အစာအိမ်အူလမ်းကြောင်းရောင်ရမ်းတာ ဘယ်လိုမျိုးလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 21, 2020 . 2 mins read
Share now

အစာအိမ်အူရောင်တယ်ဆိုတာ ရောဂါကြီးတစ်ခုလိုထင်ရပေမယ့် အဖြစ်များကြတာ မသိကြလို့ပါနော်။ ဒီဆောင်းပါးကိုဖတ်ပြီးပြီဆိုရင်တော့ ကိုယ့်မှာဒီဝေဒနာဖြစ်လာတဲ့အခါ စောစောသိရှိပြီး မြန်မြန်ကုသနိုင်ပါလိမ့်မယ်။

ဘာကြောင့်ဖြစ်တာလဲ

အစာအိမ်အူလမ်းကြောင်းရောင်ရမ်းတာက ဗိုင်းရပ်စ်၊ ဘက်တီးရီးယား ဒါမှမဟုတ် ကပ်ပါးပိုးတွေကြောင့် ဖြစ်ပါတယ်။ အများအားဖြင့် –

  • အစားအသောက်(အထူးသဖြင့် ပင်လယ်စာ)
  • သောက်သုံးရေ
  • ရောဂါပိုးရှိနေတဲ့ လူနဲ့ထိတွေ့မှု
  • လက်မဆေးခြင်း
  • ဇွန်း၊တူ စတာတွေ မသန့်ရှင်းခြင်း တို့ကတဆင့် ရောဂါပိုးကို ကူးစက်ရရှိနိုင်ပါတယ်။

ဘယ်သူတွေမှာ ဖြစ်နိုင်ခြေပိုများလဲ

ဒီအတွက် ဘယ်သူမဆို ရောဂါပိုးကူးစက်ခံရနိုင်ပါတယ်။ ဒါပေမယ့် ဘယ်လိုလူတွေမှာ ပိုဖြစ်လေ့ရှိသလဲ၊ ပိုဖြစ်လွယ်သလဲဆိုရင် –

  • ကလေးငယ်တွေ
  • အဆောင်နေ ကျောင်းသားတွေ
  • ခရီးသွားသူတွေ
  • အပြင်စာ၊ မသန့်ရှင်းစာ ခဏခဏစားသူတွေ
  • ကိုယ်ခံအားနည်းသူတွေ၊ နေမကောင်းခဏခဏဖြစ်သူတွေ
  • ရောဂါအခံရှိသူတွေ မှာဖြစ်နိုင်ခြေအများဆုံးပါ။

လက္ခဏာတွေက ဘာတွေလဲ

လက္ခဏာတွေကတော့ –

  • မအီမသာဖြစ်ခြင်း၊
  • ချွေးထွက်များခြင်း၊
  • ရင်ခေါင်းအောင့်၊ ရင်ခေါင်းတောင့်ခြင်း
  • ပျို့အန်ခြင်း၊
  • ဝမ်းလျှောခြင်း၊
  • ဗိုက်နာခြင်း၊
  • အနည်းငယ် ကိုယ်ပူခြင်းတို့ပဲဖြစ်ပါတယ်။

ရောင်ရမ်းခြင်းရဲ့ အကြောင်းရင်းပေါ်မူတည်ပြီး ဒီလက္ခဏာတွေဟာ တစ်ရက်ကနေ တစ်ပတ်ကျော်အထိ ကြာမြင့်တတ်ပါတယ်။

တကယ်လို့ ကိုယ့်မှာ အစာအိမ်အူရောင်တာဖြစ်နေပြီလို့ သံသယရှိပြီဆိုရင်

အစာအိမ်ကို အနားရအောင် နာရီအတော်ကြာ အစာမစားဘဲ နေသင့်ပါတယ်။ အားကစားလုပ်စဉ် သောက်တဲ့ အရည်၊ ရေ အစရှိတာတွေကို ရေဓါတ်ခန်းခြောက်မှုကို ကာကွယ်ဖို့ အမြောက်အမြားသောက်သင့်ပါတယ်။ အရည်ကို မသောက်နိုင်ရင် ပုံမှန်တစ်ငုံနှစ်ငုံပဲ သောက်နိုင်ပါတယ်။ ဆီး ပုံမှန်သွားဖို့ အရေးကြီးပြီး ဆီးဟာ အရောင်ဖျော့ပြီး ကြည်နေဖို့ အရေးကြီးပါတယ်။ အရောင်ရင့်တဲ့ ဆီးသွားခြင်း၊ ခေါင်းမူးခြင်းနဲ့ ရီဝေဝေဖြစ်ခြင်းတွေဟာ ရေဓါတ်ခန်းခြောက်ခြင်းရဲ့ လက္ခဏာတွေ ဖြစ်ပါတယ်။ ဒီလက္ခဏာတွေ ဖြစ်ပြီး အရည်ကိုမသောက်နိုင်ဘူးဆိုရင် ဆေးကုသမှု ခံယူသင့်ပါတယ်။

အစာပုံမှန် ပြန်စားပါ။ အစာခြေရလွယ်တဲ့ အစာတွေဖြစ်တဲ့ ငှက်ပျောသီး၊ ဆန်၊ ကြက်သား အစရှိတာတွေကိုစားပါ။ ပျို့ချင်လာရင်တော့ အစာစားတာကို ရပ်လိုက်ပါ။ နို့ထွက်ပစ္စည်းတွေ၊ ကော်ဖီ၊ အရက်၊ နီကိုတင်း၊ အဆီနဲ့ ဟင်းခတ်အမွှေးအကြိုင် အများအပြား သုံးထားတဲ့ အစားအစာတွေကို မစားသုံးသင့်ပါဘူး။

ကိုယ့်ကလေးမှာ ဖြစ်နေပြီလို့ သံသယရှိရင် –

ကလေးကို အနားပေးပါ။ ကလေးအန်တာရပ်ပြီဆိုရင် ရေဓါတ်ပြန်လည်ဖြည့်တင်းပေးတဲ့ ကလေးဓါတ်ဆားဖျော်တိုက်ပါ။

အစာခြေရလွယ်တဲ့ အရာတွေဖြစ်တဲ့ ဆန်၊ ငှက်ပျောသီး၊ အာလူး အစရှိတာတွေကို ကျွေးသင့်ပါတယ်။ အဆီများတဲ့အစာတွေဖြစ်တဲ့ နွားနို့၊ ရေခဲမုန့်၊ သကြားပါတဲ့ အစာတွေ၊ ဆိုဒါ နဲ့ သကြားလုံးတွေကို မကျွေးသင့်ပါဘူး။ ဒါဟာ ရောဂါပိုဆိုးစေပါတယ်။

နို့စို့အရွယ်ဆို နို့ဆက်တိုက်ပါ။ နို့ဘူးတိုက်နေတယ်ဆိုရင်တော့ ရေဓါတ်ပြန်လည်ဖြည့်တင်း ပေးတဲ့ အရည်တွေ (သို့) ပုံမှန် တိုက်နေကျ အရည်တွေကို တိုက်နိုင်ပါတယ်။

ဘယ်အချိန်မှာ ဆရာဝန်ပြသင့်သလဲ

  • နှစ်ရက်ထက်ပိုပြီး အန်တာ၊ ဝမ်းလျှောတာ
  • ဝမ်းသွားစဉ် သွေးပါတာ
  • အဖျားတက်တာ (101 ံF ၊ 38.5 ံC)
  • ရီဝေဝေဖြစ်တာ (သို့) သတိလစ်တာ
  • စိတ်ရှုပ်တာ
  • ဗိုက်နာတာ
  • အိပ်ငိုက်၊ နုံးချိတာ
  • သွေးအန်တာ
  • ကလေးတွေမှာဆို ရေဓါတ်ခန်းခြောက်တဲ့ လက္ခဏာတွေ ဖြစ်တဲ့ ပါးစပ်ခြောက်ခြင်း၊ အရေပြားခြောက်ခြင်း၊ ရေငတ်ခြင်း၊ မျက်တွင်းကျခြင်း၊ ငိုစဉ် မျက်ရည်မထွက်ခြင်း တွေဖြစ်လာတာ
  • အသက်၂ နှစ်အောက်ကလေးတွေမှာ တစ်ရက်ထက်ကျော်ပြီးကိုယ်ပူနေတာ၊ အသက်နှစ်နှစ်နဲ့ အထက် ကလေးတွေမှာ သုံးရက်ထက် ပိုဖျားတာဆိုရင် ဆေးခန်းအမြန်ပြပါ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဝမ်းဗိုက်လေး ကျန်းမာစေဖို့ နေ့တိုင်း ထောပတ်သီးစားပါ

ခုရာသီက ထောပတ်သီးတွေကို ပေါပေါသီသီ တွေ့နိုင်တဲ့ ရာသီမျိုးပါ။ ထောပတ်သီးတွေဟာ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဝက်ခြံဖြစ်လွယ်တဲ့ အသားအရေပိုင်ရှင်တွေအတွက် သဘာဝဆေးနည်းတစ်လက်

ဝက်ခြံဖြစ်လွယ်သူတွေအတွက် အသားအရေကို အထိရောက်ဆုံး ထိန်းပေးနိုင်မယ့် သဘာဝပစ္စည်းလေးတစ်ခုအကြောင်း ပြောပြပေးချင်ပါတယ်။ ဒါကတော့...........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိမ်သာမဝင်ခင် လက်ဆေးသင့်လား…………………

ဟုတ်ပါတယ်။  အိမ်သာမဝင်ခင်မှာ လက်ဆေးသင့်ပါတယ်။ အကြောင်းကတော့ လက်ချောင်းတွေမှာ သာမန် မျက်စိနဲ့ မမြင်နိုင်တဲ့ ရောဂါပိုးမွှားတွေ အများကြီး ကပ်ငြိနေနိုင်လို့ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သန္ဓေပြောင်း ကိုဗစ်ရောဂါပိုးအသစ်က ဘယ်လောက်စိုးရိမ်စရာကောင်းလဲ

ကိုဗစ်ဗိုင်းရပ်စ်က သန္ဓေပြောင်းတယ်ဆိုတာမှာလည်း အရမ်းကြောက်စရာကောင်းတယ်လို့ တွေးနေကြလိမ့်မယ်။ ဒါပေမယ့် သန္ဓေပြောင်းတယ်ဆိုတိုင်း ကြောက်စရာမဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thurein Hlaing Win

သင့်အတွက် ရွေးချယ်ထားသည်

ကူးစက်နိုင်သည့် အရေပြားရောဂါများ

ကူးစက်နိုင်သည့် အရေပြားရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 12, 2021 . 3 mins read
အစားအသောက်တွေကနေ သင့်ဆီကို ဘာရောဂါပိုးတွေ ရောက်လာနိုင်သလဲ။

အစားအသောက်ကတစ်ဆင့် ကူးစက်နိုင်တဲ့ ရောဂါတွေ က သင်ထင်တာထက် ပိုဆိုးနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 9, 2021 . 4 mins read
အူသိမ်ထဲမှာ ဘက်တီးရီးယားတွေ အဆမတန်များပြားလာခြင်း ( SIBO)

အူသိမ်ထဲမှာ ဘက်တီးရီးယားတွေ အဆမတန်များပြားလာခြင်း ( SIBO)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 5, 2021 . 3 mins read
ကလေးထိန်းပြီး ဝိတ်ချမလား

ကလေးထိန်း ပြီး ဝိတ်ချမလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read