရင်းတွေ အများကြီးရှိပါတယ်။ ဒါပေမယ့် ဖြစ်နိုင်ခြေရှိတဲ့ အချက်ရှိသူ အကုန်လုံးကတော့ duodenitis ဖြစ်မှာ မဟုတ်ပါဘူး။ ရောဂါဖြစ်ပွားမှု များစေတဲ့ အချက်တွေကတော့
သင့်ဆရာဝန်က Duodenitis ကို သိရှိနိုင်မယ့် စစ်ဆေးမှုများစွာကို အသုံးပြုနိုင်ပါတယ်။ H.pylori ကို သွေး၊ ဝမ်း၊ အသက်ရှူ စစ်ဆေးမှုတွေနဲ့ တွေ့ရှိနိုင်ပါတယ်။ Breath test အတွက်ကတော့ သင်ဟာ ကြည်လင်ပြီးအရသာမဲ့တဲ့ အရည်တစ်မျိုးကို သောက်ရမှာဖြစ်ပြီး အိပ်ထဲကို အသက်ရှူထုတ်ရမှာဖြစ်ပါတယ်။
ဒါဟာ တကယ်လို့ သင့်မှာ ရောဂါပိုးရှိတယ်ဆိုရင် သင့်ဆရာဝန်က carbondioxide gas အပိုကို တွေ့ရှိမှာဖြစ်ပါတယ်။
သင့်ဆရာဝန်က အသားစယူခြင်းနဲ့ အူလမ်းကြောင်း မှန်ပြောင်းကြည့်ခြင်းတွေကို ပြုလုပ်နိုင်ပါတယ်။ ဒီလိုလုပ်စဉ်မှာ ကင်မရာ အသေးလေးတပ်ထားတဲ့ မှန်ပြောင်းကို လည်ချောင်းမှတစ်ဆင့် အစာအိမ်၊ အူသိမ်အတွင်း ကြည့်မှာဖြစ်ပါတယ်။ ဒါဟာ ရောင်ရမ်းမှုတွေကို တွေ့နိုင်စေပါတယ်။
သင့်ဆရာဝန်က ရောင်ရမ်းမှုတွေကို သေချာမတွေ့ရှိရင် အသားစယူပြီး တစ်ရှူးစစ်ဆေးမှုတွေ ပြုလုပ်နိုင်ပါတယ်။
Duodenitis ကုသခြင်းဟာ သင့်ကျန်းမာရေးစောင့်ရှောက်သူထံမှ ကျန်းမာရေးကုသမှု ရယူခြင်းကနေ စတင်ပါတယ်။ Duodenitis ရှိမရှိ သိရှိဖို့ ကျန်းမာရေးစောင့်ရှောက်သူက ဓါတ်ခွဲခန်းပို့ စစ်ဆေးရန် သွေး၊ ဝမ်းနဲ့ ဆီး samples တွေကို တောင်းခံနိုင်ပါတယ်။ အူအပေါ်ပိုင်း မှန်ပြောင်းကြည့်ခြင်းဟာ duodenum ကို သေချာမြင်ရစေပြီး သေးငယ်တဲ့ အသားစယူခြင်းတွေကို ပြုလုပ်နိုင်စေပါတယ်။ အသားစယူပြီး မှန်ပြောင်းနဲ့ကြည့်ကာ H.pylori infection ရှိမရှိ သိရှိနိုင်ပါတယ်။
Amoxicillin
Clarithromycin (Biaxin)
Metronidazole (Flagyl)
Tetracycline တို့ပဲဖြစ်ပါတယ်။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများက သင့်အနေဖြင့် Duodenitis ကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာ အကူအညီပေးနိုင်ပါတယ်။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။