ကြွက်နို့ တွေကို အိမ်မှာတင် ကုကြမယ်။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် မေ 19, 2020
Share now

ကြွက်နို့ ဖြစ်ဖူးတဲ့သူတွေဆို သိပါတယ်။ ဒီအဖုလေးတွေက အင်မတန် စိတ်ရှုပ်စရာ ကောင်းပါတယ်။ ကုတ်မရ ဖဲ့မရ ဘယ်လို လုပ်လုပ် မကွာသွားပါဘူး။ ဒါ့ပြင် တစ်လုံး ထွက်ပြီးရင် နောက်က ဇယ်ဆက်သလို လိုက်ထွက်လာပါတော့တယ်။ ဒီလိုအချိန်မှာ ဘယ်သူကမှ ကြွက်နို့အတွက် ဆေးခန်း သွားမပြချင်ကြပါဘူး။ ဒါကြောင့် အိမ်မှာတင် အလွယ်တကူ ကြွက်နို့သတ်လို့ရမယ့် နည်းလမ်းတွေကို ပြောပြပေးပါမယ်။

ကြွက်နို့ ဆိုတာ ဘာလဲ။

ကြွက်နို့ဆိုတာ HPV ဗိုင်းရပ်စ်ကြောင့် ဖြစ်တာပါ။ တစ်ယောက်နဲ့ တစ်ယောက်ထိမိရင် ကူးတတ်ပါတယ်။ အဖြစ်များတဲ့ နေရာတွေကတော့ လက်တွေ၊ လက်ချောင်းတွေ၊ ခြေထောက်နဲ့ မျက်နှာတွေပဲ ဖြစ်ပါတယ်။ လိင်အင်္ဂါမှာ ဖြစ်တဲ့ ကြွက်နို့လည်း ရှိပါတယ်။ HPV ဗိုင်းရပ်စ် အမျိုးပေါင်း ၁၀၀လောက်ရှိပေမယ့် အနည်းစုကပဲ ကြွက်နို့ ဖြစ်တာပါ။ အောက်မှာ ကြွက်နို့ကို အိမ်မှာတင် ဖယ်လို့ ရတဲ့ နည်းလမ်းတွေကို ဆက်ကြည့်ရအောင်။

ကြွက်နို့ တွေကို အိမ်မှာတင် ကုကြမယ်။

  • Salicylic acid

Salicylic acid က ကြွက်နို့ကို ဖယ်တဲ့နေရာမှာ အသိသာဆုံးပါပဲ။ စျေးကွက်ထဲမှာ လိမ်းဆေး၊ ဂျယ်၊ ကပ်ခွာ အမျိုးစုံရှိပါတယ်။ အက်စပရင်မှာလည်း ပါပါတယ်။ အရင်ဆုံး ကြွက်နို့ ရှိတဲ့နေရာကို ရေနွေးနွေးလေးထဲမှာ ၁၀မိနစ် ၁၅မိနစ်လောက် စိမ်လိုက်ပါ။ ဒါမှ ပျော့လာမှာပါ။ ပြီးရင် ချေးတွန်းကျောက်နဲ့ ဖြစ်ဖြစ်၊ တံဇဉ်းနဲ့ ဖြစ်ဖြစ် တိုက်ပြီး အသားမာတွေ ဖယ်ပါ။ ပြီးတော့မှ ကြွက်နို့ပေါ် လိမ်းပေးပါ။ ရက်သတ္တပတ်နည်းနည်းတော့ ကြာတတ်ပါတယ်။ စိတ်ရှည်ပါ။ Salicylic acid ကြောင့် အရေပြားတွေ နီလာရင်၊ နာလာရင် ဆက်မသုံးပါနဲ့။

  • ပန်းသီးရှာလကာရည်

ပန်းသီး ရှာလကာရည်မှာလည်း အက်စစ်အပျော့စားပါတဲ့အတွက် ကြွက်နို့တွေကို ပါးစေပါတယ်။ ဒါ့ပြင် HPV ဗိုင်းရပ်စ်ကိုလည်း သေစေပါတယ်။ ပန်းသီးရှာလကာရည် ၂ဆနဲ့ ရေ ၁ဆရောပြီး ဂွမ်းလုံးလေးနဲ့ ကြွက်နို့ကို တို့ပါ။ ပြီးရင် အပေါ်ကနေ ပတ်တီးနဲ့ တစ်ညပတ်ထားပါ။ ကြွက်နို့ မပျောက်မချင်း ညတိုင်း လုပ်ပေးပါ။

  • သံပုရာရည်

သံပုရာရည်ကို သုံးမယ်ဆိုရင် ရေရောပေးပါ။  ပန်းသီးရှာလကာရည်လိုပဲ ရေနဲ့ ၂ဆ ၁ဆ ရောပေးပါ။ ကြွက်နို့ကို တို့ပြီး ပတ်တီးနဲ့ စီးထားပါ။ တဖြည်းဖြည်းနဲ့ ပါးလာပါလိမ့်မယ်။

  • ကြက်သွန်ဖြူ

ကြက်သွန်ဖြူမှာ allium sativum လို့ ခေါ်တဲ့ ဗိုင်းရပ်စ်သတ်တဲ့ ဒြပ်ပေါင်းပါဝင်ပါတယ်။ ကြက်သွန်ဖြူကို ချေပြီး ကြွက်နို့ပေါ်ကို တိုက်ရိုက်အုံပေးပါ။ ပြီးရင် အပေါ်က ပတ်တီးစီးထားပါ။ နေ့တိုင်း လုပ်ပေးမယ်ဆိုရင် သက်သာလာမှာပါ။ ကြက်သွန်ဖြူနဲ့ မပွတ်ခင် ကြွက်နို့ကို ပါးသွားအောင် ချေးတွန်းကျောက်နဲ့ အရင်တိုက်ပေးတာက ပိုပြီး ထိရောာက်စေပါတယ်။

  • လက်သည်းနီ

ဒါက အဘိုးအဘွားတွေလက်ထက်က နည်းလမ်းပေါ့။ ကိုယ်ကိုယ်တိုင်လည်း ဒီနည်းလမ်းနဲ့ ပျောက်ခဲ့တာပါ။ ကြွက်နို့ပေါ်ကို လက်သည်းနီနဲ့တို့။ နောက်နေ့လောက်ဆို လက်သည်းနီကို ခွာရင်း အောက်က ကြွက်နို့ပါ တဖြည်းဖြည်း ပါးလာလိုက်တာ တစ်ပတ်လောက်နေရော လုံးဝပျောက်သွားတာပါပဲ။

ဘယ်အချိန်မှာ ဆေးခန်းပြသင့်လဲ။

ဒါတွေကတော့ အိမ်တွင်း နည်းလမ်းတွေပေါ့။ ဆရာဝန်ဆီကို သွားသင့်တဲ့ အခြေအနေတွေကတော့

  • ကြွက်နို့က ပိုးဝင်လာရင်
  • ကြွက်နို့က အများကြီး ပွားလာရင်
  • အိမ်တွင်းနည်းလမ်းတွေနဲ့ မသက်သာရင်
  • လိင်အင်္ဂါ ကြွက်နို့ဆိုရင် (လိင်အင်္ဂါကြွက်နို့ကိုတော့ ကိုယ့်ဟာကိုယ် မကုပါနဲ့။ ဆရာဝန်နဲ့ပဲ ပြသဖို့ အကြံပြုလိုပါတယ်။)

ကြွက်နို့က အရေးကြီးတဲ့ ကျန်းမာရေး ပြဿနာ မဟုတ်ဘူး ဆိုပေမယ့် ဒီအဖုလေးတွေက စိတ်ရှုပ်စရာ ကောင်းပါတယ်။ နောက်ပြီး အင်မတန် ပွားပါတယ်။ တစ်လုံးပေါက်ပြီး သိပ်မကြာဘူး နောက်တစ်လုံး တပ်ထွက်ပါတယ်။ ဒါကြောင့် အရင်ထွက်တဲ့ အလုံးကို အမြန်ကုပါ။ အရပ်အခေါ်တော့ ကြွက်နို့မကြီးလို့ ခေါ်ကြပါတယ်။ သူမြန်မြန်ပျောက်သွားရင် နောက်က အလုံးတွေ ဆက်မထွက်တော့ပါဘူး။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

အသက် ၃၀ မတိုင်ခင်မှာ ရပ်တန့်ပစ်လိုက်သင့်တဲ့ ကျန်းမာရေးဆိုင်ရာ အပြုအမူမှားတွေ

၆၀ နှစ်၊ အသက် ၃၀၊ စွမ်းဆောင်ရည်တွေ၊ ခန္တာကိုယ်၊ ကျန်းမာရေးဆိုင်ရာ၊ အမှားအယွင်း၊ HPV၊ ကျန်းမာရေးစစ်ဆေးမှု၊ ဆေးလိပ်အရက်သောက်သုံးမှု၊ အသားအရည်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ပျားရည် နဲ့ ကျန်းမာရေး

ပျားရည် ကျန်းမာရေး ခန္ဓာကိုယ် ကယ်လ်လိုရီ သကြား ဓာတ်တိုးဆန့်ကျင် ဓာတ်တိုးပစ္စည်း အရွယ်မတိုင်ခင်အိုမင်းတာနှလုံးရောဂါ ဘက်တီးရီးယား မှိုပိုး ကျန်းမာရေးပြဿနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

နနွင်း ကပေးတဲ့ အသားအရေ လှပမှု

နနွင်း အသားအရေ လှပမှု ကျန်းမာရေး နာကျင်ရောင်ရမ်းမှု ဘက်တီးရီးယားတွေ အရေပြားပြဿနာ ဝက်ခြံ အမဲစက်တွေ သွေးလည်ပတ်မှု မျက်ကွင်းညို အရေးအကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ဘေဘီလေးတွေ ပုရွက်ဆိတ် ကိုက်ခံရတဲ့အခါ သက်သာစေဖို့

ဘေဘီလေးတွေ မြက်ခင်း ပုရွက်ဆိတ် သက်သာစေဖို့ ထိခိုက်မှုတွေ သွားတိုက်ဆေး အိမ်တွင်းကုထုံး အသီးတွေ ရှားစောင်းလက်ပပ် အရေပြား ယားယံတာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

Hidradenitis suppurativa ( HS ) ပြည်တည်နာ တစ်မျိုး

Hidradenitis suppurativa ( HS ) ပြည်တည်နာ တစ်မျိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 25, 2020
ဝက်ခြံက ပိုးဝင်နေတာလား..................

ဝက်ခြံက ပိုးဝင်နေတာလား………………

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 12, 2020
ဆီးလမ်းကြောင်းတွင် ကျောက်တည်ခြင်းအန္တရာယ် နှင့် ရေနွေးကြမ်း

ဆီးလမ်းကြောင်းတွင် ကျောက်တည်ခြင်းအန္တရာယ် နှင့် ရေနွေးကြမ်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 11, 2020
သားအိမ်ခေါင်းကင်ဆာနှင့် ပတ်သက်သော မေးခွန်းလေးများ

သားအိမ်ခေါင်းကင်ဆာနှင့် ပတ်သက်သော မေးခွန်းလေးများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 11, 2020