နွေရာသီမှာ ဆီးချိုရောဂါရှိသူတွေ ကျန်းမာစေဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

ရာသီဥတု လူသားတွေအံတုလို့မရတဲ့ သဘာဝဖြစ်စဉ်တစ်ခုပါ။နွေပူလာတာကတော့ သိသိသာသာနော်။ သာမန်လူတွေအတွက်တောင်နေရထိုင်ရတာခက်တဲ့ ပူပြင်းနေချိန်မှာရောဂါအခံရှိသူတွေဆိုရင် ပိုဆိုးတော့မှာပေါ့။ ဒီတစ်ခေါက်တော့နွေပူလာလို့ ဆီးချိုရှိတဲ့ မိဘတွေ နဲ့ ကိုယ်ချစ်ရသူကိုစိတ်ပူနေသူတွေအတွက် နွေရာသီမှာ ဆီးချိုရှိနေသူကို ဘယ်လိုဂရုစိုက်ပေးရမလဲဆိုတဲ့အကြောင်းလေးပြောပြပေးချင်ပါတယ်နော်။

နွေဥတုနဲ့ခန္ဓါကိုယ်တုံ့ပြန်မှု

ရာသီဥတုပူပြင်းမှုက လူတိုင်းသည်းမခံနိုင်တဲ့ ကိစ္စတွေထဲကတစ်ခုနော်။ ခန္ဓါကိုယ်က ချွေးထွက်များပြီးရေဓါတ်ဆုံးရှုံးမှုများတဲ့ရာသီတစ်ခုပေါ့။နေလောင်တာကြောင့်အသားကလည်းမဲသေးတယ်နော်။ရေဓါတ်ဆုံးရှုံးမှုကြောင့်လေးလံထိုင်းမှိုင်းတာတွေ၊ မအီမသြာဖစ်တာတွေခံစားလာရနိုင်ပါတယ်။ ဒီလိုခံစားရမှုက သာမန်လူမှာဖြစ်တာနော်။ ဒါဆိုဆီးချိုသမားတွေရော ဘယ်လိုများခံစားရနိုင်လဲ။

နွရာသီနဲ့ဆီးချို

ခန္ဓါကိုယ်က အပူဒဏ်နဲ့ထိတွေ့မိတဲ့အခါချွေးထွက်များလာမယ်။ ဒီလိုချွေးထွက်များလာတာကရေဓါတ်ဆုံးရှုံမှုကိုဖြစ်စေတယ်။ရေဓါတ်ဆုံးရှုံးမှုရဲ့နောက်ဆက်တွဲအနေနဲ့သွေးတွင်းသကြားဓါတ်ြမင့်တက်လာမယ်။ပြောချင်တာကတော့နွေရာသီမှာသွေးချိုတက်လွယ်တယ်၊ ဆီးချိုရောဂါရှိသူတွေ ပိုသတိထားသင့်တယ်ပေါ့နော်။

အပူချိန်က ခန္ဓါကိုယ်ရဲ့ အင်ဆူလင်စုပ်ယူမှုအပေါ်မှာ သက်ရောက်မှုဖြစ်စေပါတယ်။ ရာသီဥတုပူတဲ့အခါ အရေပြားဆီကိုသွေးစီးဆင်းမှုပိုရောက်စေနိုင်ပါတယ်။ ဒီလိုဖြစ်စေဖို့ကရေဓါတ်လုံလောက်စွာရရှိနေဖို့လိုမှာပါ။ တကယ်လို့ရေဓါတ်မလုံလောက်ဘူးဆိုရင်တော့သွေးစီးဆင်းရောက်ရှိမှုကနည်းသွားပြီး ထိခိုက်မှုတွေဖြစ်လာနိုင်ပါတယ်။ ခန္ဓါကိုယ်ရဲ့ အင်ဆူလင်စုပ်ယူမှုအပေါ်မှာ ထိခိုက်မှုဖြစ်လာစေပြီးသွေးချိုတက်စေနိုင်ပါတယ်နော်။ ဒါဆိုဘယ်လိုလုပ်ရမလဲ။

နွေရာသီမှာ ဆီးချိုရှိသူကို ဒီလိုဂရုစိုက်ပါ

ရေဓါတ်ပြည့်ဝနေပါစေ -နွေရာသီရဲ့ အပူဒဏ်ကြောင့်ချွေးထွက်များပြီးရေဓါတ်ဆုံးရှုံမှုက သာမန်အချိန်တွေထက်ပိုများနိုင်ပါတယ်။ ဒါကြောင့် ခန္ဓါကိုယ်မှာသွေးစီးဆင်းမှုကောင်းစေပြီး အင်ဆူလင်စုပ်ယူမှုကောင်းစေဖို့အတွက်ရေဒါတ်ပြည့်ဝအောင်သောက်သုံးဖို့လိုအပ်ပါမယ်။ရေများများသောက်ဖြစ်အောင်ဂရုစိုက်ပါ။

မကြာခဏသွေးချိုတိုင်းပါ -နွေရာသီမှာ အပူချိန်လွန်ကဲတာနဲ့ အပူရှပ်တာတို့ကြောင့်မောပန်းလွယ်တာ၊ မအီမသာဖြစ်တာ၊အော့အန်တာ၊ခေါင်းထဲမှာ ရီဝေဝေဖြစ်တာ နဲ့ ချွေးထွက်လွန်းတာမျိုးတွေဖြစ်နိုင်ပြီးသွေးချိုတက်တဲ့အခါ ဒါမှမဟုတ်သွေးချိုကျတဲ့အခါမှာခံစားရတဲ့လက္ခဏာတွေနဲ့ရောထွေးနိုင်တာကြောင့် မကြာခဏဆိုသလိုသွေးချိုတိုင်းပေးပါ။

လေ့ကျင့်ခန်းလုပ်တာကို သတိထားပေးပါ -သွေးချိုကျပြီး ကျန်းမာနေစေဖို့ ဆီးချိုရှိသူတွေမဖြစ်မနေလုပ်တတ်ကြတာ တစ်ခုရှိပါတယ်။ ဒါကတော့လေ့ကျင့်ခန်းလုပ်တာပါ။နွေရာသီမှာလေ့ကျင့်ခန်းမလုပ်ရဘူး၊လို့မဆိုလိုပါဘူး။ ပင်ပင်ပန်းပန်းမလုပ်ဖို့ပဲလိုတာပါ။ နေအရမ်းပူနေချိန်မျာလေ့ကျင့်ခန်းမလုပ်ပါနဲ့။လေ့ကျင့်ခန်းလုပ်မယ်ဆိုရင် မနက်ခင်း ၁၀ နာရီမတိုင်ခင်နဲ့ ညနေ ၄ နာရီနောက်ပိုင်းမှလုပ်ပေးပါ။ချွေးအရမ်းထွက်လာမယ်။ နှလုံးခုန်နှုန်းမြန်လာမယ်ဆိုရင်လေ့ကျင့်ခန်း ဆက်မလုပ်သင့်တော့ပါဘူး။ နားပေးပါ။ပြီးရင်သွေးချိုတိုင်းပေးပါ။

နေလောင်မခံပါနဲ့ -နေလောင်တာက အရေပြားကိုပျက်စီးစေနိုင်သလို ဆီးချိုရှိသူတွေမှာသွေးချိုထိန်းညှိမှုကို ထိခိုက်စေနိုင်ပါတယ်။နေလောင်တာကြောင့် အရေပြားမှာရောင်ရမ်းတာဖြစ်စေပြီးသွေးတွင်းသကြားဓါတ်ကိုမြင့်တက်စေနိုင်ပါတယ်။ ဒါကြောင့်နေလောင်ဒဏ်မခံပါနဲ့။ အပြင်ထွက်တိုင်းနေလောင်ကာခရင်မ်လူးပေးပါ။

အာဟာရမျှတအောင်ပြင်ဆင်ပေးပါစားသောက်ဖို့ပြင်ဆင်ပေးတဲ့အခါမှာလည်း အဆီများတာ၊ အချိုများတာတွေကိုရှောင်ရပါမယ်။ ဟင်းသီးဟင်းရွက်နဲ့ အသားမျှတအောင်ပြင်ဆင်ပေးပါ။ ထမင်းကိုလျှော့ကျွေးပေးပါ။

အဝတ်အစားဂရုစိုက်ပေးပါ -နွေအပူချိန်နဲ့နေလောင်မှုတွေကို ကာကွယ်ဖို့နေလောင်ကာခရင်လူးပေးတာအပြင် နောက်ထပ်ဂရုစိုက်ရမှာတစ်ခုက အဝတ်အစားတွေကို ချည်သားပွပွချောင်ချောင်လေးတွေဝတ်ဆင်ပေးဖို့ပါ။ အဝတ်အစားတွေကိုလေဝင်လေထွက်ကောင်းတာမျိုးဖြစ်ဖို့လည်း အထူးဂရုပြုပေးပါနော်။

ခြေထောက်ကိုဂရုစိုက်ပေးပါ – ဆီးချိုသမားတွေက အခြားသူတွေထက်ခြေထောက်ကို ပိုဂရုစိုက်ပေးဖို့လိုပါမယ်။ ဆီးချိုရောဂါက အချိန်ကြာလာနဲ့အမျှခြေထောက်က အာရုံကြောလေးတွေထိခိုက်လာပြီး အာရုံခံစားနိုင်စွမ်းနည်းလာပါတယ်။ ဒါကြောင့်နေ့စဉ်ခြေထောက်မှာ ထိခိုက်မိထားတာရှိသလားဆိုတာကို စစ်ဆေးပါ။ခြေထောက်မှာရေဓါတ်ခမ်းခြောက်ပြီး အသားခြောက်တာေကြာင့်ပြဿနာတစ်စုံတရာရှိ၊မရှိစစ်ဆေးပေးပါ။ တကယ်လို့ခြေထောက်မှာမှိုပိုးဝင်ထားတာမျိုးရှိနေမယ်ဆိုရင် အမြန်ဆုံးကုသမှုခံယူဖို့လိုပါမယ်။ ဖိနပ်ကိုလည်း ကျပ်တာမျိုးတွေမစီးပါနဲ့။လေဝင်လေထွက်ကောင်းပြီး သက်တောင့်သက်သာရှိမှာမျိုးကို စီစဉ်ပေးပါ။ ဖိနပ်မပါဘဲ လမ်းလျှောက်တာမျိုးမဖြစ်စေဖို့ ဂရုစိုက်ပါ။

ကဲ…….. ပူပြင်းတဲ့နွေရာသီမှာ ဆီးချိုရှိနေတဲ့ မိမိချစ်ခင်ရတဲ့သူတွေကို ဒီနည်းလမ်းလေးတွေနဲ့စောင့်ရှောက်ပေးလိုက်ပါနော်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ဖရီးရယ်ဒီကယ်များအကြောင်း

အရေးအကြောင်းတွေ ကိုယ်ခန္ဓာရဲ့ဆဲလ်တွေ ဖရီးရယ်ဒီကယ်တွေ အောက်ဆီဂျင် သွေးကြောများ လေးဖက်နာအဆစ်ရောင် ဆေးလိပ်သောက်ခြင်း ဆံပင်ဖြူခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ရာသီအကြို ဝမ်းချုပ်တဲ့ပြဿနာကို ဘယ်လို ဖြေရှင်းမလဲ။

လေဒီလေးတွေ ရာသီမလာခင် ဝမ်းချုပ် ဟော်မုန်း ပြောင်းလဲမှု estrogen progesterone သားဥကြွေတာ အစာခြေစနစ် ရာသီသွေး အမျှင်ဓာတ် ဝမ်းမှန်စေဖို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သစ်ကြံပိုးခေါက်၏ ကျန်းမာရေး အကျိုးပြုပုံ

ဟင်းခတ်အမွှေးအကြိုင် ဆေးဖက်ဝင် ဓာတ်တိုးဆန့်ကျင်ပစ္စည်း ကိုလက်စထရော နှလုံးရောဂါဖြစ်နိုင်ခြေ ဆီးချို ဘက်တီးရီးယား အာရုံကြောချို့ယွင်းမှု သစ်ကြံပိုးခေါက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

အသင့်စားသရေစာများနဲ့ ဆီးချိုရောဂါ

အသင့်စား စားစရာ ကိုယ်အလေးချိန် အမျိုးအစား ၂ ဆီးချိုရောဂါ အင်ဆူလင် သွေးတွင်းသကြားဓာတ် junk food သရေစာ စိတ်ဖိစီးမှု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သင့်အတွက် ရွေးချယ်ထားသည်

သင့်အသားအရေအတွက် အကောင်းဆုံးအဆီများ

သင့်အသားအရေအတွက် အကောင်းဆုံးအဆီများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် ဇူလိုင် 8, 2020 . 2 mins read
သင်က colour blind တစ်ယောက်လား။

သင်က colour blind တစ်ယောက်လား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 8, 2020 . 3 mins read

ငွေဝင်တော့မယ့် လက်ဖဝါးနုနု ယားယံနေပြီလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 8, 2020 . 2 mins read
နေကာမျက်မှန် ကို ဘာကြောင့်တပ်သင့်သလဲ။

နေကာမျက်မှန် ကို ဘာကြောင့်တပ်သင့်သလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 8, 2020 . 2 mins read