သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဇီဝကမ္မဖြစ်စဉ်ကိုတိုးမြင့်ပြီးမလိုအပ်သောအဆီပိုကိုလောင်ကျွမ်းစေနိုင်သောနည်းများ

ဇီဝကမ္မဖြစ်စဉ်ကိုတိုးမြင့်ပြီးမလိုအပ်သောအဆီပိုကိုလောင်ကျွမ်းစေနိုင်သောနည်းများ

၁) နံနက်စာကိုကောင်းကောင်းစားပါ

-နံနက်စာမစားဖြစ်ပါက ခန္ဓါကိုယ်၏ဇီဝကမ္မဖြစ်စဉ်များသည် စွမ်းအင်ကိုချွေတာရန်နှေးကွေးသွားသည်။ နံနက်စာကိုသေသေချာချာစားနိုင်လေကျန်းမာရေးအတွက်ကောင်းလေဖြစ်သည်။ အမေရိကန်ဆေးပညာဂျာနယ်တစ်စောင်တွင် ဖော်ပြထားသောလေ့လာချက်အရ ပါဝင်သူများသည် နေ့စဉ်စားသုံးသောကယ်လိုရီ၏ ၂၂%မှ ၅၅% ထိနံနက်စာစားခြင်းမှ ရရှိပြီး ၄ နှစ်အကြာကိုယ်အလေးချိန် ၁.၇ ပေါင်ခန့်သာတက်သည်ကိုတွေ့ရသည်။ သို့သော် နံနက်စာစားခြင်းမှ ဝ% မှ ၁၁.၁၈% ကယ်လိုရီရရှိသောသူများသည် ၃ ပေါင်အထိကိုယ်အလေးချိန်တက်သည်ကိုတွေ့ရသည်။ အခြားလေ့လာမှုတစ်ခုတွင်လည်းနံနက်စာကိုပုံမှန်စားလေ့မရှိသူများသည် အဝလွန်ခြင်းဖြစ်စဉ် ၄.၅ ဆထိမြင့်တက်ကြောင်းဖော်ပြထားသည်။

-သို့ဆိုလျှင် ထိုမျှအရေးကြီးသော နံနက်စာတွင်မည်သည်တို့ကိုပါဝင်စားရမည်နည်း။ ပရိုတိန်း ၊ အသားဓါတ်နှင့် ကစီဓါတ်ပါဝင်၍ ကျန်းမာရေးအတွက်ကောင်းသောအဆီများကိုပါ ပါဝင်အောင်ပြင်ဆင်ရမည်။ ဥပမာ ကြက်ဥကြော်တစ်ပွဲ ၊ ငရုတ်ကောင်းအနည်းငယ်နှင့် ကြက်သွန်နီကိုရော၍ကြက်ဥအကာနှင့် စားသုံးခြင်း ၊ အုတ်ဂျုံနှင့် ဘယ်ရီသီးကိုရော၍အုတ်ကွေကာကိုအိုမီဂါ ၃ အက်ဆစ်ပါသောငါးကြီးဆီနှင့်ရောခြင်းစသဖြင့်ပြင်ဆင်သုံးဆောင်နိုင်ပါသည်။

(၂)အပြင်ထွက်၍ကိုယ်လက်လှုပ်ရှားမှုပြုပါ

-စောစောထပါ။ နေရောင်ခြည်နုနုအောက်တွင် ကိုယ်လက်လှုပ်ရှားမှုပြုပါ။ သင့်ကိုသွယ်လျကျန်းမာစေပါမည်ဟုသုတေသနတစ်ခုကဆိုပါသည်။ နေရောင်ခြည်အောက်တွင်ပျော်ရွှင်စိတ်ပါစွာကိုယ်လက်လှုပ်ရှားပါ။ သင်၏ခန္ဓါကိုယ်စနစ်များကိုပုံမှန်ဖြစ်အောင်ထိန်းပေးပြီး ဇီဝကမ္မဖြစ်စဉ်ကိုလည်းမှန်ကန်စေပါသည်။

(၃)ပရိုတိန်း (အသားဓါတ်)စားပါ

-ပုံမှန်စားနေကျ ဒိုးနတ်မုန့်များ ၊ ကော်ဖီနှင့် ပေါင်မုန့်မီးကင်အစားပရိုတိန်းဓါတ်များများပါသောအစားအစာများကိုပြောင်းစားပေးပါ။ အဝလွန်သောအမျိုးသမီးများကိုပရိုတိန်းဓါတ်ကျွေး၍ လေ့လာရာပရိုတိန်းများများစားသောသူများကနည်းနည်းစားသောသူများထက် သွေးတွင်းသကြားဓါတ်ထိန်းနိုင်စွမ်းပိုမိုကောင်းမွန်ကြောင်း ဥရောပအာဟာရဝေဒဆေးပညာဂျာနယ်တစ်စောင်တွင် ဖော်ပြထားသည်။ ကြက်ဥနှင့် ဒိန်ချဉ်တို့သည် ပရိုတိန်းဓါတ်ကြွယ်ဝသော အစားအစာများဖြစ်သည်။

(၄) ရေများများသောက်ပါ

-မနက်အိပ်ရာထသည်နှင့်ရေသောက်သည့်အကျင့်ပြုလုပ်ပါ။ Utah တက္ကသိုလ်မှသုတေသီများကလူအများကိုလေ့လာခဲ့ရာတစ်နေ့လျှင် ရေ ၁၂ ဖန်ခွက်သောက်သူများသည် ၄ ဖန်ခွက်သာသောက်သူများထက် ဇီဝကမ္မဖြစ်စဉ်နှုန်းမြန်သည်ကိုတွေ့ရသည်။ ဆေးပညာရှင်တစ်ဦးဖြစ်သူModelynFernstormကခန္ဓါကိုယ်အပူချိန်ကိုထိန်းသိမ်းရန်ကိုယ်တွင်းရေဓါတ်ကိုအပူပေးခြင်းဖြစ်စဉ်မှ ကယ်လိုရီများလောင်ကျွမ်းနိုင်သည်ဟုဆိုသည်။ ရေတစ်ခွက်ထပ်သောက်တိုင်းကယ်လိုရီနောက်ထပ်လောင်ကျွမ်းခြင်းရှိ ၊ မရှိမသေချာသော်လည်းရေသောက်ခြင်းအလေ့အထသည် ကိုယ်အလေးချိန် လျှော့ချရန် ကျင့်သုံးသင့်သောအမူအကျင့်ကောင်းတစ်ခုဖြစ်ပါသည်။

(၅)ဖုန်းပြောလျှင်မတ်တပ်ရပ်၍ပြောပါ

-ခုံမှာထိုင်ပြီးအချိန်ဖြုန်းခြင်းကိုရပ်၍လှုပ်ရှားမှုပြုပါ။ ထိုင်၍အလုပ်လုပ်ရသောလူငယ်များထက် မတ်တပ်ရပ်၍လုပ်ရသောလူငယ်များကကယ်လိုရီပိုမိုလောင်ကျွမ်းကြောင်း ခန္ဓါကိုယ်လှုပ်ရှားမှုနှင့်ကျန်းမာရေးဂျာနယ် (၂၀၁၂) တွင်ဖော်ပြထားသည်။ ထိုင်နေစဉ်တွင် ၁ မိနစ်လျှင် ၁.၀၂ ကယ်လိုရီသာသုံးစွဲရသော်လည်းမတ်တပ်ရပ်စဉ်တွင် ၁.၃၆ ကယ်လိုရီအသုံးပြုရပါသည်။ ထိုအချက်အလက်အရ ၁ နာရီကြာအောင်ဖုန်းပြောမည်ဆိုလျှင် ထိုင်လျက်ပြောပါက ၆ ၁ ကယ်လိုရီသာလောင်ကျွမ်းပြီးရပ်လျက်ပြောပါက ၈၂ ကယ်လိုရီကုန်ဆုံးပါသည်။ ထိုပမာဏသည် များစွာမကွာခြားလှသော်လည်းတစ်နေ့တာလုံးအတွက်ဆိုလျှင်တော့ ကယ်လိုရီများစွာလောင်ကျွမ်းစေနိုင်ပါသည်။

(၆)ရယ်မောပါ

-နေ့တစ်နေ့ကိုပေါ့ပေါ့ပါးပါးပျော်ရွှင်စွာဖြတ်သန်းပါ။ ပျော်ပျော်နေတတ်သောသူငယ်ချင်းများနှင့် လမ်းလျှောက်ထွက်ခြင်း ၊ လျှောက်လည်ခြင်း ၊ ဖုန်းပြောခြင်းတို့ပြုလုပ်ပါ။ ရယ်မောခြင်းသည် လေ့ကျင့်ခန်းတစ်ခုပြုလုပ်သကဲ့သို့ပင် ၁၀ မိနစ်ခန့်ရယ်မောပါကမျက်နှာသေဖြင့်နေခြင်းထက် ကယ်လိုရီလောင်ကျွမ်းမှုကို ၁၀% မှ ၂၀% ထိများပြားစေသည်ဟုဆိုပါသည်။ ထို့ပြင် ရယ်မောခြင်းကသင်၏နှလုံးကျန်းမာရေးကိုလည်းကောင်းစေပါသည်။

(၇) စောစောအိပ်ယာဝင်ပါ

-လိုအပ်သည်ထက်နည်း၍အိပ်စက်လျှင် စွမ်းအင်နှင့် ခံတွင်းကောင်းခြင်းနှင့်ဆိုင်သောဂရီလင်နှင့် လက်ပ်တင်ဟော်မုန်းများထွက်ရှိမှုကိုလျော့နည်းစေသည်။ Standford တက္ကသိုလ်မှ သုတေသီများကတစ်ညလျှင် အိပ်စက်ကြာချိန် ၇ နာရီခွထက်နည်းသူများသည် ကိုယ်အလေးချိန်မြင့်တက်စေနိုင်ကြောင်းဆိုပါသည်။ ထို့ကြောင့် အနည်းဆုံး ၈ နာရီခန့်အိပ်စက်ပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံ
Dr. Ye Pyae Hein မှ ရေးသားသည်။ 16/09/2020 တွင် ပြန်လည်ပြင်ဆင်ခဲ့သည်။
Dr. K Zin Thwe မှ ကျွမ်းကျင်စွာ စစ်ဆေးထားပါသည်။