Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဒီဇင်ဘာ 4, 2019 . 3 mins read
Share now

အဓိပ္ပါယ်ဖွင့်ဆိုချက်

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ကဘာလဲ။

နားစည်အနောက်ပိုင်းရှိ တုန်ခါတတ်သော အရိုးကလေးများပါဝင်ပြီး လေနဲ့ပြည့်နေတဲ့နေရာကို နားအလယ်ပိုင်းဟု သတ်မှတ်ပါတယ်။ ထိုနေရာကို ဘက်တီးရီးယား သို့မဟုတ် ဗိုင်းရပ်စ်ပိုးဝင်ရောက်တဲ့ ရောဂါဖြစ်ပါတယ်။ နားအလယ်ပိုင်းမှာ ရောင်ရမ်းပြီး အရည်တွေစုလာတဲ့အတွက် နာကျင်စေတတ်ပါတယ်။

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) က ဘယ်လောက်အဖြစ်များသလဲ

ကလေးတွေမှာ အဖြစ်အများဆုံးဖြစ်ပါတယ်။ Stanfordရှိ Lucile Packard ကလေးဆေးရုံမှ အချက်အလက်များအရ အသက်၃နှစ်ရှိတဲ့ ကလေး၈၀%မှာ ဖြစ်နေပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

လက္ခဏာများ

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ရဲ့လက္ခဏာတွေကဘာတွေလဲ

နားအလယ်ပိုင်းတွင်ရောဂါပိုးဝင်ခြင်းရဲ့ အဖြစ်အများဆုံးရောဂါလက္ခဏာတွေကတော့

နားကိုက်ခြင်း

ဂျီကျခြင်း

အိပ်ပျော်အောင် သိပ်ရခက်ခြင်း

နားရွက်ကို ကိုင်ဆွဲနေခြင်း

ဖျားခြင်း

အဝါရောင်/အကြည်ရောင်/သွေးရောင် အရည်များထွက်ခြင်း

ဟန်ချက်ပျက်ခြင်း

အကြားအာရုံဆိုင်ရာ ပြဿနာရှိခြင်း

ပျို့ခြင်း၊ အန်ခြင်း

ဝမ်းလျှောခြင်း

အစားအသောက်ပျက်ခြင်း

နားပိတ်ခြင်း တို့ဖြစ်ပါတယ်။

အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်ဆီမှာအထက်ဖော်ပြပါ ရောဂါလက္ခဏာတွေထဲကတစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာမတူညီနိုင်ပါဘူး။

သင့်အခြေအနေအတွက် ဘာအကောင်းဆုံးလဲဆိုတာကိုသင့်ဆရာဝန်နဲ့ တိုင်ပင်တာကအကောင်းဆုံးပါပဲ။

အကြောင်းရင်းများ

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ကိုဘာတွေကဖြစ်စေသလဲ

ကလေးများမှာ နားအလယ်ပိုင်းရောဂါပိုးဝင်စေတဲ့ အကြောင်းအမျိုးမျိုးရှိပါတယ်။ နဂိုရှိတဲ့ အသက်ရှူလမ်းကြောင်းပိုးဝင်ခြင်းမှ မြစ်ဖျားခံလာတာလည်း ဖြစ်နိင်ပါတယ်။ နားအလယ်ပိုင်းနဲ့ လည်ချောင်းကို ဆက်သွယ်ထားတဲ့ ပြွန်ကလေးပိတ်လျှင်လည်း နားစည်အနောက်မှာ အရည်များစုလာနိုင်ပါတယ်။ ထိုအရည်ထဲမှာ ဘက်တီးရီးယားပိုးများ ပေါက်ပွားပြီး နာကျင်စေခြင်းဖြစ်ပါတယ်။

ဖြစ်နိုင်ခြေများ

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ဖြစ်နိုင်ခြေကိုဘာတွေက မြင့်တက်စေသလဲ

နားအလယ်ပိုင်းတွင်ရောဂါပိုးဝင်ခြင်းဖြစ်ပွားနိုင်ချေကိုမြင့်စေတဲ့အကြောင်းရင်းတွေ အများကြီးရှိပါတယ်။ ဥပမာအားဖြင့်

အသက်။ ၆လနှင့် ၂နှစ်အတွင်း ကလေးများမှာ နားအလယ်ပိုင်းနဲ့ လည်ချောင်းကို ဆက်သွယ်ထားတဲ့ ပြွန်ရဲ့ ပုံသဏ္ဍာန်နဲ့ အရွယ်အစားကြောင့်၊ ခုခံအားစနစ်ကောင်းစွာ မဖွံ့ဖြိုးသေးခြင်းကြောင့် ရောဂါအဖြစ်နိုင်ဆုံး အရွယ်ဖြစ်ပါတယ်။

ကလေးအများနှင့် အတူစောင့်ရှောက်ခြင်း။ အိမ်မှာနေတဲ့ ကလေးများထက် အများနှင့် အတူစောင့်ရှောက်ခြင်းခံရတဲ့ကလေးများက အအေးမိခြင်း၊ နားရောဂါပိုးဝင်ခြင်းတို့ ပိုဖြစ်လွယ်ပါတယ်။

မွေးကင်းစကလေး နို့တိုက်ကျွေးခြင်း။ လှဲအိပ်နေစဉ် နို့ဘူးမှ နို့စို့တတ်သော ကလေးများသည် မိခင်နို့စို့သော ကလေးများထက် နားရောဂါပိုးဝင်လွယ်ပါတယ်။

ရာသီဥတုဆိုင်ရာ အချက်များ။ အအေးမိခြင်း၊ တုပ်ကွေးတို့ အဖြစ်များတဲ့ ဆောင်းဦးနဲ့ ဆောင်းရာသီမှာ လေထဲက ဝတ်မှုန်အရေအတွက် ပိုများတဲ့အတွက် နားရောဂါပိုးဝင်လွယ်ပါတယ်။

လေထုအရည်အသွေးမကောင်းခြင်း။ ဆေးလိပ်ငွေ့နဲ့ လေထုညစ်ညမ်းမှုများကြောင့် နားရောဂါပိုး ဝင်လွယ်ပါတယ်။

အထက်ပါဖြစ်ပွားနိုင်ချေများမရှိခြင်းကြောင့် သင့်မှာ နားအလယ်ပိုင်းတွင် ရောဂါပိုးဝင်ခြင်းမဖြစ်ဘူးလို့ ပြောလို့မရနိုင်ပါဘူး။ ဒီအချက်လက်များဟာမှီငြမ်းကြည့်ရှုဖို့အတွက်ပဲဖြစ်ပါတယ်။ အသေးစိတ်သိရှိလိုပါက ဆရာဝန်နှင့် တိုင်ပင် ဆွေးနွေးဖို့ လိုအပ်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ကို ဘယ်လိုအတည်ပြုပါသလဲ

ဆရာဝန်က သင့်ကလေးရဲ့ ရောဂါရာဇဝင်ကို မေးမြန်းပြီး စမ်းသပ်မှုပြုလုပ်ပါမယ်။ စမ်းသပ်နေစဉ် နားအပြင်ပိုင်းနှင့် နားစည်ကို မီးလုံးပါသော နားကြည့်မှန်ပြောင်းကိရိယာဖြင့် နီရဲခြင်း၊ ရောင်ခြင်း၊ ပြည်နှင့် အရည်တို့ရှိ၊မရှိ ကြည့်ပါမယ်။

Tympanometry ဟုခေါ်သော နားအလယ်ပိုင်း အလုပ်လုပ်၊မလုပ် စမ်းသပ်မှုကိုလည်း ပြုလုပ်ပါမယ်။ ဒီစမ်းသပ်မှုမှာ သင့်နားထဲကို ကိရိယာတစ်ခုထည့်ပြီး ဖိအားကိုပြောင်းလဲစေပြီး နားစည်ကိုတုန်ခါစေပါတယ်။ ပြောင်းလဲမှုကို တိုင်းတာပြီး ဂရပ်တစ်ခုပေါ်မှာ မှတ်တမ်းတင်ပါတယ်။ ဆရာဝန်က အဖြေကို ဖတ်နိုင်ပါတယ်။

Middle Ear Infection (Otitis) (နားအလယ်ပိုင်းတွင်ရောဂါပိုးဝင်ခြင်း) ကို ဘယ်လိုကုသပါသလဲ

ကုသနည်းအမျိုးမျိုးရှိပါတယ်။ ဆရာဝန်က ကလေးရဲ့ အသက်၊ ကျန်းမာရေးအခြေအနေနဲ့ ရောဂါရာဇဝင်ကို အခြေခံပြီး ကုသပေးပါလိမ့်မယ်။ အောက်ပါအချက်များကိုလည်း ထည့်သွင်းစဉ်းစားရပါမယ်။

  • ရောဂါပြင်းထန်မှု
  • ကလေး၏ပဋိဇီဝဆေးအပေါ် ခံနိုင်ရည်ရှိမှု
  • မိဘများ၏ အကြိုက်နှင့် ရွေးချယ်မှု

ဆရာဝန်က ရောဂါပြင်းထန်မှုအလိုက် နာကျင်ခြင်းကို ကုသြင်္ပီး ပျောက်မပျောက် စောင့်ကြည့်တာအကောင်းဆုံး ဖြစ်ကြောင်း ပြောပါလိမ့်မယ်။ Ibuprofen သို့မဟုတ် အခြားအကိုက်အခဲနှင့် အဖျားပျောက်ဆေးများကို အနာပျောက်စေရန် အသုံးများပါတယ်။

၃ရက်ထက်ပိုကြာအောင် ရောဂါကိုခံစားနေရလျှင်တော့ ပဋိဇီဝဆေး လိုနေပါပြီ။ သို့ပေမယ့် ဗိုင်းရပ်စ်ပိုးဝင်ခြင်းဆိုလျှင်တော့ ပဋိဇီဝဆေးနဲ့ ကုသနိုင်မှာ မဟုတ်ပါ။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက နားအလယ်ပိုင်းတွင်ရောဂါပိုးဝင်ခြင်းကိုကုသရာမှာဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများကသင့်အနေဖြင့် နားအလယ်ပိုင်းတွင်ရောဂါပိုးဝင်ခြင်းကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာအကူအညီပေးနိုင်ပါတယ်။

အအေးမိခြင်းနှင့် အခြားဖျားနာခြင်းများမှ ကာကွယ်ပါ။ ကလေးများအား လက်ကို သေသေချာချာ မကြာခဏဆေးဖို့နဲ့ စားသောက်ရာမှာသုံးတဲ့ ပစ္စည်းများ ဝေမျှမသုံးဖို့ သင်ပေးထားပါ။ နှာချေ၊ ချောင်းဆိုးလျှင် လက်မောင်းကွေးပြီးကာဖို့ သင်ထားပါ။ ဖြစ်နိုင်လျှင် ကလေးအများနှင့် စောင့်ရှောက်သောနေရာတွင် သင့်ကလေးကို ထားသည့်အချိန်ကို ကန့်သတ်ထားပါ။ ကလေးပိုနည်းသည့် ကလေးထိန်းကျောင်းများက ပိုအဆင်ပြေသည်။ ကလေးဖျားလျှင် ကျောင်းမပို့ပါနှင့်။ တစ်ဆင့်ခံဆေးလိပ်ငွေ့ရှူခြင်းမှ ရှောင်ကြဉ်စေပါ။ အပြင်သွားလျှင်လည်း ဆေးလိပ်ကင်းစင်သော နေရာများကိုသာ ခေါ်သွားပါ။

ကလေးကို မိခင်နို့တိုက်ကျွေးပါ။ ဖြစ်နိုင်လျှင် အနည်းဆုံး ၆လ မိခင်နို့ တိုက်ပါ။ မိခင်နို့ရည်တွင် ရောဂါပိုးဝင်ခြင်းမှ ကာကွယ်ပေးနိုင်သော ပဋိပစ္စည်းများ ပါဝင်သည်။

ကလေးကို နို့ဘူးတိုက်လျှင် မတ်မတ်ထားတိုက်ပါ။ ကလေးပတ်လက်လှဲနေစဉ် ပါးစပ်တွင် နို့ဘူးတပ်ပေးခြင်းမှ ရှောင်ကြဉ်ပါ။ ကလေးကို ပုခက်ထဲထည့်လျက် နို့ဘူးမတိုက်ပါနှင့်။

ဆရာဝန်နှင့် ကာကွယ်ဆေးအကြောင်း ဆွေးနွေးပါ။ သင့်ကလေးအတွက် သင့်တော်သော ကာကွယ်ဆေးအကြောင်းမေးပါ။ ရာသီတုပ်ကွေးကာကွယ်ဆေး၊ အဆုတ်ရောင်နှင့် အခြားဘက်တီးရီးယားပိုးများအတွက် ကာကွယ်ဆေးများက နားရောဂါပိုးဝင်ခြင်းကို ကာကွယ်နိုင်သည်။

အကယ်၍သင့်မှာမေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ဝှေးစေ့ကင်ဆာအကြောင်း တစေ့တစောင်း

    လိင်ကျန်းမာရေး အမျိုးသားရောဂါ ကင်ဆာကုထုံး ရောဂါလက္ခဏာများ ဝှေးစေ့ကင်ဆာ ဘယ်သူတွေမှာ အဖြစ်များလဲ ရောဂါရှိမရှိ ဘယ်လိုစစ်ဆေးမလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဆီးလမ်းကြောင်းပိုးဝင်ခြင်းရဲ့ ရောဂါလက္ခဏာများ

    When invisible germs enter the urinary tract for a variety of reasons, they begin to show symptoms of urinary tract infection. bacteria , Fungal infections; In very rare cases, it can be caused by a virus. Studies ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    လည်ချောင်းခြောက်ပြီး ယားနေတာ ဒါတွေကြောင့် ဖြစ်နိုင်တယ်နော်

    အအေးမိဖျားနာ ဓါတ်မတည့်ခြင်း ခံတွင်းခြောက်ခြင်း ရောဂါလက္ခဏာများ ရာသီအကူးအပြောင်းကာလ အိပ်နေစဉ်အသက်ရှုရပ်တန့်ခြင်း ပျောက်ကင်းသက်သာအောင်ဘယ်လိုလုပ်မလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    အိပ်ပျော်နေစဉ် အသက်ရှူရပ်တန့်သွားခြင်း (Sleep Apnea)

    ရောဂါလက္ခဏာများ ဘယ်လိုကုသမလဲ အိပ်ချိန် ဘယ်လိုလူတွေမှာအဖြစ်များလဲ ဦးနှောက်လုပ်ဆောင်ချက် အိပ်ပျော်နေစဉ်အသက်ရှူခြင်း အိပ်ချိန်ကိုအနှောင့်အယှက်ဖြစ်စေခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    သင့်အတွက် ရွေးချယ်ထားသည်

    ကြက်ညှာချောင်းဆိုးရောဂါ အချိန်မှီကာကွယ်ပါ

    ကြက်ညှာချောင်းဆိုးရောဂါ အချိန်မှီကာကွယ်ပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 3, 2020 . 2 mins read
    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇွန် 8, 2020 . 3 mins read

    ကလေးများတွင်ဖြစ်သော မျက်လုံးတိမ်စွဲခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဇန်နဝါရီ 20, 2020 . 2 mins read

    ပုံမှန်မဟုတ်တဲ့ စိုးရိမ်ပူပန်လွန်ကဲခြင်း လက္ခဏာများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat
    ရေးသား ထုတ်ဝေခဲ့သည် စက်တင်ဘာ 17, 2019 . 3 mins read