နှလုံးကျန်းမာဖို့ လှုပ်လှုပ်ရှားရှား နေကြစို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

နည်းပညာတွေ ခေတ်မီဆန်းပြားလာတာနဲ့အမျှ ကျွန်တော်တို့လူသားတွေဟာ အလှုပ်အရှားနည်းလာပြီး ဆိုဖာနဲ့ကော်ကပ်သလို ကပ်ထားတဲ့ ဆိုဖာလူသားတွေ ဖြစ်လာနေပါပြီ။

ဟုတ်တော့လည်း ဟုတ်ပါတယ်။ ကြည့်လေ။ ဘာစားချင်သလဲ၊ လက်ချောင်းလေးတချောင်းကို ဟိုဒီပွတ်လိုက်တာနဲ့ အွန်လိုင်းကနေတဆင့် အစားအသောက်တွေ မှာလို့ရနေပြီ။ ရုပ်ရှင်သွားကြည့်မလို့လား၊ဘာလုပ်ဖို့ ရုံသွားကြည့်မှာလဲ၊ကားတွေပိတ်က ပိတ်နဲ့။ ကိုယ့်ဟာကိုယ် အိမ်မှာပဲ အင်တာနက်က ဒေါင်းလုဒ်ဆွဲကြည့်လေ။ သာယာချက်ပဲ။ အစရှိသဖြင့်ပေါ့လေ။ အကုန်လုံးက အလွယ်တကူ ရနေတာကိုး။

ဒါပေမယ့်လည်း ကျွန်တော်တို့ အားလုံးသိတဲ့အတိုင်း ကိုယ်လက်လှုပ်ရှားလေ့ကျင့်ခန်းလုပ်ခြင်းဟာ ခန္ဓါကိုယ်အတွက် အကောင်းဆုံးသော လက်ဆောင်ဖြစ်ပါတယ်။ ဘာလို့လဲဆိုတော့ အားကစားလုပ်ခြင်းဟာ သင့်ကျန်းမာရေးကို အင်မတန်အထောက်အကူပြုတဲ့အပြင် နှလုံးအတွက်လည်း အရမ်းအကျိုးရှိလို့ပါပဲ။

ဟုတ်ပြီ။ ဒီတော့ လှုပ်လှုပ်ရှားရှားလေ့ကျင့်ခန်းလုပ်ခြင်းကနေ ရလာနိုင်တဲ့ နှလုံးကျန်းမာရေးဆိုင်ရာကောင်းကျိုးတွေကို သိရှိနိုင်စေဖို့အတွက် အခုဆောင်းပါးလေးကို ဖတ်ကြည့်လိုက်ပါဦး။

ကျွန်တော်တို့ဟာ နေ့စဉ်အလုပ်တွေနဲ့ နပန်းလုံးနေရတာ ဖြစ်တဲ့အတွက် ကိုယ်လက်လေ့ကျင့်ခန်းလုပ်ဖို့ အချိန်ပေးရတာဟာ အင်မတန် တန်ဖိုးကြီးတဲ့ ဇိမ်ခံပစ္စည်းလိုတောင် ဖြစ်နေပါပြီ။gym ကို တနေ့တနာရီ၊နှစ်နာရီလောက် သွားဖို့ကို အသာထားလို့ ကိုယ်ချစ်တဲ့ခင်တဲ့ ချစ်သူ၊သူငယ်ချင်း ဒါမှမဟုတ် မိသားစုတွေအတွက် အချိန်ပေးနိုင်ဖို့တောင် မနည်းရုံးကန်နေရတဲ့ အခြေအနေပါ။

ဒါ့အပြင် gym မှာ မန်ဘာဝင်ပြီး ဆော့ဖို့ဆိုတာလည်း တော်ရုံဝင်ငွေကောင်းရုံနဲ့ လက်လှမ်းမမီအောင် ဈေးကကြီးပါသေးတယ်။ ဒါပေမယ့် ဆင်ခြေတွေကို အသာထားပြီး ယထာဘူတကျကျ စဉ်းစားမယ်ဆိုရင် ကျွန်တော်တို့အနေနဲ့ စိတ်ရောကိုယ်ပါ ကျန်းမာရွှင်လန်းဖို့အတွက် ကိုယ်လက်လှုပ်ရှားလေ့ကျင့်ခန်းတွေ ပြုလုပ်သင့်တယ်ဆိုတာ အင်မတန်ထင်ရှားပါတယ်။ လေ့ကျင့်ခန်းလုပ်ခြင်းအားဖြင့် သွေးလေလည်ပတ်မှုကို ကောင်းစေခြင်း၊ခန္ဓါကိုယ်အနှံ့အပြားကို အောက်ဆီဂျင်ဓါတ်ပိုမိုရောက်ရှိခြင်း၊ခန္ဓါကိုယ်အတွင်းမှာရှိတဲ့ အဆိပ်အတောက်တွေ ဖယ်ရှားပေးနိုင်ခြင်းဆိုတဲ့ အကျိုးကျေးဇူးတွေကို ရရှိစေနိုင်ပါတယ်။

ဒါ့အပြင် ဒီလိုအားကစားလေ့ကျင့်ခန်းလုပ်ခြင်းကို မှန်မှန်ပြုလုပ်ပေးမယ်ဆိုရင် နှလုံးကို ပိုမိုကျန်းမာသန်စွမ်းစေကာ နှလုံးနဲ့သွေးကြောဆိုင်ရာရောဂါတွေရန်ကနေလည်း ကာကွယ်ပေးပါသေးတယ်။ နည်းပညာတိုးတက်မှုဟာ ဆိုးကျိုးတွေကို ဖြစ်လာစေနိုင်သလို ကောင်းကျိုးတွေကိုလည်း ပေးနိုင်ပါတယ်။

အလုပ်တွေများလွန်းလို့ပဲဖြစ်ဖြစ်၊ဒါမှမဟုတ် gym ဖိုးပေးရမှာ နှမြောလို့ပဲ ဖြစ်ဖြစ် သင့်အနေနဲ့ gym ကို တကူးတက သွားစရာမလိုဘဲ အိမ်မှာပဲ လေ့ကျင့်ခန်းလုပ်နိုင်တဲ့ အခွင့်အရေးတွေ ရှိနေပါပြီ။ အင်တာနက်ချိတ်ဆက်ထားတဲ့ ကွန်ပြူတာတလုံးပဲ လိုအပ်ပါတယ်။ ကဲ ကြည့်ကြရအောင်။

Cardio

Cardio ဆိုတာ ပြေးခြင်း၊ရွရွပြေးခြင်း၊အေရိုးဗစ်ကစားခြင်း၊စက်ဘီးစီးခြင်း၊ကြိုးခုန်ခြင်း၊ကခြင်း စတဲ့ လှုပ်ရှားမှုများစွာ ပါဝင်ပါတယ်။ ဒါပေမယ့် သင့်မှာ ရောဂါတခုခုရှိနေမယ်ဆိုရင်တော့ Cardio မဆော့ခင် (ဘယ်လောက်အတိုင်းအတာ ဆော့မှာပဲ ဖြစ်ဖြစ်) ဆရာဝန်နဲ့ အရင်ဆုံး တိုင်ပင်သင့်ပါတယ်။Cardio ဟာ သင့်နှလုံးခုန်နှုန်းကို မြန်စေပြီး သွေးပေါင်ကို ကျစေပါတယ်။

လေ့ကျင့်ခန်းအပြင်းစားလုပ်ခြင်း

ဒီလေ့ကျင့်ခန်းပုံစံဟာ မီဒီယာတွေနဲ့ အင်တာနက်ပေါ်မှာ အုတ်အော်သောင်းနင်း ဖြစ်သွားခဲ့ရပြီး လူအများစုက ဒီလေ့ကျင့်ခန်းကို “ အကြမ်းကြီး” လို့ သမုတ်ခဲ့ကြပေမယ့် လေ့ကျင့်ခန်းကို သူတို့သဘောကျကြပါတယ်။

ဒီလေ့ကျင့်ခန်းကို မလုပ်ဖူးသူတွေအတွက် အနီးစပ်ဆုံး ပုံဖော်ပြရမယ်ဆိုရင် cardio နှစ်နာရီ ကစားတာကို အပြင်းစားလေ့ကျင့်ခန်းနာရီဝက်စာအဖြစ် ချုံ့လိုက်တဲ့ သဘောပါပဲ။ လေ့ကျင့်ခန်းအပြင်းစားဟာ လှုပ်ရှားလေ့ကျင့်မှု အမျိုးမျိုးပါဝင်ပြီး သင့်ကို တောက်လျှောက်တွန်းနေဖို့အတွက် ထရိန်နာ တယောက်တော့ လိုပါလိမ့်မယ်။ ယေဘုယျအားဖြင့် လေ့ကျင့်ခန်းပုံစံ တခုနဲ့တခု အကူးအပြောင်းမှာ ၁၅စက္ကန့်လောက် အနားပေးလေ့ရှိပါတယ်။

ဒီလေ့ကျင့်ခန်းအပြင်းစားရဲ့ အဓိကရည်ရွယ်ချက်ကတော့ နှလုံးသန်မာအားကောင်းလာအောင် လေ့ကျင့်တာပဲ ဖြစ်ပါတယ်။

ခွန်အားသုံးရတဲ့ လေ့ကျင့်ခန်းတွေ

ဝိတ်မတာ နဲ့ dumbells (လက်ဆွဲအလေး)တွေမတာကို ဆိုလိုပါတယ်။ ဒီလေ့ကျင့်ခန်းတွေကိုတော့ အချိန်ခဏပဲ လုပ်စရာလိုပါတယ်။ ခွန်အားသုံးရတဲ့ လေ့ကျင့်ခန်းတွေကို စတင်ပြုလုပ်မယ့်သူတွေအနေနဲ့ အရမ်းမများ၊အရမ်းမနည်းတဲ့ သင့်လျော်ရာ အလေးချိန်နဲ့ စ ရမယ်လို့ ပရော်ဖက်ရှင်နယ်ထရိန်နာတွေက အကြံပြုထားကြပါတယ်။

ပုံစံတမျိုးကို ၅ကြိမ်ကနေ ၇ကြိမ်အထိ လုပ်ရမှာဖြစ်ပြီး ဒါမျိုးကို သုံးခါကျော့ရပါမယ်။ နောက်ဆုံး၃ကြိမ်လောက်ကို မနည်းအားစိုက်ဖြစ်ညှစ်ပြီး မ ရတယ်ဆိုရင် ဒါဟာသင့်အတွက် အသင့်တော်ဆုံး အလေးတုံးတွေပဲ ဖြစ်ပါတယ်။

တကယ်လို့ လေ့ကျင့်ခန်းတခုလုံးကို အလွယ်တကူ အခက်အခဲမရှိလုပ်နိုင်တယ်ဆိုရင် အလေးထပ်တိုးဖို့ လိုမှာဖြစ်ပြီး ပထမတကျော့ကိုတောင် ပြီးအောင်မလုပ်နိုင်ဖူးဆိုရင်တော့ ဒါဏ်ရာအနာတရဖြစ်ခြင်းကနေ ရှောင်ရှားနိုင်ဖို့အတွက် အလေးကို လျှော့ရပါမယ်။

လှုပ်လှုပ်ရှားရှားနေပါ။

ကျောင်းမှာပဲဖြစ်ဖြစ်၊ရုံးမှာပဲဖြစ်ဖြစ် တတ်နိုင်သမျှ လှုပ်လှုပ်ရှားရှား တက်တက်ကြွကြွနေဖို့ အင်မတန် အရေးကြီးပါတယ်။

ဥပမာ ဓါတ်လှေကား မသုံးဘဲ ရိုးရိုးလှေကားကတက်တာမျိုး၊အလုပ်ချိန်တလျှောက်လုံး အလုပ်စားပွဲရှေ့မှာ ထိုင်မနေတာမျိုး၊နေ့လည်စာအတွက် ကြက်ကြော်၊ပီဇာ စတာတွေကို မစားဘဲ ကျန်းမာရေးနဲ့ညီညွတ်ပြီး အာဟာရရှိတာတွေကို စားတာမျိုး စသဖြင့် လုပ်ပေးရပါမယ်။

အိမ်နဲ့ အလုပ်နဲ့ သိပ်မဝေးရင် လမ်းလျှောက်ပြီး သွားတာ၊ရိုးရိုးလှေကားကိုပဲ သုံးတာ၊(ဖြစ်နိုင်ရင်) နေ့လည်စာအတွက် အိမ်ကထမင်းဗူးယူလာတာမျိုး ဒါမှမဟုတ် ရုံးမှာ တနာရီတခါလောက် မတ်တပ်ရပ်တာ၊ဟိုဟိုသည်သည် လျှောက်သွားတာမျိုးတွေကို လုပ်ကြည့်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

မျှော်လင့်ချက်ထား ခြင်းက ကျန်းမာပျော်ရွှင်စေပါတယ် စိတ်ဓာတ်မကျပါနဲ့

မျှော်လင့်ချက်ထား တာဟာ လူတိုင်း လုပ်လို့ရတဲ့ စိတ်ပိုင်းဆိုင်ရာ တွေးခေါ်ပုံတစ်မျိုးပါ။ မျှော်လင့်ချက်မထားရင် ရည်မှန်းချက်ပျောက်ဆုံးနေတာမျိုး ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သေနတ်ထိ ပေမယ့် အသက်ရှင်အောင် လူတွေကို ဘယ်လိုကူညီနိုင်မလဲ

သေနတ်ထိ လို့ကျည်ဆန်က ဖောက်ထွက်သွားတဲ့ ဒဏ်ရာ အမျိုးအစား တစ်မျိုးပါ။ ဒီဒဏ်ရာက တတ်ကျွမ်းနားလည်သူတွေနဲ့ ကုသဖို့ လိုတယ်ဆိုပေမယ့်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မီးသတ်ပိုက် နဲ့ အထိုးခံရရင်

မီးသတ်ပိုက် ဆိုတာက အရှိန် ခပ်ပြင်းပြင်း၊ ရေလုံး ကြီးကြီးနဲ့ ဖိအား အတော်လေး များတဲ့အရာပါ။ မီးတွေကို ငြှိမ်းသတ်နိုင်စေဖို့ ပြုလုပ်ထားတဲ့ အရာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read