အအေးမိတဲ့အခါ တော်ရုံနဲ့ အဖျားမပျောက်တာ ဘာကြောင့်များလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ရာသီမရွေး အအေးမိဖျားနာ ဖြစ်နိုင်တယ်ဆိုပေမယ့် ခုလိုမိုးရာသီအချိန်ကတော့ အအေးမိတာတွေ အဖြစ်အများဆုံးအချိန်ပါပဲ။ ပုံမှန်ကတော့ ၃ရက်ကနေ အလွန်ဆုံး တစ်ပတ်လောက်နဲ့ သက်သာသွားပေမယ့် တချို့လူတွေမှာကျ တစ်ခါဖျားလိုက်တာနဲ့ ၂ပတ်လောက်ထိကို မပျောက်ဘဲ သောင်တင်နေတတ်တယ်နော်။ ဘာကြောင့် ဒီလိုဖြစ်ရတာလဲဆိုတာ ဒီဆောင်းပါးလေးမှာ ဖတ်ကြည့်ကြရအောင်။

၁။ ကောင်းကောင်းအိပ်စက်အနားမယူလို့

အိပ်စက်အနားယူခြင်းဟာ ကိုယ်ခံအားစနစ်ကို ကြံ့ခိုင်စေပြီး ဖျားနာခြင်းကို တိုက်ထုတ်ပေးတယ်ဆိုတာ သိထားပြီးဖြစ်မှာပါ။ ပုံမှန်အချိန်မှာလည်း တစ်နေ့ အိပ်ချိန် ၇နာရီအပြည့်အဝမရဘူး၊ ဖျားနေတဲ့အချိန်မှာလည်း ကောင်းကောင်းအနားမယူဘူးဆိုရင်တော့ ပြန်သက်သာဖို့ အချိန်ပိုကြာနိုင်တယ်နော်။ အဲ့ဒါကြောင့် ကိုယ့်ကိုယ်ကိုယ် ဖျားနေပြီလို့ သံသယရှိတာနဲ့ လုပ်လက်စအလုပ်တွေကို နားပြီး နေ့ရော ညပါ ကောင်းကောင်းအနားယူဖို့ လိုအပ်ပါတယ်။

၂။ အရည်သောက်နည်းလို့

လူက ဖျားပြီဆိုရင် ဘာမှမစားချင်၊ မသောက်ချင် ဖြစ်တတ်တာသိကြမှာပါ။ အထူးသဖြင့် ကိုယ်ခန္ဓါတွင်းမှာလည်း ရေဓါတ်က ကုန်ဆုံးသွားတတ်တော့ ဖျားတာတင်မကဘဲ နောက်ဆက်တွဲ လည်ချောင်းနာတာ၊ နှာစေးနှာပိတ်၊ နှာရည်ယို၊ ချောင်းဆိုးတာတွေပါ ဖြစ်ပြီး အဖျားသံသရာက လည်နေဦးမှာပါပဲ။ ဒါကြောင့် ဖျားပြီဆိုရင် ဘာမှမစားနိုင်တောင် ရေတော့ များများသောက်ပေးပါ။ ကြက်စွပ်ပြုတ်၊ ဆန်ပြုတ်၊ ချင်းပြုတ်ရည် သောက်ပေးပါ။ ကော်ဖီ၊ အရက်၊ ဂက်စ်ပါတဲ့ အအေးတွေကိုတော့ ခဏနားထားပါ။

၃။ စိတ်ဖိစီးမှုများနေလို့

ဖျားနေတာတောင် အိပ်ရာမှာ အေးဆေးမနားဘဲ အလုပ်ကိစ္စ၊ မိသားစုကိစ္စ၊ အချစ်ရေးကိစ္စတွေနဲ့ စိတ်ဖိစီးပြီး ပူလောင်နေတတ်တဲ့အကျင့်ရှိလား။ ဒါဆိုရင်တော့ တော်ရုံအဖျားက ပျောက်နိုင်မှာမဟုတ်ပါဘူး။ စိတ်ဆိုတာလည်း ခန္ဓါကျန်းမာရေးအပေါ် သက်ရောက်မှုရှိစေတာမို့ ကိုယ့်စိတ်က ပြိုလဲနေရင် ခန္ဓါကိုယ်မှာရှိတဲ့ ကိုယ်ခံအားစနစ်ကလည်း ဒီရောဂါဘက်တီးရီးယားတွေကို ကောင်းကောင်းတိုက်ဖျက်နိုင်မှာမဟုတ်ပါဘူး။ ဒါကြောင့် ဖျားနေရင် ဘာအကြောင်းနဲ့မှ စိတ်ညစ်မခံပါနဲ့။ အဖျားအမြန်ပျောက်သွားမှ စိတ်ပူစရာကိစ္စတွေကို ပြန်ပြီး ခေါင်းထဲထည့်ပါ။

၄။ ဆေးမသောက်ဘဲ ပေပေတေတေ နေတာ

တချို့တွေရှိပါတယ်။ ဖျားနေတယ်၊ ကိုယ်လက်ကိုက်ခဲနေတယ်၊ နှာစေးေနတယ်၊ ကိုယ့်မှာဒါတွေ ဖြစ်မှန်းလည်း သိပါလျက်နဲ့ ဆေးခန်းမပြ၊ ဆေးမသောက်ဘဲ ပေတေပြီး နေတတ်တာပေါ့။ ဒီလိုမျိုး လုပ်တဲ့သူတွေဆိုရင်လည်း အဖျားဝေဒနာက တော်ရုံနဲ့မပျောက်နိုင်ဘူးဆိုတာ သတိထားသင့်တယ်နော်။

၅။ ဆေးမြီးတိုတွေနဲ့ လျှောက်ကုတာ

အရင်ကရော အခုထိ လူတွေကြားမှာ အပြောများနေဆဲအရာကတော့ ဒီအမြစ်၊ ဒီအရွက်လေးကို ဘယ်လိုလုပ်သောက်ရင် ဘာရောဂါပျောက်ပါတယ်ဆိုတဲ့ အဆိုးဆုံး ဆေးမြီးတို ဂျင်းတွေပါပဲ။ သူတို့အတွက်တော့ ကိုယ်ခံအားစနစ်အခံကောင်းလို့ ကံကောင်းပြီး ပျောက်သွားခဲ့ရင်တောင် ကိုယ့်အတွက်ဒီလိုဟုတ်ချင်မှ ဟုတ်မှာပါ။ နောက်ပြီးတော့ ဒီဆေးမြစ်ဆေးရွက်တွေဟာ ရောဂါတွေကို အမှန်တကယ် ကုသပျောက်ကင်းနိုင်တယ်ဆိုတာ ဘယ်ဆေးခန်း၊ ဆေးပညာအဖွဲ့အစည်းကမှ စစ်ဆေးတွေ့ရှိထားခြင်း မရှိပါဘူး။ ဒါကြောင့် နေမကောင်းဖြစ်ပြီဆိုရင် ဆေးခန်းသွားပြပါ။ တွေ့ကရာ ဆေးမြီးတိုတွေနဲ့ လျှောက်မကုပါနဲ့။

၆။ ကိုယ်လက်လေ့ကျင့်ခန်းတွေ လုပ်နေဆဲမို့

အဖျားဆိုတာ တစ်ရက်နှစ်ရက်နဲ့ ပျောက်သွားမှာပါဆိုပြီး ဝေဒနာကိုမမှုဘဲ လေ့ကျင့်ခန်းတွေလုပ်၊ အလေးတွေ မနဲ့ လုပ်တဲ့အကျင့်က တော်တော်ဆိုးတယ်နော်။ အထူးသဖြင့် အမျိုးသားတွေမှာ ကိုယ်ဆော့ထားသမျှ အိမ်မှာနားလိုက်ရင် ပြန်ကျသွားတော့မှာပဲ ဆိုတဲ့ စိုးရိမ်စိတ်တွေက များနေတော့ ဖျားနေရင်းနဲ့တောင် Gym ထိ လာဆော့တတ်ကြပါတယ်။ အဲ့လိုမလုပ်ပါနဲ့။ ကိုယ့်ကိုယ်ကိုယ် ဖျားနေမှန်းသိရင် အိမ်မှာပဲ အေးအေးဆေးဆေး အနားယူပါ။ ကိုယ်ခံအားစနစ်ပြန်တက်လာအောင် သေချာစားသောက်အနားယူပါ။

ကဲ အပေါ်မှာပြောထားခဲ့တဲ့ အဖျားဝေဒနာကို ရှည်ကြာစေအောင် လုပ်မိနေတဲ့ အကျင့်ဆိုးတွေ ကိုယ့်မှာရှိတယ်ဆိုရင် မြန်မြန်ဖျောက်ဖို့ အကြံပေးလိုက်ပါတယ်နော်။ အားလုံးပဲ ခုလို မုတ်သုံကာလမှာ အအေးမိဖျားနာ၊ တုပ်ကွေးရန်ကနေ ကင်းဝေးပြီး နေ့ရက်တိုင်းကို ကျန်းကျန်းမာမာနဲ့ ကျော်ဖြတ်သွားနိုင်ပါစေလို့ ဆုတောင်းပေးလိုက်ပါတယ်ခင်ဗျ။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သင်ချစ်ရတဲ့သူတွေ စိတ်ဖိစီးမှုမှ လွတ်မြောက်ဖို့ ဘယ်လိုကူညီပေးမလဲ

စိတ်ဖိစီးမှုက ခံနိုင်စွမ်းထက် ကျော်လွန်လာရင်တော့ ရုပ်ပိုင်းဆိုင်ရာ၊ စိတ်ပိုင်းဆိုင်ရာတွေ ထိခိုက်လာမှာပါ။ ဒီအဆင့်ထိရောက်မသွားအောင် ကာကွယ်ဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေတဲ့ အချက်တွေကတော့ စိတ်ဖိစီးမှုများတာ၊ အိပ်ရေးပျက်တာ၊ ဖျားနာတာ၊ ဆေးသောက်ချိန်မမှန်တာ၊ ကဖင်းဓာတ်စတာတွေကြောင့် ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

တိုင်းရေးပြည်ရာ အတွေးစတွေကြောင့် စိတ်ဖိစီးနေပြီလား

လူဆိုတာ နိုင်ငံရေးသတ္တဝါလို့ ဆိုစကားရှိတယ်။ လူရယ်လို့ဖြစ်လာပြီဆိုရင် တိုင်းရေးပြည်ရာ ကိစ္စရပ်တွေနဲ့ ဆက်နွယ်နေတော့စိတ်ဖိစီးမှုလည်း ကြုံလာနိုင်တော့တာပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကိုဗစ်ကာလမှာ ကလေးတွေဂိမ်းပိုဆော့လာတာကို အပြစ်မမြင်သင့်တော့ပါ

ကိုဗစ်ကာလမှာ မိဘတွေနဲ့ တီးခေါက်ကြည့်မိသလောက် ကလေးတွေနဲ့ ကျောင်းတက်နေဆဲဖြစ်တဲ့ ဆယ်ကျော်သက်အရွယ်တွေ အရင်ကထက် ပိုပြီး ဂိမ်းဆော့လာတယ်လို့ ပြောနေကြတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 29, 2020 . 2 mins read

သင့်အတွက် ရွေးချယ်ထားသည်

ဆောင်းမနက်ခင်းတွေမှာ စက်ဘီးစီးပါ

ဆောင်းမနက်ခင်းတွေမှာ စက်ဘီးစီးပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 21, 2020 . 2 mins read
အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 20, 2020 . 2 mins read
ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် နိုဝင်ဘာ 10, 2020 . 3 mins read
သိမ်းဆည်းထားရမယ့် အရာတွေထဲမှာ စိတ်ဖိစီးမှု မပါပါ။

သိမ်းဆည်းထားရမယ့် အရာတွေထဲမှာ စိတ်ဖိစီးမှု မပါပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 9, 2020 . 2 mins read