Interstitial Lung Disease (အဆုတ်ကြားခံနယ်ရောဂါဖြစ်ခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 13, 2019 . 3 mins read
Share now

အဓိပ္ပါယ်ဖွင့်ဆိုချက်

Interstitial Lung Disease (အဆုတ်ကြားခံနယ်ရောဂါဖြစ်ခြင်း) ကဘာလဲ။

အဆုတ်ကြားခံနယ်ရောဂါဖြစ်ခြင်းဆိုတာ အဆုတ်တစ်သျှူးများနဲ့ အဆုတ်လေအိတ်များကြားမှာ အနာဖြစ်ပြီး အမာရွတ်များဖြစ်လာခြင်း ဖြစ်ပါတယ်။ အမာရွတ်များဟာ အဆုတ်မှာ တောင့်တင်းမှုဖြစ်စေပြီး အောက်ဆီဂျင်ရှူသွင်းနိုင်စွမ်းကို ထိခိုက်စေပါတယ်။

Interstitial Lung Disease (အဆုတ်ကြားခံနယ်ရောဂါဖြစ်ခြင်း) က ဘယ်လောက်အဖြစ်များသလဲ

၂၀၁၃ ခုနှစ်က တကမ္ဘာလုံးမှာ လူပေါင်း ၅၉၅၀၀၀ ဖြစ်ပွားခဲ့ပါတယ်။ လူပေါင်း ၄၇၁၀၀၀ သေဆုံးခဲ့ပါတယ်။

ဖြစ်နိုင်ခြေအန္တရာယ်တွေကို လျှော့ချနိုင်ပါတယ်။

ပိုသိရအောင် ဆရာဝန်နဲ့ တိုင်ပင်ဆွေးနွေးပါ။

လက္ခဏာများ

Interstitial Lung Disease (အဆုတ်ကြားခံနယ်ရောဂါဖြစ်ခြင်း) ရဲ့လက္ခဏာတွေကဘာတွေလဲ

အဓိကလက္ခဏာကတော့ အသက်ရှူခက်ခြင်းပါပဲ။ ဒီရောဂါရှိသူမှန်သမျှ တချိန်ချိန်မှာ အသက်ရှူကြပ်ခြင်း ခံစားရပါတယ်။

တခြားလက္ခဏာတွေကတော့ အောက်ပါအတိုင်း ဖြစ်ပါတယ်။

  • ချွဲမထွက်ဘဲချောင်းခြောက်ဆိုးခြင်း
  • ကိုယ်အလေးချိန်ကျခြင်း

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အထက်ပါ လက္ခဏာတွေရှိနေရင်၊ သိလိုတာတွေရှိရင် ဆရာဝန်နဲ့ တိုင်ပင်ပါ။ တယောက်နဲ့ တယောက် ဖြစ်ပျက်ပုံတော့ မတူနိုင်ပါဘူး။ ကိုယ့်အတွက် ဘယ်အရာက အကောင်းဆုံးဖြစ်မယ်ဆိုတာကို ဆရာဝန်နဲ့ တိုင်ပင်ပါ။

အကြောင်းရင်းများ

Interstitial Lung Disease (အဆုတ်ကြားခံနယ်ရောဂါဖြစ်ခြင်း) ကိုဘာတွေကဖြစ်စေသလဲ

အဆုတ်မှာ ဒဏ်ရာရပြီး ပုံမှန်မဟုတ်ဘဲ အနာကျက်ရင် ဖြစ်ပွားစေနိုင်ပါတယ်။

တခြားအကြောင်းအရာများ ဥပမာ မိမိကိုယ်ခံအားက ပြန်တိုက်ခိုက်သောရောဂါ၊ အော်ဂဲနစ် အင်အော်ဂဲနစ်ပစ္စည်းများနှင့် ထိတွေ့နေရခြင်း၊ ဆေးဝါးများ၊ ဓါတ်ရောင်ခြည်ကုသမှုများ စတာတွေကြောင့် ဖြစ်နိုင်ပါတယ်။

လုပ်ငန်းခွင်နှင့် ပတ်ဝန်းကျင်အကြောင်းအရာများ

အော်ဂဲနစ် အင်အော်ဂဲနစ်ပစ္စည်းများနဲ့ ကာလကြာရှည်စွာ ထိတွေ့နေရခြင်းဟာ အဆုတ်ကို ပျက်စီးစေပါတယ်။ အောက်ပါပစ္စည်းများ ပါဝင်ပါတယ်။

  • ကျောက်ဂွမ်းမျှင်များ
  • ငှက်ပရိုတိန်း (တိရစ္ဆာန်များနှင့် ငှက်အမွေးအတောင်များ)
  • ကျောက်မီးသွေးမှုန့်များ
  • သတ္တုမှုန့်၊ ကျောက်မှုန့်များ
  • အိမ်တွင်းရေချိုးခန်းများတွင် ပေါက်နေသောမှိုများ
  • ဆီလီကာအမှုန်များ

ဆေးဝါးကုသခြင်း၊ ဓါတ်ရောင်ခြည်ပေးခြင်း

အောက်ပါဆေးဝါးကုသခြင်းများဟာ အဆုတ်အပေါ် ထိခိုက်မှု ရှိနိုင်ပါတယ်။

  • ကင်ဆာဆေးသွင်းခြင်း (methotrexate နှင့် cyclophosphamide)
  • နှလုံးရောဂါကုဆေးများ amiodarone (Cordarone, Nexterone, Pacerone) နှင့် propranolol (Inderal, Inderide, Innopran
  • ပဋိဇီဝဆေးအချို့ nitrofurantoin (Macrobid, Macrodantin) နှင့် sulfasalazine (Azulfidine

ကျန်းမာရေးအခြေအနေ

အဆုတ်ထိခိုက်ခြင်းဟာ မိမိကိုယ်ခံအားက ပြန်တိုက်သော ရောဂါများနဲ့ ဆက်စပ်နေပါတယ်။

ဖြစ်နိုင်ခြေများ

ငါ့ဆီမှာ Interstitial Lung Disease (အဆုတ်ကြားခံနယ်ရောဂါဖြစ်ခြင်း) ဖြစ်နိုင်ခြေကိုဘာ်တွေက မြင့်တက်စေသလဲ

အောက်ပါအချက်မျးက မြင့်တက်စေပါတယ်။

  • အသက်

အသက်ကြီးသူတွေမှာ ပိုဖြစ်တတ်ပါတယ်။

  • ပတ်ဝန်းကျင်နှင့် လုပ်ငန်းခွင် ထိတွေ့ခြင်း

စိုက်ခင်းများ၊ စက်ရုံများမှာ လုပ်ကိုင်နေသူများမှာ ထိတွေ့မှုများပြီး ရောဂါဖြစ်နိုင်ခြေများပါတယ်။

  • မိသားစုရာဇဝင်

မိသားစုဝင်ထဲမှာရှိရင် ဖြစ်နိုင်ခြေများပါတယ်။

  • ဓါတ်ရောင်ခြည်ကုသခြင်း၊ ကင်ဆာဆေး ကုသမှုခံယူခြင်း

ရင်ဘတ်ပိုင်းကို ဓါတ်ရောင်ခြည်ကုသမှုခံယူခြင်း၊ ကင်ဆာဆေးသွင်းခြင်းတွေဟာ ဖြစ်ပွားမှုကို မြင့်တက်စေပါတယ်။

  • ဆေးလိပ်သောက်ခြင်း

ဆေးလိပ်သောက်တတ်တဲ့သူတွေမှာ ပိုဖြစ်နိုင်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Interstitial Lung Disease (အဆုတ်ကြားခံနယ်ရောဂါဖြစ်ခြင်း) ကို ဘယ်လိုအတည်ပြုပါသလဲ

ဒီရောဂါရှိတယ်လို့ သံသယရှိရင် အောက်ပါစမ်းသပ်မှုတွေ အသေးစိတ်ပြုလုပ်ပါလိမ့်မယ်။

  • ရင်ဘတ်ဓါတ်မှန်
  • CT Scan
  • စွမ်းအားမြင့် CT Scan
  • အဆုတ်အလုပ်လုပ်နိုင်စွမ်း စစ်ဆေးခြင်း
  • အဆုတ်အသားစယူခြင်း
  • မှန်ပြောင်းကြည့်ခြင်း
  • ဗီဒီယိုအကူဖြင့် ရင်ခေါင်းအတွင်း မှန်ပြောင်းကြည့်ခွဲစိတ်ခြင်း

Interstitial Lung Disease (အဆုတ်ကြားခံနယ်ရောဂါဖြစ်ခြင်း) ကို ဘယ်လိုကုသပါသလဲ

အမျိုးအစားနဲ့ အကြောင်းအရင်းပေါ် မူတည်ပြီး ကွဲပြားပါတယ်။

ဆေးဝါးကုသခြင်း

ရောဂါအကြောင်းအရင်းပေါ် မူတည်ပြီး ကွာခြားပါတယ်။ အဓိက ၂မျိုးရှိပါတယ်။ အရောင်ကျစေခြင်းနဲ့ အမာရွတ်တစ်သျှူးများ ပျောက်စေခြင်း ဖြစ်ပါတယ်။ ကိုယ်ခံအားနှိမ့်ပေးတဲ့ဆေးတွေပေးပြီး မိမိကိုယ်ခံအားက ပြန်တိုက်တဲ့ရောဂါတွေကို ကုသပေးပါတယ်။ ဖြစ်စေနိုင်တဲ့အရာများကို ထိတွေ့ခြင်းကနေ ဖယ်ရှားရပါမယ်။ မိမိရဲ့ ဆရာဝန်ဟာ အကြောအဆစ်အထူးကု၊ နှလုံးအထူးကု စတဲ့ဆရာဝန်များနဲ့ ပူးပေါင်းပြီး ကုသနိုင်ပါတယ်။

အောက်ဆီဂျင်

အောက်ဆီဂျင်ပေးခြင်းဟာ အဆုတ်ထိခိုက်ခြင်းကို မရပ်တန့်နိုင်ပေမယ့် အသက်ရှူပိုကောင်းပြီး သွေးအတွင်းအောက်ဆီဂျင်နည်းမသွားအောင် ကူညီနိုင်ပါတယ်။

ခွဲစိတ်ခြင်း

တခြားနည်းများနဲ့ ကုသမှုမထူးခြားတဲ့အခါ အဆုတ်အစားထိုး ခွဲစိတ်ကုသခြင်း ပြုလုပ်နိုင်ပါတယ်။

နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများ

ဘယ်လို နေထိုင်မှုပုံစံနဲ့ အိမ်တွင်းကုထုံးတွေက အဆုတ်ကြားခံနယ်ရောဂါဖြစ်ခြင်း အတွက် အထောက်အကူ ပြုသလဲ

အောက်ပါအခြေအနေတွေက အထောက်အကူပြုပါတယ်။

– ဆေးလိပ်ဖြတ်ခြင်း။ ဆေးလိပ်သောက်ခြင်းဟာ ရောဂါပိုဆိုးစေနိုင်တာမို့ ဆေးလိပ်ဖြတ်ပါ။ ဆေးလိပ်ဘယ်လိုဖြတ်မလဲဆိုတာ ဆရာဝန်နဲ့ တိုင်ပင်ပါ။

– အာဟာရပြည့်ဝအောင်စားပါ

အဆုတ်ရောဂါရှိသူများဟာ အစားပျက်တတ်တာကြောင့် အင်အားပြည့်ပြီး အသက်ရှူကောင်းအောင် စားသောက်သင့်ပါတယ်။

– တက်ကြွစွာနေပါ

ကိုယ်လက်လှုပ်ရှားလေ့ကျင့်ခန်းများ တတ်နိုင်သလောက်လုပ်ပါ။

– ကာကွယ်ဆေးထိုးပါ

အသက်ရှူလမ်းကြောင်းရောဂါဝင်ခြင်းဟာ အဆုတ်ကြားခံနယ် ရောဂါကို ပိုဆိုးစေပါတယ်။ အဆုတ်ရောဂါကာကွယ်ဆေး၊ တုတ်ကွေးကာကွယ်ဆေးများ ပုံမှန်ထိုးပါ။

သိလိုတဲ့အချက်တွေရှိရင် ဆရာဝန်နဲ့ တိုင်ပင်ဆွေးနွေးတာ အကောင်းဆုံးပါပဲ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"
    ရင်းမြစ်များ

    သင်ဒါလည်း နှစ်သက်နိုင်ပါတယ်။

    ဝှေးစေ့ကင်ဆာအကြောင်း တစေ့တစောင်း

    လိင်ကျန်းမာရေး အမျိုးသားရောဂါ ကင်ဆာကုထုံး ရောဂါလက္ခဏာများ ဝှေးစေ့ကင်ဆာ ဘယ်သူတွေမှာ အဖြစ်များလဲ ရောဂါရှိမရှိ ဘယ်လိုစစ်ဆေးမလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    ဆီးလမ်းကြောင်းပိုးဝင်ခြင်းရဲ့ ရောဂါလက္ခဏာများ

    မျက်စိနဲ့မမြင်ရတဲ့ ပိုးမွှားအကောင်လေးတွေက ဆီးလမ်းကြောင်းထဲကို အကြောင်းအမျိုးမျိုးကြောင့် ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    လည်ချောင်းခြောက်ပြီး ယားနေတာ ဒါတွေကြောင့် ဖြစ်နိုင်တယ်နော်

    အအေးမိဖျားနာ ဓါတ်မတည့်ခြင်း ခံတွင်းခြောက်ခြင်း ရောဂါလက္ခဏာများ ရာသီအကူးအပြောင်းကာလ အိပ်နေစဉ်အသက်ရှုရပ်တန့်ခြင်း ပျောက်ကင်းသက်သာအောင်ဘယ်လိုလုပ်မလဲ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    အိပ်ပျော်နေစဉ် အသက်ရှူရပ်တန့်သွားခြင်း (Sleep Apnea)

    ရောဂါလက္ခဏာများ ဘယ်လိုကုသမလဲ အိပ်ချိန် ဘယ်လိုလူတွေမှာအဖြစ်များလဲ ဦးနှောက်လုပ်ဆောင်ချက် အိပ်ပျော်နေစဉ်အသက်ရှူခြင်း အိပ်ချိန်ကိုအနှောင့်အယှက်ဖြစ်စေခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat

    သင့်အတွက် ရွေးချယ်ထားသည်

    ကြက်ညှာချောင်းဆိုးရောဂါ အချိန်မှီကာကွယ်ပါ

    ကြက်ညှာချောင်းဆိုးရောဂါ အချိန်မှီကာကွယ်ပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 3, 2020 . 2 mins read
    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇွန် 8, 2020 . 3 mins read

    ကလေးများတွင်ဖြစ်သော မျက်လုံးတိမ်စွဲခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Zon Aung
    ရေးသား ထုတ်ဝေခဲ့သည် ဇန်နဝါရီ 20, 2020 . 2 mins read

    ပုံမှန်မဟုတ်တဲ့ စိုးရိမ်ပူပန်လွန်ကဲခြင်း လက္ခဏာများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat
    ရေးသား ထုတ်ဝေခဲ့သည် စက်တင်ဘာ 17, 2019 . 3 mins read