ပြေးခြင်းက ကယ်လိုရီတွေကို ဘယ်လိုလောင်ကျွမ်းစေနိုင်သလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 20, 2020 . 2 mins read
Share now

အချို့သော သူတွေက ပြေးလွှားခြင်းကို နှလုံးကျန်းမာရေး လေ့ကျင့်ခန်းအနေနဲ့ ရွေးချယ်လုပ်ဆောင်ကြပေမယ့် တချို့တွေက ပြေးလွှားခြင်းရဲ့ ကယ်လိုရီကိုလောင်ကျွမ်းစေနိုင်တဲ့ အစွမ်းအပေါ်မှာ စိတ်ဝင်စားကြပြီး ကိုယ်ခန္ဓာလှပအောင် လုပ်ဆောင်နေကြပါတယ်။

နှစ်ပေါင်းများစွာ အကြာ လေ့လာပြီးနောက် လေ့ကျင့်သူတွေက ပြေးလွှားခြင်းဟာ အဆီတွေ၊ ကယ်လိုရီတွေကို လောင်ကျွမ်းစေနိုင်တဲ့ အထိရောက်ဆုံးနည်းလမ်းဖြစ်တယ်လို့ သက်သေပြခဲ့ပါတယ်။

ပုံမှန် အလယ်အလတ် ကိုယ်အလေးချိန်ရှိတဲ့ ပြေးလွှားသူတွေ အတွက်

ပုံမှန်ကိုယ်အလေးချိန်ရှိသူတွေအတွက် တွက်ချက်နည်းလမ်းကတော့ ၁ မိုင်ပြေးတိုင်း ခန္ဓာကိုယ်မှ ၁၀၀ ကယ်လိုရီလောက် လောင်ကျွမ်းပါတယ်။ လောင်ကျွမ်းတဲ့ ကယ်လိုရီပမာဏဟာ ပြေးတဲ့ အချိန်နဲ့ မဆိုင်ပါဘူး။

ဥပမာ သင်ဟာ ၁မိုင်ခွဲကို မိနစ် ၂၀ နဲ့ပြေးတယ်ဆိုရင် လောင်ကျွမ်းတဲ့ ကယ်လိုရီ ပမာဏဟာ ၁၅၀ ဖြစ်မှာပါ။ ဒါပေမယ့် သင်ဟာ ပိုမြန်တဲ့ နှုန်းနဲ့ပြေးမယ်ဆိုရင်တော့ တူညီတဲ့ အချိန် (၂၀ မိနစ်) အတွင်းမှာ နှစ်ဆသော ကယ်လိုရီတွေ( ၃၀၀ ကယ်လိုရီ) လောင်ကျွမ်းနိုင်မှာပါ။

ဒါ့ကြောင့် သင့်မှာ အချိန်သိပ်မရှိဘူးဆိုရင်တောင် သင့်ပြေးနှုန်းကို မြှင့်တင်လိုက်ပြီး တူညီတဲ့ ရလဒ်ကို ရရှိနိုင်ပါတယ်။ အပြင်းအထန် အလွန်အကျွံ မလေ့ကျင့်မိအောင်တော့ သတိထားရပါမယ်။ ဘာကြောင့်လည်းဆိုတော့ အလွန်အကျွံလေ့ကျင့်ခြင်းဟာ သင့်ကျန်းမာရေးအတွက် ဆိုးကျိုးတွေ ဖြစ်လာနိုင်လို့ပါ။

ကိုယ်အလေးချိန်များသော ပြေးလွှားသူတွေ အတွက်

ကိုယ်အလေးချိန်များသူတွေ အတွက်ကတော့ ကိုယ်အလေးချိန် နည်းတဲ့ သူတွေထက် ပြေးတဲ့ အခါ ကယ်လိုရီ ပိုလောင်ကျွမ်းနိုင်ပါတယ်။ အခြားတစ်နည်းနဲ့ပြောရမယ်ဆိုရင်တော့ သင့်ခန္ဓာကိုယ်ကြီးလေလေ ကယ်လိုရီပိုလောင်ကျွမ်းနိုင်လေလေ ဖြစ်ပါတယ်။

ဒါ့ကြောင့် သင်က တစ်ခုခုကို သင့်နဲ့ အတူသယ်ဆောင်ပြီးပြေးမယ်ဆိုရင် သင့် စုစုပေါင်း အလေးချိန်က များသွားတဲ့ အတွက် ကယ်လိုရီလည်း များများ ပိုလောင်ကျွမ်းနိုင်ပါတယ်။

ဒီအချက်အလက်တွေက သူတို့ခန္ဓာကိုယ်ကိုတစ်ဖန် ပြန်ပြီး လန်းဆန်းလိုတဲ့ သူတွေ အတွက် အားပေးနိုင်တဲ့ အချက်အလက် တွေ ဖြစ်နိုင်ပါတယ်။

ပြေးပြီးနောက် ကယ်လိုရီလောင်ကျွမ်းခြင်း

သင်မြန်မြန်ပြေးတဲ့ အခါ သင့်ရဲ့ နှလုံးခုန်နှုန်းလည်း သိသိသာသာ တက်လာမှာပါ။ ဒါ့ကြောင့်အပြင်းအထန်ပြေးလွှားလေ့ကျင့်ပြီး ချိန်မှာ သင့်ခန္ဓာကိုယ်က ပြန်ပြီး ပုံမှန် အခြေအနေပြန်ရလာဖို့ အချိန်ခဏ လိုအပ်နိုင်ပါတယ်။

အဲဒီအချိန် မှာ သင်ပြေးတာရပ်သွားသည့်တိုင်အောင် သင့်နှလုံးက ဆက်ပြီးအခုန်မြန်နေသရွေ့ သင့်ခန္ဓာကိုယ်ကလည်း ကယ်လိုရီတွေကို ပိုပိုပြီးသုံးပစ်နေပါတယ်။ အဲလိုနည်းနဲ့ သင့်ခန္ဓာကိုယ်က ကယ်လိုရီတွေ လောင်ကျွမ်းအောင် ဆောင်ရွက်နေတာဖြစ်ပါတယ်။

ဒါ့ကြောင့် ဒီလို အချက်ကို အသုံးချပြီး အဆီတွေလောင်ကျွမ်းအောင် အချိန်အပိုင်းအခြားတစ်ခု နားနားပြီးပြေးတာမျိုး လုပ်နိုင်ပါတယ်။ ပြေးပြီးနောက်မှာ ကယ်လိုရီ ဆက်လောင်ကျွမ်းတာကို ဘယ်လို လှုံ့ဆော်ရမယ်ဆိုတာ အောက်မှာ ဥပမာပေးပြီး ဖော်ပြထားပါတယ်။

  • သွေးပူလေ့ကျင့်ခန်း ၅ မိနစ်လောက်လုပ်ဆောင်ခြင်း။
  • ၁ မိနစ်လောက် မြန်မြန်ပြေးပြီး နောက် ၁မိနစ်လောက် နှေးနှေးပြေးခြင်း။ အဲဒီလို ၅ ကြိမ်လောက်ထပ်လုပ်ဆောင်ခြင်း။
  • ၅ မိနစ်လောက် အကြောလျှော့ အနားယူခြင်း။

ဒီအပြင် ပြေးပြီးတဲ့အခါ အနည်းဆုံး မိနစ်၃၀ မှ ၁နာရီလောက်ထိ နေပြီးမှ အစာစားသင့်ပါတယ်။ အဲဒါမှ သင့်ခန္ဓာကိုယ်ကနေ အဆီပိုတွေကို လောင်ကျွမ်းပစ်နိုင်ဖို့ အချိန်ရမှာ ဖြစ်ပါတယ်။ အဲလို လုပ်ခြင်းက သင့်ကို ကိုယ်အလေးချိန် မြန်မြန်ကျနိုင်အောင် ကူညီပေးနိုင်ပါတယ်။

ကိုယ်အလေးချိန်ချတဲ့ အစီအစဉ်၊ နည်းလမ်း အများစုဟာ အပေါ်မှာပြထားတဲ့ ပြင်းပြင်းထန်ထန်လေ့ကျင့်တဲ့ အင်မတန်အသုံးဝင်တဲ့ နည်းလမ်း တွေကို အသုံးပြုထားပါတယ်။

လောင်ကျွမ်းတဲ့ ကယ်လိုရီ ပမာဏ အတိအကျဟာ လူတစ်ဦးတစ်ယောက်ချင်းဆီရဲ့ ကိုယ်ရည်စစ်မှုနဲ့ ခန္ဓာကိုယ် အချိုးအစား( ကြွက်သား ပမာဏ နဲ့ အဆီပမာဏကို အချိုးချထားခြင်း) အပေါ်မူတည်ပါတယ်။

အထူးသဖြင့် မပြေးလွှားတာ ကြာပြီ ဖြစ်တဲ့ သူတွေ ဆိုရင် စစချင်းပြေးတဲ့ အချိန်မှာ နှေးနှေးပြေးဖို့က အရေးကြီးပါတယ်။ သင့်ကိုယ်သင် မောပန်းအောင် ၊ အရမ်းပင်ပန်းအောင် လုပ်မယ့်အစား သင်အပြေးလေ့ကျင့်မယ့် အစီအစဉ်ကို တဖြည်းဖြည်း ဆွဲပြီး ဟန်ချက်ညီညီ နဲ့ အစီအစဉ် အတိုင်း အပြေးလေ့ကျင့် သင့်ပါတယ်။

တကယ်လို့ သင့်မှာ အရိုးအဆစ် ရောဂါ (သို့) ခြေထောက်ဒဏ်ရာရှိနေတယ်ဆိုရင် နာကျင်ခြင်း မဖြစ်လာရအောင် အပြေးမလေ့ကျင့်ခင်မှာကတည်းက သင့်ဆရာဝန်ဆီကကြိုတင်ပြီး အကြံဉာဏ်တောင်း သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အာလူးမှ အာလူး တမ်းတမ်းစွဲ ဖြစ်သွားစေမယ့် ကောင်းကျိုး ၇ ခု

တချို့တွေက အာလူးလေးတွေရဲ့ ကျန်းမာရေးအကျိုးကျေးဇူးကို မျက်စိလျှမ်းနေတတ်ပါတယ်။တကယ်တော့ အာလူးဟာ အကျိုးကျေးဇူးတွေ အမြောက်အများပေးနိုင်တဲ့ အစားအစာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဝိတ်တက်ဖို့ ကယ်လိုရီကို ဘယ်လိုတွက်ချက်ပြီး စားသောက်ကြမလဲ။

ဝိတ်တက်ဖို့ဆိုတာ ဇွဲကောင်းကောင်းနဲ့ ကြိုးစားအားထုတ်ရတာပါ။ ရေရှည်တိုက်ပွဲ ဖြစ်တဲ့အတွက် ကြာကြာစားနိုင်တဲ့ planမျိုးကို အာဟာရဆရာဝန်နဲ့ တိုင်ပင်ပြီး ရွေးချယ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စရိတ်နည်းနည်းနဲ့ ကျန်းမာချင်ရင် ကြက်ဥအနှစ်စားပါ

ဥအနှစ်တွေက ဘယ်လိုများ အာဟာရဓာတ်တွေကြွယ်ဝနေလို့လဲ၊ ကြက်ဥ ဘဲဥအနှစ်တွေက သင့်ကျန်းမာရေးကို ဘယ်လိုများအထောက်အကူဖြစ်စေမှာလဲဆိုတာကို ပြောပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကြက်ဥစားရင် ဝိတ်ကျတယ်ဆိုတာ မှန်ရဲ့လား

နေ့စဉ် ဝိတ်ချတဲ့လုပ်ငန်းစဉ်မှာ ကြက်ဥပြုတ်ကို အမယ်တစ်ခုအဖြစ် ထည့်သွင်းချင်သူတွေကို အထောက်အကူဖြစ်မဖြစ်ဆိုတာကို ဗဟုသုတဖြစ်စေဖို့ ရှင်းပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

မာလာရှမ်းကောက ဘာလို့ စွဲလမ်းစရာဖြစ်နေတာလဲ

မာလာရှမ်းကောက ဘာလို့ စွဲလမ်းစရာဖြစ်နေတာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 6, 2021 . 2 mins read
ကလေးထိန်းပြီး ဝိတ်ချမလား

ကလေးထိန်း ပြီး ဝိတ်ချမလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read
နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲ

နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read
Diet ဆိုပြီး မိနေတဲ့ ချင်း (ဂျင်း) များ

Diet ဆိုပြီး မိနေတဲ့ ချင်း (ဂျင်း) များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 24, 2020 . 3 mins read