ဒါ့အပြင် သကြားရည်များဟာလည်း ကယ်လိုရီအများအပြားပါဝင်ပြီး အဝလွန်ခြင်းကို ဖြစ်စေပါတယ်။ ဒါကြောင့် တစ်နေ့တာ စားသောက်တဲ့အထဲမှာ သကြားပါဝင်မှုကို လျှော့ချပြီး အချိုဓာတ်ကဲတဲ့ အရည်တွေကို လုံးဝရှောင်ကြဉ်သင့်ပါတယ်။ ဆိုဒါ၊ အချိုရည်၊ အားကစားသမားတွေ သောက်သုံးတဲ့ စွမ်းအားဖြည့်အချိုရည် စတာတွေ ဖြစ်ပါတယ်။
၂။ ပရိုတိန်း ပိုစားပါ
ပရိုတိန်းဟာ ကိုယ်အလေးချိန်လျှော့ချရာမှာ အရေးအကြီးဆုံး အာဟာရဓာတ် ဖြစ်ပါတယ်။ သုတေသနတွေအရ အစားတစွတ်စွတ်စားချင်စိတ်ကို ၆၀% ကျစေပြီး တစ်နေ့တာဇီဝဖြစ်ပျက်မှုကို ၈၀-၁၀၀ ကယ်လိုရီထိ အားကောင်းလာစေပါတယ်။ တစ်ရက်မှာ ကယ်လိုရီ ၄၀၀ ကျော်လောက် စားသုံးမိခြင်းကနေ သက်သာစေတယ်လို့ ဆိုပါတယ်။ ဒါကြောင့် တစ်နေ့တာမှာ ပရိုတိန်းကို လုံလောက်စွာ စားသုံးသင့်ပါတယ်။
ပရိုတိန်းမြင့်မားတဲ့ စားစရာတွေဖြစ်တဲ့ ဥအမျိုးမျိုး၊ သားငါး၊ ပဲအမျိုးမျိုး၊ နို့ထွက်ပစ္စည်း စတာတွေကို နေ့စဉ် စားသုံးသင့်ပါတယ်။
၃။ ကာဘိုဟိုက်ဒရိတ်လျှော့စားပါ
ဝမ်းဗိုက်အဆီ ကျစေချင်ရင် ကာဘိုဟိုက်ဒရိတ်ကို မဖြစ်မနေ လျှော့စားရမှာ ဖြစ်ပါတယ်။
သုတေသနတချို့အရ ကစီဓာတ်ကို လျှော့စားပြီး ကိုယ်အလေးချိန်လျှော့သူများဟာ အဆီနည်းတဲ့ အစားအစာတွေစားပြီး ကိုယ်အလေးချိန်ချသူတွေထက် ၂-၃ဆ ပိုမိုထိရောက်တယ်လို့ ဆိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။